يوم الخميس يوم حفله التعارف كلش فرحان اليوم رحت للجامعه شفت هواي طلاب جايين اليوم اول يوم وموجود كيك وعصائر وفد شي واحد من الشباب كال يله كل واحد هسه يعرفنه بنفسه اسمه وعمره ومنين بدو يعرفون بنفسهم طلعو تقريبا جايين من كل محافظات العراق من وصلي السره كلتلهم اني حاليا ساكن ببغداد بس جنت بلخارج بالمانيا بعد التعارف بدت فقره الاسئله كل شخص يسأل اي شخص ثاني سؤال كدام الكل بس باحترام كل الولد سئلو بنات الاسئله جانت متنوعه مرتبطه البرج الطول الوزن العائله هوايه اجت بنيه سئلتني اني كالتلي انته عايش لوحدك حاليا اهلك مو وياك كولتلهه اي لوحدي اهلي بقو هناك بعدين سئلوني ليش اجيت للعراق لو باقي هناك ومكمل دراستي احسلي كلتلهم بلنهايه العراق بلدي ولازم ازوره وارجعله واشوفه كلولي على الاقل متخرج وتجي للعراق ليش هسه انته وحدك متبهذل وتدرس والناس تعوف العراق حتى تدرس هناك وانته تسوي العكس ومامتعود كلامهم جان صحيح بلنسبه لعراقي بس اني مو عراقي ضليت ساكت وهمه منتظرين جوابي باوعت لفاطمه رأسن هيه كالت واني شو ماخليتوني اسأل سئلت وحده من البنات ونقذتني من هل الموقف بعدين بدينه نفتح مواضيع عامه ونتناقش بيهن طبعا اني ماشاركت بذن النقاشات لان ماافهم بلعراق شلون تمشي الامور بيهن بس همه سئلوني بالخارج شلون وهواي اسئله سئلوني عنهه بلخارج بعدين اجه ولد بغدادي كام يعيب على ولد موصلي بس طبعا بلشقه كام يعيب على لهجته لان اللهجه المصلاويه تختلف اختلاف كبير عن اللهجه العراقيه بشكل عام وهواي ناس ابد ميفهمونهه ومنهم ايهاب الي من بغداد لذلك كلش ضاج من لهجته لان صار اطرش بلزفه
-ايهاب :شباب شباب بربكم اسمعوا سيروان شلون يحجي
-الشباب:شلون يحجي وحد يعني
-ايهاب :يحجي مصلاوي حرام اذا يحجي يمي انكليزي يمكن اطلع كم كلمه اعرفهه ثانكيو وكود وسوري وكود مورنك ويمشي الحال بس كلامه ولا فهمت منه حرف
-الشباب :صدوك جذب بله احجي
-سيروان :شو احكي
-الشباب : هااا هايه مو مفهومه
-ايهاي :لك والله مساع حجه كلشما فهمت منه بله احجي هواي
-سيروان :اغشع انا مابشتغل عندك هسه حكيك احلى من حكييي
-ايهاب والله طلع مفهوم بعدين شبيه حجينه العالم كله يتمنى يتعلم حجينه مو حجيك كلشما ينفهم منه
-سيروان :هسه ازا مافهيمت تكون انته حيشاك غبي
-دخيلك احجي مثلنه وفك السالفه احنه مو كلنه عراققين شنو هل الاختلاف حته مانفهم عليك وحتى من نفهم بصعوبه حتى لكنتك غير شكل
-لعلمك الحكي المصلاوي قلييلين الي يحكوه ونادغين متلي فهمت
-هاا سمعتو والله كلمه ماافتهمتهه ضاع عليه الجمله كلهه
-علي :جا انته تحل جمل متغاطعه لاتسوي نفسك اثول وتغلد على الولد
-والله انته من البصره مو صح
-اي صح
-هههه عود اجه يدافعله لك شنو هذا حجيك انته
-ليش شبيه يسودن
-ههههي ياام حسين جنتي بوحده صرتي بثنين مصلاوي وبصراوي شوفو تره اني كلشي ولا الحجي مااضمنكن الساني تره مااتحمل مااقلد على حجيكم وانتم لازم تتحملون
-سيروان :واحنه همينه مانضمنلك السانه وغاح نقلد على حكيك
-ايهاب :ههههه عيني شتقلدون واحنه البغداديين مانتقلد
-سيروان :ليش في ويحد كامل الكمال بس لله
-والنعم بالله بس اني احجي على اللهجه يله هسه احجي على لهجتنه
-علي :اخوان كم واحد من بغداد
اعععع هواي كم واحد محافضات
لا جا احنه مانندك بيكم هم كاعدين بمحافضتكم وهم قله احنه
-ايهاب :ههههه لا تره اني اشاقه احنه نحطكم بعيونه بس فدوه عدلو حجيكم تره والله مااتحمل اسكت
-جاان :ماهذا هل هو اعتذار ام تهديد ام ماذا
-ايهاب :والله ربحت اجاني الثالث يحسسني جنه كاعدين بفلم الرساله
ضلينه نحشش ونتعارك وايهاب ماسلم منه احد كلهم قلد عليهم واتعارك وياهم كل القسم حبو واني منهم لان شخصيته حلو ينحب اجتماعي بلرغم من انه يحجي هواي ومزعج شويه وصاحب مشاكل بس ينحب بعدين قطعنه الكيك واكلناه وشغلنه اغاني وكل الشباب ركصو بس البنات ضلن بس يباوعن الحفله جانت كلش حلوه اتونست بيهه وطبعا كل الكلام الي حجيناه اني جنت فاتح موبايلي وسجلته صوت حتى اتعرف عليهم زين واول لقاء يفيدني رجعت للبيت قليت فلافل واتغديت بعدين نقلت التسجيل الصوتي لفلاشه وضميتهه وبالحفله اخذيت حسابات شباب هواي سوينه كروب خاص للصف بنات وولد وضافوني بيه سوالفهم كلش حلوه وولا يحجون بلدراسه ابد هل شي يفيدني طبعا رئيس الكروب ايهاب جنه ماخذ خاوه علينه واحنه ساكتيله همه يدردشون بلكروب واني بس اباوع والكلمه الي مااعرفهه اروح لفاطمه تترجملياهه اكو كلمات سئلت فاطمه عليهن كالت مااعرفهن احنه منحجي هيج بديت احفظ كلمات حتى ايهاب ميعيب عليه مو على مود غير شي بس اكتشفت ان اللهجه العراقية صعبه مو بلسهوله تعلمهه بعدين اتصلت باهلي صالي هواي ممحاجيهم طمنتهم عني بعدين خابرت الشباب فتحولي كامره واني هم فتحتلهم كاميرى طلعو رايحين بليخت يفترون ويتعشون عشه يخبل ومتونسين شكد ماجنت فرحان والامور مشت وياي عدل من خابرتهم ضجت اتمنيت اكون وياهم اشتاقيتلهم اني متعود افارق اهلي ومامتعود افارقهم علاقتي كلش قويه وياهم انوب طالعين يتونسون ويكلولي ناقص بس انته وتكمل لمتنه وبعدين كلولي وين اصدقائك شو محد يمك كامو يشمتون همه هم ضايجين عليه ادري بيهم بس ميحسسوني
الكاتبه : سيبال علي
اتمنى لكم قراءة ممتعه
أنت تقرأ
غريب في العراق
Adventureقصه تتحدث عن شاب اجنبي يحب المغامرات والسفر للعديد من الدول حتى يقرر اخير السفر الى العراق في ظل ضروفه الصعبه وتبدا مغامره جديده في حياته وليس كأي مغامره فلنتابع :
