من الوقت داك نمت ما صحيت الا الصباح,صحيت زهجانه, لبسته و انا طالعه امي قالت لي بعدين ما تتاخري اختك جايه الساعه 3 قلت لها كويس حاتم قال لي مش ماشه الجامعه ارح انا بوصلك قلت لهو طيب
//كسره//
علاقتي مع ناس بيتنا ما قويه, اساسا كلو زول في البيت في حالو, ابوي متوفي من ما انا كنت في الاساس,عندي تلاته اخوان, احمد و غترب في السعوديه معرس و عندو طفلين, و في حاتم و دا اصغر من احمب ب سنتين و اقرب زول لي في البيت, تاني عندي اختي ريم معرسه و قاعده في مصر مع راجلها عندها بت واحده, و اخر و احد حسام و دا ممتحن لي الجامعه.
نرجع
المهم طلعنا و نحن في الطريق مازن ضرب لي عملت الغاء مكالمه تاني ضرب حاتم قال لي ردي قلت لهو ما مشكله برد بعدين قال لي راحتك, انت كيف عالمه قلت لهو كويسه قال لي متاكده? ليك فتره كده ما عجباني قلت لهو لي? قال لي حاسي في حاجه مزعلاك حاجه شاغلاك قلت لهو لالا مافي حاجه بس ضغطت الجامعه قال لي الله اوفقك, مازن كيف قلت لهو كويس و طوالي بقول لي اسلم عليكم قال لي الله اسلمو, ما حدتو العرس متين? قلت لهو لسه هو بقول عيد الضحيه لكن انا قلت لهو احسن بعد اخلص سنه رابعه قال لي احسن تعملوهو في العيد دايرين نترتاح منك سرعه😝 قلت لهو غياظ دا و بعدين انت قايل لو عرسته حترتاحو مني? كلو يويمين بتلقوني ناطه عندكم ضحك و قال لي نشوف و صلنا الجامعه قال لي لكمن تخلصي اضربي لي لو قريب بجيك قلت لهو ما تعب روحك قال لي ماف تعب و يلا بالتوفيق نزلت من العربيه و دخلت الجامعه ضربت لي تاله قالت لي هي لسه ما وصلت الجامعه لكن قربت قلت لها تمام لمن تجي انا قاعده في الكفتريا قالت لي تمام و قفلت الخط مشيت قعته في في الكفتريا و ضربته لي مازن ما رده علي رسلت لهو مسج قلت لهو معليش ما كنت بقدر ارد.. شاف الرساله اول ما رسلتها و طوالي ضرب لي رديت قال لي وين انت? قلت لهو في الجامعه من صوتو حسيت انو زعلان قلت لهو معليش والله كنت في العربيه و ما قدرته ارد فال لي في العربيه مع منو? قلت لهو مازن مالك? قول بسم الله ,كنت مع حاتم وصلني هو الصباح قال لي امممم تمام اثناء ما انا بتكلم معاهو تاله جات قلت لهو يلا باي بضرب ليك بعدين قال لي تمام و قفل الخط سلمته على تاله قالت لي دا منو? قلت لها مازن قاعد اتنفسن فيني ضحت قلت لها اها احكي كنت دايره تقول لي شنو, قالت لي فارس عيدملادو الخميس الجاي و دايره اعمل لهو مفاجأ في بيتو قلت لها حلووو قالت لي يلا دايرك تساعديني خلي مازن اشغلو لي يوم الخميس دا بي اي طريقه,قلت لها تمام هو مازن ساكن وين? قالت لي في المعموره قلت لها براهو? قالت لي لالا امو و ابوهو و عندو اختين و اخوه مرتو قلت لها مشاءالله و كلمتي ناس بيتهم? قالت لي اي اختو فاطمه دي صحبتي و هي الجابت الفكره قلت لها ظريييف قالت لي ارح الليله ارجعي معاي قلت لها يا ريييت لكن ريم جايه الليله و امي من امبارح بتوصي فيني ما اتاخر قالت لي الله اكتب سلامها قلت لها امييين, ارح انت ارجعي معاي قالت لي والله ماما ليلى عيانه و ما بقدر اخليها براها قلت لها سلامتها خلاص ارح نطلع من الجامعه بدري اسلم على ماما ليلى و بعداك بمشي البيت قالت لي تمام و يلا زاتو زمن المحاضره ارح نمشي القاعه مشينا خشينا نمته المحاضره كلها صحيت مع نهايتها تاله قالت لي بالغتي قلت لها والله تعبانه ياخ قالت لي خلاص ارح نطلع عشان ما نتاخر قلته لها تمام اول ما الدكتور طلع طوالي طلعنا ضربته لي حاتم اول ما رده قال لي خلصتي خلاص? قلت لهو اي لكن ماشه مع تاله بتهم قال لي تمام قلت لهو زي الساعه تلاتع الا تعال سوقني قال لي تمام ركبنا العربيه قلت لها تاله سوقي براحه ما تعملي لي جنك بتاع كلو مره😂🔪
كسره
ام تاله متوفيه و ابوها شغال في قطر عايشه مع حبوبتها ام ابوها و ما عندها اخوان ماما ليلى باقيه لها ام و ابو و اخوان الله احفظها❤
نرجع
وصلنا ببت ناس تاله سلمته على ماما ليلى و قعدنا اتونسنا معاها بجد انسانه رائعه بعدها استاذنته منهم عشان حاتم جا حنستني عشان اتغده معاهم لكن قلت لها انو اختي جايه من السفر و شنو و دعتهم و طلعته ركبته مع حاتم قلت لهو ريم جات قال لي لسه بنزلك في البيت و بسوق معاي حسام و بنمشي نجيبهم من المطار قلت لهو خلاص دخلت البيت قلت لي حسام اطلع حاتم مستنيك بره قال لي تمام و دخلته غرفتي طلعته لي بنطلون و تشيرت و دخلته استحمه جيت مارقه عملت شعري ضفيره لي اسبوع تقريبا ما سرحتو😂 و مشيت افاتش امي في البيت ما لقتها سالت عائشه البت شغلاه منها قال لي مشت تجيب عيش من دكان قلت ليها ولي ما مشيتي انتي قالت لي و لي ما تمشي انتي, اتخيلو معاي القلة ادب قلت لها انا ما دايره قلت ادب معاك قلبت لي عينها و مشت, مكرهاني البيت لكن ما بقدار اتكلم لانو لو خلت البيت بنضف انا😂لقيت ما عندي شغله مشيت غرفتي فتحت التلافون لققيت ما فيهو اي موضوع جدعتو و سامعه زي صوت اني جات طلعته بره فعلا لقيتها جات قالت لي تعالي شيلي مني الاكياس دي شلتهم منها قلت لها تعبتي نفسك لي قالت لي ريم دي قاعده تجي متين قلت لها صحي والله قالت لي الكيس داك فيو فواكه دخلي التقلاجه يوم الجمعه عاملين فطور كلمي مازن قلت لها تمام قالت لي و تاله زاتها خليها تجي قلت لها طيب انتو عازمين منو? قالت لي خالاتك و عماتك و نسابت اختك قلت لها ظرييف لسه بنتكلم كده ناس حاتم جو داخلين امي دي من الفرحه لمن حسيت بها دايره تطير سلمنا علي ريم شكلها اتغير شدييد سمنت شدييد و بتها ماشاءالله كبرت و بقت بتشبه ريم قعدنا كلنا نتونس امي قالت لها علي جاي متين ريم قالت لها بعد شهر كده امي قالت نور حبيبتي تعالي اقعي جنب حبوبتك (نور دي بت ريم عمرها 9 سنين حلبيه ما سميه وما ضعيفه عسلوه شديد) ريم قالت لي البت المخطوبه والله كبرتي يا رهوفه ضحكت لها قالت لي كيف خطيبك هو اسمو منو? قلت لها مازن و كويس الحمدالله حاتم قال والله انا كنت قايل كلنا بنعرس و نخلي رهف دي تقد مع امي امي قالت لهو لي ماله رهف الف واحد اتمنها قلت لي حاتم انت دا الشكلك حتقعد حاتم قال لي والله شكلو كده😂😅 المهم فضلنا نتوس و نهظر و نضحك امكن دي اول مره احس بسعاده من ناس بيتنا بعد ما ابوي اتوفى المهم بعد ما اتغدينا امي قالت نخلي ناس ريم ارتاحو لانو حيكونو تعبانين امي قالت لي اخلي ريم و نور انومو في اوضتي و انا اجي انوم معاها قلت لها طيب فعلا هم مشو رقدو في اوضتي الي هي في الاصل احقتي انا و ريم😂 فضلنا قاعدين انا و حاتم في الصالون قلت لها اها ماف زوله كده ولا كده قال لي كيف كده ولا كده قلت لهو بطل غباء قال لي والله يا رهف في لمن لمن اكون الوقت مناسب بوريكم قلت لهو خلاص لمح لي بيها قال لي ما بتعرفيها قبت لهو خلاص عرفتها😝قال لي عرفتي شنو انا قلت ليك ما بتعرفيهاا قبت ليهو و انا قلت بعرفها قال لي اها منو قلت لهو اميره بت خالتو سلوى😝 قال لي انت مجنونه اميرة شنو يا😂 البت دي بترفع لي ضغتي, عامله لي وشها الزي طربيزة اللحام دا 😂 قلت لهو حرام عليك ما تقول عنها كده هي ما شينه والله قال لي ده ابسط شي اتقال فيها😂 بنتكلم قام تلافوني ضرب كان قاعد جنب حاتم مداهو لي و غمز لي عاينت لقيتو مازن حاتم قال لي اخدي راحتك😉 قلت لهو اقعد ياخ بضرب لهو بعدين, قال لي انا اساسا عندي مشوار مهم و طالع قلت لهو طيب شال مفتاحو و مرق رديت على مازن قال لي كيفك قلت لهو تمام و انت قال لي تمام بس مشتاق ليك قلت لهو انا زاتي😪هي بالمناسبه عزمنك فطور يوم الجمعه قال لي فجأ قلت لهو ريم جات من مصر و شنو ف عاملين زي لما صغيره كده للاهل و مبنا انك بقيت من الاهل فانت معزوم لكن لو مشغول ولا كده ما مشكله بعتذر لهم قال لي لو مشغول بفضه😍 قلت لهو اها كيف كان يومك قال لي ياهو نفس حق كلو يوم و حسه ماشي لي فارس قلت لهو ايوه اتذكرته قال لي شنو? قلت لهو تاله قالت عايزه تعمل ل فارس مفجأت ل عيد ملادو يوم الخميس قال لي الخميس البكره دا? قلت لهو لالا الجاي قال لي ظريف قال لي و يلا قالت دايراك تشغلو يوم الخميس عشان ما امشي البيت قال لي هي عاملاهو في بيتهم? قلت لهو اي قال لي من عدم المحلات يعني قلت لهو هي متفقه مع اخواتو و انت مالك زهجته? قال لي انت ماشه قلت لهو لي ما امشي? قال لي ما تمشي قلت لهو لي يعني قال لي كده بس قلت لهو لو ما ورتني السبب حمشي قال لي بنبره حاده رهف اسمعي الكلام قلت لهو لو ضارب عشان تكورك فيني تاني ما تضرب اتنهد كده و قال لي معليش و انا شايف تكلمي تاله و اعملوهو في حته غير بيت فارس قلت لهو افهم انو مشكلتك بيتهم ما مشكلتك العيدملاد? قال لي اييي سكتنا كده قام قال لي يلا انا لازم اقفل عشان طالع قلت لهو تمام يلا باي و قفل الخط...
يتبع.....
