غريب في العراق

البارت - 9-

-صباح الخير
-سيروان : صباح النور
-اين ايهاب
-علي :ماجاي
-ليش اتصلو فيه
-علي : اني ماعندي رصيد ومامستعد اصرف على موده
-سيروان : لا تدحقوا فيني هيك ما عندي غصيد -علي : هوه ينلام بيك ايهاب شنو غصيد شبيك رصيد رصيد
-جان :اصمتوا لاتصل
-الووو ايهاب شلونك
-ايهاب : زين اكول انته جان مو
-اي
-لك انته من شوكت تكول شلونك اتوقعت اتكول كيف حالك مثل العاده
-انا اتعلم الهجه للعراقيه الان
-هااا اي والله بيهه الخير
-لماذا لم تأتي اليوم اين انت
-بلبيت والله مريض
-حسنا بلسلامه
-اوكي باي
-سيروان : شبو
-مريض
-جذاب كلشما بيه مثل هذا مايتمرض
-لماذا تتكلم هكذا في النهايه هو بشر
-اي انته ظل على لاهيتك مو كلمن كلك اني مريض صدك مريض يتحجج شبيك
دخلنه للقاعه حضرنه المحاضره بهدوء اول يوم بدون تحشيش مع ان مافهمنه شي بس جنه هادئين حتى الدكتوره كالت هدوئكم عجيب
-فاطمه :دكتوره رئيس الشله غايب اليوم وضايجين عليه
-علي : لا والله شنو ضايجين عليه بس احنه هادئين هوه جان الي يحجي
-فاطمه :وانته فقير
-علي : ليش عندج شك
-الدكتوره : اتعاركو بعد كدامي كافي نرجع للدرس
خلصت المحاضره طلعنه للكوفي صمته
-علي : شنو شبيكم ساكتين ماتحجون
-سيروان : حضغتك ماتحكي
-لك تدري والله اشتاقيت لايهاب طلع اله وحشه الغثيث
-جان : هذا الكلام يجب ان يسجل ويسمعه ايهاب
-لك لا والله يشيل خشمه علينه فوك ماهوه شايله اصلا
-سيروان : شباب شنو غئيكم اليوم نزوغه
-جان : فكره جيده
خلصنه المحاضرات بلكوه كلش ضوجه وكلساع واحد من القاعه يجي يسألنه وين ايهاب نكوله مريض الكل حس بغيابه طلعنه واتفقنه انروحله العصر فعلا العصر التقينه ورحناله دكينه الباب طلعت امه مره كبيره بلعمر ومبين عليهه تعبانه -علي : هله خاله العفو على الازعاج بس احنه جايين نشوف ايهاب
-تفظلو تفظلو محد بلبيت ايهاب فوك راح اصعد اصيحله
-سيروان : لا خاله لا نحنا نصعدلو اذا مابيهه زحمه
-زين خاله اتفظلو اصعدوا اخذوا راحتكم
صعدناله فوك لكيناه كاعد على الطرف ويدخن
-علي : ووووووولك
ايهاب كمز كمزه وعاط ودار وجهه بنفس الوقت -انتو شجابكم
-سيروان : هاي بدل ماتقول هلا بيكم تقول شو جابكم
-اتفظلو اتفظلو
انباوع السطح مامفروش وحار وحتى كراسي ماكو
-ماتكعدون
-جان : اين نجلس
-والله لا تنتظرون اعزبلكم راح اجيب كراسي واجي راح لغرفه فوك جاب 3كراسي وهوه رجع كعد بلطرف
-اي ماكلتولي شجابكم انتو ماتجوني الا عدكم مصيبه
-سيروان : مو انته مغيض اجينه نزوغك
-والله مافهمت شي ترجمولي
-علي : مو على اساس انته مريض واجينه نزورك
-واليجي يزور مريض هيج يجي ايد وره وايد كدام غير يجيب وياه شي
-علي : والله احنه جنه شاكين انته مريض وطلع شكنه بمحله همزين ماكلفنه نفسنه
-جان : لماذا لم تأتي اليوم وتقول مريض وانت ليس كذلك
-ماعجبني اجي جنت تعبان وجذبت اشمدريني اطلع عزيز وتجوني تشوفوني
-علي : لا لاتصدك نفسك لا عزيز ولا بطيخ بس هذا اصلنه هيج
-جان : كذاب هو اكثر شخص اشتاق لك اليوم
-احلف
-سيروان : واني اشهد على حكي جان
-هاا عليوي طلعت تحبني
فجاءه قطعت كلامنه ام ايهاب اجت جايبه صينيه بيهه كعك وجاي باوعنه لايهاب تلعثم وشمر الجكاره بسرعه وضم الباكيت وتوتر
-صدك جذب ايهاب مكعدهم هنا تطبوا جوه شمكعدكم بهل الحر
-لا يمه متعودين همه
-سيروان : اي خاله قاعدين على هوا الله وهل المنضغ
-براحتكم يمه
ونزلت
-علي : ولك ايهاب ليش ضميت الجكاير من اجت امك
-لك اهلي مايعرفون اني ادخن
-سيروان : وليش ماقايللهم
-شكللهم مايرضون اني شلي بهل الدوخه
علي : وانته من شوكت تدخن
-صالي سنتين
-علي : سنتين ومايدرون
-اي
-سيروان : مين علمك
-صديقي
-جان : صديق سوء
-لا والله صديق احسن منكم
-علي : ليش احنه شبينه
-جان : اهلك الحق معاهم التدخين مضر بلصحه -اهووو دخيلك جان انته مو متعود على جو نظيف وحياة هادئه وتحافظ على صحتك احنه هنا اذا تكللنه وانته تدخن تموت بعمر الاربعين انكلك جا هيعوني هو ياهو اليوصل لالاربعين الف سبب يموتنه هنا بقت على التدخين
-علي : هله هله طيور
-ايهاب : عجبنك
-علي : مالاتك
-اي
-جان : ماذا تفعل بهم
-ايهاب : اباوعلهن
-علي : ليش هوه يابيت بلعراق مابيه طيور حتى لو محد يطير بس لازم اكو قفص وبس نعاين الهن ذكرتني بطيوري بلبصره
-سيروان : واني هم طيوغي بالموصل

كضينه العصريه ويه ايهاب وطلعنه
ثاني يوم دخلنه المحاضره
-الدكتوره : يله طلعو اوراق
-ايهاب : عدنه امتحان ومتكلولي
-علي : لك امتحانيش هو احنه مندري
-ايهاب : اني ماعليه انتم تردولي
-علي : دكتوره امتحانيش هذا
-الدكتوره : مو امتحان كوز هذا من عشره بلماده الي اخذناهه اسئله عشوائيه
-كتبتلنه الاسئله وكالت جاوبو بنفس اللحظه اغلب الصف كام سلم الاوراق فارغه واني والشله الكريمه اول ناس اباوع بس اثنين ولد كاعدين سجاجين القاعه  وفاطمه وصديقتهه وكم بنيه كملنه الامتحان بس خمس دقايق بدت تشرح كمل الدرس اجينه نطلع ونسمع فاطمه تكول لنور صديقتهه
-نور جاوبتي بلكوز
-اي جاوبته كله ولا خطأ عندي
-اه اني بس خطأ واحد حرامات
-علي : اه اي والله حرامات غلطتي
اكول انتو منين مخلوقات شوكت تقرن عود
-نور :شبيك علي هوه مادتنه القديمه مو كل يوم ينطونه تحضير انتو ماتقرون
-ايهاب : هههه هو دخل انجيب الملازم بعدين نحظر امشو امشو شباب احنه ماعدنه شغل ويه السجاجين
طلعنه وبالمحاضره الثانيه حددوا امتحان شهري ضلينه انهم بيه اهو منين اجه ومابيه حيل افهم
-ايهاب : شبيكم هو اكيد احنه راسبين شمتوقعين يعني
-جان : تفائل قليلا
-هااا اتفائل اوكي احنه اكيد راح نرسب يهذا الامتحان الرائع الجميل وهاي تفائلت بعد شتريد
-علي : هو انته شرايحلك مثلنه اقسام وهوسه وسره على الحمام والغده انته تسويه وملابسك انته تغسلهن
-جان : لماذا لا تعيشون معي
-سيروان : وين
-بشقتي
-علي : والله خوش فكره شتكول سيروان
-اي والله احسن بهواي
انتقلو يمي بلجمعه واتفقوا ويايه على ان اني وياهم بلنص بدفع الايجار ماقبلت اني بس همه اصروا كلتلهم من الشهر الجاي لان هذا دافعه وراح يخلص قبلوا على اساس همه انتقلوا على مود راحتهم حتى نقره للامتحانات بس ولا قرينه شي صار البيت هوسه بلرغم ماجابوا شي بس ملابسهم واكل صارت غرفه اليه وغرفه لعلي بعدين اشترينه جربايه وغيرنه ديكور غرفتي حتى تكفي لجربايتين اني وسيروان ضلينه بس نسولف ونلعب بذن اليومين وترتيب خابرنه ايهاب بلسبت بلوحده بليل سئلناه قريت كال لا والله مالي واهس عود هسه جاي اكلب بلمزمه بلكي افهم شي كلشما جاي افهم
-علي : حقك اذا  انته جاي تكلب حته ماتقره
-ايهاب : طمنوني انتو قريتوا
-الكل :لا
-ريحتوني لعد اني راح افتح نت وانتو مو تقرون
-سيروان : لك اقغه شنو تفتح نت
-اني موكتلكم راح نرسب لتحاولون
داومنه ثاني يوم بدينه نمتحن الدكتور فرق القاعه اني ضليت بس صافن مااعرف شكتب لا اني مسلم الورقه ولا اني كاتب اي شي اباوع للقاعه كلهه تكتب بس اني بس الشباب ماشفتهم صايرين وراي جانو واكفين علينه اربع مراقبين خلص الوقت واني كلشما كاتب طلعنه من الامتحان
-ايهاب : رحمه الله على البراشيم يمكن اوصل للخمسين من وراهن
-علي : حتى اني
-سيروان : اي والله
-انتو غشيتوا
-ايهاب : لعد انته لا تكول ماغشيت
-ماكنت محظر نفسي ولكن كيف غشيتو والمراقبين فوقنا كيف لم يروكم
-ايهاب : تعال بابا تعال ادخل عندي خصوصي بهل المجال والامتحان الجاي نجاحك عليه تعال خل اشرحلك شلون تغش
واخذني يشرحلي شلون اغش

أتمنى لكم قراءة ممتعه
الكاتبه : سيبال علي