غريب في العراق

البارت -2-

بقيت طول الليل افكر شسوي وشلون اقنع اهلي اخر شي خطر ببالي اروح لعمو نجاتي عمو نجاتي هو ابو جورج اني اعتبره مثل ابي ومرات اكثر وحتى مرات اتمنى هو يكون ابي هوه بيه هواي اشياء حلوه اني من اتعامل وياه مو كأنما اتعامل ويه شخص بعمر ابي لا كأنما اتعامل ويه صديقي وحتى جورج ابوه بلنسبه اله صديق هو رجل سبورتي بشكل مع ان الشخص لازم يسوي كلشي يتمناه بحايته دائما يكول الحياة تنعاش مره وحده لاتحقق رغبات غيرك حتى وان كانو اهلك قبل ان تحقق رغباتك حتى هو ولا يوم كال لجورج لازم يتعلم يشتغل وياه بلشركه دائما يكله يخلص العمر وتلحك على الشغل عيش شبابك هسه عكس ابي تماما ومن يحجيلنه على شبابه جان شاب طايش ومايخلي شي بباله مامسويه حتى جايب الاهله دوخه راس هواي ومغامراته ماتخلص فاني دائما من احتاج مساعده اروحله قررت اروحله وهو اكيد راح يشجعني ويقنع اهلي رحت للشركه مالته اجيت احجي ويه السكرتيره طلع جورج من المكتب مال ابوه
-صباح الخير
-صباح الخير
-وينك صالنه 4ايام ماشايفينك شبيك
-مابيه شي بس خطر على بالي شغله
-وشتسوي جاي هنا محتاج شي
-اي اريد احجي ويه ابوك
-تعال هوه ماعنده شي
دخلنه اني وياه سلمت على عمو وفرح بيه هواي كتله اني محتاج مساعتك كلي كول سولفتله كلشي هو رحب بلفكره وعجبته
-نجاتي :فكرتك حلوه والله لا تفوتهه
-واني عرفتك راح تعجبك الفكره ليش فكرت اكلك
-نجاتي :اي طبعا اذا رحت للعراق راح تكون غير عن سفراتك كلهن
-ليش عحبتني اني
-نجاتي :ومنو يروح وياك
-الشباب اكيد صدوك مانطيتني رائيك جورج
-جورج :انتو تحجون صدوك يعني والله عبالي تشاقون بابا هذا مايعرف شيريد طايش انت ليش تشجعه معقوله
-نجاتي :وليش شبيهه
-جورج:بابا العراق معناتها الموت
-عمو عوف ابنك عليه اني اقنعه بس انت لازم تقنعلي اهلي
-نجاتي :اهلك اني اعرفهم مستحيل يقبلون
-اعرف عمي واني ليش اجيتك حتى انت تحجي وياهم وتقنعهم
-نجاتي :جان لو مو اني احجي وياهم اهلك مايقتنعون
-والعمل عمو
-نجاتي :والله اني اكول تكللهم رايح لاي دوله اجنبيه بس انت تروح للعراق واني ادبرلك كلشي من فيزه وحتى ارتبلك الاوضاع رقم واي شي ثاني بس انت لاتكطع وياهم خابرهم دائما حتى لا يشكون
-جورج:بابا ليش هل الكذبه بعدين حبل الكذب زغير انت تريده يموت شنو يعني بايدك توديه للموت
-عمو اني موافق اذا هيج وشكرا على هذا الاقتراح
-نجاتي :ولو
-جورج :لك اني شحجي وياكم ليش متسمعون العراق معناتها الموت
-تعال وراي
طلعنه من المكتب وصعدنه اني وجورج بسيارتي وحسيت هم كبير وانزاح مني ومابقه عندي شي غير اقنع الشباب واكيد راح يقتنعون اخذنه الطريق كله اني اسوق وجورج يحجي عليه ويريدني اغير رائيي وصلنه للمطعم يم الشباب سلمت عليهم وعاتبوني لان صار 4ايام لا ملتقي بيهم ولا ارد على اتصالاتهم هواي المهم كعدنه طلبنه فطور وفتحت وياهم الموضوع كلهم عارضوا حاولت اقنعهم كلتلهم مادام اكو ناس عايشين بلعراق معناتها احنه هم نكدر انعيش والموت والحياة بيد الله وكلنه بلنهايه انموت كالو اكو فرق بين انموت بيومنه وبين نروح للموت برجلينه شوفتهم اماكن العراق الحلوه وحجيتلهم عن كلشي شفته ماقتنعو وسبب عدم اقتناعهم ان العراق خطر لاغير اخر شي كلتلهم اني راح اروح حتى لو لوحدي اول شي ماصدكو من شافوني مصر رجعوا يقنعوني ابقه بس اني لما اصر على شغله محد يغير رئيي كلولي ماتندل هناك ولا تعرف احد غير الخطر كلتلهم الا مااندل واعرف ناس هواي واتعايش وياهم اصلا العراقيين ناس اجتماعيين وبسرعه ينحبون خلص اليوم خابرت عمو نجاتي بليل كتله شوكت تخلص التحضيرات كال راح ابده من هسه واشوف
-نجاتي :جان تعرف جورج شكد حجه وياي حتى اغير رئيك واخوفك من الروحه فأذا تاخرت الاجرائات دير بالك تخليهم يغيرون رئيك لو يخوفونك تره فكرتك حلوه واني متأكد راح تعيش تجربه جديده وحلوه وهمه الخسرانين
-اصلا مستحيل اتراجع
سديت الاتصال وفتحت حسابي العربي على الفيس ضليت على هل الحاله اسبوع اطلع ويه الشباب ارجع بليل افتح فيس حتى بديت اعلق الهم وافهم قسم قليل من منشوراتهم والشباب حاولو هواي يغيرون رئيي ماكدرو
فجأة بليل رن تليفوني شفته عمو نجاتي رديت كلي تعالي باجر للمكتب احجي وياك اني فرحت هواي الليل ماكدرت انامه لان حسيت وقت سفري للعراق صار قريب اكيد عمو راح يكلي جهز كلشي ويمته ماتريد سافر اجه الصبح رحت اله للمكتب كلي التجهيزات تتأخر كلش الفيزه والسكن وهواي اشياء بلعراق تختلف عن باقي الدول وغير ذلك العراق من الدول المحضوره بسبب خطرهه لذلك اني لازم اثبت اني من اصل عراقي وهذا الشي شويه صعب ويتأخر
-زين عمو الدوام راح يبداء اني اذا مارحت هسه شوكت اروح
-جان اني فكرت بهل الشغله انت تريد تعرف شعب العراق شلون عايشين تريد تتعرف على افكارهم وتعيش وياهم انت ماراح تشوف مجرد اماكن حلوه شهرين يكفي وزايد لا انت تريد تتعرف على قلوب الناس وهذا الشي صعب يصير بسرعه لذلك اني اكول لو تروح بوقت الدوام وتداوم وياهم بلجامعه هم تتعرف على فئه عمريه بكدك وهم تاخذ وقت اطول بلعراق
-اجيت احجي قاطعني وبلنسبه لاهلك كللهم عاجبني ادرس جامعه بغير دوله ماراح يمانعون
-زين عمو والدراسه هناك زينه
-الدراسه تدخل جامعه اهليه  كلش زينه لان جامعه بغداد حصلت على مرتبه متقدمه ويه تعداد جامعات العالم
طبعا كل تفكيري اتغير ماجنت افكر اني راح ابقه اكثر ولا جنت متوقع اني ادرس بلعراق بس من افكر بكلام عمو كله صح بقيت العطله كلهه ويه اهلي واصدقائي وعمو استمر بلتجهيزات

الأحداث مشيتهه اسرع اكيد انتبهتو حتى نوصل للمهم بسرعه
الكاتبه :سيبال علي
اتمنى لكم قراءة ممتعه