المرقه كلها مسخت لي و كان نفسي ارجع البيت قعدنا شويه و قلت لي حبوبه انا حرجع و انت بعد تخلصي تعالي قالت لي لالا نرجع سوه, اقعدي شويه اخلص الفي يدي دا كان بتعمل في البخور; مشيت قعدته مع البنات كانو بدقو و بغنو ابتهال بت الجيران قالت لي بكره تعالي نعمل الفال قلت لها انشاءالله في وحده جات سلمت علي شديد و شكلها بتعرفني قالت لي ما عرفتيني ولا شنو? قلت ليها لا والله بس شكلك ما غريب قالت لي انا حنان شغاله مع مازن كنت و لاقيتك كم مره في شركه قلت ليها ااا حناان كييفك😍 مشتااقيين و انت وين اختفيتي قالت لي تقولي شنو بس انت اخبارك و عامله شنو و كيف مازن قلت ليها كويسيين الحمدالله قالت لي جا معاك هنه? قلت ليها لالا والله قالت لي سلميي عليهوو طبعا انا خليت الشركه و تواصلي اتقطع بهم الا ناس بساط قلت ليها انشاءالله❤ حبوبه نادتني قلت ليها يلا مع السلامه انا ماشه قالت ارح اقدمك فعلا طلعت معاي لباب الشارع سلمت علي حبوبه قالت لي بكره بنستناك عليك الله تعالي قلت ليها انشاءالله و نحن واقفيين جا ولد سلم علينا حنان قالت لي دا اخوي اسامه سلم علي تاني قالت ليهو دي مرة مازن عاين لي بستغراب تاني ابتسم و قال لي انا صاحب مازن لكن ما اظن شفتيني قبل كده عشان شغال بره السودان قلت ليهو اتشرفنا حنان قالت لي يلا عشان ما اخركم ودعتهم و مشينا حوبوه قاله لي ولد صلاة النبي عليهو قلت اي مشاءالله لمن قربنا من البيت شفت عربيه واقفه قلبي بقه اضرب شديييد حبوبه قالت لي دي عربية منو? معانه ضيوف ولا شنو انا الكلام ما قدر اطلع مني زاتو دخلنا البيت و انا طوالي مشيت دخلت غرفتي فضلته بس لافه في نص الغرفه بعد شويه الباب دقه لمن حسيت بطني نزلت في رجليني فتحت الباب لقيتها فاطمه قالت لي واااييي واااي ما شفتي منو الجانه قلت ليها منو قالت لي دايره تعملي فيها عويره و ما عارفه? ققلت ليها جاده معاك منو قالت لي مازن و غمزت لي قلت ليها عرفتو قاعد من ما شفت عربتو بره 😭 كنت المهم قالو ليك تعالي سلمي كنت متوتره شديد صلحت طرحتي و بخيت ريحه و طلعت امشي خطوه و ارجع عشره لحدي ما وصلته باب الصالو قبل ما اخش سمعت احمد بقول في النهايه القرار الاول و الاخير حققها هي بعد سمعته كلامو ما قدرت اخش دايره ارجع لقيت حبوبه قالت لي ماشه وين خشي سلمي و بطلي كبكبه قلت ليها انا ما متكبكبه بس ماشه اشرب مويه عاينت لي قالت لي خشي قدامي فعلا دخلت قدامها سلمت علي جدي لانو من الصباح ما لاقيتو مديت يدي لمازن وقف علي حيلو و سلم علي حسيت الدنيا وقفت و نفسي اتكتم شكلو اتغير شديد من اخر مره شفتو لحيتو قامت و ضغف زي العيان و عيونو واقعه...مشيت قعته جنب امي تشيل و تحمر لي جدي قال لي يا رهف لمن قال كده لمن نسيت اسميي منو رديت ليهو بسوط واطي نعم قال لي مازن دا قال هو فكر و راجع نفسو و عرف انو غلط و حكه لينا الظرف المره بيهو و قال داير ارجعك لعصمتو انت رايك شنو سكت ما رديت اساسا ما عارفه كنت حقول شنو اقول ليهم اعقدو لينا حسه? شايفه الحيوان بتبسم حاتم قال سكتت كده يعني اعقدو😂 معتز قال حسه نجيب المازوون😂 مازن قال و انا موافق قلت ليهو لا ما قصدي كده لمن حسيت الناس ركزت معاي سكته قلت لي امي بسوط واطي الحاجات تتعمل براحه امي قالت ليهو طبعا يا مازن انت عارف انو في حاجات كتييره اتعملت من غير رضاي و انا اتجاوزتها بتي انت كان دايره تطلق الاوله و اليله قبل بكره تسوقها و تمشو بيتكم عاينت لي امي مصدومه شديد جدي قال ليها فرحه دا كلام شنو? الشرع حلل اربعه و تي البت كان راضيه ارجعوها فوق وحده نحن ما لينا حق ندخل مازن قال معليش يا عمي قاطعتك لكن انا ساره طلقتها و اليله اي حاجه تطلبوها مني مقابل رهف ترجع انا مستعد اعملها...يلا دي كانت الصدمه الكبرى مستحييل ابدا ما اتخيلتو اطلقها... امي ما اتكلمت احمد قال ليهو بعد دا تقعدو تقررو العقدد دايرنو متين مازن عاين لي و ابتسم حمرت ليهو لانو عارفاهو داير اقول شنو قال خلاص بنحدد سوه و بنوريكم انشاءالله و يلا بعد انا بستاذن حاتم قال ليهو كان تقعد شويه حبوبه قالت ليهو والله عشاء جاهز يا ولدي قال ليهم لالا والله معليش اعفوني امي قالت لا ما بناخرك دقيقه بس هو جاهز مازن عاين لي كده قمت قلت لي امي خلهو علي راحتو يا امي; امي و حبوبه حمرو لي مازن قال مره تانيه انشاءالله و يلا مع السلامه سلم علي جدي و طلع طلعت اقدمو قال لي خليك ما تتعبي روحك قلت ليهو مافي تعب قال لي خلي تلافونك مفتوح حضرب ليك بعدين قلت ليهو كويس; كنت خجلانه كده و ملخبطه زي كانو اول مره الاقيهو قال لي يلا مع السلامه قلت ليهو مازن قال لي عيونو; لمن نسيت كنت عايزه اقول شنو فضلته ساكته ضحك و قال لي مالك? قلت ليهو مافي حاجه خلاص ضحك قال لي جنك دا لسه ما خليتيهو قلت ليهو انننن ظريف قال يلا مع السلامه😂 و طلع عاينت ليهو لحدي ما ركب العربيه اشر لي بيدو حتين اتحرك قفلت الباب دخلت لقيت معتز غمز لي قال لي مازن لكن😂😂 قلت ليهو زح مني ما فاضيه ليك ماشه اخلط قال لي دا كلام شنو كمان اللقه احبابو بنسه اصحابو?😢 قلت ليهو بسسس اييي😝قال لي حيوانه طيري😂 لكن تاني اوعه تجيني😏 قلت ليهو معقوله خلاص معليش😢 ما بقدر علي زعلك جات لين قالت لينا بتعملو في شنو و صاره لي وشها قلت ليها صاره لي كده مالك😂 قالت لي جيت اتونس معاكم قلت ليها اتونسي مع معتز انا ما فاضيه ليكم و دخلت معتز كورك قال لي حيوانه ضحكت دخلت الغرفه امي جات خاشه بوراي قعت في السرير و قالت لي رهف انا عايزاك تحكي لي كل الحصل; قلت ليها حصل في شنو? عملت شنو انا? قالت لي انت و مازن? قلت ليهو والله يا امي ما اتكلمنا زاتو قال داير اتكلم معاي قلت ليهو تعال اتكلم مع ناس البيت حتى اتفاجته ما قايلاهو حجي اليله قالت لي عليك الله قلت ليها امي والله قالت لي ما تتفقو في حاجه قبل ما توريني قلت ليها امي دي شنو الحركات دي بعدين نحن ما صغار قالت لي المره الفاتت خليناكم علي كيفك كلو يوم طالعين لي بقصه; معقوله نسابتك ما اشوفهم الا بعد طلقوك دا كلام شنو يخواني? مساخر فاضيه انا تاني ما برضاها سكت لانو كلامها صح قلت ليها امي الدايراهو بنعملو ما تشيلي هم تلافوني ضرب قالت لي خلاص? رجعنا لي كلام بليل كن مرتاحين قلت ليها امي دي تاله😂 لوت لي خشمها و طلعت رديت تاله قالت ليي ياااا حيواااانهه ما بتسالي الا اسالو منكك قلت ليها لا والله لكن براك عارفه مشغوليات الحيه قالت لي مشغوليات شنو دي كان ما بتترقدي من سرير لي سرير قلت ليها دا زاتو ما شغل😂😂 قالت لي غايتووو كدي خلينا في المهم احكي لي الحصل شنو اليله قلت ليهو الحصل شنو في شنو قالت لي اهااا بدينا حركات الغباء قلت قصدك مازن قالت لي يا بت انت اصلك غبيه كده ضحكته قلت لها الوصل ليكم الخبر في فرنسا شنو? قالت لي فرنسا تمشوها انت و مازن سوه قولي امين يا بت انا لي اسبوع في السودان قلته ليها ما بصدق قالت لي والله لكن انتي ما فاضيه لي عشان اوريك😢 قالت لي ما تنسيني الموضوع الاساسي حصل شنو قلت ليها الوراك منو اول? قالت لي حكون منو يعني مازن ضرب لي فارس و فارس كلمني قال ليهو ماشي اتكلم مع اهلك و كده قلت ليها فعلا جا اليله حسه قبل شويه طلع من عندنا و يعني انشاءالله حنرجع قالت لي عارفاكم حترجعو لكن شعورك كان شنو لمن عاينتي ليهو قلت ليها يعني عادي ما عارفه قالت لي رهف😑 قلت ليها اول حاجه كنت بره البيت جيت لقيت عربيتو قدام الباب من هنا سحته بزات انو ما كنت عارفاهو جاي خليك من لمن لاقيتو قربت ادردق لكن مسكته روحي بالعافيه😂 قالت لي البشوف كلام شهرين الفاتو ما بشوف حسه;و انا و تاني والله مازن دا و هناي و بتاع قلت ليها غيرته راي خلاص قالت لي غيرتيي😉 قلت ليها تاله خلاص انا حقفل زاتو و ما دايره معاك كلام قفلت قبل ما اسمع ردها بقيت قاعده و مستنيه مازن اضرب بس ...اتذكرته لين قلت اشوفها ماله ضربته ليها ما ردت بعد شويه جاتني في الغرفه قالت لي مالك بلامه كده قلته ليها اقعدي عايزه اتكلم معاك قالت لي معليش مشغوله و مرقت اجي يخواني البت دي ماله? لقيت الساعه جات 1 صباحا و مازن لسه ما ضرب قلت امشي اتونس مع الناس شلت تلافوني و طلعت الصاله لقيت حاتم و حسام و خالد و احمد و معتز قاعدين و فاطمه جات شايله جك عصير ختتو و قعدت معتز قال لي الجابك لينا شنو😏 قلت جابتي رجولي قال لي معليش ماف ليك قعده معانه امشي اقعدي مع الحبيب اتحجرت لانو احمد قاعد قلت ليهو معتز براهو فهم و قال لي معقولههه ياااخ نحن عندنا كم رهوفه اقعدي اقعدي و كان المكان ما شالك نشيلك في عيون و ضحك قلت ليهو ما بتقصر يا ود الخاله😂❤ قعدته و بقينا بنتونس لين جات قالت السلام عليكم و قعدت في الكرسي القصاد معتز قلت مش قلتي مشغوله? قالت لي حسه فضيت بتكلم معاي بطريقه ما ظريفه نهائ حته القاعدين لاحظو معتز هز راسو بمعنى في شنو قلت ليهو بريي فاطمه كانت قاعده جنبي قلت ليها كدي تعالي بره شويه دايراك قالت لي سمح طلعنا الحوشش قلت ليها انت لين دي زعلانه مني في حاجه?ولا عملت ليها حركه ضايقته من غير ما اقصد قالت لي بري لكن هي منفسنا ما بعرفه ماله قلت ليها اي بتساغل معاي شديد و حركاتها ملاحظه يعني قالت لي ما تشتغلي بيها خليها ساي ارح اسه نخش جوه و هي كان عندها حاجه براها بتجي تقول ليك فعلا دخلنا جوه لقيت معتز و لين و حسام قاعدين قعته معاهم كده تلافوني ضرب قلت ليهم يلا خلاص باي معتز دا ضحك لمن اتشرق ما بعرفو مالو الولد العوير دا شلت تلافوني و دخلته رديت قبل ما خط اقطع قال لي راميه تلافونك وين😂 سكت ما رديت; نسيت زاتو كيف بتكلمو قال لي رهف? بسوط واطي قلت ليهو نعم بقه اضحك قال لي دا شنو يا بت 😂😂 قلت ليهو في شنو? قال لي سلامتك;كيفك كنت بجد خجلانه و ما قادره اتكلم قلت ليهو كويسه الحمدالله و انت قال لي مشتاق ليك بس لا شعوريا لقيت دموعي جرت ما عارفه بجد كنت مالي😭 قال لي رهف? بسم الله يا بت مالك كان بتكلم معاي بلهفه كده في زول زعلك? في زول عمل ليك حاجه? حبيبتي ما تقلقي بي ساي كنت بحاول اهده عشان اقدر اتكلم بسوط مطقطع قلت ليهو مافيي حاجه قال لي انا جاي اطلعي لي بره قلت ليهو والله مافي حاجه ما تعب روحك قال لي طيب وريني بتبكي لي? قلت ليهو بسوط واطي اشتقته ليك بقه اضحك قال لي و البكه دا كلو عشان كده قال لي انا اكتر والله❤ يلا عشان كده نعقد بكره😁 قلت ليهو مازن😢 قال لي خلاص خلاص😂😂 بس عليك الله اطلعي لي من الدور دا😂 قلت ليهو دور شنو😢 قال لي رهفف اليله ما اول يوم نتكلم مع بعض و بعدين يعني نحن كن ساكنين مع بعض متذكره مش?😂 قلت ليهو اي😢 قال لي رهف خلاص بجد😂 بعدين انت قبيل كنتي وين? قلت ليهو في بيت الجيران; انفعلت كده و قلت ليهو ما بتقول لي عندك صاحب مز اسمو اسامه لي? لي كنت حارمنه من الحاجات دي? قال لي انت ما بتعرفي وسط😂 يا كاتله لي حيلك يا منفعله😂 بعدين هيي ما عشان بضحك ليك من قبيل انا ما مالي عينك ولا شنو?😠 قلت ليهو لالا ما كده لكن بس يعني الولد مشاءالله قال لي هو زاتو قال لي مرتك مشاءالله😂 قلت ليهو بجد? عاين كدي خلاص شكلي حفكر في موضوع رجعتنا لي بعض لانو شايفه لي خيارات مغريه شديد قال لي رهف خلاص وقت الهظاهر انتهاء قلت ليهو خلاص معليش انا والله ما بقدر علي زعلك😢 قال لي ما عارف ما بتجي الا بالعين الحمره😂❤هاك رسلته لي سكرين شوت شوفيها كان كلام بينو وبين اسامه بقول ليهو انو لاقاني قبيل و قتل ليهو حسه دي بطلقوها قال لي ما عارف ابده بشنو و لا شنو اول حاجه يوم حنة فارس انت ما عارفه اليوم داك عملتي فيني شنو مع انو الحاجه العملتها ساره دي كانت قوية لكن برضو اثرتي فيني شديد كنت عايز اشيلك ادسك من الناس دي كلها عشان مافي زول اعاين ليك غيري رهف انا بعشقك شكت شويه ة قلت ليهو انت ما غبته عن فكري طول الفتره الفاتت دي; يومي بحلم بيك, مع انو كسرتي قال لي لكن انت عارفه الحاجه دي ما كانت بيدي قلت ليهو خليني اكمل... مع انو كسرتني لكن حبي ليك كل يوم بزيد قال لي رهف انا والله اسف و بوعدك اعوضك عن كل شي حصل❤ سكتنا شويه قال لي بنسبه للعقد? قلت ليهو امي بعد ما مشيت جات حرشتني😂 قالت لي اي حسيت بيها عندها كلام كتير دايره تقولو المهم الا لمن نرجع الخرطوم قال لي لا ياخ قلت ليهو نحن بنرجع اسه امي شايفاها زهجت😂 قال لي انا كنت دايرك ترجعي من هنه معاي قلت ليهو صعبتها لكن قال لي لو علي كان بي ليلنا عقدنا لكن المره دي عايزك انت تختاري وتقرري الحاجات قلت ليهو انشاءالله سمعت زي البتثاوب قلت ليهو شكلك نعسان اقفل عشان اخليك ترتاح قال لي لالا انا كده مرتاح; بس صحيت بدري اليله كنت قاعد مع اسامه في بيت اهلو لكن عندهم عرس و ازعاج و كزه قمت اجرته لي شقه صغيره كده بقعد فيها لحدي ما ارجع قلت ليهو يحليلك و بتاكل و و بتشرب كيف قال لي اتغديت في بيت ناس اسامه و اشتريت مويه و حجات بصيته جبتها معاي البيت قلت ليهو بكره تعال اتغده معانه قالي لي ما داير اتقل علي ناس بيتكم قلت ليهو ماف اي تقل; بعدين انت قايل روحك ضيف ولا شنو?😂 قال لي لالا ما كده لكن برضو يعني بعدين انت ما بتقولي لي عندك ولد خالتك اسمو معتز لي? قلت كيف ما قلت ليك بعدين يوم العقد ما لاقيتو? قال لي انا يوم العقد ما بتذكر شفت منو كنت شايفك انتي بس قلت ليهو خفف علي شويه بكلامك دا انا اليله ما بنوم🙈❤ضحك بعدها قال لي والله بحبك قلت ليهو انا اكتر يلا امشي نوم الساعه 4 قال لي طيب يلا باي تصبحي علي خير قلت ليهو و انت من اهلو قفلت الخط كنت مبسوطه شديييد😭💖 ختيت التلافون تحت المخده و رقته تلافوني تاني ضرب رفعتو لقيتو مازن رديت قلت ليهو مالك يا مجنون😂 قال لي ما تكلمي مع مهند قلت ليهو مهند منو?😂😂 قال لي مهند "خطيبك" ضحكت قلت ليهو مجنوون دا اساسا ما قاعده اتكلم معاهو و خطيبي شنو بينا ماف شي رسمي قال لي برضو قلت ليهو بالمناسبه حسه الولد حاقول ليهو شنو? كان منتظرنا نرجع الخرطوم عشان اتقدم لي قال لي تقولي ليهو معليش مافي قسمه بس قلته ليهو حركه ما حلو لكن قال لي خلاص خلي اجي اتقدم و ارفضي قلت ليهو مازن😂 قال لي جادي معاك ما تضحكي قلت ليهو بتكلم مع فارس افهمو الحاصل قال لي خلاص تمام قلت ليهو يلا امشي نوم قال لي طيب طيب يلا بحبك❤ و قفل الخط قلت والله الولد دا راصو ما كويس😂 عاينت للساعه لقيت وقت الصبح جا قمت اتوضه لقيت امي صحت و بتصلي طلعت الحوش عشان اتوضه لقيت معتز و لين لمن شافوني اتلبشو كده قلت ليهم في شنو و زي لين كان بتبكي مسحت دموعها و قالت لي ماف حاجه عاينت لي معتز قلت ليهو في شنو لين بنهره قالت لي قلت ليك ماف شي دا شنو دا يياخ و قامت دخلت جوه معتز قال لي ما تشتغلي بيها قلت ليهو في شنو هو? قال لي مافي حاجه والله كن بنتونس و قامت حكت لي عن حاجه مضايقاها و اثناء ما بتحكي بكت قلت ليهو في شنو مضايقه قال لي رهف مالك بتحوكيها كده? قلت ليهو ماف حاجه بس هي تاعملها معاي اتغير فكنت قايلاها زعلانه مني في حاجه و جات حكت ليك, كنت عايزه اعرف في شنو عشان اعتذر ليها لو زعلتها من غير ما اقصد قال لي لالا ما تشيلي هم هي ما زعلانه منك قلت ليهو طيب دخل جوه و انا اتوضيت و دخلت لقيت امي خلصت قلت ليها امي انا قلت لي مازن اجي اتغده بكره معانه قالت لي انت قلتي ليهو و انتهتي بتكلميني تاني لي? قلت ليها امي براحه ما قصدي كده لكن قاطعتني قالت لي على العموم ماف مشكله انا بعمل الملاح و فوزيه بتعوس الكسره انت جهزي باقي الحاجات و خلي البنات اساعدوك قلت ليها حاضر , بس بعدين الضهر صحوني عشان يادوب ماشه انوم قالت لي طيب قلت ليها ما تزعلي مني انا بس عشان هو موجر و قاعد براهو في البيت و عارفهو ما بعرف اجهز لروحو براهو قالت لي ماف مشكله امشي نومي حسه فعلا مشيت صليت و طوالي رقته ما قدرته انوم كنت بفكر فيي مية حاجه لمن زهجته شلت تلافوني بقيت بفتش في اكلات و طريقة عملها و لمن الدنيا فتحت طلعته البرنده لقيت حبوبه و امي قاعدين امي قالت لي ما نمتييي?? قلت ليها لالا قالت لي غايتو انت الولد دا يوم بجننك حبوبه ضحكت قلته ليها كيف يعني قالت لي امشي جيبي كبايه تعالي اشربي الشاي مشيت شلت كبايه و انا جايه سامعه حبوبه بتقول ليها البت دي من امبارح شكلها اتغير شدييد امي قالت ليها مبسووطه بجيتو امبارح و كلامو عشان كده و انا فرحانه لفرحتها مع اني ما كنت راضيه رجعتها ليهو والله... جيت داخله كبيت لروحي شاي امي قالت لي حبوبه بعدين مازن جاي اتغده حبوبه قالت اهلا و سهلا بيهو مازن اشرفنا في اي وقت ابتسمته ابتسامه خفيفه كده امي لوت لي خشمه قلت ليهارفي شنو يا امي 😂 قالت لي ماف شي شربته الشاي و انا بتونس مع ناس حبوبه بعدها شلت عدة شاي غسلتهم عاينت للساعه كانت 8 قلت خلاص اعمل الفطاير عشان بياخدو زمن عجنت العجين و لحدي ما افور بشرته الجبنه و الجزر امي جات داخله قالت لي كان بنشتري جاهز لي عملتي قلت ليها حق البيت احلا قالت لي طيب براحتك عملت الفطاير و دخلتها الفرن و عملت خليت نحل بعد طلعته الفطاير دخلتها اثناء ما انا جايطه في المطبخ ريم ضربت لي قلت ليها الو? قالت اي الف مبرووككك😍😍😍 و زغرته لي من الخجل ما كنت عارفه ارد قال لي امي حكت لي والله فرحة ليك شدييد قلة ليها يحليك قالت لي شايفه امي قالت بترجعو بعد بكره? قلت ليهاااا شنو?? ما قالت لي كلام زي دا قالت لي والله امبارح بليل كنت بتكلم معاها; انا زاتي اشتقته ليكم شديد😢 قلت ليها نحن اكتر انتو كيف عاملين قالت لي كويسيين والله قلت ليها و حاصل شنو في موضوعك داك ققالت لي لالا مستقر الحمدالله و الامور ماشه تمام قلته ليها الحمدالله قالت لي حبوبه لو جنبك اديها التلافون امبارح دايره اسلم عليها قالو لي نايمه قلت ليها طيب وديت التلافون لي حبوبه لقيت فاطمه صحت قعته اتونس معاها قلت ليها بعدين مازن جتي قالت لي مازن المز😍 قلت ليها احتمرمي نفسك 😑 قالت لي خلاص معليش😂😂 قلت ليها جاي اتغده قالت لي انا بعمل العصير و بعرف اعمل كيكه شكلاته رهييبه بعملها برضو قلترليها انا عملت خليت نحل بالمربه قالت لي ما مشكله نعمل برضو كيكة الشكلاته قلت ليها تمام قلت ليها عصير احسن نشتري بارد من الدكان ولا شنو? قالت لي فعلا احسن بعد حبوبه خلصت شلت التلافون و قلت لي فاطمه انا طبعا مواصله اليوم وحسه بقيت شايفه 2 2😂 قالت لي يحليلك امشي نومي قلت ليها و الساعه 1 صحيني قالت لي طيب...اول ما رقته كده الكهربه قطعت قربته ابكي😭 قلت امكن تجي حسه فضلته راقده جا حسام قال لي امي قالت لي ما تنومي في الحر بجيك التهاب قلت ليهو كويس طلعته البرنده لقيت لين و خالتي فوزيه و اني قاعدين امي قالت لي كان تمشي تستحمي قلت ليها اشوف فاطمه عملت شنو لين قالت جايننا ضيوف? امي قالت ليها اي مازن و سمعته باقي الكلام لانو كنت دخلت المطبخ فاطمه قالت لي طبعا بس دخلتها الفرن كده الكهرباء قطعت قلت مباالغه من الاداره ولا في مشكله? قال لي بري خالد و حسام مشو اشوفو قلت ليها انشاء الله تجي ياخخ جات لين خاشه المطبخ عملت شاي في سيرموس فاطمه قالت ليها معاك منو? قالت ليها حاتم و معتز فاطمه قالت ليها كان تفطرو لين قالت ليها لالا بنشرب شاي ختيت ليها الصنيه و جت اخت الكبابي شالتهم من يدي قالت لي شكرا ختتهم فاطمه قالت ليها بسم الله مالك? البت عايزه تساعدك لين قالت ليها شكرا انا ما طلبته منها قلت ليها لالا ما مشكله اساسا غلطانه انا و طلعته من المطبخ لقيت امي و حاتم و معتز و حبوبه قاعدين قلت ليها امي نحن راجعين بعد بكره صحي? امي قالت لي ايي معتز قال ليها مستعجلين كده لي امي قالت ليهو نمشي نشوف ريم و نشوف موضوع تسجيل حسام عرس حاتم و رهف تشوف مواضيعها معتز قال لي حاتم صحي انت بقيت علي شنو? قال ليهو مستني اهلها اجو السودان بس و بعدها بنحدد انشاءالله لين جات ختت الشاي معتز قال ليها تسلميي ابتسمت و كبت ليهم الشاي كنت حاسه معتز و لين بينهم في حاجه فاطمه قالت لي الساعه وحده جات مبالغه قلتها ليها حكون نايمه حسه😢 حسام جا خاشي قال السلام عليكم قلت ليهو الكهربه ماااله? قال لي بقولو وعليكم السلام; ضحكو قلت ليهو السخانه فسختني قال لي دا عطل ساعه بالكتير و بتجي قلت ليهو الحمدالله... قعدنا نتونس مازن ضرب لي رديت عليهو و قمت من جنبهم قال لي صباح الخيرر قلت ليهو صباح النور شكلو يادوب صاحي من النوم قال لي كيفك قلت تماام كهربتنا قاطعه من قبيل😭 قال لي لا حوله ولا قوة الا بالله; قال لي كهربتي في تعالي عندي😋 قلت ليهو ظريف😒 قال لي لي اهدي بهظر والله و خلينا من ده طختي لينا شنو😋 قلت ليهو انت داير شنو? قال لي اي حاجه من يدك حلوه قلت ليهو ما تعودني علي الكلام الحلو احسن ليك😂 قال لي والله دي مشكله دي قلت الله اكبررر قال لي مالك قلت ليهو الكهرباء جات اخيراا قال لي الحمدالله قلت ليهو حسه لحدي بعدين حتعمل شنو? قال لي حقعد في البيت ولا امكن امشي لي اسامه قلت ليهو اسامه المز😍 قال لي رهف😒 قلت ليهو خلاص اسفه عليي فكرهه نحن حنرجع بعد بكره انشاءالله قال لي بجد???? رهف عليك الله خلينا نعقد هنا عشان نرجع سوه قلت ليهو لالا استنه امكن زاتو اغير راي لانو الصراحه فجاه المزز كترو قال لي رهف😒 قلت ليهو خلااص خلااص لكن الحق يقال امبارح لمن شفتك لمن ما عرفتك شكلك اتغير شدييد بقيت كبير كده و ما مز قال لي كضاابه لمن شفتيني عيونك عملو قلوب قلوب ضحكت و قلت ليهو في كل حلاتك عاجبني قال لي كلامك دا حيخليني بعدين اتهور قلت ليهو لالا خلاص انت شين ضحك قلت ليهو والله يا مازن تعمل لي حركتك الما ظريفه بتاعت المره الفاتت بنختلف انت جتي تتغده ما جاي تعقد فاهم مش? قال لي حبيبتي اهدي اوعدك ما بعمل حاجه الا برضاك قلت ليهو انشاءالله قال لي بتقوليها كده لي?😒 ما واثقه فيني قلت ليهو معقوله? كل الثقه والله😏 قال لي اشك😒 قلت ليهو انا عندي شغل دايره اتمو يلا بايي قال لي غايتو😂 انت يلا سلام خلي بالك من نفسك بحبك و قفلنا علي كده كنت نعسانه شديد لكن مافي وقت انوم مشيت المطبخ قلت لفاطمه عملتي شنو? قالت لي دخلته الكيكه امي قالت لي و انا بعمل في الملاح مافي شي امشي ارتاحي قلت ليها دايره اشغل روحي باي حاجه عشان ما انوم لانو لو نمته عارفه تاني ما بصحه امي قالت لي امشي نومي و نحن بنصحيك و باقي الحاجات بعملها انا و بتساعدني فاطمه ما تشيلي تم قلت ليها طيب فعلا مشيت رقته عاينته للساعه كانت 2 ضبطه المنبه علي 3 و نمت.... يا رهف قومي مازن جا قومي قمت مخلوعه قلته ليها الساعه كم? قالت لي 3:30 قلت لها مبالغه و بجد جا? قالت لي والله قلت دا حالتي ضبطه المنبه قالت لي انت ما نمتي بليل و لا شنو قلت ايها اي قالت لي عشان كده حسه قومي استحمي و كده عشان تصحصحي فعلا استحميت و لبسته فستان ظريف كده اكمامو طويله كحلته عيوني و اتريحته عملت شعري ضنب حصان لبسته الطرحه بس ما لفيتها و طلعت حبوبه قالت لي عيونك واقعات يا بتي قلت ليها عشان ما نمت كويس مشيت اول الحاجه المطبخ لقيت امي و خالتي فوزيه شغالين امي قالت لي اطلعي عشان ريحتك ما تتملي اكل و كل الحاجات جاهزه خالتي فوزيه لوت خشمه قلت لي امي شكرا ما قصرتي💖.. صلحت طرحتي و دخلت الصالون لفيت معاهو حاتم و معتز و جدي سلمت عليهو و قعته بقينه بنتونس وكل ما ارفع عيني بلقاهو بعاين لي🙈 قلت ليهم دقيه عن اذنكم مشيت المطبخ امي قالت لي خلاص ختينه الاكل بس نادي واحد من الاولاد اجو اشيلو الصينيه فعلا ناديت حاتم جا شالها الرجال اتغزو سوه و نحن اتغدينا سوه بعد رجعو الصينيه عملت قهوه ختيت معاها صحن من كيكه الشكلاته و صحن من خلية النحل و ديتها و قعته معاها مارن قال غداء رائع تسلم يد العملو و عاين لي ما عارف امي هي العملتو😂💔 ابتسمت ليهو كبيت ليهم القهوه و بقينا نتونس شويه شويه لاحظته انو حاتم انسحب بععدها معتز حتين جدي قام مازن قال لي انت مالك? عيانه ولا شنو? قلت ليهو لالا قال لي عيونك واقعات قلت ليهو واصلته اليوم و بعد اتكلمته معاك نمته لي ساعه قال لي يالغتي يا رهف دا حالتي قلت ليك خلي بالك من نفسك? بنتكلم كده امشي جات خاشه سلمت عليهو و قعدت مازن قال لي خالتي رهف قالت لي راجعين باد بكره امي عاينت لي وقالت ليهو اي انشاءالله قال ليها رايكم شنو نعقد بكره عشان ناس عم حسن احضر العققد عارف السفر للخرطوم ببقه ليهو صعب حمرت لي مازن ابتسم لي امي قالت ليهو فكرة كويسه واللله لكن نحن كن دايرين اهلك اكونو حاضرين عشان نتعرف عليهم مازن قال ليها نعقد هنه و لمن نمشي الخرطوم نعمل جرتق و نعزم الاهل الهناك امي قالت ليهو خلاص ما عندك ايي مشكله بس اديني فرصه اتكلم مع اخوانها و اشوف رايهم;ما دام انتو متفقين علي كده ما بكون عندم مشكله انشاءالله مازن قال ليها انشاءالله و متاسف الليله تقلت عليكم بس رهف كانت مصره امي قالت لي ليهو ما تقلة ولا حاجه انت زاتك من ناس البيت تتفضل في اي وقت و قفت علي حيلها قالت ليهم دقيقه عن اذنكم و مشت وقفت علي حيلي و ضربتو برجلي في رجلو قلت ليهو مازن ياخ ضحك قال لي مالك قلت ليهو نحن ما اتفقنا علي كده قال لي الضربه حاره اول حاجه وقف علي حيلو و مسك يدي قال لي تاني حاجه انا هنه اتجمدته زي كانو اول مره امسك يدي قال لي انا قلته ما حعمل شي الا برضاك اقنعيني انك ما رضيه قلت ليهو مش ما راضيه لكن انا..انا بس قلت ليهو ففكني عشان اقدر اركز اتكلم قال لي طيب فكه يديني قلت ليهو انا مش مبارح قلت ليك بقه جاي علي قال لي عشان اسمعك بوضوح قلت ليهو خلاص خلاص موافقه ضحك قال لي عارفك موافقه باس يدي قال لي انا بحبك شديد في اللحظه دي جو خاشين حاتم و احمد اتحرجته شدييد فكيت يدي منو سرعه و مازن ولا زي كانو سلم علي احمد و قعدنا و انا من الخجل ما قادره ارفع راصي احمد قال ليهو امي اتكلمت معانه و نحن ما عندنا اي مشكله حاتم قال ليهو ابشر يا عريس و ضحكو و كده مازن و قف علي حيلو قال انا امشي بعد كده احمد قال ليهو بعد صلاة الجمعه مش? قال ليهو اي انشاء الله حاتم قال لي نادي امي مشيت ناديتها و جيت و دعت مازن و انا طلعته اقدمو ققال لي امشي نومي عيونك حقعو في الواطه قلت ليهو ما تعبانه قالي لي نومي بكره يومنا طويل و غمز لي قلت ليهو مااازننن حسه بغير راي قال لي خلاص يلا مع السلامه و خلي بالك من نفسك قلت ليهو و انت زاتك❤..... مشيت رتبت الصالون و زخلت باقي العده المضبخ مشيت لي امي قال لي بكره فطور في البيت عادي الجيران و اهلنا الهنا و بنشيل بلح و حلاوه الجامع قلت ليها طيب فاطمه قالت لي يومك بكره طويل امشي نومي باقي العده بغسلها انا قلت ليها ما بتقصري...لحدي ما غيرته هدومي و كده كان العشاء اذن صليت و طوالي نمت..... صحييت من النومم مخلوعهه شدييد بقييت استغفر و اتعوذ من الشيطان و بفتش في تلافوني عشان اضرب ليهو...
يتبع......
