يوم جمعه كنا مقيلين في شقت ريم بدل بيت ناس امي...قاعدين انا و امي و حسام و ريم و حاتم و احمد و مرتو, اولادو و نور بت ريم كانو بلعبو جوه حاتم قال لينا انا خلاص قررت اخطب امي قالت لهو بركه بركه 😍😍😍😍😍😍 ريم قالت لهو منو سعيدة الحظ قلت لها سعيده شنو دي منو المسكينه الراضيه بيك دي حاتم قال يا امي بتك دي سكتها😒بعدها قال احم نرجع للموضوع المهم و حده زملتي اسمها رانيا احمد قال لهو دفعتك? حاتم قال لهو لالا اصغر مني تقريبا قدر رهف كده و اكبر منها ب سنه امي قالت لهو اهله منو جنسهم شنو حاتم قال شيلي الصبر يا امي, و بعدين دا كلو ما مهم المهم انا انها عاجباني و بس❤ امي قالت لهو لا برضو يعني عشان نكون عارفين قال ليها بتعريفو كل شي انشاءالله احمد قال لهو خلاص علي بركت الله,حدد يومك الدايرنا نمشي فيهو نحن طوالي معاك حاتم قال لهو تسلمو ما بتقصرو..اصلو ما قادره اتخيل حاتم اخوي عريس,سبحان الله..شلت مع ريم عدت الشاي دخلتها المطبخ قلت لها ريم مالك شكلك تعبان كده قالت لي بس تقولي شنو قلت ليها خير مالكقال لي بقول ليك بس ما تكلمي زول حاليا قلت لها انشاءالله خير قالت لي انا حامل قلت لها و دا شي بدسو😍 قالت لي في خطوره علي الجنين يا رهف😭 قلت لها كدي اهدي و احكي لي القصه براحه ساقتني معاها غرفة نومهم قالت لي انا قبل كده حملت لمن كنا في مصر لكن و انا نازله السلم وقعته و فقدنا الجنين قلت لها ولي ما حكيتي لينا قالت لي لسه كان الحمل في اولو قلت لها اها و حسه? قالت لي الدكتور قال لي الحمل حسه فهو خطوره علي و علي الجنين و نسبه ولاتو سليم اقل من خمسين في الميه😭 حضنتها و قلت لها ريم ما تبكي..الولد دا لو فهو خير ربنا بجيبو ليكم و انشاءالله بجي❤ مسحت دموعها و قالت لي انشاءالله قلت لها امشي غسلي وشك عشان امي ما تقلق ساي قالت لي طيب مشت كده مازن ضرب لي قال لي قربته عليك اطلعي علي بره قلت لهو ما حتخش? قال لي لا والله تعبان قلت لهو طيب ريم كانت واقفه قالت لي دا مازن? قلت لها اي قال لي اطلع قالت لي كان تبيتي ياخ قلت لها يا ريت لكن مازن ما برضه و غير كده صوتو ما عاجبني دايره اشوفو مالو قالت لي طيب ما بضغط عليك طلعنا لي ناس امي امي قالت لي كنتو وين انتو يا بنات? قلت لها سعدنا بعض نغسل العده قالت لي و انت مالك لفيتي طرحتك قلت لها مازن قال جاي قالت لي ما حيخش قلت لها لالا شلت شنطتي قلت لي امي نوصلك? قالت لي لالا امشي يا بتي احمد في قلت لها العربيه بتشيلكم حاتم قال لي انا في و جيت بعربتي ما تشيلي هم قلت لهم خلاص تمام ودعتهم و كده حاتم نزل معاي لتحت قال لي كان تستني اضرب ليك حتين تنزلي قلت لهو لالا ما مشكله قال لي بلاي السبوع دا فضي لي يوم😉قلت لهو لشنو😒 قال لي دايرك تكوني اول وحده تشوف رانيا قلت لهو طوااالي😍😍 عشان كان طلعت ما نافعه ما تتمقلب😂قال لي كان ما نافعه برضو ما بتحصلك😂قلت لهو اسكت يا غياظ و بعدين لي ما حكيت لي من زمان? قال لي فاضيه لي انتي? فاضيه لي مازن بس بنتكلم كده مازن جا نزل من العربيه سلم علي حاتم و انا قلت لهو باي و طوالي ركبنا العربيه قلت لهو مالك? قال لي مالي?? قلت لهو صوتك ما عاجبني و قربت منو ختيت يدي في راصو قلت لهو شكلو حيجيك التهاب قال لي اي حلقي وجعني قلت لهو حسه مر علي الصيدليه اشتري دوه قبل ما المرض اتمكن منك قال لي تمام باس يدي وقال لي انت كيف كان يومك? قلت لهو كويس حاتم قال داير اخطب😍قال لي بجد اللف مبروك والله قلت لهو الله ابارك فيك و في الايامات جايه قال عايزني امرق معاهم فال لي هم منو? قلت ليهو حاتم و خطيبتو قال لي ااا كويس طواالي قلت ليهو و انت عملت شنو? قال لي قعته مشتاق ليك اليوم كلو,خجلته شدييد و ما عرفته ارد لهو شنو ضحك شدييد قال لي تمينه 7 شهور و انت لسه بتخجلي باس يدي قال لي ارح نسافر قلت لهو فجأ يعني قال لي داير اسوق حبيبتي و نزح من كل الناس الحولينا,,فاهمه بكلامو دا كان قصدو ساره لانو الفتره الفاتت طوالي كانت بتعمل لي حركات قلت لهو لكن عرس تاله قرب قال لي و المشكله وين?? قلت لهو كان انا ما وقفته معاها و ساعتها البقيف منو قال لي خلاص بعد العرس ولا اهمك و صلنا البيت دخلنا مشيت غيرته حدومي لبسته بنطلون بجامه و تيشيرت لقيت مازن رقد في السرير و شبه نام طفيت النور و رقته جنبو.. صحيت التاني يوم لقيت مازن لسه نايم عايت لساعه كانت 9 استغربته انو ما مشه الشغل قلت لهو مازن مازن قال لي اممممم هبشتو في راصوو لقيتو عندو حمه شدييده قلت لهو مازن قوم اخد شاور جسمك حار شدييد قال لي تعبان ما قادر اقوم خليني انوم قلت لهو قوم استحمه حترتاح ألحييت عليهو شديد لحدي ما قام استحمه و جا رجع تاني رقد و اتغطه قال لي اقفلي المكيف قفلتو و مشيت جبته لهو بندول و مويه اديتها لهو بلع الحبه قلت لهو خليني اعمل ليك كركدي حار و طلعته عملتو لهو و جبتو قال لي ما تتعبي روحك قلت لهو ماف تعب هاك اشرب امكن تبقه احسن قلت لهو حمشي اجيب ليك دوه من الصيدليه و اجي قال لي ما تمشي اضربي ل مصطفى من تلافوني خلهو اجيبو ما حبيت اعارضو لنو حالتو ما بتسمح للنقاش ضربته لي مصطفى رد علي اي?? قلت لهو مصطفى سلام انا رهف قال لي اوو رهف كيفك قلت لهو كويسه,اممم مازن دا عيان لو سمحت ممكن تجيب لهو دوه التهاب من الصيدليه قال لي سلامتو ? قلت لهو الله اسلمك و شكرا و قفلت الخط هبشت مازن في راصو قلت لهو الحمه خفت قال لي ايي حته حاسي روحي احسن شويه من الصباح قلت لهو الحمد الله و حسه تاخد الدوه امورك بتظبط سرح فيني مسافه ابتسمت لهو قلت لهو مالك?? قال لي انا بحبك شدييد و ربنا ما احرمني منك❤ قلت لهو ربنا ما احرمنا من بعض❤ قال لي اميين الباب دقه لبسته توبي و مشيت فتحت لقيتها انجيلينا قالت لي هاك مصطفى قال ليك هاك دا قلت لها شكرا قالت لي عفوا قفلت الباب عاينت في الورقه كان مكتوب حبه كلو 8 ساعات جبته لهو الدوه و قلت لهو هاك بلعهم و شكلو الدوه فهو منوم لانو بعد ربع ساعه لقيتو نام دخلته المطبخ عملته شوربه و مشيت استحميت لانو رحتي كلها كانت اكل طلعته لبسته سكيرت جنز لحدي الركبه و معاهو بلوزه برتقالي عملت شعري ضنب حصان و اتريحت مشيت جنب مازن ختيت يدي في راصو قام صحه قلت لهو معليش قال لي ما مشكله كم الساعه قلت لهو 5:30 قال لي العصر فاتني نزل من السرير و دخل الحمام اتوضه قلت لهو لحدي ما تصلي حخت ليك الغده قال لي طيب مشيت سخنت الشوربه و كبتها لهو و ختيت جنبها ليمونه ووديتها لهو جو الغرفه شربها قلت لهو حلوه? قال لي زيك كده ابتسمت ليهو قال لي امي و ابوي قالو جاين اسلمو علي قلت لهو اول مره اطلعو لينا فوق قال لي اي😂 ركبت مبخر الكهرباء في الكهرباء و بخرت البيت لكن ما شديد عشان مازن و مشيت جهزت الشاي زي المغرب كده قامو جو خالتو سعاد و عمو عثمان سلمت عليهم و قعدنا نتونس خالتو سعاد قالت لي مازن دا لمن اجيهو التهاب بجهو كعب خلاص قلت لها اي يحليلو قالت لي لكن شايفاك ما مقصره منو قلت لها دا واجبي مازن اشيل و اعاين لي الباب دقه كنت قايمه افتح مازن قال لي خليك و قام فتحت سمعت صوت مصطفى; لبسته توب و جيت سلمت عليهو و قلت لهو شكرا قبيل ما قصرته قال لي علي شنو ياخ بقينا بنتونس مشيت جبته الشاي و جيت كبيت لهم و بقينا بنتونس ما حسينا بزمن الا لمن خالتو سعاد قالت سجمي الساعه 10 قلت لها يعني شنو خليكم قاعدين قالت لي عثمان دا كان ما نام بدري ما بصحه عمو عثمان قال ليها هوووي يا مره و ضحك طلعو و لكن مصطفى فضل قاعد قلت امكن اكون داير مازن في حاجه خاصه شلت العده و دخلت المطبخ غسلتهم و مشيت غرفتنا شلت تلافوني ضربته لي تاله ما ردت ضربته كتيير قامت ردت علي خالتو ليلي قالت لي تاله دي قاعده في الدخان ضحكته و قلت لها يحليلها لمن تخلص خليها ترجع لي قلت لها انت كيفك? قالت لي تمام والله و انت و راجلك كيفكم قلت لها كويسين و بكره ا بجيكم انشااءالله قالت لي مستننك و علي كده قفلت الخط مرت نص ساعه و مازن ما جا خاشي و ما طلعت الصاله لقيتو بحضر في الكوره و مصطفى ماف عاين لي و قال لي تعالي اقعدي جيت قعت جنبو شال يدي و باسها قال لي اليله تعبتي قلت ليهو لا عادي باسني تاني و قال لي شكرا ضحكت و قلت ليهو انا ما عملت حاجه على فكره... بقه مركز مع الكوره بقحيت العب بيدو قال لي امممم قلت ليهو انا حمشي انوم لانك ما فاضي لي😢 دايره اقيف مسك يدي قال لي خليك رجعت قعته تاني خته راصو في رجولي حبشته راصو قلت ليهو الحمدالله الحمه راحت قال لي ايي بقيت العب بشعرو و هو بحضر....
يتبع.....
