مرحبا
اولا اريد اشكركم على دعمكم ومتابعتكم للقصه وتصويتكم وتعليقاتكم الرائعه واشكر حتى المتابعين بصمت
كلش شجعتوني على كتابه القصص والاستمراريه اني اصلا عندي هوايه افكار لقصص جديده ومامطروقه من قبل
بس ماراح اكتب هسه لان اني طالبه سادس علمي وانتوا تعرفون ظروف طلاب السادس وخاصه ظروفنه حاليا العطله وكورونا والكوارث والحاله النفسيه المدمره والاشاعات وووووغيرهه هوايه لذلك راح اطلب منكم طلب زغير ان تدعولي الله يهديني على القرايه وان شاء الله انجح واروح للجامعه واخلص من السادس
اما ثاني شي فياريت تبقون بلبيت هل الفتره وما تطلعون وتلتزمون بحضر التجوال اصلا هوه هذا القرار صار مو علمود شي علمود سلامتنا هذا فايروس خطير قادر على ان ينهي دول كبار وشفنه شصار بعده دوله كبرى تفشه بيهه الفايروس شلون فقدوا الصيطره عليه وهمه دول كبرى فكيف بالعراق دوله نظامهه الصحي متهالك
اعرف ان هوايه من عدكم ميخاف الموت ويكول ان عيشتنه بالعراق مو عيشه وغيرهه لكن اذا ماتفكر بنفسك فكر باهلك باحبابك باطفالك علمودهم ابقه بلبيت
غير هذا ان هذا المرض مو موته سهله تنصاب وتموت وانتهى الموضوع تنصاب بعده اوجاع بنفس الوقت وواوجاع شديده احنه فلاونزه عاديه بصعوبه نتحملهه اذن كيف بهذا المرض اذا انت الشخص الكبير تكدر تتحمل فيا ترى الاطفال راح يكدرون يتحملون ؟؟
غير هذا ماكو عزاء ماتندفن بمقبره مايمشي بدفنك اي شخص من اهلك تندفن بصحراء بدون تغسيل شي مرعب
تتذكرون ببدايه التظاهرات كلنه نريد وطن هذا الوطن شنو ؟
الوطن الي ردناه ناس تتكافل مع بعضهه ناس تفكر بغيرهه قبل نفسهه قانون يتطبق على الكل
هسه اجه الوقت الي نثبت ان احنه نستاهل هيج وطن ونغير من نفسنه
اغلب الناس انتقدت الاضراب الطلابي بالتظاهرات هسه اجت عطله بالغصب على الكل فأذا جنتوا فعلا حريصين على الطلاب ودراستهم اكعدوا بلبيت علمود يرجع الدوام بسرعه وترجع حياتنه الطبيعيه
ارجع واكول اكعد بلبيت مو علمودك علمود اطفالك واهلك واحبابك
خلينه نثبت للعالم ان احنه شعب مثقف يفكر بغيره قبل نفسه ونستاهل افظل حياة خلي العالم تتعلم مننه
#خليك-بلبيت
أنت تقرأ
غريب في العراق
Adventureقصه تتحدث عن شاب اجنبي يحب المغامرات والسفر للعديد من الدول حتى يقرر اخير السفر الى العراق في ظل ضروفه الصعبه وتبدا مغامره جديده في حياته وليس كأي مغامره فلنتابع :
