قلت لها موضوع شنو الضاربه لي بهو في نص شهر عسلك دا😂 قالت لي والله يا رهوفه مهند ولد خالت مازن دا قال دايرك قلبي بقه اضرب شدييد بعد شويه سمعت صوت فارس شكلها فتحت الاسبيكر قال لي الزول دا حمانه النوم😂 كلو شويه اقول ضربتو لها? كلمتهوها😂 تاله قالة لي و انت يالكلبه بتقولي لهو انا اخت العروس😂 لمن قال لي فارس انا داير اخت تاله لمن شكيت في نفسي و قلت اختي??😂😂 قلت لها ياكلبه يعني انا ما اختك😔 قالت لي خلنا من كده اها رايك شنو?? فارس قال لي والله ما عشان ولد خالتي لكن مهند دا زول كويس قلت لهم و انا لسه مصدومه.. كدي خلوني افكر و برد ليكم تاله قالت لي خلاص تمام.. و علي كده قفلت الخط و سرحت في عالمي براي قلت يعني معقوله انا و مازن خلاص قصتنا انتهت? معقوله العشنه كلو خلاص حتبخر? اي هو طلقني و مع انو مره وقت طويل لكن ما كنت قادره استوعب الحاجه دي من غير ما احس لقيت دموعي جرت مسحت دموعي و قلت كدي استخير و ما حخسر شي و الفيهو الخير ربنا اقدمو و زي ما قال فارس مهند ولد طيب...مشيت اتوضيت و صليت لي ركعتين دعيت ربي انو الفيهو الخير احصل❤ طلعته بره لقيت حاتم قاعد ماسك تلافونو و بشرب في قهوه و اتبسم ساااي جاني احساس بتاع اني دايره احكي لهو قعت في الكرس القصادو قلت لهو احم احم قال لي اااا و حسيت بهو اتلبش كده ضخكت عليهو😂 قالي لي الزول ما اخلط في البيت دا هزيت لهو راصي بلا😂 قال لي عايزه حاجه?? قلت لهو امممم و سكت قال لي اتكلمي سرعه مالك?😂 قلت لهو انا صراحه اتقدم لي واحد صلح قعدتو و قال لي اها و انت رايك شنو?? قلت لهو ما عارفه قال انا شايف تدي روحك فرصه تانيه,, انت لسه صغيره و العمر قدامك طويل و ما من تجربه و حده تقفلي من مرضوع العرس قلت لهو انا والله ما عارفه متررده شدييد قال لي الولد منو?? قلت لهو من اهل ناس فارس.. تاله و فارس شكروهو لي شديد و انا زاتي لاقيتو و اتكلمت معاهو و يعني الصراحه الولد ما فهو عيب.. قال لي يا زوله استخري والله كريم قلت لهو الكلام دا افضل بينتتا بزاد في الفتره دي قال لي ما عندك مشكله❤ قلت لهو شكرا و اها انت ما ناوي تخطي خطوه ل قدام?? قال لي ناوي والله.. قال لي كنت داير اقترح علي ناس البيت نمشي الخميس الجاي نخطب قلت لهو حلووو قال لي لكن رانيا بقول نعمله بعد اسبوعين عشان ابوها لسه ما جا,, و حنزل السودان بعد حكايه بتاعت عشره يوم قلت لهو انت شوفو المناسب و نحن في اي لحظه مستعديين قال لي عارفكم و ما بتقصرو فضلنا نتونس كده مسااافه بعدها دخلت انوم عدت الايام و بقيت بتواصل مع مهند طلع شخصيه ظرييفه شدييد و مرحه و بحب الهظار و الضحك😍 لكن برضو ما قادره اتخيلو راجلي😪 في يوم كده طلعته الدكان اجيب رصيد و انا راجعه فجأه احس ليك بزول جاريني من يدي بقيت بكورك باعلي حسي و الشارع كان ضلام و فاضي الزول خته يدو في خشمي و قال لي اهدي انا مازن و فكاني قلت لهو دا شنو الاسلوب المنحط دا?? و داير مني شنو??? ما افتكر عندك عندي شي يا ابو عمر وشدييت علي اخر كلمه قال لي اركبي العربيه اتفاهم معاك قلت لهو تتفاهم معاي في شنو??? انت خليت فيها تفاهم ولا كلام قال لي رهف اركبي عشان ما اركبك بالغصب و عشان عارفه التافه بعمله قمت ركبته قلت لهو عندك دقيقتين احكي العندك سرعه سكت شويه و كان بعايني لي ابتسم ابتسامه خفيفه كده قلت ليهو ما افتكر موضوعك المهم هو انك تبحلق فيني مالك? قال لي اسمعيني هنه كويس الاسمو مهند دا لو وافقتي عليهو ما بحصل خير الصراحه صدمني بكلامو قلت لهو انت اسلوب التهديد بتاعك دا لسه ما خليتو??? قال لي كلامي العندي قلتو قلت لهو اعلى ما في خيالك اركبو و دا الشنو حركات الافلام الهنديه دي? و انا مهند دا موافق علهو من حسه قال لي رهف بنهره كده نزلت من العربيه ولا اشتغلت بهو و طوالي مشيت بنايحه البيت سمعته صوت العربيه بتاعتو بتفحط شدييد انا قلت مازن دا بكون مات عاينت وره لقيت ماشي بسرعة الصاروخ قلت حريقه فهو مالي و مالو دخلت البيت امي قالت لي مالك اتاخرتي كده?? قلت لها لاقيت ناس فطومه و قفنا اتونسنه شنويه قالت لي و بتتبسمي زي العويره كده مالك قلت ليها ماف حاجه دخلت غرفتي كنت مبسوطه و مضايقه في نفس الوقت... كلام مازن دا معناته بغير علي🙈 لكن السخيف لسه بحب افرض رايو و امشي كلام لكن ما ببقه رهف لو سمعته كلامو💪 طوالي عناد و قوة راص رسلت لي مهند قلت لهو "اممم مهند" رده علي طوالي قال لي اي? قلت ليهو لو لسه متقدم لي انا وافقته ضحك و قال لي ما بقولوها كده يا غبيه😂 لكننن دا احلا خبر انا سمعتو 💓.. تاله كانت اون لاين قلت لها لمن تكوني براك اضربي لي ضروري قال لي خير في شنو?? قلت لها حسه فاضيه? لسه ما كتبته باقي الكلام ضربت لي قلت لها فارس قاعد? قالت لي لالا طلع اجيب لينا اكل قلت لها طيب اتخيلي حصل شنوو قالت لي اها احكي!!! قلت مازن و &#&@&@&! حكيت لها قصه كلها قالت الولد دا مخو والله ما تمام قللت لها و انا قلت لي مهند انا مواقفه سرخت لي قالت لي نعممم??? انت متخلفه??? كان تشوفي نهايه مازن دا شنو امكن داير ارجع ليك قلت لها ارجع لي??? ههههه كان بقه اخر راجل يا تاله ما برجع لهو قالت لي ما تغشي نفسك و انا و انت عارفيين كويسس ما بحتاج اتكلم و بتكلم معاك بعدين دا فارس جا و قفلت الخط... صنيت مع نفسي قلت لازم اطلع مازن دا من راصي دي ما حاله طلعته بره لقيت امي بتكلم في التلافون مع حبوبه قلت لها بعد تخلصي اديني اسلم عليها هزت لي راصها ب سمح بعد خلصت ادتني سلمت عليها دعت لي بكميه من الادعيه و قلت لها اميين و سلمي على البنات قالت لي الله اسلمك حبيبتي♥ و قفلت الخط قلت لي امي بجد مشتاقه لناس حبوبه😭 قالت لي امشي لهم قلت لها بجدد نفسيي قالت لي انا زاتي بمشي معاك بس خلي احمد اسافر قلت لها لا لحدي ما احمد اسافر بكون عرس حاتم اتحدد و مع الجري تاني ما بنلحق نمشي كلمي ناس احمد ارح نمشي كلنا لسه بنتكلم جو داخلين ناس حاتم و احمد امي قالت لهو اولاد حلال والله💓 ضحكو قالو لها في شنو? قلت لهم دايرين نمشي البلد قالو لي فكره سمحه😍 قلت لهم ارح في الايامات الجايه دي احمد قال لي اي زاتو اولادي اشوفو البلد و اعرفوها. حاتم قال و نمشي بعرباتنا زاتو قلت لهم خلاص ارح نمشي بكره دي امي قال لي يا بت ها حاتم قال لها لي يا امي قالت لهو نلحق نجهز الحاجات متين?? احمد قال كلامها صح امي قالت بعدين دايره اشيل ل ناس امي حاجات و كده قلت لهم خلاص بعد بكره??? امي قالت خلاص سمح جيبو التلافون اضرب ل ريم اكلمها مع اني عارفها ما بتمشي.. من صغيره ما بتحب المشي هناك قلت لها برضو نضرب نكلمها فعلا امي ضربت لها و كلمتها قالت لها بشوف محمد و بكلم امي قالت لها سمح , قلت لي احمد رشا و الاولد وين اليله قال لي مشو بيت امها قلت لهو اااا امي قالت والله خلاص اتعوته عليهم في البيت الليله من الصباح عشان مشو راصي مقطوع😪 حاتم قال لها اسه بعرس و بمله ليك الببت كلو شفع و قتها بتغيري رايك😂 قالت لهو لا والله احفادي ديل بيشلهم في عيوني احمد قام باسها في راصها قال لها يلا انا طالع اجييهم امي قالت لهو ودعتك الله و الرسول قلت لي احمد سوقني معاك😭 امي قالت لي ها تمشي وين? حاتم قال لي البيت دا فيهو شوك ولا شنو😂 كلو دقيقتين متشبكه ليك في زول الى تمرقي معاهو احمد قال لي البسي ارح طيب امي قالت لهو تلبس شنو امشي يا ولدي خلها دي مجنونه ساي قلت لي امي لي كده😪 واللع زهجته من قعاد البيت😪 امي قالت لي كان زهجتي قومي نضفي قلت لها خلاص الزهجه فكت😂😂 ضحكنا كلنا امي قالت امشي يا احمد عشان الوقت ما اتاخر و بقينا بنتونس انا و امي و حاتم جا خاشي حسام سلم علينا و طوالي دخل غرفتو قلترلي حاتم حال الولد زا اصلو ما عاجبني امي قال اتكلمو مع اخوكم دا بطلع اليوم كلو لجي نص الليل ارقد انوم حاتم قال انا بتكلم معاهو و طوالي قام مشه لهو في غرفتو امي قالت لي انا ماشه ارقد بعد دا عشان بكره اقوم بدري اشوف تجهزات السفر قلت لها طيب يلا تصبحي علي خير دخلت غرفتها و انا طوالي مشيت غرفتي لقيت مكالمه من مهند لكن ما رجعته لهو لانو الوقت اتاخر كانت الساعه 12 و شويه و نحن مافي بينا علاقه جاده تخليني اتكلم معاهو في وقت متاخر رسلت لهو قلت لهو معليش كنت بعيده من التلافون...و الوقت اتاخر فنتلكم بكره?? كان انو لاين طوالي رده علي رسالتي قال لي كنت داير اتكلم معاك دايره اجي اتقدم ليك بتين حسيت زي الضربوني في راصي قلت في سري عاان الصدق😂 انا زاتي كنت ناسيه اني قلت لهو اني موافقه... دي مصيبة شنو اسي دي اتوكلت علي الله و قلت لهو في الوقت الانت بتشوفو مناسب بس اول خليني اتكلم مع ناس بيتنا قال لي طيب براحتك قلت اهو و نحن مسافرين بعب بكره القضارف قال لي بجد??? تمشو و تجو بالاسلامه حتقعدو كم قلت لهو حكايه بتاعت اسبووع كده قال لي اممممم و فضلنا نتكلم مسافه طويله و انا من غير ما اشعر نمت...
يتبع.....
