تاني يوم الصباح بدري صحتني امي قالت لي قومي ارح معاي السوق نشتري لينا حاجات قلت لها طيب, فعلا قمت دخلت الحمام اتسوكته و غسلت وشي و مشيت الصاله لقيت امي و معاي اولاد احمد بشربو في الشاي قعته معاهم شربنا الشاي اني قالت لي بس نستنا امهم ولا ابهم اصحه عشان ما نخلهم براهم قلت لها طيب شلت كبايتي و دخلت غرفتي لقيت ريم مرسله لي قالت : ما حصدر اسفر معاكم محمد قال لا عشان خايف علي البيبي قلت لها اي صح السفر مت كويس ليك قلت لها لكن ما مشكله بعد تولدي نمشي تاني💓 قالت لي انشاء الله فلت لها بعدين حتجونا قالت لي ايي اول ما نور تصحى بنجي قلت لها انا و امي ماشين السوق لكن رشا و اولاده قاعدين قالت لي تمام لقيت برضو رساله من تاله قالت لي انهم حيوجي بعد اسبوع😍 قلت لها اخيرا😍😍 والله اشتقته ليك😍😍 رديت علي مهند كان كاتب لي صباح الخير💓 قلت لهو صباخ النور😊 جاتني رساله من رقم غريب كاتب لي فيها: اصريتي و عملتي الفي راصك مش? استغربته قلت يا ربي دا منو بعدها قلت اكيد بكون مازن قلت لهو ما ليك شغله بي و عملت حظر لرقم و جدعته التلافون طلعته بره لقيت رشا صحت سلمت عليها و قعدنا نتونس امي قالت لي امشي البسي عبايتك خلينا نمرق عشان نجي راجعين قبل مواعيد الفطور رشا قالت لينا امشين وين قلت لها السوق و دخلت البس عبايتي لبستها و شلت تلافوني و مرقت امي كانت جاهزه طوالي طلعنا..وقفنا لينا امجاد و مشينا علي السوق الشعبي دخلنا و لافيينه في السوق دا لمن عينه مرقت امي اشترت كم توب لحبوبه و جلابيه لجدو و انا اشتريت سلاسل و حلقان لبنات خالاتي و مع اذان الضهر جينا خشاين البيت لقيت رشا جهزت الفطور يحليلها دخلنا قلعت عبايتي و غسلت يديني و جيت طالعه رشا كان بتاكل في اولادها قالت لي اخت الفطور? فلت لها خليك انا بختو انت اكلي اولادك فعلا ختيتو و ناديت امي و احمد.. حسام و حاتم مافيشين قعدنا اتغدينا احمد قال نتحرك بكره بعد صلاه الصبح قلت لهو انششاءالله رفعنا صينيه الفطور و كلو زول دخل علي غرفتو انا مشيت استحميت و كنت تعبانه شدييد فنمته.. صحيت المغرب بصوت تلافوني بضرب رديت من غير ما اشوف المتلصل قلت الووو جاني صوت مهند قال لي دا كلو نوم ههههه لمن سمعته صوتو قمت مخلوعه قلت لهو مهند?قال لي اي ههه قلت عايز حاجه??قال لي كنت داير اقول ليك رايك شنو نمرق اليله عشان انت بكره مسافره?قلت لهو اليله??صعبه والله معليش قال لي عندك شنو في سري قلت الولد اللصقه دا ياخ قلت لهو امي دايراني اساعده في حاجات حاجات عشان حنقوم الصبح بسوط زعلان كده قال لي خساره خلاص ما مشكله لمن تمشي و تجي انشاءالله قلت لهو انشاءالله قال لي يلا ما اطول عليك مع السلامه و قفل الخط جدعته التلافون في السرير و قمت غسلت و شي و اتوضيت صليت المغرب و طلعته الصاله لقيت حسام و حاتم بحضرو في كوره قلت لهو امي وين?حاتم قال لي في غرفته بترتب في حاجات كده قلت لهو ااااا طيب حمشي اساعده مشيت لامي جوه غرفته قلت لها ماما اساعدك في حاجه?? قالت لي بس امشي اعمل الشاي لاني مصدعه قلت لها طيب... فعلا مشيت عملت الشاي و رسلت حسام اجيب بسكويت من الدكان قعد اتلايق فيني لكن في النهايه مشه ختيت الشاي في الصالون و مشيت ناديت امي قالت لي نادي احمد و رشا فعلا مشيت دقيت لهم الباب فتحت لي رشا قالت لي طيب جايين قعدنا كلنا شربنا شاي المغرب قلت لي رشا اولادك وين??? قالت بلعبو جوه قلت لها اودي لهم شاي? قالت لي لالا بساهر بهم و انا دايرهم انومو بدري بعد شربنا الشاي كلو زول قام مشه خشه غرفتو لقيت عندي مسكول من رقم غريب قلت يا ربي دا منو اترددته في اني ارجع لهو لكن في النهايه رجعته ل الرقم جاني صوت دينا قالت لي اسمعيني ما تقفلي الخط بصوت جادي كده قلت لها خير عايزه شنو?قالت لي بعد تسمعيني حتتمني لو رديتي علي باحترام😊قلت لها لخصي قالت لي مازن راجلك قلت لها اسمو مازن طليقي سكت مسافه قلت لها اها مالو قالت لي يعني ما لحقتك قلت لها شنو?? قالت لي اسمعيني لنهايه من غير ما تقاطعيني قبل حكايه بتاعه 6 شهور لاقيت ساره في بيت عمل قلت لها بيت عمل دا شنو كمان قالت لي عديل كده عمل يعني عند شيخ تكتبي زول باسمك تعملي مصيبه لزول المهم شكلها عملت لمازن دا حاجه لانو شايفها جايبه قميص و بتقول للمره انا دايراهو ما اشوف غيري و اطلق مرتو التانيه, دينا بتحكي و انا ببكي قالت لي 6 شهور بفتش في رقم اوصل ليك بهو قالت لي اسه ما تبكي و شوفي ليك حل و انا زمان كلمتك قلت ليك ساره دي مجنونه و ممكن تعمل اي شي عشان تبعدك من مازن سكتت شويه و قالت لي لمن تهدي اضربي لي و قفلت الخط انا بس ببكي و ببكي بصوت اصلو ما اتخيلت انو ساره ممكن تصل معها لكده و انو في الدنيا دي ممكن اكون في ناس كعبين للدرجه دي ساعه كامله انا ببكي لمن صدعته مشيت غسلت وشي و هديت شويه رسلت لي تاله قلت لها لمن تفضي ضروووري تضرب لي كانت اونلاين قالت بره البيت حسه لمن اصل بضرب ليك, خير في حاجه??قلت لها لا ما تقلقي بس لمن تصلي اضربي لي و لا رسلي قالت لي طيب,عاينت لروحي في المرايه عيوني كانت مورمه شدييد سمعته صوت دق في الباب قلت ممنو?? جا صوت امي بتقول لي انا و خشت طوالي قالت لي هدايا ناس و لمن شافتني قالت لي سجمي سجمي مالك?? لمن سالتني عيوني تاني اتملو دموع قالت لي مالك يا بت قلت لها ماف حاجه قالت لي كيف يعني ماف حاجه و انت بتبكي? تاله فيها حاجه??? ليلى كويسه? قلت لها كلهم كويسين لكن انا ما كويسه و قعته ابكي حضنتني و قالت رهف بسم الله مالك قلت لها مازن يا ماما و من البكه ما قدرته اتم كلامي امي مسحت لي دموعي و قالت لي مازن دا مش قلنا خلاص ننساهو?قلت لها عاملين لهو عمل امي نططت عيونها و قالت لي كيف يعني قلت لها دي ساره يا امي بسسبه دا كلو حصل😭 قالت لي كيف يعني و قال ليك الكلام دا منو? حكيت لها كلام دينا القالتو لي كلو امي زعلت شديد و قالت لي اسه بضرب لسعاد قلة ادب و مساخر فاضيه ما بتنفع معانه قلت لها امي ما تكبري الموضوع قالت لي بكبرو انا بتي الما تمت سته شهور في بيته اجيبوها لي مطلقه من غير سبب مقنع و في النهايه اتطلع الكلام كلو من تحت راص ساره?? قومي جيبي لي تلافوني من غرفتي ولا اقول ليك بقوم اجيبو انا و طلعت بره الغرفه لحقتها شالت تلافونها و ضرب لي خالتو سعاد سلمت علها في الاول عادي بعدها قالت لها اسمعي يا سعاد مازن شال بتنا فوق وحده و سكتنا, استعجل و اصر الحاجات تتم بسرعه و سكتنا طلقه و سكتنا لكن يا سعاد تطلع ساره عامله مصيبة زمان لولدك عشان اخلي بتي دي انا ما بسكت فها و ساره دي لو دايره تجنن لي بتي قاطعته خالتو سعاد قالت لها كلام كتييير امي ردت لها وحده بنعرفه قالت شافت ساره هناك شوفي ليك شيخ لولدك و لمن ابقه كويس لينا كلام تاني...
يتبع.....
