تحدت الطوفان الجزء الثاني

الفصل الثالث عشر

الحلقة(13)(تحدت الطوفان ٢؛تحدي الطوفان)
بقلم؛أسماء أبوشادي
____________________________________

اللهم انك عفو كريم تحب العفو فاعف عنا
اللهم اغفر لي ولوالدي والمسلمين والمسلمات الاحياء منهم والاموات
رب لا تذرني فردا وانت خير الوارثين
ربي اني مسني الضر وانت ارحم الراحمين
لا إله إلا أنت سبحانك إني كنت من الظالمين

في صباح يوم جديد مليان سعادة وآمال

صحيت سيلين من النوم وأول حاجة شافتها لما فتحت عينيها كانت هي أسر بوسامته بالسلام اللي مرسوم على ملامحه اللي بيتبدل فورا لما بيصحى وبتكون ملامح شرسة وكأن مستعد يقتل اللي ادامه أو ينهشه
ابتسمت سيلين وهي بتفكر ان في نظرات خاصة بيها هي بس عمرها ما شافتها في عيون أسر ابدا إلا لما حست بصدق مشاعره تجاهها

اد ايه حياتهم هما الاتنين اتغيرت لما قربوا من بعض

سيلين قامت من السرير بهدوء خالص وبدون ما اسر يحس بيها

دخلت الحمام ولبست ترينج رياضي ونزلت جهزت الفطار وبعدين خرجت من البيت تجري شوية على ما يصحى أسر وليلى

آسر صحي من النوم وملقاش سيلين جنبه قام بضيق و دخل الحمام
وبعد شوية كان اسر لبس هدومه ومستعد علشان يروح شغله لأن اجازته خلصت

نزل أسر وملقهاش برضوه في المطبخ زي ماكان متوقع

فكر انها ممكن تكون مع ليلى. وقبل ما يطلع السلم علشان يشوفها لقاها داخلة من الباب و معاها فريند الكلب وبتضحك

سيلين بأبتسامة / أسر انت صحيت. صباح الخير

آسر كان متضايق منها لأنها قامت من جنبه وخرجت تجري وكل ده بدون ما تقوله لكن بمجرد ما شاف ابتسامتها الصادقة. أتحول ضيقه لراحة

آسر بأبتسامة \ صباح القمر دلوعتي

سيلين / الفطار جاهز يدوبك هحضره أطلع بس نادي ليلى زمانها صحيت دلوقتي

آسر / من عيوني حبيبتي بس خلى بالك اذا قومتي من حضني مرة تانية واحنا نايمين هعاقبك

سيلين رفعت حواجبها / هت ايه

آسر / هعاقبك. وأشد عقاب كمان

سيلين/ وهتعاقبني ازاي بقى يا حضرت المقدم أسر

آسر / حبس في السرير لمدة أسبوع يا حرم المقدم أسر تاج الدين

سيلين اتكسفت وماقدرتش ترد عليه بسبب نظراته الجريئة جدا و ملامحه التي لا تمس البراءة بأي صله

آسر ابتسم على خجلها وطلع ينادي ليلى

جرس الباب رن وسياين فتحت وهي عارفة ان رامي هو اللي جه لأنها اتصلت بيه وطلبت منه ييجي يفطر معاهم