صحيت مع المغرب و سامعه اصوات بره,نزلت من السرير و مشيت جنب الباب فتحتو حته لقيت دي تاله و فارس و مازن قاعد معاهم قفلت الباب و مشيت دخلت الحمام غسلت وشي و طلعته لبسته توب و طلعت سلمت عليهم و قعته جنب مازن تاله قالت لي بقيتي كيف قلت لها الحمدالله ,قالت لي ضربت ليك تلافونك مقفول قلت لها تلافوني باظ عاينت لي مازن و رجعت عاينت لي قالت اا, فارس قال لي مازن نطلع عشان ما نتاخر مازن عاين لساعة يدو و قال لهو اي قلت لهم ماشين وين? مازن قال لي مشوار قريب و جاين تاله حتقعد معاك لحدي ما نمشي و نجي فارس قال لهو انا حنزل قبليك و قال لي معالسلامه و نزل قلت لي مازن بصوت واطي شافعه انا? و بعدين دايمن بقعد براي لمن تكون مافيش قال لي حسه الوضع اتغير قلت لهو كان تنزلني في بيتنا و انت راجع تسوقني قال لي كدي بنتناقش في المقتراحات بعدين شال مفاتيهو و قال لي تاله زي ما وصيتك تاله قالت لهو ما تخاف و قام مرق حمرت لي تاله قلت لها موصيك علي شنو? قالت لي انا جعانه عندكم اكل شنو دايره بس تزوغ من السوال قلت لها ما عندنا اكل هنا ضحكت و قالت لي كيف يعني و مشت باتجاه المطبخ قلت يا ربيي من الظرافه مشيت بوراها لقيتها فاتحه التلاجه فلت لها هيي ما ترتاحي شديد اكلت زيتونه و قالت لي مش ابيتي تعملي لي? يلا بعمل براي قلت لها ياخ زحي كده زحتها من جنب التلاجه قلت لها عندنا جبنه دايره? قالت لي اي شي عملت لها جبنه و اديتها السنداوتش و سخنت مويه عشان اعمل شاي لروحي عملتو و طلعنا من المطبخ قعدنا في الصاله تاله قالت لي مالك قاعده زي المجبوره علي القواعد قلت لها فعلا مجبوره😊 سكتت ما ردت علي بعد مسافه قالت لي مازن قال لي خلي بالك منها عاينت لها قالت لي بجد بخاف عليك من اي حاجه حتى نسمة الهواء والله ايام راقده في المستشفى مازن ولا ثانيه ما زحه من جنبك عينو دي ما رمشت و قدر ما حنسناهو امشي ارتاح بقول امكن تصحى و ما تلقاني جنبها حسيت العبره خنقتني قلت لها بسببو يا تاله كل البحصل بسببو قالت لي دي غلطتكم سوه, انت يا رهف اتغيرتي شدييد اصلو ما رهف البعرفه البت الاسمها دينا دي غيرتك 180 درجه اولا غيرتك الزايده علي مازن و شكك فيهو سببها هي لانها بتقعد تملي ليك راصك, طريقتك في الكلام اتغيرت حتي لبسك, و زول المخدرات بقع في الغلط و بحاول اجور معاهو الناس و دا العملتو دينا، بقيت ببكي تاله جات قعدت جنبي مسحت لي دموعي وقالت لي الدنيا دي قصيره استمتعي بها احسن ما تتقعدي تضيعيها كلها مازن لي اتكلمت مع تاله مازن لي مشيت لي ساره ,مازن دا خاتيك فوق اي زول و الحاجه دي ظاهره في عيونو, حضنتني و قالت لي خلاص وقيفي بكه مسحت دموعي و قلت لها الله اخليك لي💖 ابتسمت وقالت لي امشي غسلي وشك و ارح نمشي نجيب ايسكريم نفسي فيهو والله قلت لها شايفاك شهيتك مفتوحه شدييد قالت لي قولي ماشاءالله😂 ضحته و مشيت غسلت وشي و جيت قلت لها خليني اضرب لمازن من تلفونك اكلمو انو حنطلع قالت لي طيب ضربت لهو رده علي طوالي قال لي خير رهف كويسه???قلت لهو كويسه اي قال لي رهف? قلته لهو ايوه قال لي عيزه حاجه? قلت لهو عادي انا و تاله نشي نشتري ايسكريم قال لي لي اي امشو حسيت نبرت صوتو لمن اتغيرت من الفرح قلت لهو شكرا قال لي عفوا و خلي بالك من نفسك قلت لهو و انت كمان و قفلت الخط علي كده قلت لي تاله قال عادي نمشي قالت لي طيب البسي عشان الوقت ما اتاخر مشيت لبسته عبايتي و لفيت طرحتي و شلت شننطه نفسي لون الطرحه و مرقنا, مشينا بركشه اشترينا ايسكريم و انا شلت معاي كتير للبيت اكلنهاو في المحل حتين جينا راجعين البيت اول نا دخلنا ,دخلته الايسكريم في الفريزر تاله ضرب لها فارس قال لها تنزل هو تحت قلت لها خليهو اخش قالت لي قال الوقت اتاخر قلت لها طيب ودعتها قالت لي ما تنزلي خليك فعلا نزلت براها و انا دخلت غيرت عبايتي و مشيت شلت ايسكريم تاني و فتحت التلفزيون و قعته قدامو مازن جا خاشي ختيت الايسكريم فوق الطربيزه و مشيت عليهو حضنتو حتى هو استغرب من حركتي قلت لهو انا بحبك ضماني عليهو شديد و قال لي انا اكتررر باسني في راصي و قال لي و مشتاق ليك شديد طوالي دموعي جرت قلت ليهو انا اسفه قال لي ما تعتذري لانو دا بجد ما غلطتك انت فضل حاضني مسافه بعدها قال لي اختي الدوه? قلت لهولا 😅 قال لي طيب اكلي حاجه عشان تاخديهو قلت لهو قبل شويه شربه شاي و حسه اكلت ايسكريم قال لي دا ما اكل لكن قلت لهو لكن شبعانه قال لي طيب دخل الوضه جاب الدوه و جاب معاهو مويه فتح الحبوب اداها لي بلعتهم قال لي واحده فيهم فيها منوم فحتنومي بعد شويه قلت لهو اساسا تعبانه و كنت حانوم قال لي بكره عندك مواعيد مع الدكتور قلت لهو ما دايره امشي ياخ😪 قال لي لازم تمشي قلت لهو حتمشي معاي قال لي اكييد❤ و يلا امشي ارقدي عشان بكره مواعيدك الصباح بدري مشيت استحميت و لبسته بجامه و رقته مازن جا رقد جنبي قربت منو و ختيت راصي في كتفو قلت لهو ساره دي زي بقيت ما شغال بها كده قال لي هي عايشه دور الحامل زياده عن اللزوم و كلو شويه تتنفسن فيني ضحكته قلت لهو ما تلومها بقينا بنتونس لحدي ما نمته...
و الايام عدت كده بمشي الدكتور و حسه خلاص وصلته مراحل العلاج الاخيره و تقريبا بقيت خلاص كويسه, انا و مازن كلو يوم حبنا بزيد و ساره كل يوم بطنها بكبر😫 فارس و تاله عرسهم حددهو شهر 3. دينا علاقتي اتقطع كلو كلو معاها بس مره وحده لاقيتها لمن مشيت مع مازن الشغل و بقيت بتقول لي انو الحصل عليك شنو و بتاع ولي اتقطعتي قلت لها غيرته شريحتي و ارقام الناس كلها اتمسحت و مشيتها بكم كذبه, قالو منذر خطبها اساسا ما بعرف بعرفه من وين😂 لكن الدنيا قسم😂....
ناس بيتنا بقينا بنمشي لهم كلو جمعه انا و مازن بنفطر معاهم و انا بقيل باقي اليوم و مازن بجي اسوقني نهاية اليوم, اخوي احمد و مرتو و اولادو جو مستقرين في بيت ناس امي ريم راجلها جا و اجرو شقه قريبه من بيت ناس امي...
يتبع.....
