تحدت الطوفان الجزء الثاني

الفصل العاشر

الحلقة(10)( تحدت الطوفان؛ تحدي الطوفان) بقلم أسماء أبوشادي
______________________________________

اللهم ارزقني بسعادة يتعجب لها أهل الأرض أجمعين
اللهم ارزقني بالذرية الصالحة واجعلني ذرية صالحة

سيلين رجعت بيتها مع اسر وجهزت كل حاجتها اللي بتستخدمها يوميا على مضض و اسر كان معاها وقاعد في اوضتها وهي مرتبكة من وجوده
خلصت كل حاجة وباقي الملابس الخاصة ( مش محتاجة اوضحلكوا يعني البكيني )

سيلين بتوتر / ممكن تنزل الشنط دي تحت

أسر ببرود / جهدي انتي بس ومالكيش دعوة هبقى انزلهم كلهم

سيلين بغيظ / انا عايزة أجهز حاجاتي الخاصة فلوسمحت شوية خصوصية يعني

أسر / طيب ما تجهزيهم هو في حد غريب انا جوزك

سيلين بصوت عالي/ ما انا عارفة انك جوزي

أسر كتم ضحكته على منظرها وهي مكسوفة ومتوترة / 5 دقايق وتكوني خلصتي

بعد خروج آسر/ صبرني يارب شكل الأيام الجاية هتبقى بيضة

@@@@@@@@@@@@@@@@@@@@

سيلين راحت شغلها بسرعة بعد ما جهزت شنطها وحاجتها وكانت متأخرة
فكان عندها ضغط شديد في الشغل وانشغلت طول اليوم بين الاجتماعات واللقاءات و الصفقات والتليفونات تبع الشغل

واتكلمت مع نها شوية زي كل يوم وقالتلها ان هي وأسر هيعيشوا في بيته و ماقالتش اي اسباب و نها ماضغطتش عليها لأن عارفة سيلين مش بتحب حد يتدخل في خصوصياتها

@@@@@@@@@@@@@@@@@@@@

أحمد كان في شغله واليوم كان ممل بالنسباله لأن رحمة راحت الجامعة النهاردة مع ليلى

وكمان رامي اليوم بالنسباله أيام مش يوم

اتصلوا ببعض واتفقوا يروحوا الجامعة وياخدوهم سوا ويروحوا على بيت سيلين يتعشوا معاها لأنهم امبارح مالحقوش يقعدوا سوا بسبب اسر لما اخد سيلين ومشي

وصلوا و قعدوا شوية في الكافترية معاهم وبعدين اخدوهم ومشيوا

@@@@@@@@@@@@@@@@@@@@

بعد يوم طويل ومتعب ومليان حاجات كتير
استهلك قوة سيلين كلها دا غير نقاشها مع اسر الصبح

رجعت سيلين على بيتها وفتحت الباب وطلعت أوضتها وبعد ما طلعت افتكرت ان اسر اخد شنطها وحاجاتها وقال هينقلها على ما تيجي

سيلين اتنهدت بتعب هي اصلا ما صدقت وصلت البيت وطلعت اوضتها
دلوقتي هتنزل وتروح بيت اسر ولسه هتطلع اللبس من الشنط وبعدين تنزل المطبخ اللي مش عارفة فيه اي حاجة وتعمل أكل لأنها هتموت من الجوع

فضلت تفكر شوية وبعدين قامت من مكانها و دخلت اخدت شور وغيرت هدومها بلبس رياضي مريح ( اكيد يعني عندها هدوم كتير وما اخدتهاش كلها في الشنط )
وبعد كدة اخدت الموبايل والورق اللي جابته معاها واللاب توب. وراحت على بيت اسر