غريب في العراق

البارت - 15-

مرت ايام بين الكليه والشغل والطلعات والتسليه اقتربت امتحانات الفاينل وانطونه اسبوع حتى نقره ايهاب يجي يمنه حتى نقره

الصبح كله نضيعه بين شقه والشغل وطلعه والعصر نفس الشي لحد مااجه اخر يوم شفت الشباب شادين العزم وكاعدين من الصبح وصدوك يقرون

-خير منكم من الشيطان انتم تقرون شنو المناسبه
-علي:اليوم اخر يوم لازم نقره مابينه حيل نعيد دور ثاني لو نعيد سنه انريد نخلص ونشوف حياتنه

-ههههه من صدوك تحجي تريد تنجح لك بابا احنه سعياتنه كلهه 10من خمسين شلون ننجح

-ايهاب : اي عادي مو معجزه تره هسه نقره ونشد حيلنه ونجاوب والباقي على الله نجيب اربعين وقرار ننجح ان شاء الله
-زين امنت بالله بس احنه من بدايه السنه لهل الحضه احنه مافاتحين ملزمه وقارين شنلحك نحفظ بعدين صالنه خمس ايام وين جنتوا اليوم باخر يوم اتذكرتوا لازم تنجحون

-ايهاب : شبيك جان لا تسدهه دخل انسوي الي علينه والباقي على الله بعدين مو احنه اول ناس وضعنه هيج هواي نفسنه جانوا يقرون بليله الامتحان وسعياتهم ناصيه وهسه متخرجين وماخذين ماجستير ودكتوراه اني مو كتلك بلعراق كلشي وارد دقره اقره

-والله اني ماراح اقره لان الشغله مبينه
رحت للغرفه وعفتهم يقرون واني اضحك عليهم صايرين شطار تالي وكت خابرت فاطمه بعد السلام

-تصدكين الجماعه جاي يقرون من كل عقلهم راح ينجحون

-وانته ليش مأيس كلشي بيد الله اقره وياهم عسى ولعل

-يعني انتي هم نفس الحجي
-شوف لا تأيس من البدايه وتكول راح ارسب صح وضعك صعب هسه بس تكدر هواي نفس حالك وراح يقرون صح ماظل وكت والكعده من النوم متأخره والنصيحه هم بس يكول ابو المثل ان تصل متأخرا خير ان لا تصل ابدا بعدين انته اقره ومساعدات الاساتذه وقرار وتحميل وكذا على الاقل تعيد دور ثاني لو تحمل كم درس ولا تعيد سنه كامله بعدين تعال فكر وياي الشباب راح يقرون واني الصراحه مااستبعد ينجحون وهمه نفس حالك بس انته اذا ماقريت راح ترسب وتبقه وحدك بصعوبه تحصل هيج شله حلوه مره ثانيه بعدين انته لازم ترجع لبلدك وتقدم تقريرك ونجاحك وانته مو عايش بلعراق سوي كلشي مثل منسوي حتى تعيش عيشتنه يعني عادي اقره الامتحان قبل يوم وانجح بيه

-اني سديته منهه وبديت افكر بكلامهه واقتنعت اخذيت ملزمتي ورحت اقره يمهم

-سيروان : هاا الله هداك

-خابرت فاطمه وقنعتني

-علي : اي جا هاي فاطمه بعد مو احنه

بدينه نقره وواحد يشرح للثاني حسب الفهم بلرغم من انه ندخل للمحاضرات سوه وهواي ضاربينهه وحتى لو دخلنه بالنه مو يم الشرح بس فهمنه تقريبا ناخذ استراحه خمس دقائق كل ساعه ونرجع نقره قرينه بعزيمه بقينه ل12 بليل ووقتنه التليفون ب3وهم كعدنه قرينه ايهاب بات يمنه صارت ب 7رحنه للجامعه مصطورين صطل لان مانايمين وقرينه قرايه مال كل هل الفتره السختنه بيهه اني عن نفسي اول مره بحياتي اقره هيج اقرايه دخلنه للقاعات اجت الدكتوره كامت تحشش علينه هم راح تسلموهه فارغه هم باقين للصبح على البلي يله حششي انتي هسه بس بعدين احنه راح نحشش ان شاء الله وانتي تكونين مصدومه كملن كل الامتحانات على نفس التعب اجت