وصلنا لبيت عمتي ...بعد السلام والترحيب صعدت لغرفتي ورتبت الجنط للعصر صاحتني عمه كريمه ...
ناديه..بلي عمه صحتيني
كريمه...
شوفي ناديه ..انتي هسه جنه بيت ابو سامر بيك ومثل مشفتي زوجة سامر وسام شلون بنات بشوات ومثقفات بلبسهم ونزاكتهم ..اريدج تكونين احسن منهم لان انتي محسوبه عليه لان بنت اخويه وزوجة الزغير المدلل ...
لذلك اريد هاي الفهاوه مال بنات بغداد تعوفيها ..الملابس والشعر والزواكه راح تجي( بالو ) الهنديه تعلمج عليهن ...
ناديه ..حاضر عمه...
كريمه...عمه شنو ...بابا كولي حاضر خاتون ...
هاي عود ستوني وصيتج ...شكد فاهيه ..يلا ارجعي لغرفتج...
استغفر الله هسه شجابني شورطني يارب خلصلي هذول الشهريين بخير وسلام ...
صعدت وبقيت بالغرفه لحد صلاة المغرب صليت ونزلت ..
ام سليمه بالمطبخ تحضر العشه...
ناديه..مساء الخير خاله ام سليمه ..
ام سليمه ...هاااا ...مسيت العافيه يمه ...
صلوات على محمد وآل محمد ...
ناديه..العفو خاله يمكن فزيتي ..اسفه والله ..
ام سليمه ...لا خاتون بس ما متعلمه واحد يمسي عليه هنا ...اني اخلص شغلي وروح لحجرتي ...
ناديه ..لا خاله اني ممتعلمه على السكته لازم احجي واسولف ...ههههه
ام سليمه ...ان شاء الله خير ..محروسه بالرحمن الرحيم ..يمه ..
ناديه..اشو ماكو احد وين عمتي وعمو ..
ام سليمه ...البيك ميرجع من وكت للبيت والخاتون ..معزومه عد صديقاتها ..
ناديه ...هاا زين خلي اساعدج بالعشه ...
ام سليمه ..لا لا خاتون استغفر الله ...ميجوز اني احضرلكم انتي والبيك ...والولد والباشا ميرجعون على العشى ...
ناديه ..دام هيج اني عاجبني احضر لاسامه العشى بالحديقه ...بين ميرجع من شغله ...
ام سليمه ..براحتكم خاتون ..
(شلون بنيه ورده ولا عبالك بنت اخوها للخاتونه الجبيره )
ناديه...خاله اريد مفرش للطاوله ...خاله .وين صفنتي ..
ام سليمه ..هاا العفو خاتونه ...اي اي هذا ..تفضلي ...
تم العشى الرومنسي والاجواء الحلوه بالحديقه وجانت ليله هادئه جدا بحياة ناديه واسامه ....
اجتي الكوافيره ثاني يوم علمت ناديه على المكياج وتسريح الشعر وبنفس الوقت باعتلها كم فستان وعلبة مكياج وكم قطعه قماش مثل متكول هذا موديلهم منقوش ومزكرش من الطرف وردن كلوش كبيره ....
مر على زواجهم ثلاث اشهر ومبين على ناديه اي علامه من علامات الحمل هذا الشي خله كريمه تقلق وخصوص هي متريد ناديه تسافر لندن فالحمل يخليها باقيه هنا كدام عينها ....
كريمه ...صباح الخير ...
العائله مجموعين على سفرة الريوك ...
صباح العافيه ..
صباح النور
..
كريمه ..بشر اسامه حجزت عند دكتور غالي ...سمعت مراح يطول بالبصره هوايه يرجع لبنان ...
اسامه بلا مبالات ....
اي ماما الحجز بعد ساعتين ...
كريمه ...احسب احسابك روح وياك ...
داشوف وين العله ...
ناديه تصنعت دور تجاهل لكلمات عمتها كدام العائله ...
الحمد لله ...من رخصتك عمو اروح احضر نفسي ...
العم ..مرخوصه بنتي ولديرين بال للمراجعه ترى هذا روتين قديم مال المتزوجه لازم بشهرها تحمل ...باباتي بعدكم زغار والعمر كدامكم ...
اسامه ..الله يحفظك باباتي ...والله نفس رأي بس اوامر الخاتون الجبيره منكدر عليها ...تريد حفيد يسهرها اليل ههههه
....
راحو للعيادة بعد مادخلت للدكتور وتم الفحص ..
دكتور غالي ...الحمد لله مدام بنتك مثل الفل ماعندا اي اعراض تمنع الحمل ..هاي كتبتلها شوية منشطات كل يومين حبه وعندا العافيه ان شالله ...
كريمه ..تسلم دكتور ...
