تحدت الطوفان الجزء الثاني

الفصل الرابع

الحلقة(4)(تحدت الطوفان2:تحدي الطوفان) بقلم:-أسماء أبوشادي
___________________________________
سبحان الله وبحمده سبحان الله العظيم
اللهم إني استغفرك وأتوب أليك انى كنت من الظالمين
استغفر الله الذي لا إله إلا هو الحي القيوم وأتوب إليه انى كنت من الظالمين

شقيقتي حبيبتي
قسيت عليكي رغما عني
وقبل ان يؤلمك وجعك قد آلمني ولكن ألم مضاعف بملايين المرات
شقيقتي يا مهجة الروح و حبيبة الفؤاد
يا ثمرة انجبها لنا أبي
يا ابنتي وامي وشقيقتي
انتي الحنان بعد أمي
وانتي الدلال قبل ابنتي
وانتي الشقيقة الشقية
اشتاق لكي شقيقتي فإلى متى البعاد
اشتاق الى صوت ضحكاتك في كل مكان
اشتاق الى نظرتك اللائمة والعاتبة لي
اشتاق الى صخبك وإلى قهوتك والي طعام من صنع يدك
شقيقتي كفى بعاد وارجعي فتبا لحياة انتي خارجها

الحرس على أوضة هشام الجاسر حاولوا بكل طريقة يمنعوا دخول محمود لكن هو رفض وكان هيشتبك معاهم لكن سيلين كان قلبها حاسس ان ده هيحصل لأن شخصية اخوها مش من اللي بيقبل ان حد يمنعه عن حاجة هو عايزها

سيلين طلبت منهم يعطوا التليفون لمحمود اخوها

سيلين / محمود انا ادام باب المستشفى. انزل بدل ما أطلع ونتكلم عندك وغيرنا يسمع كلامنا

محمود بعصبية / ماشي يا سيلين انا نازل

محمود نزل وكانت سيلين وصلت بسرعة فائقة ادام المستشفى
بصتله وهي لسه في عربيتها وبعد كدة بصت ادامها على الطريق واتحركت بعربيتها وهو فهم وركب عربيته ومشي و راها بعربيته

وبعد شوية وقفوا هما الاتنين في مكان هادي ونزلوا من عربياتهم

محمود بعصبية/ هو انتي فاهمه لما تحطي كلبين ادام اوضته انا مش هعرف أوصله الكلب ده

سيلين/ هي الناس كلها عندك كلاب ولا ايه. الحرس كلاب والراجل اللي بين الحياه والموت كلب. ايه مافيش بشر في الدنيا غير عيلة تاج الدين والباقي كلهم كلاب وحيوانات

محمود / أيوة هو كلب. وقولي اللي انتي عايزاه بس انا مش هسيبوا لأن بسببه لأول مرة في حياتي اعمل حاجة مستحيل انى كنت اتخيل نفسي اعملها. رفعت ايدي عليكي

سيلين/ وليه بتقول ان ده بسببه يكونش هو اللي قالك أرفع ايدك واضرب اختك

محمود / انا مضربتكيش. ( واتكلم بهدوء شديد وندم ) انا مش عارف انا عملت كدة ازاي. كل ما افتكر ان ده حصل ابقى هموت وكأني شايف اللي عمل كدة واخد غيري مش انا

سيلين بصوت عالي / لا انت
أنت اللي رفعت ايدك عليا
أنت اللي مابتهتمش بأي حاجة غير مصلحة العيلة وبس
أنت اللي ممكن تدوس على الكل عشان كبرياء وغرور مش اكتر

محمود بصوت أعلى منها / انا ممكن ادوس على الدنيا كلها إلا انتي
ما اهتمش بكل الدنيا إلا انتي
انتي اختي حتة من قلبي