في اليوم التالي
جان : صباح الخير اين ايهاب
-سيروان : ايهاب بلقاعه صايغ سجاج
-هااا
-علي : لك مايريد يحجي ويانه بعده زعلان
-هل يتكلم بجد ماذا نفعل هل كان يجب ان نخسر لكي يفرح هو
-علي : والله ماادري
اجت فاطمه ووياهه بنيه من قاعتنه
فاطمه :صباح الخير
-الشباب : صباح النور
-شلونهه العبه البارحه منو فاز
-سيروان : نحنا فزنه واايهاب زعلان علينه
-شنو هذا شبيه
-علي : مخبل عوفوه لا تكبرون راسه
-صدوك انتو ليش مالعبتو سوه
-سيروان : احنه تحديناه قناله نلعب ضدك هوه قال على اساس انتو شلون لواعيب وهايه النتيجه
-علي : صدك انتي شمدريج بلعبه
-جان كلي
-علي : هااا
جان :لندخل جائت الدكتوره
دخلنه
-سيروان : اكو ويحد زعلان من عدنه عود ليش -علي : خاب اني شكول لا تكبرون راسه
-ايهاب : والله تسوون فظل لو تولون مني
-علي : جان هذا جاي يذكرني بنشيد مدري شنهو جنه نكوله من جنه زغار (هذا واحد زعلان بلعربانه يمشي ورانه )
ايهاب : تحجيهه عدل بلبدايه بعدين بعدين تعال الغي وياي
-وين اتذكرهه اني صالهه سنين
-عجيب يعني هسه كبرت مثلا وكمت ماتحجيهه -ليش عندك شك
-شنو عندي شك اصلا متأكد انته بعدك زعطوط -الدكتوره :الاخير شعدكم شجاي تحجون
-سيروان : لا هيك مافي شي دكتوره
-اني مامحاجيتك جاي احاجي الي جانو يحجون
-جان:ماذا تسموهه انتم هذا الذي فعلته بك
-سيروان :مااقلك
-علي : اني اكلك فشلته
ايهاب : ست ماكو شي بس اني اكول لو تفرقينه تخلصين من حجينه
-تعرف انته تعجبني خوش مقترح يله انتو الاربعه تفرقوا
كمنه كل واحد كعد بمكان وصرنه بلبدايه بس صرنه اني وايهاب واحد وره الثاني وعلي وسيروان نفس الشي فرقونه من وره ايهاب
-الدكتوره :يله هسه مادام تفرقوا الشله الخابصه الصف خل احجي وياكم شغله انتو لازم تسون ممثل شعبه والممثل كم واحد يرشح نفسه هسه وتصوتون يله خل نخلص الشغله هسه منو يرشح
-كام ولد بلقاعه اسمه امير رشح نفسه الدكتوره كالت وبعد منو يرشح
-علي : دكتوره اني ارشح
-اوكي بعد منو يرشح
-ايهاب : لك جان هذا صدك يحجي شعنده مرشح نفسه
-واذا دعه مابها نحن المستفيدين
-يا مستفيدين شبيك انته مستحيل اخلي هذا الغثيث يصير ممثل شعبه عليه
-دكتوره اني ارشح
-انته بس هذا صديقك هم رشح يصير هيج تتنافسون
-هوه جي رشح اني عناد بيه رشحت
-هااا يعني المنافسه قويه عجبتني هل الشغله يله شباب صوتو باوراق
-بدينه نصوت وننطي الاوراق للدكتوره اني وسيروان صوتنه لامير لان همه اثنينهم اصدقائنه صوتنه وكملنه حسبوا الاوراق وعلي وايهاب واحد يباوع للثاني بنظره تحدي
-الدكتوره :شباب هدوء اسمعوا النتيجه الفائز هو امير
باركناله وحتى ايهاب وعلي فرحوا المهم مو واحد منهم فاز خلصت المحاظره وطلعنه للكوفي كلنه سوه ايهاب جان يدلل شويه ورجع طبيعي
-ايهاب : همزين مافزت بيه حيل اني
-سيروان : مامجبوغ تغشح
-غير من وره هذا المطي
-علي : تعرف حتى اني لو فايز جان شهر هوايه واتنازل
-سيروان : اخ يلعناد
ضلينه نحجي ونتشاقه وواحد يعيب على الثاني مثل العاده
-علي : لك صدك عوفكم من هل الشغله ماعرفنه جان شنو علاقته بفاطمه
-ايهاب : شنو لك تعال تكبل قبل لا نكبل احنه
-ماذا هي مجرد زميله
-سيروان : لا الموظوع اكبر من زميله يعني ليش بس هيا
-تساعدني بلكثير من الاعمال
-علي : بيمن اتساعدك يابه دكول عاجبتني وخلصهه
-لا ماذا تقول انتم
-ايهاب : ماذا نقول يعني لك احجي شنو بينكم والله نفرحلك تره
-علي : هذا هيج مايحجي راح اصيحلهه اني واحرجه كدامها
-ماذا تفعلون عيب
-ايهاب : اي علاوي روح صيحلهه احسن شي واذا انته متصيحلهه اني اصيحلهه
-سيروان : تحكي لو لا
-كلكم علي ما هذا
-ايهاب : علي صيحلهه احسن
-حسنا ساحكي
-علي : يله غرد
حجيتلهه حقيقتي كلهه يمكن جنت اكدر اتهرب من السؤال وجنت اكدر اكللهم تساعدني بلهجه بس ماخطرت ببالي هيج شغلات حسيت ماتمشي عليهم حجيتلهم كلشي ان اني مو عراقي
-ايهاب : وليش ماكلت من البدايه
-خفت
-من شنو
-من ردت فعلكم وماذا تفعلون
-سيروان : بلعكس هذا شي حلو ان شخص اجنبي يجي ويخاطغ بنفسه حتى يعغف العراق شيصيغ بيه ويوصل صوغه مختلفه عن العراق
-علي : والله عجبتني انته بس اني زعلان منك يعني انته تكول لفاطمه واحنه مانعرف
-كنت مجبر اقول لها هي كشفت حقيقتي
وسولفتلهم شلون كشفتني
-ايهاب : اليوم راح نخبر الكل واي شي تحتاجه احنه اخوتك وجاهزين ولا تعتبر نفسك بلغربه اعتبر نفسك ابين اهلك
-لا لا اريد ان يعرف الكل دعوا الامر سري رجاءا انا اكشفه عندما يحين الوقت
-ايهاب : اوكي مثل متريد يله احنه اليوم معزومين عندك
-انا اكل بلمطعم وانتم معزومين بلمطعم
-لا تظيع عمرك باكل المطاعم شايف اكل امهاتنه يخبل
-علي : الواه تعزمنه
-يله تعالو وياي
-سيروان : احنا منقول لا بس لازم نبدل ونجي -اوكي لعد انتظركم
فعلا انطانه العنوان طلعنه من وكت من الجامعه وصلت سبحت وبدلت بعدين دردشت ويه فاطمه كولتلهه عرفوا حقيقتي كالت هل الشي جان لازم من زمان يصير كتلهه بس انتي لا تجيبين سيره محد راح يعرف بس همه
اتفقنه اني وسيروان وعلي نلتقي بمكان وبعدين نروح لا يهاب وفعلا رحنه استقبلانه هوه وابوه رجال كبير واخوه اكبر منه استقبلونه وجابوا الاكل برياني ودجاج مشوي وروبه ومركه حمره وصفره وزلاطه وفواكه والسفره ماتعرف شمتروسه والريحه تجنن بدينه ناكل ونسولف على الاكل ايهاب كال لاهله عليه ضلوا يسئلوني ونسولف ونظحك ولا كانما غربه ومايعرفونه ايهاب ضل يعيب علينه وخاصتا علي وعلي هم ماقصر واخو ايهاب وابوه صفوا ويانه ضده كالولنه هذا محد خلصان من السانه متانينه يتخرج حتى نزوجه
خلصنه الغده صبولنه جاي شربناه وشويه كعدنه بعدين كمنه اني بهذا اليوم يمكن ماكل اطيب اكل بحياتي اول مااكلت بلمطعم العراقي هم هيج كلت بس طلعت غلطان وصلت للبيت واحس حياتي اتغيرت نحو الاحسن قبل يوم لعبت طوبه واليوم اكل احلى اكل وكعدت الكاع الي بحياتي ماكاعدهه واني اكل صح تكسرت وكمت احوس ومامتعود بس حلوه عجبتني راسلت اصدقائي كتلهم على كلشي كمت اي شي جديد يصير وياي اكللهم كالولي يعني ماكو امل ترجع كتلهم اني هسه ببحث اكيد ارجع بس بعد هواي حسيتهم بدو ييئسون جان عدهم امل برجوعي
وهذا جان انكشفت حقيقته واخيرا شنو توقعاتكم الي يصير بعدين
اتمنى لكم قراءة ممتعه
الكاتبه : سيبال علي
أنت تقرأ
غريب في العراق
Adventureقصه تتحدث عن شاب اجنبي يحب المغامرات والسفر للعديد من الدول حتى يقرر اخير السفر الى العراق في ظل ضروفه الصعبه وتبدا مغامره جديده في حياته وليس كأي مغامره فلنتابع :
