تحدت الطوفان الجزء الثاني

الخاتمه

الخاتمة ( تحدي الطوفان) بقلم:-أسماء أبوشادي اميرةالسعادة
______________________________________

سبحان الله العظيم
سبحان الله وبحمده

انا اتكسرت انا انهزمت
قتلوا حبيبتك وهي لسه بتتنفس
روحي بتتعذب ومش قادرة اتخلص من عذابي
أين الخلاص
ذبحوني بسكينة باردة لكن ماوصلش حدها لشريان الحياة. بس جرحتني في مقتل وسابوني انزف و روحي تتعذب وتتألم.
كنت بهرب بخيالي واشوف نفسي في حضنك وعايشة في امان
لكن كنت بصحا على الكابوس اللي انا موجودة فيه

سيلين بعد مافاقت وهي في قصر ابوها. طلبت من اسر انهم يروحوا على بيتهم لأنها هترتاح هناك اكتر

وأسر ما اعترضش وساعدها تقف علشان يمشوا لكن هي ماقدرتش تقف على رجليها بسبب الحقنة اللي نها عطتهالها واسر شالها وهي دفنت راسها في حضنه

العيلة كلها اعترضوا على انهم يمشوا لكن أسر حسم الموضوع وقال إن المكان اللي هي تطلب تعيش فيه هيروحوه ولو هي طلبت ترجع هنا هيتنقلوا فورا
وأسر طلب منهم ماحدش ييجي يزورهم. ونها قالت ان ده ضروري علشان حالتها. وطبعا اخواتها اعترضوا لكن نها قالتلهم ان سيلين نفسها هي اللي لازم تطلب تشوفهم.
و وضحت ان حالتها صعبة وممكن تدهور لو ما اتعاجلتش فوراً وأول طريق للعلاج هو انها تحكي كل اللي حصل معاها.
علشان تقدر تتخلص من تعبها و وجعها بسهولة

@@@@@@@@@@@@@@@@@@@@

بعد أسبوع
في بيت أسر و سيلين

أسر بأبتسامة/ يلا حبيبتي علشان ميعاد العلاج

سيلين بخفوت / حاضر

أسر بصلها بوجع وألم وحزن شديد على حالتها

فات اسبوع ولسه مافيش اى تغيير او تحسن في حالتها. مابتعرفش تنام غير بالمنوم والمهدئات وكمان بتصحا بالليل تصرخ بهيسترية وهي في حضنه. وغير انها كل ما بتاكل بتستفرغ بعدها بشوية
و وشها اللي ملامحه اتغيرت كأنها كبرت 50 سنة
وتحت عيونها بقى اسود زي المدمنين وكمان لازم كل ساعتين تتصل بأفراد العيلة كلهم وتطمن عليهم ومع ذلك بترفض أنهم ييجوا يزروها وهما مش بيضغطوا عليها برغم قلقهم وخوفهم لكن وجود اسر جنبها مطمنهم
حتى نها حاولت تشوفها لكن سيلين رفضت وطلبت منها على التليفون تصبر عليها وهي بنفسها هتطلب منها تيجي هي ورامي وفارس

ومندو و فريدة
أول ماعرفوا الخبر من الصحافة وأن سيلين كانت مخطوفة سابوا كل حاجة وشغلهم في اسكندرية و راحوا القاهرة علشان يطمنوا على سيلين. لكن نها بلغتهم بحالتها وهما رفضوا يرجعوا من غير ما يطمنوا عليها. وقعدوا في بيتها القديم في انتظار أنها تسمحلهم يشوفوها )

سيلين أكلت وشربت عصير وبعد 5 دقايق بالظبط جريت على الحمام وأسر جري وراها و وقف يساعدها لحد ما خلصت وسندها خرجها بره الحمام بعد ماغسلها وشها