الدنيا ضلمت حوليني و بس بقيت سامعه انت طالق بتكرر لي قلت ليهو مازن? استهدي بالله عاين لي و قال لي نحن البينا انته لقيت روحي ببكي من غير ما احس قلت لهو لمن تكتشف غلطتك اوعه تحلم او تفكر مجر تفكير اني حرجع ليك طلاع بره من غير ما اتكلم معاي شلت تلافوني و ضربت ل حاتم رده علي مخلوع قال لي مالك???قلت لهو انت بس تعال و انا بحكي ليك قال لي رهف مالك ما تقلقلي بي ساي مازن وينن زته في البكه قلت ليهو انت بس تعالح نزلت تحت مازن كان قعاد في الصاله و بشرب في سجاير بصوره مبالغه اول مره اشوفو بالحاله دي قبل ما اخلص وحده بطفيها و بولع التانيه كنت قاعده في الكراسي الفي الصالون التاني يعني هو ما شايفني جاتني سحر كانت طالعه من المطبخ لمن شافتي جات علي قالت لي بسم الله ماللككك??? بقيت بس ببكي قالت لي رهف يا بت مالك اهلك فيهم حاجه? مازن وين و عايمنت وراها قالت لي اتشاكلتو ولا شنو لمن قالت كده بقيت ببكي بسوط عدييل مشت قالت ليهو مازن مالكم? من غير ما اعاين ليها قال ليها طلقتها سحررر قاللت ليهووو شنووو? بتهظر انتت و لا قايل كلامك ظريفف بطل هظار دي ما حجات بهظرو فيها قال ليها سحر امشي من خلقتي قالت ليهو هيي يااا ماززن انت جنيت ولا بتجنن حسه مالكم امبارح كنتو في امان الله بصوتها خالتو سعاد جات طالعه قالت في شنو يخواني سحر قالت ليها تعالي الحقي ولدك يا عمتي جنه قالت ليها في شنو ?? عاينت لي قالة لي سجميي رهفف مااللكك مازن قال ليها امشي ناديها خليني اوديها بيت اهله اليله في البيت دا ما بتبيت سحر قالت ليهو مازن استهدي بالله خالتو سعاد قالت ليهو مازن في شنو? قال ليها طلقتها يا امي خالتو سعاد من الصدمه لمن قعدت في الكرسي قالت ليهو مازن استهدي بالله في شنو يا ولدي و دا كلام شنو ? مهما كانت المشكله بتتحله ما تخلو مشكله صغيره تكبر ساي مازن قال ليهم ما تتدخلو دي حاجه بتخصني انا و هي و بس و خلاص الموضوع دا انتهى خالتو سعاد قالت ليهو البت دي نحنما شفنها منها شي طوالي قام طلع بره سحر جات قعدت جنبي قالت لي مالكم يا رهف قلت ليها اناا زااتي ما ا ا ا فاهه همه الحا ا اصل شن ن ن و قالت لي كدي احدي طيب و مشت جابت لي مويه و جات خالتو سعاد قالت لي يا بتي مازن دا جاهل ساي لسه بتكلم معاي حاتم ضرب فهمته انو جا بره وقفت علي حيلي خالتو سعاد قالت لي يا بتي ماشه وين? مازن دا اديهو فرصه افكر في العملو بكره برجعك لي عصمتو انت ما تمشي مكان خليك قاعده انا اساسا ما مركزه مع اي حاجه هي قالتها سحر قالت لي اقعدي يا رهف خلينا نحل الموضوع برواقه قلت ليها زي ما قال الموضوع خلاص انتهى و عفو و العافيه يا جماعه دا كلو و انا دموعي ما وقفت ولا ثانيه لقيت حاتم قدام الباب طوالي ركبته كنت مستنيه اي كلمه او اي شي من مازن اوقفني قبل ما اطلع لكن ولا حتى التفت عاين لي ركبت العربيه و طوالي دموعي جرت بكييت بكيييييت و حاتم اصلو ما اتكلم معاي بس كان بعاين لي بعد مسافه قال لي اتشكلتي معاهو? و انا بشهق قلت لهو ممازززن طططلقنني فتح عيونو علي وسعهم و قال لي شنو??? قلت لهو ما عارفه الحصل شنو كنا كويسين بس لهو يومين ما بعرفو مالو اتغير 180 درجه كلو ما القاني و في ابسط الحاجات بنتشاكل قال لي اهدي قلت لهو والله ما عارفه حصل شنو والله ما غلطت في حاجه انا ما دايره ارجع البيت حمشي لتاله قال لي طيب البريحك قال نزل من العربيه و شكلو اتكلم مع تاله طبعا دا كلو و نحن واقفين لسه قدام بيت ناس مازن ركب العربيه و اتحركنا قلت لهو عليك الله حسه ما تكلم ناس البيت انا بكره بجي اكلهمهم براي قال لي حاضر البتشوفيهو رجعت تاني ابكي قلت لهو والله ما غلطه في حاجه وقف العربيه و قال لي اخوات حاتم ما بغلطو مسح دموعي و قال لي ما تبكي فضلت اتنهد لحدي ما وصلني و نزل معاي, وقف لحدي ما تاله فتحت لي باب قال لي زي ما قلت ليك قالت لهو ما تخاف و مشه حضنتني شدييد و رجعت تاني ابكي لمن بكيت بصوت دخلنا جوه قالت لي احكي لي الحصل كلو و براحه حكيت لها اي شي حصل من ما صحيت لحدي اللحظه دي قلت لها مازن جنه و انا متاكده, و تاني ما حرجع لهو لو بقه اخر ولد في الدنيا دي حضنتي و قالت لي شششش اسا ما تفكري في كلام دا نومي و بكره بنشوف رقته في السريير بس ما قدرت انوم فضلت راقده في السرير مسافه و انا بعاين في السلسل في الخر قلعتو و بقيت ببكي شدييد لحدي ما سمعت صوت الاذان تاله يحليلها كانت نامت اتوضيت و صليت و شفته خالتو ليلى كانت صحتلمن شافتني اتخلعت شديد قالت لي يا بتي بسمالله مالك ناس بيتكم فيهم شي?? قلت لها لالا يا خالتو قالت لي مازن حاصل فهو شي لمن قالت لي كده بكيت قالت لي بسمالله حضنتني و قالت لي مالو??? انشاءالله كويس بقيييت ببكي قالت بسم الله قالت لي ما تبكي ما تبكي علي اصواتةا تاله صحت قالت لي يا رهف والله كفايه خلاص قلت لها ما قادره يا تاله خالتو ليلى قالت لي امشي غسلي وشك و تعالي مشيت غسلت وشي و جيت لقيتها يحليلها عملت لينا الشاي و شكلو تاله كلمتها لانو بقت تقول لي ما تزعلي روحك يا بتي و ربنا بديك الاحسن منو تاله قالت ليها من امبارح البت دي بالحاله دي نوم ما بتكون نامت قلت لي تاله ما نفسي اشرب شاي حمشي البيت قالت لي ما حضغط عليك مشينا و عشان الدنيا صباح وصلتني تاله بعربيتها #كسره هي ما بتسوق بليل فارس ما بخليها# دقيت الباب فتحت لي امي حضصتني قالت لي اصلو ما عاش البزعل بتي شكلو حاتم حكه لها مع اني كلمتو قلت لهو ما تحكي دخلتني جوه و قالت لي عيونك ديل وقعو يا بتي دا شنو الانت عاملاهو في روحك دا بس اقول شنو غير حسبيه الله و نعم الوكيل... مرت الايام كده و مازن لا سمعته عنو حاجه لا دايره اسمع, ضعفته شديد شكلي كلو اتغير بقه عندي هالات تحت عيني و عيوني طوالي واقعه.. اي زول بجي البيت بسالني اذا حامل من التعب الفيني انا كنت تعبانه من جوه اكتر من بره مازن دا كان بنسبه لي كلي شي استغفرالله العظيم بس😭يوم قافله نور و قاعده جوه غرفتي و دي بقت حالتي كده بقعد في الضلام و ما بحب الاقي زول تاله جات خاشه علي فتحت النور قلت لها تاله ياخ قالت لي هيي استحملتك كتير انا قومي قلت البت بتنفسن فتره و بترجع لكن معقوله تلاته شهور كامله?? قوميي قومي والله بطريقتك دي بركبك جن قوميي انا عروس و ريضيت اطلع من حبستي عشانك شوف الشمس تقطني كيف ضحكته غصبن عني قمت من السرير قالت لي ارح نمرق ياخ قلت لها نمشي وين قالت لي اي مكاان بس ارحح والله حرام البتعمليهو في نفسك دا شيلتي امك و اخوانك همك قالت لي الدنيا اختبارات عيوني دمعت قلت لها و انا اختباري مازن و ما نجحت قالت لي يااا الله من مازن الما دايره تنسيهو قالت لي امك عملت كيكه ماشه اكل منها و بجي القاك لبستي, قعته براي وقلت بجد انا خلاص لازم انسه مازن و افكر في حياتي غسلت وشي و لبسته عبايتي تاله كان بتشرب في عصير و قاعده مع نجود مرت احمد قالت لي لبستي? يلا ارح ركبنه العربيه قالت لي دايره اتفرج علي الفساتين الزفاف قلت لها بعرف لي محل خروافي و صفته لها المكان مشينا المحل كان خرااافي بعد ما جربت 100 فستان اختارت لها واحد كان مطلعا بجد ملكت جمالل كان من علي كلو علي الجسم اكمامو طويله لونو ابيض و مركبه فيهو كرستالات كده حجه خرااافيه😍😍 اشترت الفستان قالت لي ارح معاي البيت قلت لها طيب مشينا سلمت على خالتو ليلى قالت لي يالكعبه بقيتي ما بتجينا لي قلت لها معليش والله حقيك علي😪 دخلنا غرفة تاله قالت لي نفسي اعمل رقيص عروس لمن خايفه فارس ما ارضى قلت لها حنيسيهو اعملي ياخخ نفسنه في برنامج قالت لي مش😪قلت لها خلاص انتي باقي الاسبوعين الفضلت دي ما تمرقي من البيت قالت لي حلفتك يا رهف تجي تقعدي معاي لحدي وقت العرس قلت لها انا ما عندي مشكله لكن امي انت اضربي كلمي امي قالت لي جيب التلافون حسه نضرب لها فعلا ضربت و اتكلمت مع امي و حنستها و في الاخير وافقت قالت لي ارح نمشي نجيب حجاتك من البيت من اليله اقعدي معاي قلت لها ارح طيب قبل الدنيا تضلم مشيت فعلا ركبنا العربيه و مشينا البيت و دخلنا عشه قالت لي في ضيوف في الصاله قلت ديل منو يا ربي مشيت الصالع لقيتهم عمو عثمان و خالتو سعاد😪❤ سلمت عليهم و قعته خالتو سعاد قالت لي يا بتي اعفي لينا والله قلت لها انت ما عملت شي و انا ما زعلانه منكم قعته معاهم شويه بعدها قمت خليت معاهم امي و احمد اخوي, مشيت غرفتي طلعته لي شنطه سغيره رتبته في هدومي و قلت لي عشه تكلم امي اني مرقته لمن الضيوف امشو و خليها تضرب لي و بعدها طلعنا انا و تاله و صلنا بيتهم قلت لها اها يا تاله ما اخترتي لون الشباين?? قالت لي لسه مفكره اخلي ناس تلبس براحتها قلت لها خلينا نلبس الوان مختلفه بس نفس القصه قالت لي فكره والله... بنتكلم و بنتناقش في شكل الفستان امي ضربت لي رديت عليها قالت لي كان تستني لحد ما الضيوف امشو حتين تمرقي قلت لها معليش استعجلته عشان الدنيا ما تضلم المهم جو لي?? قالت لي جو اسلمو ساي ما قالو حاجه قلت لها اممم قالت لي خلي بالك من نفسك كويس قلت لها ما تشيلي هم يا امي بعدين انا قاعده في بيتي التاني ما مكان غريب قالت لي يلا سلام... عده اسبوعين و قضينهام كلهم لف في السوق و تجهيزات تعبنا تعب و بكره حتكون اول مناسبه و هي حنت العريس تاله مصصره علي امشي قالت عشان اصور لهافارس و انا متررده عشان ما دايره الاقي مازن....
يتبع.....
