عدت الايام و مافي اي تواصل بيني و بين تاله, حته بقيت ما بمشي الجامعه, اما انا و مازن تواصلنا قله,بقيت ما بقدر اتكلم معاهو لانو طوالي بتذكر تاله.
يوم صحيت الصباح لقيت عندي مسد كول من تاله حلي لمن برد رجعت لها ما ردت دايره اضرب تاني هي ضربت رديت و ما اتكلمت, قالت لي يا بت انت مجنونه? ما بتجي الجامعه ماللك? انت مش عارفه امتحانتنه قربت? قلت لها تاله انت زعلانه مني? قالت لي اي زعلانه بس دموعي جرت قالت لي اي زعلانه منك عشان ما بتجي الجامعه كدي تعالي و خلينا نتفاهم هناك و لو ما جيتي بجي اقلعك من بيتكم و قفلت الخط ,حسيت بشوية راحه ما عارفه لي قمت لبسته و اتظبطه و انا مارقه مازن ضرب لي استغربته لانو ما من عوايدو اضرب الصباح,قلت لهو الوو قال لي كيفك شكلو يا دوب صاحي من النوم و وااي انا من صوتو قلت لهو تمام ضارب من الصباح ماللك قال لي اشتقته ليك خدودي لمن اتوردو قال لي اشتقته لي رهف الزمان قلت لهو قلت لهو و هسه الاختلف شنو? قال لي ممكن اقبلك بعد ساعه قلت لهو الليله ماشه الجامعه الا بعد اخلص قال لي ماشه الجاممعه لي ماللك? قلت لهو ساي بس قال لي مجنونه دي و ضحك قلت ليهو و يلا انا اتخرته بضرب ليك بعدين قال لي تمام و خلي بالك من نفسك❤ مشيت الجامعه و بتلفت زي العويره بفتش في تاله و اي زول الاقيهو اقول لي سلامتك و جامعه نورت و شنو المهم قدر ما لفيت الجامعه دي كلها ما لقيتها و زمن المحاضره بده قلت اخش امكن القها دخلت و القاعه ماشاءالله اتملت مشيت قعته وره لقيت وحده صحبتنا اسمها خلود قلت لها خلود تاله جات قالت لي تاله لالا اساسا الفتره الفاتت دي كده تجي يوم و تغيب عشره و صراحه يا رهف وضعها و شكلها اصلو ما عجبني قلت لها لي ماله? قالت لي اول شي بقت مصاحبه ناس منزر و صديق و الجماعه ديل و طوااالي عامله مشاكل في جامعه قالت لي انت و هي متشاكلين قلت لها لا لي? قالت لا يعني انت و تاله كنتو معروفين الحجل بالرجل في اي شي مع بعض و حسه ما كده قلت لها لالا مافي حاجه و استاذنته من الدكتور و طلعته ضربته لي تاله ما ردت علي ضربته لها تاني مع اخر جرس حتين ردت قلته لها انت وين? قالت لي في البيت لي في شنو قلت لها ماف شي سلامتك و قفلت الخط من الاصوات الحولينها ظاهر انها راكبه عربيه او كده زعلته شدييد منها ضربت لي مازن طوالي رده علي قال لي بسرعه دي اشتقتي لي قلت لهو انت وين? قال لي ماللك صوتك مالو انت كوسيه? وين انتي قلت لهو في الجامعه قال لي خليك في الجامعه عشره دقايق بكون عندك قلت لهو كويس فعلا بعد عشره دقايق جا طلعت من الجامعه ركبته العربيه قال لي مالك قعته ابكي قلت لهو مازن انا خلاص تعبته و ما قادره قال لي بسم الله مالك? كدي اهدي عشان اقدر افهم الحاصل مسح لي دموعي قال لي يلا احكي لي حصل شنو و من غير بكا عشان افهم و انت اساسا الجابك الجامعه شنو مش قلت حتخدي شهر اجازه? قلت لهو ضربت لي تاله الصباح قالت لي انت لي ما بتجي الجامعه و شنو و دي مش اخر سنة لينا و بتاع يلا تعالي لمن سالتها اذا زعلانه مني قالت لي تعالي الجامعه و بنتفاهم قال لي اها قلت لهو يلا مشيت الجامعه و طلعت هي ما جات و حكيت لهو القصه كلها قال لي طيب انا ما فهمته انت بتبكي لي? قلت لهو تاله قالت انها في البيت و انا متاكده انها ما في البيت و لي تقول لي اجي الجامعه و تموسرني? قال لي اي هي ما في البيت قلت لهو نعم? و انت العرفك شنو? , قال لي براحه براحه و ضحك قلت لهو ما تضحك معاي قال لي اي كنت معاها و ضحك تاني قلت لهو اتماام و يلا عن اذنك و نزلت من العربيه جا لاحقني قال لي بهظر يا مجنونه اركبي خليني اشرح ليك حمرته ليهو و ركبته العربيه قال لي دي كلها غيره? ما رديت عليو قبلت بالاتجاه العكس يعني اديتو ضهري قال خلاص معليش قلت لهو خلينا من تاله انت الصباح كنت وين? قال لي كنت في بيتنا قلت لهو و بعداك? قال لي ضربت لي وحده سمحه شديد قلت لهو يا مازن ياخ قال لي والله جادي قلت لهو ياخ بجد حزعل و لو زعلت تاني ما حتكلم معاك للابد قال لي للابد عديل كده و ضحك شديد قلت لهو خلاص كويس زعلته قال لي للابد? و ضحك قلت لهو مازن ياخ قال لي خلاص معليش المهم البت السمحه دي اسمها رهف و بعداك جيتك قلت لهو الليله ما مشيت الشغل? قال لي لمن انتي ضربتي لي دا كنت طالع قلت لهو مالك لابس كده? قال كده كيف? قلت لهو هدوم سمحه? قال لي كيف يعني? قلت لهو قاشر كده ماللك? قال لي يعني امشي مبهدل? بترضيها لي? قلت لهو ايي عشان البنات ما يعاينو ليك بسحروك لي😢 ضحك و قال لي انت العلمك البكش منو? قلت لهو ياخ ياخ انت بقيت ما ظريف قال ل ياخ ياخ و انت الظريفه ضحكت قال لي انشاءالله دوم قلت لهو اها ما قلت لي عرفت كيف تاله مافي البيت? قال لي تاله مع فارس قلت لهو فارس منو قال لي مش ابوها كان برسل لها القروش و شنو مع زول يلا الزول دا اسنو ففارس, قلت لهوو اااا فارس عرفتو عرفتو قال لي بس يلا هي حسه معاها الايامات الفاتت دي طوالي بكونو مع بعض قلت لهو اممم قال لي كده ارتحتي? قلت لهو يعني هي ما دايره تقولي انها مع فارس عشان خايفه اني اشلبو? ضحك شدييد امكن عشره دقايق هو بضحك لمن خلاني اضحك معاهو قال لي انت والله مجنونه و ما نصيحه حمرت لهو قال لي ما تحمري لي ما حلوه فيك قلت لهو اننن اي شي حلو فيني,قال كلامك صاح والله😍 قال لي رايك شنو اسوقك معاي الشغل عشان تشوفي المزز المعاي😉 قلت لهو مازن احسن ليك قال لي ما دايره تمشي? خلاص كويس حوصلك البيت قلت لالالا سوقني معاك قال لي حيوانه دي قلت لهو قلت لي شنو? المهم فضلنا كده لحدي ما وصلنا الشركه قال لي خليك.في العربيه عندي ورق حشيلو بعديها نمشي مشوار قلت لهو مشوار شنو? قال لي خليها مفاجا قلت لهو ماازن عليك الله قال لي ما بوريك يلا يا شاطره اقعدي هاديه لحدي ما امشي و اجي? قلت لهو شنو بتقول لي كده شايفني شافعه? ابتسم و نزل من العربيه و قفلني في العربيه اتخيلو بس الحيوان, ضربت له طلع خله تلفونو في العربيه بقيت بضرب بوري شدييييد لحدي ما جا مارق قال انت مجنونه قلت لهو تحبسني لي قال لي اعشان عارفك حتجي لاحقاني قلت لهو لي داسي شنو جوه ما دايرني اشوفو قال انت مجنونه ولا شنو و ما يلا حنتاخر عن المفاجاء قلت لهو ااا اييي يلا سوق مستني شنو ضحك و قال لي والله انتي ما نصيحه المهم اتحركنا وقفناا في كافي كده نزلنا و بقينا ماشين باتجاه طربيزه فيها ولد و بت لمن قربت لاحظه انو البت تاله لكن ما عرفته الولد قلت لي مازن دا شنو قال اصبري حتفهمي سلمنا عليهم تاله سلمت علي سلام بارد كده المهم قعدنا و بقينا ساكتين فارس قال شنو يا جماعه, تاله قلبت عيونا و قالت لهو ارح نمشي انا اتكتمته انا طوالي وقفت علي حيلي و قلت لهم عن اذنكم انا ماشه مازن جراني قال لي اقعدي بنبره حاده كده من الخوف ساي قعته فارس قال عاينو يا بنات العباطه دي بطلوها حسه يا تاله انت مالك مع البت دي المزعلك منها شنو? تاله سكتت و انا خلاص فاض بي بقيت ما قادره اسكت? قلت لها مشكلتك? شنو? مشكلتك مازن? انا والله والله والله ما حصل مره اتكلمته معاهو غير بالحدود اي بحبو ما بقول ليك ما بحبو و بحبو شديد كمان لكن عمري دا كلو ما حصل فكرته اقول لهو و لا حتى المح لهو و هندا هو قدامك اساليهو و بديت ابكي و انا بتكلم , قلت لها طوالي كنت بختك قدامي و لمن هو اعترف لي زعلته منو شديد في الاول لكن انا انسان و دا قلب و ما قدرته اتحمل و وافقته, و انت كان شايفاني غلطانه انا اسافه و حضنتها حضنتي راجع و قالت انا كمان اسفه اتحمقته شديد و كان المفروض اسالك و افهم منك و الصراحه يا مازن امكن انت كنت بتجزبني لكن عمري ما حبتك عمري ما حسيت بيك بتحبني بجد مازن ما رده عليها فارس قال انا غايتو بحمد ربي علي كل الحصل دا عشان جمعني بيك❤ تاله بقت تعاين في الارض عاينت لي مازن رفع لي كتوفو يعني ما عارف فارس قال انا و تاله شبه مخطوبين تاله قالت خطوبتنا بعز اسبوعيييينننن قلت لها قولييي والله😍😍 قالت لي والله قلت لهاا مبرووكمم الله اتمم لكم علي خير فارس قال لينا اها وانتو عرسكم متين عاينت لي مازن بعدين قلت لهو لالا لسه بدري مازن قال بدري شنو حدك انشاءالله الراس السنه ما بجي الا و انت في بيتي قلت لهو لالا ياخ خليني اخلص سنه رابعه دي المهم بقينا نتونس كدا مازن تلافونو و قام من جنبنا عشان اتكلم فارس قال عندو شغل لازم امشي و حيوصل تاله معاهو مارن جا قال لي ارح نحن نمشي اشان انت بكره عندك جامعه طلعنا كلنا تاله قالت لي لمن تصلي اضربي لي قلت لها تمام عندي زاتو كلام كتير دايره اقولو ليك قالت لي تمام ركبتا مع مازن و اتحركنا كنا ساكتين و ماف زول فينا بتكلم و مازن كلو شويه اشيل و اعاين لي قلت ليهو دا منو الضرب ليك قال لي ناس البيت سكتنا شويه قال رهف قلت لهو امم قال لي من متين بتحبيني قبلت عليهو قلت لهو ما عارفه المهم بحبك قال لي ما جيتي كلمتيني لي ? قلت لهو كيف اكلمك و انت مربط مع تؤم روحي و غير كده شنو اكلمك دي قايلنا وين نحن😂? قال لي والله كلو مره بتكبري في عيني قلت لهو و انت كمان و بجد شكرا على العملتو لي الليله قال لي على شنو❤ سكتنا كزه قال لي بالمناسبه انا جادي داير العرس اكون في عيد الضحيه? قلت لهو لكن يا مازن كده ما حلو قال لي شنو الحلو هو ما على كيفك😂 قلت لهو خليني اخلص قرايتي عليك الله لانو ما حركز كده قال لي انا حعمل ليك شنو يعني قلت لهو بس ياخ ما دايره قال لي كدي بنشوف الموضوع دا بكره😂 قال لي يلا تصبحي على خير💞 الصباح لو صحيت حجي بوصلك الجامعه لكن ما حصحه مخصوص عشانك😂 قلت لهو حيوان خلاص و نزلت من العربيه.
كان الوقت المغرب كده لقيت ناس البيت بشربو في الشاي و شنو قعدته معاهم اتونسته و كده قالو اختي ريم جايه بعد بكره من مصر هم مستقرين هناك بنتكلم كده تاله ضربت لي استاذنت منهم و طلعت رديت عليها قلت لها والله اشتقته ليك اشتقته لي تخلفك و كلامم الكتير قالت لي و انا كمان اشتقته لي نفسنتك يااخخ اها احكيي الحاصل, قلت لها انت الاحكي لي البمرقك مع ناس منذر شنو? قالت لي منذر شنو يا بت يون واحد كدا وصلني البيت و بعدين مالو منذر😂 قلت لها مالو منذر حسه بكلم ليك فارس😂 قالت ل ي يا رهف ما واي انا من فارس😭😍 قلت لها مالو قالت لي بس واي واي, اها احكي انتي و ماذن كيف قلت لها والله كويسين زي ما شايفانه بس حاسه في حاجه ما عايزني اعرفها ولا كده قالت لي يا بت بطلي عواره مازن ما بتاع حاجات زي دي قلتها ليها غايتو ما عارفه قال لي جايه بكره مش قلت لها اي جايه قالت لي بس تمام دايراك تساعديني في شي قلت لها شنو? قالت لي بكره بحكي ليك قلت لها تمام...
يتبع.....
