مرت فتره بعد الحادث وتعودت على الوضع ورجعت طبيعي بعدها اخذينه عطله تقريبا اسبوعين مال زياره الاربعين علي كاللنه شنو
رئيكم نروح هل السنه كلنه للزياره ايهاب كله الواه اني كل سنه اروح ويه اخويه وابويه بطيئين اذا وياكم احسن وسيروان كال اني من
زمان حاب اشارك بهل المشايه ماادام اني ببغداد ماافوتهه واني حاب اشوف كل طقوس العراقيين فوافقنه بدلنه وطلعنه الصبح من
غبشه بلبدايه صعدنه سياره مشتنه مسافه لان اني وسيروان مامتعودين نمشي نزلنه وضلينه نمشي طول الطريق مواكب شماتشتهي تاكل
وتشرب ويتوسلون بيك تواسيل حتى تاخذ منهم اني سئلت علي كتله ذولي يبيعوه الاكل ضل يضحك عليه كلي لا بابا هذا ببلاش بعدك
انته ششايف بعدك ببدايه الطريق واني ماراح احجي انته تشوف بعينك احسن المواكب يتوسلون بينه واحنه اذا ناخذ بس مي لو عصير
ولبن اني جبت كامرتي وياي ضليت اصور بيهه المواكب وشلون الناس تتوافد وشلون يتوسلون بينه حتى ناكل يمهم والاكل
شماتشتهي وبالخدمه نساء وشباب واطفال وشيوخ كلهه تخدم فد شي عجيب ضليت اصور فد مسافه بعدين بديت اتعب اني رياضي بس
مامتعود امشي مسافه هلكد كتلهم تعبت علي كال هو احنه شكد مشينه وتعبت انته لو شايف اني كل سنه اجي من البصره نبقه بلطريق
عشر ايام بس نمشي وانته هسه تعبت كعدنه شويه بموكب راح ايهاب جابلنه لفات كص ولبن اكلناهه واحنه تعبانين طعمهه يجنن بعدين
ارتاحينه شويه وكمنه ضلينه نمشي ونسولف سولفنه على الطريق من بغداد شكد ايهاب كال احنه كل سنه نمشي 3ايام علي كله ان شاء
الله هل السنه خمسه مادام جان ويانه بعدين سولفولي عن معجزات الامام شلون الناس تروحله مريضه ترجع مشافايه ناس تروحله
مشلوله وتكوم تمشي ناس ماتنطق كالوا هل الشي شايفينه بعيونه بعدين سولفولي عن الطريق بلنظام السابق شلون جان يمنعون
المشايه وبلرغم من هل الشي الناس تمشي وتخاطر وجانوا حتى يكصصون ادين ورجلين بس الناس متخاف وتمشي ابين البساتين
طريقهم يطول بس حتى يهربون من السلطه وماخافوا وكعدوا وكالوا خطر لا استمروا وما جانت اكو مواكب مو مثل هسه لان ممنوع
ايهاب وعلي كالوا اهلنه جانوا يمشون بهذا الوضع وكالوا حتى قصائد نزلوا على هل الموضوع بعدين سولفوا عن الانفجارات الي
بدت اتصير بعدين بلزياره وبالرغم من هذا الناس تكثر ماتقل وحتى اطفال والعائله بعائلتهه تجي تزور اني كل هل الكلام صورته
أنت تقرأ
غريب في العراق
Adventureقصه تتحدث عن شاب اجنبي يحب المغامرات والسفر للعديد من الدول حتى يقرر اخير السفر الى العراق في ظل ضروفه الصعبه وتبدا مغامره جديده في حياته وليس كأي مغامره فلنتابع :