غريب في العراق

البارت -7-

خلصت الجمعه والسبت واني احاول اتعلم لهجه وعلى النت وطلعت افرفر شويه اجه الاحد كعدت الصبح مثل العاده اتريكت وطلعت وصلت للجامعه رحت للقسم قبل لا ادخل شفت علي وايهاب وسيروان واكفين يم باب القاعه ويصيحون يمكن يتعاركون يعني بلشقه اجيت يمهم
-صباح الخير
-الشباب : صباح النور
-ايهاب:يااهلا شرف
-ماذا تفعلون
-علي :هذا الاغم ايهاب يغلد على حجينه والله موتنه
-ايهاب :هسه عوفكم من هل الحجي بس كلولي بيكم حيل من الصبح تحضرون محاضره
-سيروان : نحنا جينا للجامعه لحتى نتعلم اكيد نحظغ محاضرغه
-لا بربك والله مالي خلك احضر محاضره عود صدوك تحضرون محاضره
-جان وعلي :اي
-اوكي لعد انتو روحو احضروا واني رايح للنادي هناك عود تلكوني من تخلصون
-علي : شتسوي بلنادي
-ايهاب:اول شي اركل وبعدين اتريك واكنك وانتظركم تخلصون
-جان :لحظه انت تأركل وبعدها تأكل كيف هذه
-ايهاب : اي اعرف شي موصحي حبي حياتنه كلهه موصحيه بقت على الاركيله الاكلهه قبل الريوك يله باي وبلتوفيق عود
-علي :هه عود يستهزء بلتوفيق هههي
-سيروان :يمعود اتغكوا
-دخلنه المحاضره
-علي : تعالو بالاخير شباب
كعدنه اخر رحله سلم علينه الاستاذ وبده بشرح طبعا اغلب الشرح بالانكلش لان اكو هواي مصطلحات انكليزيه وغير ذلك احنه راح نصير مهندسين فلازم
علي :هذا شنوو شيسربت بالانكليزي خل يحجي بلعربي ويفضهه
-سيروان : يغيد يتفيك بغاسنه
-علي : اي عود يابه اني دكتور واحجي انكلش هسه شنو شعوره واحنه اطرش بلزفه
-سيروان : شعوغ حلو بلزبط نفس شعوغي هسه وانته غبي قدامي
-تسكت اسكت اكول صدوك جان انته مو تعرف انكلش بربك ترجملنه تره كلشما فهمت
-جان :قال اسمه وشيء عن حياته ثم قال يجب ان نجلب معنا اوراق اقلام رصاص وجاف وممحاه ومبراه وغيرها خاصتا في الامتحان
-علي : احلف
-ماذا
-يعني هسه معقوله هوه صاله ساعه يكول جيبوا قلم واوراق واني عبالي دخل بلموظوع والله لو رايحين للنادي ويه ايهاب اشرفلنه
-سيروان : اخرس ماملاحظ من لما دخلنه ماسكتت اقعد خل نفهم شي
-ههههه والله ضحكتني انته تعرف انكلش حتى تفهم اصلا ماعم علينه غيرك احنه جايين حتى ندرس والله مو ذنبكم ذنبي اني الي لحكتكم لو رايح وره ايهاب الغثيث ولا حاضر محاضره وياكم
-بعدين طلع موبايله وظل يصور سلفي من الاستاذ يدير وجهه واحنه هم صورنه وياه بعدين فتح فيس ونشر منشور وظلوا يعلقوله ويرد على تعلقاتهم واني ظليت اباوع للقاعه ولا واحد منتبهه وحتى لو منتبهين محد فهم مبين من نظراتهم شفت سيروان يباوع بتليفون علي ويضحكون ظليت اباوع وياهم ونظحك على التعليقات بعدين سد التليفون وظل يحشش على الا ستاذ ويكلب الكلمات الانكليزيه لغير معنى بلعربي بعدين اخر خمس دقائق بلدرس صاح الحضور وطلعنه رحنه للنادي كبل
-علي : لك اني طايح الحظ اذا بعد دخلت محاضره
-ايهاب : هااا اني شكلت بس حضرتكم صرتوا شطار صدك شصار
-علي : يحجي بلنكليزي حرام اذا عرفت كلمه منهه
-حل حته بعد تسمعوني من احجي صدوك شفهمتو بله منه وشيريد منعدنه ملازم فد شي -علي : هو احنه شفهمنه كله بالنكليزي
-لا تصير اثول هيه حتى لو حجه ذن الشغلات بلنكليزي هم مفهومات
-هههه لك والله مافهمت شي هوه كال اريد اقلام واوراق واني مافهمت انوب افهم ملازم
-لعد شلون فهمت انه يريد اوراق يلذكي
-خلفله على جان ترجملي
-هاا اي جان مادامك ذكي احسن من ذولي الغمان شصار سولفلي طلب ملازم
-جان :نعم طلب ملازم
-شوكت هاي
-اخر المحاضره
-سيروان : وانته كيف انتبهت
-ايهاب : وليش ماتنتبهون
-سيروان : خلصنه المحاضره بس تحشيش
-ههه صدوك لعد ندخل المحاضره الثانيه هم نسجل حضور وهم نحشش
-خلص الريست ورحنه للمحاضره الثانيه جانت القاعه كلهه تحجي على هذا الدكتور محد فهم منه شي وايهاب يكللهم بعد لا تدخلون محاضرته دخلت الدكتوره سلمت علينه وعرفتنه بنفسهه واحنه هم كعدنه بالاخير وصار التحشيش بشكل على كلامهه ولبسهه وصوتهه وشرحهه وكلشي وكلنه نحشش مو واحد خوب ايهاب وعلي لعبوا بيهه جوله انتبهت علينه احنه صاحت بهدوء الاخير اسكتو لا اتبع غير اسلوب وياكم علي كال ييييييمه والله خوفتني تهديدهه كلش يخوف وايهاب يكله يله يله اصبر حبيبي ماتكدر تسويلك شي سيروان يكله خطيه غاح تصيغ بيه حاله نفسيه من وغاهه
دخلنه كل محاضرات هذا اليوم بس تحشيش حسيت بطعم كلش حلو من اتقربت من هاي الشله كلامهم وحجيهم وتحشيشهم وحتى ايهاب من يعيب على لهجتنه حبيته
خلص الدوام وطلعنه بعدنه بباب الجامعه
-ايهاب : شباب صدوك محتاجكم بشغله
-علي : خير شمسوي مصيبه
-اي مصيبه يعني مااحتاجكم الا مصيبه اسمعوا اليوم عدنه لعبه طوبه ويه شباب اصدقائي من المنطقه وكرايبي بس العدد ناقص فكلولي شكد ماتكدر تجيب شباب جيب شنو رئيكم
-علي : اي والله صارلي هواي مالاعب طوبه بس بشرط اني  ماالعب بفريقك العب ضدك
-سيروان : وانا ضدك بلعب
-هه على اساس شلون لواعيب انتم اصلا احسن ضدي وانته جان
-كيف تلعبون هل متدربين سابقا
-علي : بابا هيه شيرادلهه منو مايعرف يلعب طوبه نمونه
-جان :والحكام والمدربين
-ايهاب : شنسوي بحكام ومدربين هيه بطوله شنو
-كيف نستطيع اذن نعرف التسلل والجزاء وغيرها كيف تتم لعبه بدون حكم
-علي : هو احنه هيج نلعب بدون حكم والجزاء ينحسب اذا حلفنه بالله
-ايهاب : جان لا تطولهه تجي لو لا
-اي احظر لكن لا احس سوف تنجح العبه فلا يمكن للعبه بدون حكم
-سيروان : انتوا هونيك تلعبو على القاوانين بس نحنا كلشي يظبط عدنا لا تهتم مو اول لعبه هيك نلعبهه
-ايهاب : يله لعد باي انتظركم العبه بالاربعه
-علي وسيروان مشوا سوه لان همه بنفس الاقسام واني وايهاب كلمن راح بطريقه واني متعجب شلون ممكن تصير العبه بدون حكم والله ماتنجح وهسه يشوفون بعدين اني مو لاعوب شلون يله هسه العبه اذا مشت منهه خمس دقايق هواي واني افكر وصلت للبيت طلعت بتيته قشرتها وقليتهه ورحت اشتريت صمون ومقبلات واجيت اكلت طبعا مامشت الطبخه بسلام نص البتيته محتركه ونصهه مامستويه وهذا غير الدهن الي طفر عليه لان اشمرهه من بعيد وكلهه مي خلصت غده رحت دردشت ويه فاطمه بعدين خابرتهه كتلهه عدنه اليوم لعبه بدون حكم مااستغربت كتلهه عجيب ليش مااستغربتي
-وليش استغرب
-سوف نلعب بدون حكم
-اي وشنو هيه مو لعبه رسميه
-وان كان كيف تتم بدون حكم
-ههههههههههههههههههههه
-لماذا تضحكين
-تعرف كلامك منطقي ماكو لعبه بدون حكم بس عدنه عادي تمشي
-كيف
-كول شلون
-لماذا؟
-مو انته تريد تتعلم تحجي عراقي عود نفسك هيج
-اوكي
-صدوك شوكت العبه
-ب4
-لعد شوكت تقرون
-لماذا نقراء
-هااا والله نسيت انتم الولد محد يقراء واخر شي تنجحون واحسن درجات واحنه الكاتلين روحنه على الكتاب مانلحكم
-اذكياء
-دخيلك
-اوكي كود باي سانام لكي العب بنشاط
-اي نام والعب واني اكابل الكتاب واكعد
-ههههه
سديته منهه ونمت شويه بعدين دردشت وياهم كلتلهم شنو الدريز الي نلبسه
-علي :بكيفك
-كيف انتوا سوف تجننوني
-حبيبي البس بكيفك هسه مو زين مانتشرط عليك
-كيف نعرف فريقنه
-نعرفه نعرفه
-لا انتوا لا تعرفون عن كره القدم شيء
-ههه تعال ايهاب احجي ويه هذا يريد كلشي على القوانين
-ايهاب :البسوا اسود واني راح احاجي باقي الشباب يلبسون ابيض
-اي وانا اقول كيف تتم هكذا لعبه
-سيروان : تتم تتم بس لان انتا عقدتها حكا هيك ايهاب
-ايهاب :اي والله موتني شوف اذا بعد حجيت وكلت ماتصير وكيف تتم على كولتك اكفر بيك فهمت
-حسنا
رحنه للعبه ملعب صغير بيه ثيل اصطناعي بدينه نلعب ويه الشباب واحنه تلاثتنه صرنه بفريق ضد ايهاب بدينه نلعب اني عبالهم اعرف العب زين لان جاي من الخارج ورياضي وكذا مايعرفون ان الرياضه عدنه ركض ونروح للجم مو طوبه الطوبه بس الاعبين والهواة يلعبوهه  بدينه نلعب اول نص ساعه ولا هدف وحتى هجمات ماكو اني تعبت كلش بس استمريت العب ينطوني الطوبه وبسهوله يقطعوهه خوب ايهاب كلساع ماخذهه مني استمرينه بلعب وهجم علي وسجل هدف فرحنه عبالك جايبين كأس العالم مو مجرد لعبه وعلي وسيروان يتشمتون بايهاب بس يفوتون منه يكلوله شفت المحافظات شلون يلعبون لو لا ايهاب اتخبل كام بس يعيط على فريقه اهجم ركز تعال حتى صوته راح دوخنه بنهايه الشوط الاول يعني قبل 5دقايق تقريبا سجل ايهاب وفرح ورجع يتشمت شفتوني انحنه المحد يندك بينه خلص الشوط تعادل بالريست كل فريق كعد وحده غيرنه الخطه اني رجعوني دفاع وبعد تغيرات وهلكد رزلوني اني لان ماجان لعبي بلمستوى المطلوب بدت العبه ولاحضنه الفريق الخصم هم مغيرين الخطه باول خمس دقايق سجلوا فريق ايهاب وطاروا من الفرح والشماته بدت حسيت فريقنه كامو يلعبون بعصبيه ماكانما كلهم قرايب او اصدقاء لعبنه بقوه بعد ربع ساعه تقريبا سجل سيروان هدف وعلي يصيح عفيه بابن الموصل والله عفيه عليك استمرينه بلعبه صارت مثل الجزاء لصالح فريق ايهاب هنا اني ضليت بس اتفرج شلون راحوا يحلونهه والله صار عياط ناس تكول مامحسوب وناس تكول محسوب وغصبن عليكم ايهاب خبص الدنيا كتل نفسه علمود ينحسب اخر شي بدو يحلفون وشي ومانحسب والله عدت بدون حكم اني جنت منتظر هاي الحظه كلت مستحيل تعدي بدون حكم بس سووهه هوسه وعدت مدري شلون  استمرينه نلعب وسجل واحد من فريقنه حاولوا يعدلون النتيجه ماكدروا انتهت العبه بفوز فريقنه ايهاب عيونه كامت تجدح شرار من العصبيه ليكول كاتلين ابوه وولا حجه ويانه كلمه
-سيروان : ايهاب قوللنا مبغوك
-ايهاب : تسكت وتنجب لا ابتلي بيك هسه وعلي
-جان : اسكت لا يبتلي بيك
-علي : على كيفك شكلك تره مجرد لعبه اجينه حتى نتسلى مو شرط نفوز
-ايهاب : جان كله من فظله خل ينجب
-جان : هل سمعت
-علي : ههه والله خبل هذا بابا خلي عندك روح رياضيه
ايهاب ركض عليه حتى يظربه وهوه عصبي علي ركض شرد منه
رحنه كلمن على بيته وصلت بدلت وسبحت وطلعت للمطعم اتعشيت رجعت فتحت فوني لكيت اتصالات من فاطمه والشباب وحتى اهلي خابرت اهلي اطمنت عليهم وبعدين خابرت الشباب هم حجيت وياهم شويه بعد السلام
- وين انتم
-والله جاي نفتر بلسياره ناقصنه بس انته مكانك خالي
-زين تعرفون وين جنت اني
-يعني وين جنت بلبيت اكيد ههههه
-هههه لا جنت العب طوبه
-وانته شجابك على الطوبه
-صرت خبره بس مو هايه العجبه العجبه هيه ان لعبنه بدون حكم
-شلون انته اكيد تمزح
-لا ماامزح
-شلون صارت
-صارت صارت ماكلولكم كلشي بلعراق يصير

اي والله كلشي بلعراق يصير مو احنه بلد العجائب
اتمنى لكم قراءة ممتعه
الكاتبه : سيبال علي