أسامه ..
جدو اريد اخطب ناديه واريد تساعدني . شكول ناديه توافق عليه .
الجد..سهله جدو انت ولد مثقف ومن عائله وابن عمتها مو غريب ...
نزلت جدو وبيبي ورجعت لبيت خالي عبد الكريم ...
قاسم...وين اسامه والحجي معقوله ليهسه موصلوا ...
سميره...هسه اشوفهم اخاف بيتهم ...
علاوي ..علي ...تعال عمه جدك رجع ...
علاوي ..اي من زمان نزلهم الولد كرايبكم وراح ...
سميره ..هاا....
هذا اسامه منزلهم ورايح ...
قاسم ...ليش شوف شلون عيب من الولد ...لوباقي يمنا ...
ناديه ...يلا بويه وين غداكم صار العصر ...
ناديه ..حاضر بابا هسه اصب ...
للعصر التموا خوالي ونسوانهم بيتنا يباركون الي ...وراها بيت عمي عبد الكريم وهيام هم اجوي علينا ...
قاسم ...ابو خالد لعد وين اسامه مو يمكم ...
ابو خالد ..اي يمنا اجه عليه صديقه وطلعوا يكعدون على دجله ...تدري هذا ابن البصره لازم يشوف الشط ويشتم هواه ...
قاسم..اي والله ابو خالد كون اخذك يوم للشط باليل هناك يمنا تحس هوى نظيف وكعده من العمر ..
ابو خالد ...ان شاء الله ...نجيكم لهناك ..
ناديه..عمو شأخبار رفيف هناك ...
ابو خالد ...الحمد لله ساكنه ويه بنات عربيات ...بس تشكي من الغربه والاكل تدرون متعلمه على اكلنا وهوستنا صعبه عليها ...
قاسم..هسه تروحلها ناديه وبعد متحس بغربه ...
بقوا بيت عمو يمنا لوقت متأخر يلا طلعوا ...
ابو خالد...قاسم باجر معزومين عندي بالبيت على الغدى ...وتعال من وكت عندي سالفه الك ...
قاسم..ان شاء الله ..
ناديه مدري ليش حسيت الموضوع يخصني ...شغلت تفكيري حجاية عمي ...
ثاني يوم طلعنا لبيت عمي ..
شفت اسامه يمهم حسيت بقلق من نظراته ترخصت رحت ويه هيام وعمه للمطبخ ...
ناديه..الله الله ريحة الاكل تجنن ترى ظلم حرام عليكم ...صبولنا
العمه ..مو تدلل استاذتنا بس يصلون الظهر نصب ...يلا هيومه نحضر المواعين ..
هيام..اي عمه ...يلا مدام ناديه ايدج ويايه ..
ناديه..لاعيني اني معزومه ...هههه
تغدينا وبعدها عمي اخذ وابويه والولد وراح للاستقبال ..وهيام اخذتني لغرفتها فوك ..سوالف وضحك ..سمعت عمتي صاحتنا ..
هيام ...هيام تعالوا ماما ...
كمنا نزلنا ...
قاسم..بابا نداوي عمج عنده حجايه وياج ..
ناديه..اتفضل عمو امر
عبد الكريم..مايآمر عليج عدو بنتي ...
مثل متعرفيين احنه جنا مبتعدين عنكم لاسباب هوايه ما داعي نزعج نفسنا بيها بس يابنتي انتي واخوانج بحساب خالد ورفيف عندي واحبكم واريد الكم الزينه والاحسن ...
التفتت على ماما اريد افتهم شي ماكو امي مدنكه راسها ..
ناديه ..اكيد عمو احنه هم نعزك ونحبك...
...
عبد الكريم ...اسمعيني عمو ابن عمتج اسامه طلب مساعدتي حتى يتقدم لخطبتج ...واني اشوفه مناسب الج وشاب ماعليه قصور خلوق وشهاده ووظيفه وابن عمتج وتعرفينه افضل من الغريب ...
صديت على بابا اريده يحجي ماكو ساكت ..كلها تريد مني جواب ...
قويت نفسي وكلت ...
عمو مادري شنو اكولك ...فاجأتني ...
عبد الكريم ...بنتي الج مطلق الحريه واحنه وياج فكري زين وشوكت ما حسيتي عندج رد اني موجود ...بس اريد تفرحيني ....قبل السفر حتى اطمن عليج لان كلبي خلص من القلق على رفيف هناك بالغربه ....
