المره الاوله ما رده اتوترته شدييد😭 المره التانيه حتين رده و شكلو كان نايم قال لي رهف? مالك? بس دموعي جرت😭 قلت ليهو مازن انت كويس? قال لي اي الحمدالله قال لي انت مالك قلت ليهو حلمت حاجه كعبه و خفت عليك شديد قال لي اتغوذي من الشيطان مافي حاجه انا كويس قال لي دقيقه قفل الخط و ضرب لي فديو كول صوره و صوت بالوتساب رديت عليهو حته كانت ضلام فهو ما شايفني لكن انا شايفاهو لانو فاتح النور بقه اعمل لي حركات بوشو قال لي شفتي انا كويس😂 ضحكته قلت ليهو الحمد الله كنت خايفه شديد حلمته انو قال لا ما تحكي قلت ليهو طيب لمن عاينت للساعه لقيتها 4:30 قلت ليهو معليش صحيتك قال لي بالعكس دا احلا يوم الببده بصوتك دا سكت شويه و قال لي ممكن تطلعي لي بره بعد ساعه كده قلت ليهو انت جنيت لا طبعاا قال لي داير اديك حاجه اديها لاحمد ققلت ليهو داير تديهو شنو? قال لي خلي الشمشره😏 قلت ليهو وريني ياخ قال ما بوريك قلت ليهو مازننن قال لي ما تعملي لي كده😂 انت بس اطلعي بره لمن اضرب ليك قلت ليهو طيب انتظر الدنيا تفتح قال لي اساسا و يلا ماشي اصلي قلت ليهو طيب انا زاتي قفلت الخط و مشيت اتوضيت و صليت... لقيت امي و خالتي فوزيه صحو و واقفين في المطبخ قلت لي امي اسعدكم في شنو? قالت لي انتظري الساعه 7 تجي و سوقي معاك لين امشوا الكوفير اتحنني ماف طريقه نجيب الحنانه هنا لانو حسه الجيران بجو و البيت بتملي ضيوف قلت ليها طيب خالتي فوزيه قالت انا ما شايفه في داعي للفطور و الهيله بيله هي راجعه لزوله زاتو امي قالت ليها انا ما استشرتك في الموضوع دا خالتي فوزيه قالت ليها يعني حسه نجيب الناس و نقول راجعه لطليقه? كان تتسترو ساي و تعقدو في الجامع اسوق مرتو و امشي و اساسا في ناس كتار ما عارفين انها مطلقه امي قالت ليها فوزيه بنهره كده مشيت خليتهم ما كنت عايزه اسمع كلام اضايقني الصراحه لانو كنت مبسوطه شديد مشيت دخلت غرفتي و بقيت بفتش بين هدومي حاجه حلوه البسها, ما كنت شايله معاي هدوم خطيره كلها فساتين عاديه و كده طلعته لي اسكيرت لنص الساق ابيض و فيهو ورود ملونه و طلعته معاهو بودي اسود عندي اكسوار كده فيهو الوان كتيره طقم سلسل و حلق و عندي هاي هيل اسود; اثناءما انا بكوي في السكيرت مازن ضرب رديت عليهو قال لي حبيبتي انا بره تعالي قلت ليهو طيب دقيقه بس لبست لي توب و طلعت لقيتو واقف بالعربيه جنب باب طوالي ركبته قلت ليهو مبالغه لمن اشتقته ليها قال لي و هي زاتها اشتاقت ليك ابتسمت قلت ليهو اها? قال لي اي عشان ما ااخرك هاك طلع ظرف كده قلت ليهو دا شنو? قبل ما ارد علي قلت ليهو مازن انا قلت ليك نحن محتاجيين? قال لي رهف انت غبيه? دا مهرك او بالاصح جزو منو قلت ليهو مهر شنو? قال لي انا طلقتك ولا ما طلقتك? تميتي العده ولا ما تميتي? قلت ليهو لكن انت اوردي كنت دفعت قال لي رهف دا كلام كبير عليك😂 شيلي القروش دي بس و لمن نرجع الخرطوم بتمها ليك انا اتكلمت مع احمد و فهمتو قلت ليهو طيب شنو الداير تديهو لاحمد? قال لي ولا حاجه قلت ليك كده عشان تجي بس قلت ليهو غياظ دا😒 فتح الدرج و طلع ليهو علبه صغيره فتحها قال لي تقبلي ترجعي لمازن الغبي الفرض فيك? قلت ليهو مازن و دموعي جرت حضنتو و قلت اي بقبل ارجع لمازن حبيبي سكت شويه كده و قال لي رهف ما تتحمسي نحن لسه ما عقدنا😅 اتحرجت فكيتو قلت ليهو معليش انا بس... قال لي لالا عادي بس عشان انا زاتي ما اقوم اتهور😂 كلها ساعات و غمز لي قلت ليهو مااازننن ضحك قال لي جيبي يدك لبسني الخاتم قلت ليهو انا بحبك شدييد باس يدي قال لي انا اكتر❤ فضلت بعاين ليهو قلت ليهو انت اصلك سمح كده? ضحك قالل لي رهف مصره تخليني اتهور قلت ليهو لا خلاص معليش زاتو نازله قال لي اشوفك بعد عاين لي ساعة يدو قال لي 5 ساعات قال لي خلي بالك من نفسك قلت ليهو و انت كمان و سوق براحه قال لي حاضر نزلت من العربيه و اشرت ليهو بيدي حتين اتحرك قفلت الباب اول ما قبلت لقيتت متعز كان بتوضى عاين لي بستغراب قال لي كنتي وين قلت ليهو كيف يعني كنت وين حكون كنت وين? قال لي ما عارف انت وريني قلت ليهو طلعت لمازن جا اديني حاجات قال لي خشي طيب عامله لي خاتمك السمح دا ضحكت قلت ليهو شفتو كيف قال لي لانك بتكلمي بيدك زي العويره... دخلت جوه مشيت لامي قلت ليها احمد صحه? قالت لي صحه لكن ما عارفهو وين اسالي راشه في المطبخ جوه مشيت ليها قلت ليها احمد صحه? قالت لي اي لكن طلع اجيب حاجات قلت ليها ااا غريبه ما لحظته ليهو قلت ليها المهم لمن اجي كلميني قالت لي طيب دخلت الغرفه تميت كويت السكيرت و تاني اتذكرته مشيت لامي قلت ليها ماما انا ما حمشي الكوفير قالت لي لي? قلت ليها يعني مافي داعي اتحنن و انا اساسا من هنه حرجع البيت قالت لي لالا برضو اتحنني قلت ليها بتحنن ليوم الجرتق اسي مافي داعي والله حبوبه قالت لي لالا اتحنني ناس البلد فاهميين انك من هنه ماشه بيت راجلك ما تخليهم انضمو فيك سايي قلت ليها حاضر مع اني ما مقتنعه امي قالت لي ارسمي حاجه صغيره قلت ليها طيب احمد جا خاشي و شايل معاهو اكياس ساعدتو دخلناها المضبخ قلت ليهو دقيقه عايزاك قال لي طيب مشيت غرفتي و احمد جا بواري قلت ليهو مازن الصباح جا و قاطعني قال لي اي شفتك الصباح معاهو في العربيه كان جادي و هو بتكلم معاي قلت ليهو معليش بس هو قال لي قاطعني تاني قال لي هو ضرب لي و كلمني عن كل الحجات و قال لي انو حيلاقيك و كده بس انت برضو كان تكلمي ناس البيت قلت ليهو معليش قال لي مافي مشكله قلت ليهو طيب هاك اذا في حاجه ناقصه ولا كده مديت ليهو الظرف قال لي لي رهف انت عويره? دي حقتك تمي بيها حجاتك انت الناقصه و ما تشيلي هم الحاجات كلها جاهزه قلت ليو طيب شكرا❤قال لي امي قالت اودوك الكوفير شوفي وحده من بنات خالي تمشي معاك و انا بدي مفتاح العربيه لحاتم ولا معتز اودوك لانو جدي قال نضبح تور و انا حقيف مع الضباح قلت ليهو طيب شكراا قالي لي علي شنو? اهما حاجه تكوني مبسوطه ❤..بعد ما طلع مشيت غرفة ناس لين دقيت الباب و خشيت طوالي لقيت لي لين قلت ليها معليش قايله فاطمه قاعده دايره اقفل الباب قالت لي تعالي قلت ليها اي? قالت لي تعالي دايره اتكلم معاك دخلت و قفلت الباب وراي و قعته قصادها قال لي لي خلاص مدام اليله العقد بتاعك بقه ما منك خوف عاينت ليها باستغراب قلت ليها شنو? قالت لي الصراحه انا بحب معتز قلته ليها صراحه ظاهر من حركاتك البتعمليها قالت لي اريتو افهم قلت ليها لا دقيقه يعني هو ما عارف? قالت لي لا او امكن عارف لكن ما داير اظهر لي الحاجه دي قلت ليها و انا زخلي شنو بتصرصري لي? بعدها ضحكته قلته ليها قايلاني حشلبو😂😂 قالت لي ما تضحكي قلت ليها والله يا لين لكن قال لي طوالي بلقاك قاعده معاهو و طوالي بتهظرو مع بعض و كده قلته ليها معتز عشان قريب لي في العمر فنحن من صغار اصحاب و انت اكتر وحده عارفه الحاجه دي قال لي لكن برضو بزعل لمن اشوفكم سوه حتى الصراحه فكرت معتز دايرك و مره سمعته عمتي فوزيه بتقول لامك اعرسو ليك معتز عشان استروك ضحكت قلت ليها خالتي من يومها كده و انا اتكلمت مع معتز في الحاجه دي وو هو قال لي مستحيل تحصل بذات انو كان عارف انا بحب مازن قدر شنو مع انو كن مطلقين قالت لي انا اسفه لكن قلت ليها اي عارفه لمن زول اشاركك في حاجه بتحبها حاره لانو اكتر وحده جربتها و يا ستي مافي مشكله جات حضنتني قالت لي عليك الله ما تزعلي مني قلت ليها يا بت بطلي عواره انا ما زعلانه والله😂❤ قومي البسي ليك حاجه ارح معاي الكوفير قالت لي حاضر من عيوني قلت ليها و عشان حتمشيي معاي مكافاتك حكلم معتز اودينا و اخليك تركبي قدام قلت ليها قصرته? قالت لي ابدا😍 فعلا لبسنا عبايتنا و قلت لي معتز ممكن توودينا قال لي طوالي ما عندكم مشكله فعلا ودانه و خليت لين تركب قدام و طريق كلو بشاغل فيها😂😂 لمن معتز قال لي رهف انت و هي بينكم في شنو قلت لي لين نكلمو? لين قالت لي رهف احسن ليك ضحك قلت ليهو مافي شي...نزلنا الكوفير اتحنتت حنه بسيطه و عملت شعري لين حننت يد وحده و عملت شعرها بعد خلصنا ضربت لمعتز قلت ليهو اجي اسوقنا قال لي طيب فعلا جانا و نحن في العربيه قال لينا ممكن وحده فيكم تكوي لي جلابتي? لانو الوقت ضايق و رسلوني اجيب حاجات قلت ليهو بري انا عروس ما بكوي😂🎀 خلي لين تكوي معتز قال يا لين معليش اكوي لي و بت عمك دي بعد نصل البيت نكرفسه نجدعه في اقرب زباله لين قالت ليهو ما عندك اي مشكله😂 قلته ليهم هيي احسن ليك بكلم ليكم معتز ضحك قال لي رهف دور البت الفكت بورتها و ما صدقت دا اطلعي منو قلت ليهو قاعده احمر ليك علي فكره😒 لين ضخكت قلت ليهو و انت بتضحكي كمان😒...وصلنا البيت و فعلا كان في كمية من الضيوف مشيت شلت هدومي من الاوضه و حجاتي البحتاجها كلها و مشيت غرفة ناس لين لقيتها بتكوي في جلابية معتز قلت ليها غايتو😏 قالت لي رهف خلي بالك في حجاتك احسن ليك😒 قالت لي انت مستنيه شنو البسي قلت ليها لسه فضل ساعه للصلاء قالت لي كان تجهزي والله قلته ليها اجهز من حسه عشان امشي اتونس مع نسوان الحله? بري مالي و مال البرّي و المعط ضحكت قالت لي والله صحي بجهز بس لمن مازن اجي عشان امشي اقعد معاهو💖 قالت لي احا و القلب زحا😍 قالت لي انت حتمشي معاهو? قلت ليها لا لا بسافر معاهو لكن برجع بيتنا قالت لي ولي يعني? قلت ليها دايرين نعمل جرتق و كده عشان عرسنا الفات ما هملنا اي برنامج قالت لي خلاص كاويه الشعر و متحننه مالك?😂 قلت ليها ديل ناس امي اصرو اثناء ما بنتونس معتز ضرب لي لين قال ليها معليش جيبي لي الجلابيه في الصالون ما داير اخش في نص النسوان قالت ليهو حاضر قلت ليها احيااا انا من حاضر اشرت لي بيدها معتز قال ليها دي رهف ولا شنو? قالت ليهو منو غيرها قفلت الخط قالت لي يا غبيه سمعك قلت ليها معليش تكبري تنسي😂 قالت لي غياظه دي تاني كان حكيت ليك حاجه ابقه مجنونه...مشت تودي الجلابيه لمعتز و انا في الوقت دا غيرت هدومي و سرحت شعري كان طول شويه من ما قصيتو اتريحت و لبسته السلسل شكلي ما كان مقبول ريحت الطرحه و ختيتها بس في كتفي... و ضربت لي لين لانها اتاخرت بس ما ردت لمن عاينه للساعه كانت 1:20 طلعته بره الناس لمت شافوني بدو ازغرتو و كده سلمت على كل الناس و في غرفتي كانو قاعدين بنات الجيران و كده لقيت لين زاتها معاهم قلت ليها ما جيتيني راجعه تاني لي? قالت لي من قبيل برسلوني عشان كده قلت ليها يحليلك قعدته و بقو البنات بغنو و اصرو علي اقوم ارقص; كان برنامج ظريف بعد شويه سمعت الناس بتزغرت بقيت ما فاهمه الحاصل فاطمه جات حضنتني و قال لي عقدوووو دموعي طوالي جرت قالت لي يا بت الببكي شنوو الناس كلها بقت تجي تبارك لي لين قالت لي عبالي كدع يا رب ضحكته و قلت ليها امييين جات هديل اخت اسامه سلمت علي و قالت لي مبرووك حبيبتي قلت ليها الله ابارك فيك دقيت اتونس مع البنات و شويه ناس من الجيران اجو اباركو و كده بعز شويه جات اميت اول ما شفتها دموعي طوالي جرت زغرتت و بعدها حضنتني قالت لي يا ما تبكي الف الف مبروك و عبال ما اشوف اولادك كده يا رب قلت ليها اميين مسحت لي دموعي قالت جدك و خيلانك دايرين اباركو ليك قلت ليها حاضر ختيت طرحتي في راصي قلت لي لسن الميكب اتمسح قالت لي يعني دقيقه نصلحو ليك مشت جابت حاجات من الغرفه و فعلا صلحتو لي و بعدها دخلو باركو لي حاتم قال لي مازن في الصالون تمشي تسلمي عليهو ولا برضو اجيك هنه?😂 كنت خجلانه عشان جدي و خيلاني في امي قالت لي خليها تمشي احسن ما دام الصالون فاضي فعلن مشيت انا و امي و حبوبه لقيت معاهو معتز بارك لي و بعدها طلع امي و حبوبه باركو لي مازن لمن جا ابارك لي حسيت الغرفه دي ذرة اوكسجين بقه ما فيها مازن قال لي مبروك لينا و حضني كنت حموت من الخجل لانو امي قاعده قلت ليهو مازن معانه ناس فكاني و باس يدي قال لي الله ما احرمني منك امي زغرتت حبوبه قالت لي عبال بتيمان انشاءالله يا رب مته من الخجل و مازن شغال اتبسم ساي بعدها امي و حبوبه طلعو ...فضلنا ساكتين شويه بعدها قام جا قعد جنبي مسك يدي قال لي ما اول مره بس بجد مختلفه المره الاولى كنت خايف و عايز الحاجات تتم بسرعه خفت من ردت فعلك اذا عرفتي عن موضوع ساره قبل العقد لكن انا مره دي مرتاح و مبسوط شدييد انا كنت خجلانه لدرجة ما قادره اتكلم قال لي رهف في شنو اول مره اشوفك خجلانه كده😂 قال لي كدي ارفعي راصك رفع لي راصي باطراف اصابعو كنت يادوب عاينت في وشو قال اي ارفعي راصك خليني اتامل الجمال دا 😍 باسني في خدي قال لي رهف انت عملتي فيني شنو? سمعنه صوت الباب بدق صلحته طرحتي و هو زحه مني شويه قلت ليهو دا الباب الفاتح العلى الحوش شكلو ضيف ..مشه فتح بعدها قال اووه اسامه عرفتو اسامه صحبو جا خاشي سلم علي و قال لي الف مبروك قلت ليهو الله ابارك فيك قعته شويه معام بعدها دخلت جوه قلت لي امي مازن جاهو واحد صحبو دايره اكب ليهو عصير قالت لي كان تودي ليهو الغده قلت ليها اول اودي العصير بعداك بسالو لو داير غده امي قالت لي الزول بعمل العكس لكن براحتك كبيت ليهو العصير و انا ماشه جاتني لين قالت لي رهف دا شنووو خلعتني لمن قربته اوقع الصينيه قلت ليها يا بت بسمالله في الشنو? قالت لي رهف وب علييي دي شنو الحاجه الجوه مع مازن دي??? قلت ليها مشيتي? قالت لي مشيت ابارك لمازنف قايلاك معاهو و اتفاجات بالصاروخ دا ; قلت ليها هو ساي بجنن خلي كمان اليله لابس جلابيه قالت لي يا بت اسكتي مازن ما اسمعك😂 قلت ليها ارح معاي نتونس قالت لي دقيقه شكلي حلو ضحكت قلت ليها اييي بس وين ولائك لمعتز قالت لي معتزز مييين يا حبي معتز دا الماضي خلاص قلته ليها غايتو انت خفيفه خفه صخكت حبوبه قالت لي يا بنات واقفات تتحامسن في شنو العصير بكون سخن و الولد بكون مشه قلت ليها معليش يا حبوبه واداهو قلت لي لين اوعه تتخاففي قدام الولد ضكنا و مشينا قدمته ليهم العصير قلت لي مازن دي لين بت خالي و يا لين د.ا مازن اكيد عارفاهو سلمت عليهو و قالت ليهو مبروك تاني قال لي الله ابارك فيكك قلت ليها و دا اسامه صاحب مازن قالت ليهو اهلييين مره تانيه اسامه قال ليها اتشرفنا بقين بنتونس معتز و حاتم جو داخلين قعدنا كلنا نوتونس بعدها اسامه قال الوننسه معاكم ظريفه لكن انا لازم امشي بعد دا و مبروك مره تانيه ليكم الاتنين و حاتم و مازن طلعو اقدموهو لي قربت مني قالت لي رهفف واااييي وااااي قلت ليها و انا اقول شنو? قالت لي انت تغضي بصرك و تملي عينك بالعندك ضحكت معتز قال لينا بتتهامسو في شنو انتو قلت ليهو انت هنه بلاي😅 بجديه كده قال لي عليك الله? لين قالت ليهو اهداا هايج مالك? 😂 و قبل ما ارد جو ناس مازن خاشين مازن قال يلا انا زاتي امشي بعد كده عاينت ليهو بحزن كده قلت ليهو اقعد لسه عليك الله الوقت بدري حاتم قال ليهو اقعد اقعد مازن قال معليش مره تانيه; اخليكم ترتاحو عشان بكره منتظرك طريق سفر طويل... بعد مازن طلع لميينا باقي العده الفي البيت انا و البنات امي و خالتي و ام ناس لين كانو بجد تعبو حتى البنات ما قصرو معاي❤ قلت ليهم بجد شكرا لين قالت لي رديها لينا في الافراح ضحكته لانيي فاهمه قصدها شنو فاطمه قالت لي يعني حسه بكره مسافريين قلت ليها للاسف قالت لي حتفرقو معانا شديد والله لين قالت لي والله بي تعبكم دا كان تستنو لي بعد بكره قلت ليها براك عارفه امي كلمتها وحده قالت لي خلاص نخليك ترتاحي قلت ليها لالا خلييكم ساسا دايره ارتب حاجاتي و كده فعلا طلعته شنطتي و هم بتونسو معاي رتبته هدومي فاطمه قال اجيب لينا عصير و اجي قلت ايها طيب اول ما طلعت لين قالت لي اتخيلي معاي معتز اكون بحبني قلت ليها خلاص قمنا?😂 قالت لي انا جاده ياخخ قلت ليها لو دايراني حسه بسالو ليك قالت لي حتقولي ليهو شنو? قلت ليها حقول ليهو رايك شنو في لين قالت لي انت غبييه?? لاا طبعا كذه عملتيها ظاهره قلت ليها لكن يا لين الولد دا ما شكلو ناوي علي عرس و شنو حسه قالت لي ما مشكله بتظرو ضحكت قلت ليها صعبه يا يت خالتي😂 المهم مره كنت بتكلم معاهو و قال لي داير اشوف شغل بره و كده قالت لي بره وين امششي اخليني لي منو😭 قلت ليها عاقد عليك و انا ما عارفه?😂😂😂 ...فاطمه جات فقفلنا السيره قالت لينا طبعا البيت كلو نايم قلت ليها مبالغه😂 لين قالت ليها هي الساعه كم? قالت لها 11 قلت ليها مبالغه الوقت بمشي سرعه; لين قالت لي بجدد و يلا نخليك تنوميي دي صحية من متين...فعلا طلعو و انا طوالي رقته نمت...صحتني امي تاني يوم الساعه 4:30 كنت تعبانه شديد لكن قمت اسحميت عشان اصحصح لبسته بنطلون واسع و نيشيرت و طلعت البرنده لقيت خالتي و اخواني و رشه مرت احمد و حبوبه قاعديين و بشربو في الشايي قعته شربته معاهم قلت ليهم و ين معتز و البنات حبوبه قالت لي ما صحو قلت ليها حمشي اصحي البنات ما بمشي قبل اوديعهم مشيت صحيتهم فاطمه صحت لكن لين قدر ما حاولة معاها تقول مدنها حاجه قلت لي فاطمه اختك دي بقره خلاص قالت لي اساسا😂😂😂😂😂 طلعنا بره حاتم قال لي شنطتك جاهزه قلت ليهو ايي قال لي اشربي شايك و صلي عشان نتحرك اول ما دنيا تفتح قلت ليهو حاضر فعلا شربته الشتي سرعه سرعه و صليت قلت لي فاطمه لين ابدت تصحه قال لي لا لبسته طرحه كبيره و طلعت شندتي علي بره حاتم شالها مني و طلع اوديها العربيه شلت يحى من رشا و طلعت الحوش لقيت معتز قال لي خلاص ماشيين قلت لي اي😢 قال لي يحليلك لكن نحن بنجي بوراكم انشاءالله لاني نهايت الشهر دا مسافر السعوديه قلت ليهو بجد?? خلاص امورك اتظبطط قال لي انت بس ادعي لي قلت ليهو الله اسهل ليك سكتنا شويه قلت ليهو معتز قال لي اخكي قلت ليهو رايك شنو في لين? قال لي بت خالي و اختي مكانتها نفس مكانتك الصراحه كلامو زعلني قلت ليهو بس? عاين لي باستغراب قال لي كيف يعني قلت ليهو انسى حاتم جا داخل من بره قال لي مازن جا قلت ليهو بجد?? ما قال لي جاي حاتم قال لي و قال و استاذني اذا ممكن تركبي معاهو اثناء ما هو بتكلم امي جات و سمعتو قالت ليهو مرتو طوالي اسوقها ماف مشكله... حمد ربي انو امي قالت كده لانو من كلامها معاي الايامات الفاتت كنت خايفها تدخل في ادق تفاصيلي مع مازن حاتم قال حتى انا راي كده و خلاص لو جاهزيين نطلع عشان ما نتاخر,امي انت و حسام اركبو و معاي و خلي احمد و واولادو اركبو سوه امي قالت ليهو سمح قال لي و انت يا رهف اطلعي مازن دا واقف من قبيل قلت ليهو حاضر دخلت سلمت علي حبوبوه و دعتها دعت لي كم دعوه حلوه كده و دعت جدي و باقي ناس الا لين الحوانه لانها نايمه و طلعت قلت لي امي يالله نتلاقه في بيت انشاءالله امي قالت لي مازن خلي بالك يا ولدي و انت سايق مازن قال ليها ما توصي حريص ركبتا و مازن ركب و اتحركنا كنا في الاول ساكتيين قلت ليهو ما مصدقه انو رجعنا لبعض مسك يدي و باسها قال لي صدقي حبيبتي و انشاءالله تاني ماف حاجه حتفرقنا سكتنا مسافه قلت ليهو مازن قال لي عيونو قلت ليهو عندي اسئله كتييره دايره اسالك ليها قال لي و انا سامعك قلت ليهو اول شي لي طلقته رهف مش امك حلفتك ما تخليها? قال لي نحن مش قلنا ما نتكلم في الحصل زمان? قلت ليهو اي بس عايزه اعرف قال لي اول حاجه مستحيل اقدر اخليها علي ذمتي بعد العملتو..امي في الارل عارضت و قالت لي خالتك و شنو لكن ابوي ضغط عليها و في النهايه رضته...ساره الله فتحها عليها هديل قال لي خطبوها قلت ليها يحليها هديل مشتاقه ليها شدييد هم لسه قاعدين? قال لي هديل قاعده اخوانها سافرو سكتنا شويه قلت ليهو و عمر? قال لي عمر ولدي بغض النظر عن انو امو ساره ضغط علي يدو قال لي لمن تشوفيهو حتحبيهو بزات انو ببهني شدييد😂 سكتنا مسافه ما كنت قادره اتقبل فكرة عمر مازن قال لي هيي خلااصص😂 ما تنفسيني حسه نجيب دسته زي عمر😂❤ خجلته قلت ليهو ماززننن قال لي عيووونوو و قلبوو و روحووو سكت ما رديت قال لي خلاص اسئلتك خلصت? عاينت ليهو قلت ليهو اخر سوال;نفسي افهم كيف كنت معرس ساره و مرتبط مع تاله و خاتي عينك علي ضحك شدييد قال لي شنو بتنكتي لي في حجات زمان😂😂 قال لي تاله كنت بعرفها اول و معظم المشاكل الحصلت بيني و بينها كانت بعد اتزوجته ساره لاني ما كنت بقدر اتكلم معاها طوالي في النهايه ساره ليها حقوقها كمان قال لي و انت من اول مره لاقيتك ما عارف عملتي فيني شنو❤ خلتيني ما شايف غيرك... سكت شوييه قال لي انا عارف اني غلطان و غلطان شديد قطعتو قلت ليهو خلاص نقفل علي السيره دي سكتنا مسافه قلت ليهو ما قلت لي ناس فارس جو قال لي قايلك عارفه والله قلت ليهو من ما جيت هنا ما اتكلمنا كتير وقف جنب بغاله قال لي حجيب مويه و حجات عشان الطريق طويل قلت ليهة طيب اول ما نزل تلافوني ضرب لقيتها لين اول ما فتحت الخط قعدت تكووركك قالت لي يا حيوااانه تمشي من غيير ما تقولي لي معسلامه??? ضحكت قلت ليها صحيتك لكن انت زي البقره ما بتحسي قال لي كان تصحيني شديد😢 قلت ليها معليش حقك علي قالت لي خلينا من كده اتكلمتي مع معتز? قلت لي اي ... مازن ركب و خته الكيس وره قال لي اها قال ليك شنو?? قلت ليها قال مسافر نهاية الشهر قالت لي و غيرو? قلت ليها بس ما كنت حابه اقول ليها هو قال شنو قالت لي غبيه ما سالتيهو مني? قلت ليها انت مش قلت ما اسال? قالت لي خلاص اقفلي مني و شوفي مازن بوين😒 و قفلت الخط ضحكت قلت البت دي مجنونه خلاص قال لي لين? قلت ليهو ايي قال لي ظريفه علي فكره قلت ليهو عشان بت خالي😤 قال لي امممم قلت ليهو نحن لسه بعيدين? قال لي يادوب اتحركنا😂😂 قلت ليهو تعباانه و الكرسي ما مرييح 😢 قال لي رجعيهو لوره فعلا رجعتو و قبلت عليهو كان مركز في الطريق...بقيت بين نايمه و صاحيه لحدي ما نمت عديل.. رهف حبيبتي قومي رهف قلت ليهو اممم قال لي قومي قربنا نصل قلت ليهو مبالغه نمت دا كلو? قال لي اي قلت ليهو انت ما تعبته من السواققه قال لي و انت جنبي ما بحس يالتعب سكتنا شويه قال لي في مويه وره لو عايز ولا اقول ليك خليها لانو حتكون بقت حاره نقيف نشتري وحزه جديده قلت ليهو لالا ماف داعي نحن اصلا قربنا نصل فعلا وصلني لحدي البيت قال لي معاك المفاتيح قلت ليهو لالا الا ننتظر نناس امي بجو حسه قال لي طيب ماف مشكله ..انتظرنا قريب الساعه و ما جو ضربت لي حااتم بديني مغلق و نفس شي امي و احمد و حسيت مازن تعبان قلت ليهو خلاص وديني عند تاله لحدي ما اجو قال لي ما مشكله نتظر شويه كان ما جو امشي معايي البيت قلت ليهو طيب...غعلا انتظرنا مسافه و لسه ما جو و تلافوناتهم مقفله قلت لي مازن انا بديت اخاف قال لي مافي شي بخوف هن بس عشان اتحركو بعدنا و انشاءالله بكونو كويسيين...مشينا بيتهم و طلعنا بالسلم البره عشان قلت لي مازن ما بقدر الاقي الناس حسه دخلنا البيت بجددد اشتقته ليهو;كان مرتب و نظيف مازن فتح لي يدينو قال لي تعالي مشيت عليهو حضني قال لي بجد مشتاق ليك فضلنا علي نفس وضعنا امكن 10 دقايق قلت ليهو مازن انت حتكون تعبان امشي نوم قال لي انت خليك جنبي و انا بكون مرتاح قلت ليهو حكون جنبك بس برضو امشي نوم باسني في راصي مسكني من يدي قال لي تعالي مشينا غرفة النوم كانت زيي ما خليتها مافي شي اتغير قلت ليهو خش اخد ليك دش انا طجلع ليك هدوم تلبسها باسني في يدي قال لي طيب فعلا هو دخل الحمام و انا طلعت ليهو هدومو مشيت فتحت التلاجه عشان اعمل ليهو عصير لقيت مافيها حاجه رجعت لقيتو طلع من الحمام قلت ليهو دايره اعمل ليك حاجه تاكله لكن لقيت التلاجه ما فيها حاجه قال لي ما مشكله اصلا ما عايز قلت ليهو طيب اخليك تنوم انا حمشي احضر التلفزيون بره مسك يدي قال لي لا خليك وقد في السرير و رقته جنبو مع اني كنت خجلانه شديد كن بنعاين لي بعض بس ابتسمت ليهو قلت ليهو في شنو قال لي انت حلوه شدييد ابتسمت و نزلت عيني منو قال لي و احلا لمن تخجلي قرب مني و باسني قال لي انا بحبك للابد قلت ليهو و انا لي ما بعد الابد.... فضلت اعاين ليهو لحدي ما نام ما كنت عايزه اقوم عشان اصحه بحركتي شلت تلافوني رسلت لي تاله قلت ليها انو نحن جينا الخرطوم لقيت دينا مرسله لي" الف مبروك سمعته انكم عقتو والله يا رهف انت بتستاهلي كل خير و انشاءالله عبال ما ابارك ليك في ولادتك " قلت ليها الله ابارك فيك انت كيف عامله تاله ضربت لي ططوالي قفلت الخط رسلت ليها مارن نايم ما بقدر ارد قال لي مشيتي معاهو البيت? قلت لي ايي و قصه طويله بحكيها ليك بعدين قالت لي خلاص عليكم الله تعالو لينا بعدين قلت ليها طيب بشوف مارن و بكلمك قالت لي طيب رسلت لحاتم قلت ليهو انا مع مازن لانو المفاتيح ما معاي لممن تصل اضربو لي ..كنت بديت انعس نع اني نايمه الطريق كلو فنمت......
