زي ما قلت ليك انا البت دي يا سعاتك ما عندي بها اي علاقه لقتني انا و خطيبتي بنتمشى في الشارع و اتهجمت علي خطيبتي.. والله كزاب كزااب الله انتقم منك و احرق قلبك زي ما حرقتا قلبي و انت يا واطيه انشاءالله الدنيا تعاكسك محل ما تقبلي.. انا بس بسمع في كلمها و ببكي.. ابكي بحر انشاءالله تفو عليك انت و هو تفو علي دي صحبه تفو علي دي اخوه.. احترمي نفسك انت في قسم شرطه ما في ميدان عام و اتكلمي بأدب و سمعيني القصه من طرفك.. طيب بحكي ليك بعد اتفشه و اخد حقي من الكلب دا ب يدي و طاااخ لصقت كف في الولد من الخلعه لمن وقفته علي حيلي , الشرطي وقف علي حيلو و ناده شرطي تاني قال لهو قليلة الادب دي دخلوها الحراصه.. و جراها دخلها الشرطي .. شايف يا سعاتك دي وحده مجنونه ساي...
طيب دقيقه احكي ليكم القصه..
انا رهف و دي صحبتي تاله يعني ايي بنعرفها ما زي ما قال مازن.. انا و تاله صحبات الروح ب الروح قرينا الاساس و ثانوي و جامعه مع بعض نفس التخصص, هندسة معمار❤ و دي اخر سنه لينا, يلا مازن دا صحبها او ممكن تقولو مرتبطين عرفتني عليهو قبل سنتين كده و لمن عرفتني عليهو ما كانو ارتبطو لسه بعدها ب شهرين حتين ربطو المهم مازن كان طوالي بتواصل معاي و صراحه بقيت بميل لهو شديد يعني ما بعدي يوم الا و اتكلم معاهو بعد هو تاله تمو سنه بدت تظهر بينو و بينها مشاكل و هي بقت بتشتكي لي منو طوالي و هو نفس الحكايه المهم اتكلمته معاهم الاتنين و اتحلت المشكله.. يلا كلو ما الايام ماشه بحس اني بتقرب ل مازن زياده و بقيت بجد بحبو و قدر ما حاولته اقتل الشعور دا جواي ما قدرته بقيت بحاول ابعد من مازن قدر ما اقدر لكن كلو ما ابعد هو برجع و اتقرب اكتر المهم في يوم كده ضرب لي قال لي رهف انا دايرك في موضوع مهم شديد و ضروري قلت لهو انشاءالله خير قال لي خير بس انت قولي لي القيك وين قلت لهو انا حسه في الجامعه بعد ساعه من حسه نتلاقه في المحل الفلاني المهم ودعت تاله و قلت لها انو عندي موضوع مهم و شنو و صرفتها ب كم قصه عشان مازن كان موصيني انها ما تجي معاي ولا تعرف انا ماشه وين المهم مشيت لقيت مازن في الاول كنا ينتكلم عادي و كده و بسالني من احوالي, قلت لهو مازن انا معقوله جبتني المسافه دي كلها عشان تسالني عن احوالي, مالك? انت كويس? انت و تاله امركم ظابطه? قال لي والله في الحقيقه انا جبتك عشان موضوع علاقتنا انا و تاله..انا ما مرتاح معاها والله و ختم كلامو ب انو بحب وحده تانيه جطه فيهو و قلت لهو دا كلام شنو, و انت عارف تاله دي بتحبك قدر شنو و بجد يا مازن سقطه من نظري و انت عارف بنات الناس ما لعبه في يدك مازن كان ساكت و بس بسمع فيني بعد خلصته مسك يديني و قال لي ولو قلت ليك انو البت البحبها هي انت? حسيت الزمن و قف و قلبي بقه اضرب شديد و لساني اضربط.. قال لي رهف انا من يوم عرفتك حبتك من يوم شفتك ما طلعتي من افكاري , رهف و الله بحبك و قفت علي حيلي و اديتو كف لمن حسيت يدي وجعتني قلت ليهو اصلو ما اتخيلتك بالتفاه دي و طلعته خليتو ععدت الايام و انقطع تواصلي ما مازن حته تاله بقيت نادرا ما اتكلم معاها كلو ما اتذكر كلام مازن بخاف من ردت فعل تاله... المهم في يوم مازن رسل لي : ردت فعلك كنت متوقعها و انا اصلو ما زعلت منك, و انا يا رهف اتاكدي تماما اني ما داير العب بيك و داير اضيع بيك زمن و انا مستعد الليله قبل بكره اجي اطلبك من ناس بيتكم و انا مستني اجاببتك و تاله انشاءالله الله بسهلها لها و بتلقه نصيبها و تلقى الزول الاحسن مني قريت المسج و انا دموعي في عيني بجد اتختيت في موقف صعب بين صحبت عمري وحبي الاول ما عارفه كنت بفكر في شنو و انا بكتب لهو في الجواب: و اذا قلت اني موافقه ممكن موافقه بس ممكن نخلي علاقتنا في السر
اول ما الرساله وصلتو قراها و طوالي ضرب لي اترددت في الرد لكن رديت.. قال لي عارفك ما عايزه تاله تعرف بس في النهايه دا الواقع و هي لازم قاطعتو و قلت ليهو بس ما حسه..
المهم بعد فتره مازن خله تاله هي زعلت شديد و انا حسيت بالذنب الشدييد لكن بعد فتره اتجاوزت الموضوع بعد 3 شهور مازن جا و خطبني يلا ما كلمته تاله و اساسا ما عارفه كيف كنت حقدر اكلمها, لحدي ما في بت كلب لقتنا انا و مازن قاعدين مع بعض في مطعم صورتنا و رسلت الصوره لي تاله,تاله طوالي رسلت لي الصوره و مشت القصه في شكل هظار,لكن بعداك تعاملها اتغير معاي شديد بقت لا بترد على مكالماتي و لا بترد ل مسجاتي وصلت لي درجة لو مشيت بتهم ما بتفتح لي استغربته و اصلو ما ختيت ولا واحد في الميه انها ممن تكون عرفت ب علاقتي مع مازن... لحدي ما في يون كنا بنتمشى انا و مازن في شارع النيل فجاءه سمعنا صوت صفيق و زول بقول ممتااز واااو قبلتا لقتها تاله حسيت زي صبت فيني مطره تاله بقت تتكلم تنبز وانا ما مركزه مع اي كلمه بتقولها من الصدمه لحدي ما حسيت ب ضربه في الراصي و كوارك مازن
اي تاله فلقتني ب حجر بس الضربه جات بسيطه الحمدالله مازن قال اصلو ما بمشيها ليها والا افتح بلاغ...
نرجع للحاضر:
خلينا تاله في القسم و طلعنا و انا الطريق كلو ببكي و مازن بحاول اهدي فيني لحدي ما وصلتا البيت نزلت من العربيه حته من غير ما اقول لهو مع السلامه و طوالي دخلت البيت و شلت الليل كلو بكه...
مازن نزلني و رجع القسم و سحب البلاغ يلا هناك لاقه راجل تقريبا في عمر مازن و عرف منو انو ابو تاله مرسلو عشان اجي امرقها الراجل اعتزر لي مازن شديد و ساق تاله في يدو و مرق بها من القسم و مازن رجع بيتو
عند تاله ساقها فارس و ركب العربيه, قال لها اسه دا سبب تشاكلي بهو مع واحده لمن تفلقيها بالحجار تاله بقت تبكي و تقول لهو انت ما فاهمني البت دي صحبتي شديد و الولد دا انا بحبو شدييد بجد حاجه بتزعل, كان اقرب الناس لي طعنوني البعاد حعملو شنو بجد بتوجع ي فارس سكت مسافه و بعدها قال لها جربتي وجعت انو مرتك تعمل علاقه مع اخوك? جربتي انو تجهض ولدي عشانو? جربتي شعور تطلقي مرتك و اعرسها اخوك? لا ما جربتي اثناء ما هو بتكلم صوتو اتغير زي العايز ابكي, جربتي تصبحي و تمسي بوش الزول البتحبو و هو في عصمت زول غيرك? اذا ما جربتي ولا كسر من الوجع احمدي ربك انو وجعتك من زول ما بتربطك بهو علاقه حقيقيه و صحبتك دي اكيد لها اسبابها و كان تسمعي منها القصه قبل تصرفي من راصك و تحكمي ساي...
يتبع.....
