و انا مارقه من الصالون كده ريم جات داخله, قلت لها ما نمتي? قالت لي نمته و صحيت من غير ضغره ممكن تعملي لي كباية قهوه لاني مصدعه قلت لها طيب لكن حنشرب شاي المغرب حسه ما احسن ليك من القهوه? قالت لي خلاص كويس بس جيبي لي بنادول قلت لها حاضر ..مشيت جبته لها بندول و مويه اديتهم ليها, قلت لها سمنتي شديد قالت لي عارفه😭 قلت لها كده ما كويس لكن والله البشوفك بقول عمرك 40 ما 30 قالت عارفه والله لكن تقولي شنو هناك القفله و الحبسه و ماف موضوع,مرقتي كلها بتكون يوم الجمعه و بنمشي ناكل و نجي و لو خلاص دايره ابرمج بمشي لجارتي المعاي في نفس العماره قلت لها مبالغه انو ما تجو تقعدو هنا و امشو لعلي في الاجازات قالت لي ما بقدر اقعد من دونو قلت لها ياخييي😉😂 قالت لي والله بعدين لمن تزوجي بتعرفي شعوري قلت لها لالا ما قدر دا كمان😂 قالت لي انا و انت و الزمن ضحكت قلت لها خليني امشي اعمل الشاي قالت لي ارح بساعدك دخلنا المضبخ بقينا بنعمل في الشاي سوى خلصنا قلت لها خليني انادي ماما انتي ودي الشاي الصالون قالت لي سمح مشيت انادي امي لقيتها بتصلي انتظرتها لمن خلقت قلت لها عملنا الشاي تعالي اشربي قالت لي الله اديك العافيه قلت لها امين و طلعت مشيت الصالون ريم قالت لي حسام وينو? قلت لها اكيد قاعد في الدكان😂 قالت لي امتحاناتو دي مش بعد اسبوع? قلت لها اي لكن ولا كانو قالت لي اتكلمو معاهو قلت لها والله اتكلمت لمن حلقي نشف و حاتم طوالي ساكيهو لكن براك عارفاهو قالت لي الله اوفقو قلت لها اميين امي جات قعدت بقينا بنشرب في الشاي و شنو امي قالت نور لسه ما صحت ريم قال لها لصباح ما حتصحى اني قالت لها يحليلها بتكون تعبانه قالت لها اي مع انو السفره ما طويله امي قالت لها بالمناسبه عاملين فطور بعد بكره كلمته نسابتك ريم قالت لها نا كان تتعبي نفسك قالت لها ماف تعب قلت لهم احمد ما قال جاي متين? امي قالت جاي نهايو شهر 3 و حقعد لحدي بعد عيد الضحيه ريم قالت نحن زاتنا بنسافر بعد عيد الضحيه امي قالت لي عشان كده خلي العرس اتم في عيد الضحيه قلت لهت لكن يا امي لسه ما بكون تميت سنه رابعه امي قالت لي يعني شنو,انا ولاده اخوك احمد جابو لي امتحان الشهاده امتحنو ريم قالت لي احسن ما تخلو فترت الخطوبه تطول عشان ما تحصل بينكم مشاكل قلت لها بتكلم مع مازن و بوريكم امي قالت لي اي عليك الله دايره اشوف اولادك قبل الله ياخد امانتو قلت لها امي ما تقولي كده و انشاءالله تشوفي اولاد اولادي❤ ريم قالت امييين لمينا عدت الشاي و كلو زول مشه غرفتو انا مشيت غرفت امي رسلت لي تاله قلت لها :اضربي لي ما عندي رصيد الرساله ما وصلتها قلت معناتها ما عندها نت مشيت ل امي قلت لها امي دايره قروش دايره اجيب رصيد قالت لي الوقت اتاخر ما تمرقي براك قلت لها اخواني مافي اديني بمشي يا امي ما بحصل لي شي ادتني القروش قالت لي بطريقتك شلت القروش و لبست لي توب و طلعته و انا ماشه لاقني سيف الدين ولد الجيرين قال لي رهوفه😍 قلت لهو سيف يا سيف قال لي وين اختفيتي انتي قلت لهو دي الجامعه دي😪قال لي يحليلك ماشه وين انت? قلت لهو الدكان اجيب رصيد قال لي معقوله تمشي الدكان و السيف قاعد قلت لهو ما مشكله والله قال لي لالا والله انت دايره بكم قلت لهو دايره زين بعشره دايره اديهو القروش قل لي شنو يا رهف قلت لهو والله ازعل منك قال لي ازعلي قلت لهو تاني ما بطلب منك حاجه😪 قال لي حسه لو دا حاتم كان اديتهو قروش قلت لهو لا قال لي يلا انا زي حاتم بطلي سخف قلت لهو شكرا قال لي علي شنو🌹 خشي البيت بحولو ليك قلت لهو تمام تسلم❤دخلت البيت امي قالت لي اخوك في الدكان? فلت لها ما عارفه قالت لي اجي قلت لها انا ما مشيت لقيت سيف قال لي بمشي هو قالت اخوك دا حيجنني من وقت الغده مرق تاني ما جا انا بضرب لي احمد بس اتفاهم معاهو , جيبي لي تلافوني من الغرفه دخلته جبته ليها التلافون قلت لها انا ماشه ارقد بعد دا مشيت دخلت الاوضه شكلته التلافون لقيت سيف مرسل لي رصيد ب 50 رسلت لهو: لي عزبته رحوك رده لي قال لي ماف عزاب يلا امشي اخلطي ب مزاج😉 قلت له:يا ريت😂 سبتو بكتب و مشيت ضربت لي تاله ردت علي قالت لي معليش مفروض اضرب اسال من ريم وصلت كيف لكن اعمامي كانو معانه مرقو حسه قلت لها لالا ما مشكلها ما بناتنا انا زاتي مفروض اسال من خالتو ليلى بقت كيف قالت لي كويسه قلت لها الحمدالله ضربت ليك اقول ليك انت و خالتو ليلي معزومين فطور يوم الجمعه قالت لي تمام😍 قالت لي كلمتي مازن عن العيدملاد? قلت لها ايي و قال لي اكلمك ما تعملوهو في بيتهم قالت لي لي يعني قلت لها ما عارفه و هاج شديد لمن قلت لهو في بيت ناس فارس و قال لي ما تمشي قالت لي مازن دا مالو? قلت لها ما عارفه لكن مازن لو ما عندو سبب بجد ما بقول لي كده قالت لي بتكلم مع اخوات و بنغير الحته.. حسيت بها اتضايقت قلت لها اها ما قلتي لي الخطوبه متين? قالت لي والله ما عارفه امكن الجمعه البعد الجايه قلت لها كان تعملوها يوم عيد ملادو قالت لي لالا عشان بعدين نحتفل بحجتين😂قلت لها غايتو😂😂 قلت لها اها قالت لي لو عندك رصيد ما عارفه تودي وين حوليهو لي😂قلت لها دقيقه دايره اسالك حاجه قالت لي اها قلت ليها النبذ النبذتينا ليهو و الكلام القلتيهو دا شنو😢قال لي يا بت ما تساليني الوقت داك كنت زعلانه شديد و ما مركزه بس بجد بحمد ربي علي الحاصل لانو الله اداني فارس❤ قلت ليها غاااايتو😂❤❤ تاله قالت لي هوي دا فارس بضرب لي اقفلي قلت لها اللقه احبابو نسه اصحابو😪 قالت لي بس ياهو😂 قلت لها كلبه معفنه طيري😂 و قفلت الخط فتحت الواتس لقيت سيف مرسل لي الله اديم الضحه قلت لهو اميين رده علي طوالي المصحك لحدي حسه شنو في سري قلت الله احلني منو المتخلف دا😂 قلت لهو ماشه انوم اسه قال لي تصبحي علي خير قلت لهو و انت من اهلو دايره اقفل كده مازن رسل لي قال لي صاحيه مالك في سري قلت الليله الناس دي ماله قلت لهو كنت بتكلم مع تاله قال لي اممم قلت لهو انت مالك صاحي لحدي حسه قال لي حسه جيت داخل من بره انا لسه بقره غي المسج بتاعتو ضرب لي, رديت و طوالي قال لي رهف والله ما قادر استحمل, ارح نعقد حسه و نخلي العرس في عيد الضحيه قلت لهو انت جنيت? لا طبعا قال لي لي لا?قلت لهو يعني احسن نخلي الحاجات طوالي وره بعض قال لي يعني نعقد الاسبوع الجاي و عرس اليوم البعدو? قللت لهو ما قصدي كده قال لي اختاري عيد الفطر ولا الضحيه ولو ما اخترتي انا دا بختار قلت لهو مازن في شنو حسه فجاءه يعني قال لي يا مشتاق ليك و عايزك طوالي تكوني جنبي خجلت لكن قلت ليهو ايي طييب لكن اصبر كلها 4 شهور قال لي تمام قلت ليهو زعلت😢 قال لي لا عشان اكسر الجو قلت لهو دايره اسالك حاجه قال لي اها قلت لهو انت مالك مع بيت ناس فارس? قال لي ما دايرك تمشي بيت راجل غريب قلت لهو عليك اللله?مازن انا ما شافعه تكذب علي بكلمتين قال لي ما كذبته هو بققول كده لكن انا عارفاهو بكذب قلت لهو حمشيك مع اني عارفك بتكذب قال لي براحتك قلت لهو براحتي? تمام يلا انا عايزه انوم باي و قفلت الخط زعلت منو والله ضرب لي تاني لكن ما رديت رسل لي مسج:تاني ما تقفلي الخط في وشي,و لمن اضرب ليك تردي علي قريت المسج ولا زي كاني قريتها ضرب لي قفلت الخط في وشو قفلت التلافون و نمت...
صحيت تاني يوم مصدعه و زهجانه رسلت لي تاله قلت لها انا ما ماشه الجامعه... طلعته من الاوضه ما لقيت امي في البيت جاتني عائشه قالت لي ماما قالت ليك,اضربي لها لمن تصحي قلت لها كويس رجعه الغرفه شلت تلافوني فتحت مكان الاتصالات لقيت مازن ضارب لي كتيييير لكن ولا زي كانو ضربته لي امي ردت علي قالت لي انا مشيت لي خالتك فوزيه اجيب منها حللي قلت لها طيب قالت لي و انت طالعه صحي اختك قلت لها انا ما ماشه قالت لي سمح امشي ساعدي عشه قططعو خدار المحشي الحجات كلها بكره ما تتعمل قلت لها كويس قالت لي يلا سلام و قفلت الخط مشيت لي عائشه لقتها فعلا شغاله قالت لي ماما قال شنو قلت لها مالك انت? قالت لي والله انت واحد ما نافع قلت لها نعممم?? قالت لا لالا ولاشي طبعا هب بتكلم بلهجه كده غريبه😂 خليتهت بتهضرب براها و مشيت,مشيت ل ريم صحتها قالت لي الساعه كم? قلت لها 9 قالت لي الليله الصبح فاتني قامت علي حيلها و دخلت الحمام طلعت من عندها لقيت ما عندي اي موضوع قلت يارتني مشيت الجامعه فتحت التلفزيون و بقيت بحضر امي جات داخله مشيت شلتها منها الحلل قال لي خلصتو? قلت لها ما عارفه😅قالت لي ما مشيتي ساعدتي عشه قلت لها والله تعبانه يا امي😅 قالت لي تعباته في عينك تكلمي في التلافون الليله كلو و تجي تقولي تعبانه دخلته لها الحلل المطبخ و مشيت لي ريم لقتها يادوب خلصت الصله قالت لي ارح دايره امشي اتحنن و اعمل شعري امشي معاي قلت لها تعبانه ياخ قالت لي بطلي سغاله و ارح قلت لها اديني حق المشوار😁 قالت لي سايقاتي بعربتك شنو حق المشوار😂 قلت لها حق المشوار خمسين تديني لها بمشي قالت لي تافهه لكن بديك لها ارح نمشي قبل ما نور تصحه قلت لها سمح انا بلبس مسافت تشربي الشاي قال لي طيب طلعته بنطلون و تشيرت من الدولاب استحميت و لبستهم لفيت شعري كعكه و لبسته عبايتي و طلعته لقيت ريم لابسه عبايتها و مستتياني طلعنا وقفنا ركشه و مشينا الكوفير ريم طوالي قعدعدت للحنه الكوفير كان فاضي لانو الدنيا صباح ريم قالت لي كان تعملي حمام زيت ل شعرك قلت لها ما دايره والله قالت خلاص براحتك لمن قالت براحتك اتزكرته مازن والله اشتقته لهو😭 لكن هو كلب ريم قالت لي مالك سرحتي قلت لها لالا ولا حاجه المهم خلصت حاجاتها و مشينا البيت كنت تعبانه شديد مشيت نمتتته ما صحيت الا المغرب امي قالت لي صاحيه مالك? كان تنومي للصباح قلت لها امي والله تعبانه, قالت لي خلي الكلام في التلافون بتقي كويسه ريم و حاتم ضحكو قلت لهم في شنو بضحك حاتم قال لي ماف شي سلامتك و ضحك تاني حمرته لهم قلت لهم تاني ما بجي اقعد معاكم زاتو حاتم قال لي اي امشي اتكلمي في التلافون😂 امي قالت لهو يا ولد خلاص بطل مشيت دخلته الغرفه شلت التلافون و بقيت بتصفح الفيسبوك ما حسيت بزمن كانت الساعه 12 حسيت بجوع مشيت المطبخ, البيت كلن صاني شكلهم كلهم نامو, اكلته في المطبخ لميت الصحانه و طلعته و انا طالعه مريت بغرفه ريم سامعاها بتضحك شديد قلت اكيد بتكلم مع علي😂 في سري قلت يا حليلو مازن😪 يا ربي بكون كيف😪 اول مره من امر يوم كامل من غير ما اتكلم معاهو دخلت الغرفه و بقيت ماسكه تلافوني علي اساس انو ممكن اضرب في اي لحظه نمته و انا ما حاسه...
صحيتني امي تاني يوم قالت لي قومي الضيوف بعد دا بجو, قمت ليقيت البيت مبخر والاكل جاهز استغربته انو امي ما صحتني اساعدهم, قلت لها لي ما صحتوني اسعدكم? قالت لي صحيتك لكن انت بتصحي? قالت لي امشي استحمي و سرحي تفتك دي قلت لها حاضر مشيت لريم في غرفتها لقيتها لابسه جلابيه حلو شدييد و ملبسه بتها نفس جلابيتها كان شكلم كيوت شديد عامله لبتها شعرها كيرلي و هي شاقي شعرها من النص و فاكاهو و حنه دي تقول ياليل😍 قلت لها ماشاءاللع تبارك الله😍😍😍 قالت لي بجد حلوه? قلت لها شديييد😍 قالت لي شكرا قالت لي امشي البسي قلت لها اي جيت اشيل هدوم فتحته الدولاب كنت محتاره البس شنو ريم قالت لي جيبي اختار ليك طلعت لي اسكيرت اسود لحدي الركبه و بلوزه نص كم دانتيل بيضه قلت لها ديل لو لبستهم ما بقدر اطلع بيهم عند الرجال قال لي و انت دايره تطلعي عند الرجال لي شنو ولا عشان😉 قلت لها لما كده لكن عشان لو رسلوني او كده قالت لي لالا ما برسلوك ما تخافي😂 قلت لها جيبي طيب مشيت استحميت و لبسته كان شكلهم حلو شديد😍 ريم قالت لي اقعدي اسرح ليك شعرك و اعمل ليك مكياج قلت لها مكياج شنو😂 قالت لي اقعدي بس قعته ظبتي لي حواجبني و عملت لي روج احمر و ايلاينر رفعت لي شعري ضنب حصان قالت لي والاه شعرك طول قلت لها عدم الاهتمام بطول😂 ادتني حجل دههبي و فيهو زي كور كده حمره و نفس الشكل منو سلسل لبستهم و لبسته شبشب واطي احمر والله لمن ما عرفته نفسي😂 طلعته وريت امي قال لي ماشاءاللههه😍😍😍 حسام كان معاها قال لها امي البت دي منو بصوت واطي نظام انا ما اسمع😂 ريم جات من وراي قالت لهو دي رهوفه العسل😍 حسام قال البت دي خليتوها تستحمه ولا شنو😂 قلت لهو طير من هنا يا كلب قال لي اي اي اظهري على حقيقتك😂 بنتونس جرس الباب دقه حسام مشه فتح لقاهم خالتي فوزيه ( امي عندها اخت واحده هي خالتو فوزيه عندها ولدين معتز, معتز دا كان دايرني زمان لكن القصه فركشت 😂 و عنزها تاني خالد و دا قدر حسام) خالتو فوزيه دخلت لينا جوه و معتز و خالد قعدر في صاله البره مع حسام و حاتم المهم بعدها جرس الباب ما وقف كلو شويه اجو ناس تاله جات قالت لي قمر مشاءالله😍😍 قلت لها تسلمي❤ قالت لها خالتو ليلى لي ما جات قالت لي خالاتي جو مقيلين معاها قلت لها ااا تمام المهم بدينا تخت في فطور و انا ما عارفه مازن جا ولا لا😭 قلت لي عبودي ولد عمي مصطفى نادي لي حاتم ماشه نادهو و جا قلت لهو مازن جا? قال لي لالا لسه قلت لهو خلاص تمام.. كنت دايره اضرب لهو لكن كرامتي ما بتسمح لي ختينا الفطور و الناس اكلت و الرجال مشو صلاة الجمعه و مازن لسه ما ظهر دخلته غرفتي جوه و جات معاي تاله قلت لها معقوله مازن لسه ما جا? قالت لي اضربي شوفيهو قلت لها لالا نحن متشاكلين ما بضرب لهو لسه بتكلم معاها سمعنه اصوات زغاريت طلعنا بره مخلوعين الناس بقت بتقول لي مبروك و شنو و انا طبعا ما فاهمه اي شي تاله نطت فيني و حضنتي شدييد و بقت بتقول لي مبرووك و انا لسه مصدمه قلت لها علي شنو? قالت لي يا بت عقدو قرانك مع مازن لقيت دموعي من غير ما احس جرت ريم جاتني قالت لي ما تبكي بتخربي المكياج وانا ولا مركزه معاها تفكيري كلو في الحركه الواطيه العملها مازن خليت الناس بتبارك و دخلت غرفتي قفلت الباب و بقيت ببكي بعد مسافه جو دقو لي الباب لكن ابيت افتح بعدها تاله ضرب لي تلافون قالت لي افتحي دي انا مشيت فتحته الباب لقيتو مازن دايره اقفل الباب خته رجلو في حتت قفلت الباب مسحته دموعي قلت لهو نعم? عايز شنو? قال لي رهف و في ابتسامه عريضه علي وشو قال لي بقيتي حقتي❤ قلت لهو حقتك من غير ازني? حقتك من غير تستشرني? والله ابوي لو كان حي دا كلو ما كان حصل و رجعته ابكي تاني داير احضني لزيتو و قلت لهو مازن اطلع بره..
يتبع.....
