مرت هواي ايام من المرحله الثانيه بين الامتحانات والشغل والجامعه والطلعات وحبي لفاطمه كل يوم يزيد بس احسهه هيه تعتبرني صديق لذلك كاتم بكلبي ومااحجي بعدين خطبوا ايهاب ونوره لان علاقتهم صارت خطره عليهه مخابرات وهيج شي واهلهه بدوا يشكون خطبوا واتفقوا بعد التخرج الزواج
بنهايه المرحله الثانيه قبل شهر من امتحانات الفاينل خابرني عمو خليل كليلي ابوك مجلوط انته لازم تجي تشوفه اني تلبكت ماعرفت
شسوي عفت كلش وسافرت وماكلت لاحد بس للشباب وصلت لكيته مخرجينه من المستشفى لبيت وحالته صايره شويه احسن عرفت ان هل الشي صاير قبل اسبوع ومحد مخبرني بس بعدين حالته ازدادت سوء وخافوا يموت
فكلولي بقيت هناك 3اسابيع كمشت الشركه لان بابا حالته ماتسمح وماخبرت اهلي ان اني بلعراق مو تركيا مشت الامور طبيعيه والشباب بلعراق هواي خابروني كالولي لازم تداوم لا يفصلونك بسبب الغياب اني جنت ملخبط بين
حاله ابوي وبين كذبتي على اهلي وبين الجامعه وبين العراق وبين الشركه خلال هاي الفتره ابي بدت حالته تتحسن لان عرضناه على احسن دكتور رجع يمشي ويجي للشركه
ويشتغل اني اخذيت استراحه شويه بس كالولي لا تعرضوه لاي صدمه وبعدوه عن المشاكل بقيت اسبوع حتى اتأكد من حالت
ابوي وهذا الاسبوع كضيته طلعات ويه الشباب لان مشتاقلهم هواي بس الظرف الي اجيت بيه ميساعد ابوي كلش فرح بيه لان درت الشركه وشتغلت شغل زين بغيابه كلي صرت رجال
وافتخر بيه واني متأكد لو يعرف اخباري واني شمسوي هناك يفتخر اكثر بس مااكدر اكله لان اخاف عليه رجعت للعراق حجيت ويه العماده واسطه وكتلهم ضروفي قبلوا مايفصلوني
ويمشون الوضع امتحنت الفاينل وبأخر يوم وره الامتحان اتجمعنه كلنه نفس القاعه ايهاب كاللنه راح اكشفلكم سر خطير راح تنصدمون
بيه وظل يمهد للموضوع صار عدنه فضول شنو الموضوع ضلينه نلح عليه يله حجه كال جان مو عراقي هوه اجنبي واجه للعراق حتى يسوي بحث عن عيشته بظل كل هاي المشاكل
وانعدام الامن اني كلش ضجت منه لان حجه واني منبه مايحجي كأنما شايل هذا السر على ضهره وحتى ماحجه وياي قبل لايسوي هل الشي دائما هيج تصرفاته هوه كلي شبيك انته مكبر الموظوع اصلا جان لازم اتكول من البدايه كتله مو انته الي تقرر هل الشي الشباب ماصدكوا بعدين ضلوا يسئلوني صدوك جان كتلهم اي صح وحجيتلهم قصتي كالوا لعد ماكلت من البدايه كلتلهن جنت خايف من ردت فعلكم واحد كال لا جان يجربنه ويجرب تحركاتنه خاف وياه لان راح يسوي تقرير واجنبي وكذا نتصرف بمثاليه فماكال عاد همه
ضلوا يسئلوني خو مافد يوم سوينه شي مو زين خو ماطلع مني تصرف مو حلو كلش ضحكوني
اتصالحنه اني وايهاب لان مااكدر ازعل عليه
أنت تقرأ
غريب في العراق
Adventureقصه تتحدث عن شاب اجنبي يحب المغامرات والسفر للعديد من الدول حتى يقرر اخير السفر الى العراق في ظل ضروفه الصعبه وتبدا مغامره جديده في حياته وليس كأي مغامره فلنتابع :
