تحدت الطوفان الجزء الثاني

الفصل الحادي عشر

الحلقة(11)(تحدت الطوفان٢؛تحدي الطوفان ) بقلم:-أسماء أبوشادي
____________________________________

اللهم يسر لنا أحوالنا وانر طريقنا

دا الجزء اللي قولت عنه امبارح

الساعة 5 المغرب

سيلين رجعت بدري و عملت الغدا وأكلت هي وأسر وقالتله أنها هتطلع فوق تشتغل شوية

وأسر قعد تحت يتفرج على T.V شوية وبعدين حس بملل لأنه من يوم ما اتصاب وهو ماخرجش مع صحابه ولا بيروح شغله. بس بيروح شركات تاج الدين وبيساعد أبوه ودايما معاه بحيث أن ده كا أعتذار عن غلطه فيه

طلع أسر اوضتهم
كانت سيلين قاعدة على الشذلونج بتاعه و اللاب توب على رجليها و لابسه النضارة الطبية بتاعتها ومركزة جدا لدرجة انها ماحستش بدخوله

أسر بزهق / هتفضلي تشتغلي كدة كتير

سيلين بخضة / وانت هتفضل تدخل كدة كتير مش تخبط الأول

أسر / اخبط قبل ما ادخل اوضتي انا و مراتي ( و اتك على كلمة مراتي زي ما بيعمل كل ماينطقها اليومين اللي فاتوا )

سيلين/ اديك قولت اهوه انا مش أوضتك لوحدك انت بتفزعني كل ما

( قاطع كلامها رن التليفون بتاعها فمسكته وكان هشام الجاسر ردت عليه )

سيلين بجدية / الووو
..............
سيلين/ الحمد لله انت روحت على بيتك ولا لسه في الشركة
....................
سيلين بعملية / تمام انا بجهز اهوه ليها وبدرسها لأن الصفقة ذي مهمه وهترفع من مستوى شركتك جدا
....................
سيلين بجدية / مافيش تعب ولا حاجة وبعدين قولتلك انت صديقي والصديق وقت الضيق وكمان دي آخر صفقة هعملها قبل ما اسيبك ترجع للشقى تاني ربنا يقويك يارب
...................

( اسر كان واقف بيراقبها و نفسه يخنقها لكن هو عارف انها بتاعتنا بحسن نية وهي شرحتله قبل كدة وجهة نظرها في موقف هشام
ولاحظ اسر تحول ملامحها للضيق الشديد )

سيلين بضيق / وبعدين يا هشام قولتلك ماتعملش كدة انا لما وقفت جنبك كان بصفتي صديقة و دا بدون مقابل وأظن انى مش محتاجة لفلوس أبدا وأي صفقة أو مناقصة كسبتها لشركتك دي كسبتها لأني وقتها كنت بساعد صديقي مش كسبتها علشان صديقي مش علشان اكسب من وراها فلوس
...................
سيلين بعصبية / هو ايه اللي حقي
ماتعصبنيش على اخر اليوم اللي انا عملته دا مش حقي لا انا قبلت انك تكون صديق ليا والصداقة ليها حقوق و اجبات وقيم
من حق الصديق أن صديقه يقف جنبه ويساعده ويلاقيه جنبه لما يحتاجله
واللي انت قولته ده غلط في حقي وفي حق الصداقة يا هشام و ياريت ماتكررش ده تاني لأني وقتها هتأكد انك ماتعرفش يعني ايه معنى صديق
...................
سيلين/ لا انا زعلانة فعلا و دلوقتي هقفل معاك. واشوفك بكرة في الاجتماع. سلام