غريب في العراق

البارت -1-

هلوو انا جان من المانيا عمري 23 ساكن مع ابي وامي وبس يعني انا وحيد لاهلي اكيد تفاجئتو لان احكي عربي وكيف ممكن تقولو انا من اصول عربيه لا انا مو من اصول عربيه انا اجنبي لكن انا بحب السفر بقدر مااحب تعلم اللغات لذلك ان هسه اتكلم عربي وروسي وانكلش وتركي ومسافر للكثير من الدول اجنبيه وحتى عربيه بس دائما تكون رحلاتي للمتعه يعني اذهب للدول الي تكون امان وضروف اقتصاديه جيده طبعا انا هسه خلصت اخر فصل بلمدرسه والمفروض اقدم على الجامعه صح عمري اكبر من هيك بس هذا بسبب الرسوب والتأجيل طبعا انا من عائله غنيه كثيرا لذلك حياتي لا تتخللها الصعوبات عندي 3اصدقاء (جورج وسيرج وكوركت ) اقرب الناس الي هم اصدقائي كل سفراتي كانت معاهم وعندي صديقات بس ماعندي ولا حبيبه وطبعا انا من عائله مسلمه
اما مواصفاتي اسمر عيون واسعات وشعر اسود سرح وطوله متوسط يعني مواصفاتي ماتدل على ان اني اجنبي

اوكي بعد ماعرفتكم بنفسي خل ابده يومي

الجمعة الساعه 9:30pm
استيقضت مثل العاده لبست ونزلت
-Good morning
الام :Good morning
كلامي مع عائلتي بالغه الانكليزيه بس وياكم عربي حتى تفهمون
-الام :ابني افطر قبل ماتطلع (طبعا هاي الترجمه)
-لا مام اني طالع باي
ذهبت للكوفي ولقيت اصدقائي قبلي
-صباح الخير
-الشباب :صباح الخير
طلبت فطور
-اي شباب وين قررتو نمضي هاي العطله
سيرج:اني افكر ان نمضيها بلبلد بس ندور كل مناطقه
جورج وكوركت :موافقين
-اوكي اذا كان هيك بس انا جاي على بالي اروح لمكان هيج اكشن مااريد اروح اشوف اماكن حلوه شنو التغير ماعملنه شي نفس العاده اريد اعيش مغامره
كوركت :اذا هيج روح تعارك مع اهلك راح تعيش الاكشن
سيرج:هههههههه
-لك اني احكي جد ماااشاقه
المهم خلص اليوم مثل العاده ضحك وسوالف رجعت للبيت ابي رجع من الشركه كعدنه على الطاوله وكانت ماما فاتحه التلفزيون على الاخبار خلصت الاخبار المحليه بدت الاخبار العالميه كان اول خبر للعراق المذيعه قالت :انفجار عبوه ناسفه ادت الى وفاة العشرات وجرح المئات بما بينهم نساء واطفال في شرقي بغداد اترككم مع التفاصيل .
طلع التقرير طبعا مشوش لما فيه من صور دم وكذا بس شفت الاطفال والناس تبكي شي مؤثر كلش بابا كال طفو التلفزيون احنه جاي ناكل وبلفعل ماما طفته
-بابا احنه دائما نسمع انفجارات بالعراق معقوله بعد اكو ناس عايشين بيه ليش مايهربو -الاب :ابني وطنهم اذا تركو منو يحميه
-بس بابا همه متخلين عن نفسهم وعوائلهم
الاب:لا ابني بس الوطن غالي بعدين محد يعرف بداخل هل البلد شكو الكاميرا توصللنه بس السلبي بس اللايحابي محد يعرفه بس الي يعيش وياهم
-بابا مااعتقد اكو شي ايجابي عند ناس ينامون ويكعدون على اصوات انفجار يمشون لشغلهم ويباوعون على منظر الدم والاشلاء المقطعه يرحون كل يوم للدوام لو للعمل لو للسوق وهمه ماحاسين بأمان ممكن بلحضه يتفجرون شنو الايجابي بابا ليش همه شايفين الضحكه بحياتهم
الاب: لا ابني همه الي حياتهم جحيم تلكاهم دائما يضحكون وعايشين حياتهم ومتفائلين عسى ولعل بس العايشين بجنه همه الي يتبطرون

طبعا اثر بيه كلام بابا وخلصت اكل وصعدت لغرفتي فتحت نت وسويت سيرج على انفجارات العراق شفت كم هائل من الانفجارات وبدون تشويش وشفت الالم والحسره الي بعيونهم شفت هوايه فيديوات وتقارير عن الانفجارات وماحسيت بلوقت دك تليفوني شفته طلع جورج
-الو جورج
-الو جان انت وين ليش مااجيت ويانه شبيك تعبان
-لا مابيه شي بس عندي شغله اليوم ماراح اجي وياكم
-شنو هاي الشغله
-هيج كتلك شغله
-انت من شوكت تسوي شغلات وماتكللنه
-يله باي باي
وسديت التليفون طبعاً اني بلعاده ماابقه بلبيت اطلع وياهم لو نروح نلعب بليارد لو نفتر لو نروح بكوفي وهيج المهم صارت الساعه 7:00pmواني ماحاس بلوقت صاحولي على العشه تعشيت ورجعت طلعت اغاني عراقيه وطبعا اني اعرف اتكلم عربي لذلك افهم المعنى شفت اغاني وصوت وكلمات حسيت عمري راح علفاضي واني كل هل السنين مااسمع اغاني عراقيه اني سامع اغاني عربيه لما جنت ادرس اللغه العربيه بس العراقيه ماسامعهه واذا اريد احكم منو الاغنيه الاحلى مااكدر ولا اكدر احكم منو المغني الافضل ضليت كاعد على الاغاني ل6:00Amونعست حيل لذلك نمت وخليت الجهاز سايلنت صحيت الساعه 12:00pmفتحت التليفون لكيت الشباب داكين عليه هوايه من كل واحد نزلت سلمت على ماما وفطرت بلبيت اول مره صارلي هوايه ماافطر بلبيت حتى ماما فرحت بعدين شغلت التلفزيون وكعدت ادور اخبار على العراق اجت ماما كعدت يمي
-ابني خير صاير شي
-مثل شنو
-يعني متعارك ويه اصدقائك
-لا ليش تسألين
-اشوفك ماطلعت وياهم
-لا ماما بس عندي شغل شويه ومالي خلك اطلع
صعدت لغرفتي وطلعت مسلسلات عراقيه طبعا جان اغلب المسلسلات الي طلعن كميديى طلعت حلقه من واحد من المسلسلات وشفتهه حلوه وتموت ضحك صدوك مثل ماكال بابا شعب متفائل ويفرغ حزنه بضحكه ضليت بلبيت يومين ابد ماطالع وبهذن اليومين شفت مسلسلات واغاني واماكن حلوه بلعراق وشفت لقاءات ويه الناس البسطاء طلعو حتى الناس روحهم حلوه والضحه ماتفارقهم طبعا هذا الشعب عجبني اني اتوقعت كل ضحكهم مجرد تمثيل بلمسلسلات بس لما كامرى تتجول بشوارع وتكون كل ردات الفعل حلوه ومضحكه والغريب بشعب مابيه بيت مافاقد عزيز هذا شي عجيب اخر شي سويت حساب عربي بأسم عربي ودخلت لكروبات عراقيه مانشرت ولا علقت على اي منشور ضليت اتابع بصمت شفت اشياء مافهمتهه ومااكدر اسأل عليهه لان محد يصدكني طبعا كلمات مافهمتهه خاصه بلهجتهم والغاز حسيتهه الكل يفهمهه ماعداي نكتهم الغريبه كلامهم الاغرب اشياء حسيتهه حلوه يومين اني ماطالع من البيت بس حسيت نفسي مشيت باماكن احلى منهه ماكو عرفت وين لازم اقضي عطلتي لازم اروح للعراق بس العراق كلش خطر يعني اذا افاتح اهلي بلموضوع مستحيل يقبلون واني اهلي ابد مايرفضولي طلب بس لان يحسون اذا رحت للعراق راح ارجع جنازه ماكو خيار اني اعيش ومستحيل راح يقتنعون اما اني ماخفت اموت لان ناس عايشين بلعراق عيشه ولا احلى ليش اني اموت طبعا اني مؤمن بحقيقه كلمن يموت بيومه بس امي وابي مستحيل يفهمون واني مااكدر اتخلى عن هذا الحلم صار شي اساسي طبعا اني من محبي الاستكشافات اسكشفت هواي دول واستكشفت حتى اللغات فحبيت استكشف العراق واعيش المغامره والاكشن واهلي الا الكه طريقه اقنعهم لان اني صرت اريد اروح للعراق اليوم قبل باجر

الكاتبه :سيبال علي
قصتي الاولى اتمنى تنال اعجابكم
بس حابه اوضح ملاحضه لان اكيد راح تستغربوهه الكلام بالهجه العراقيه مع ان هو اجنبي طبعا هو هسه جاي يحجيلكم قصته وجاي يحجيلكمياهه بلهجه العراقيه يعني بعد مااتقن الهجه

اتمنى لكم قراءة ممتعه