تحدت الطوفان الجزء الثاني

الفصل السابع

الحلقة(7)( تحدت الطوفان2:- تحدي الطوفان)
بقلم :أسماء أبوشادي
______________________________________
سبحان الله وبحمده سبحان الله العظيم
اللهم إني استغفرك وأتوب أليك انى كنت من الظالمين
استغفر الله الذي لا إله إلا هو الحي القيوم وأتوب إليه انى كنت من الظالمين

في شركة زين المنصوري

وصلت سيلين و معاها رامي علشان تحضر الاجتماع اللي اجلته من شوية

زين المنصوري صاحب الشركة ( / أهلا وسهلا بشمهندسة سيلين

( أميرة السعادة:- هقولكوا على سر بس ماتقولوش لحد. زين ده بطل الرواية الجديدة ' اميرةالسعادة' 😤😤 )

سيلين بجدية / أهلا بيك يا استاذ زين انا اسفة اني أخرت الاجتماع شوية أتمنى ماكنش ازعجتك

زين / لا ولا يهمك يا بشمهندسة وكويس ان حضرتك طلبتي الاجتماع يكون هنا علشان الوقت

سيلين / اه اكيد الوقت مهم. أحب اعرفك بشمهندس رامي تاج الدين ابن عمي

زين / أهلا وسهلا بشمهندس رامي ( وبص لسيلين ) أتفضلي نبدأ الاجتماع

( قعدوا وبدأوا يتكلموا في الشغل لكن تصرفات زين غريبة شوية و مش مركز خالص وبيقلب في الورق بعصبية شوية
و رامي مش مرتاح خالص لتصرفاته وبدأ يقلق لكن سيلين بتتعامل بلا مبالاة المهم الشغل )

سيلين بجدية/ انا عارفة بموضوع الشراكة اللي بينك وبين هشام وعارفة ان في ثقة متبادلة بينكم وطبعا التعامل هيفضل زي ماهو في الصفقة دي لحد ما الأمور ترجع لوضعها الطبيعي

زين / ان شاء الله

سيلين/ طيب ممكن ورق الصفقة علشان اشوف المواصفات والشروط

( زين بيشوف الورق اللي ادامه بطريقة مريبة وكأنه مش شايف اصلا هو بيدور فثغلي ايه أو في ايه و رامي مراقبه ومركز معاه جدا )

رامي بهمس لسيلين / سيلين يلا نمشي انا مش مرتاح

سيلين بهمس/ أهدا يا رامي خلينا نخلص من ام الاجتماع ده

زين مرة واحدة زق الورق وخبط دماغه جامد بأيديه واتكلم بعصبية مفرطة كأنه بيتخانق مع دماغه

زين بعصبية / اطلعي بقى

رامي و سيلين اتنفضوا مكانهم و رامي كان هيقوم يخرج بسرعة لكن سيلين مسكته من ايده وقعدته تاني

سيلين بثبات / إحم أستاذ زين انا شايفه اننا نلغي الاجتماع النهاردة لأن شكل حضرتك مش مركز وبعدين تبقى تبعتلي ورق الصفقة ونشوف هنعمل ايه

زين اتحرج واتضايق من اللي عمله ادامهم والصورة اللي اخدوها عنه

زين بتعب / انا بجد اسف بس انا مرهق شوية ومش مركز