الحلقة (18)( تحدي الطوفان)
بقلم:- أسماء أبوشادي
___________________________________
استغفر الله العظيم رب العرش العظيم من كل ذنب عظيم
سيلين لبست هدوم من الموجودة في الدولاب. ونزلت وقلبها مليان رهبة من اللي هيحصل بعد كدة
سائر أول ما شافها قام وقف / ماشاالله عليكي يا حبيبة خّالك كني عم بشوف سيلا
سيلين بعنف / انا مش سيلا انا سيلين. سيلين تاج الدين
سائر / اووووه تاج الدين. طيب تعي نفطر بالأول وبعدين بنحكي
سيلين/ انا مش هفطر ولا هتزفت انا همشي من هنا دلوقتي حالا
سائر ببرود/ خلص طلاما ما بدك تفطري يبقى نحكي
ومشي سائر بأتجاه مكتبه و سيلين مشيت وراه
أول ما دخلت شافت واحد من رجالة سائر قاعد وادامه لاب توب و شاشة عرض كبيرة. في ركن من المكتب
سائر قعد علي كرسي مقابل للشاشة وطلب منها تقعد علي الكرسي المقابل له. وبعدين شاور للمساعد بتاعه
المساعد / تحت امرك يا سائر بيك
سائر بأبتسامة الغامضة/ خلينا نبلش لأني كتير متحمس
بدأ العرض على الشاشة. وكان أول فيديو ل عادل تاج الدين وهو خارج من الشركة.
وبعدها باللحظة فيديو لأحمد ورحمة وهما في فندق من فنادق تاج الدين
وبعدها فيديو من جوا قصر يوسف تاج الدين. كانت سناء قاعدة في الجنينة هي و هاجر ونورا
وبعدها فيديو من الحضانة اللي فيها ملك بنت محمود. وكانت ملك ظاهرة
وآخر فيديو لآسر وهو متعصب ومعاه الظابط حازم. كانوا خارجين من الفندق اللي هي كانت قاعدة فيه
الفيديوهات كلها بقت موجوده على الشاشة في لقطة كاملة
سيلين مابقتش عارفة تقول ايه الصدمة كبيرة والخوف اكبر. عيلتها ادامها وكأنه بث مباشر
سيلين / إ انت. ايه دا
سائر / بمين تحبي نبلش بالأول
سيلين قامت من مكانها بسرعة وبتقرب منه علشان تهجم عليه. هي عايزة تخنقه تقتله. لكن قبل ماتوصله كان في اتنين من رجالته مسكوها مع ان وقت ما دخلت ماكنش في حد
سيلين بصوت عالي/ لو فكرت تقرب من اي حد فيهم هقتلك. سامعني هقتلك لو لمستهم بس
سائر ما استأثرش خالص لا بكلامها ولا انفعالها / انا كّيف بدي ألمسهم وانا هون سيلين
سيلين بتحاول تخلص نفسها من اللي مسكينها لكن طبعا نسبة لاحجامهم هي مش قادرة
سيلين بصراخ / انت عايز ايه من عيلتي. عايز ايه
سائر ببرود/ إذا بتقعدي عاقلة وهادية رح تسمعي أما إذا ضليتي على ها الحالة مارح تسمعي شي وأكيد انا مابتعب حالي واحكي وانتي مافيكي تسمعي بالأساس
( بص لرجالته ) اتركوها شكلها هديت
أنت تقرأ
تحدت الطوفان الجزء الثاني
Romanceبقلم اسماء ابو شادي اميره السعاده احبته وتجاهل حبها جرحتها الدنيا بعد معرفتها لاسرار الماضي فتألم هو لألمها و انجرح لجرحها وايقن أن لا مفر من حبها ولكن أعلن قلبها العصيان و أبت الخضوع لحبه فأغرقها هو بطوفان مشاعره وعندما أوشكت على الاستسلام ح...
