ختيت يدي في خدي قال لي ما ضربتي لي اوصلك لي? ولا عاجباك رحتك دي? و جراني من شعري قال لي والله تعتبي من الباب دا ما اخليك و لازاني شديد والله لمن حسيت شعر راصي كلو وقع من الالم طلع خلاني ما عرفته ابكي ولا اعمل شنو كنت مخلوعه من الحصل دا و ما فاهمه شي دخلت الحمام غسلت وشي و عاينت لمحل الكف كان محمر شديد قلت اكييد لمن اهداء حجي براهو اعتذر و افهمني الحصل...جات الساعه 4 و مازن لا اتصل لا ظهر مشيت استحميت غسلت شعري راصي كان وجعني شديد بسبب جر مازن خليتو مفكوك لبسه فستان لتحت الركبه و كمو نص لونو اسود رقته في السرير و بقيت اقلب في تلافوني لمن االصبح اذن قلت مازن حيكون زعلان و قاعد مع ساره مشيت امنته باب الشقه و جيت رجعت السرير انا ما عارفه لي برر لهو مع انو هو غلطان استففرته ربي وقريت المعوذات و نمته... صحيت تاني يوم الضهر كده عملت لروحي شاي و بقيت بحضر قدام التلفزيون سمعت تلافوني بضرب جوه في الاوضه مشيت جبتو رديت عليهو كان حاتم قال لي اها? قلت لهو اها شنو قال لي رسلت ليك شكلك ما شفتيها المهم اجي اسوقك عشان تلاقي رانيا? قلت لهو طيب قال لي فاضيه متين انتي? قلت لهو في اي وقت قال لي خلاص بعد المغرب كيف معاك? قلت لهو تمام قال لي يلا سلام و قفل الخط فتحت الواتس لقيت تاله مرسله لي قالت لي وصلتي كويسه??? ضربته لها قالت لي امبارح قلقت عليك لمن ما رديتي ضربته لي مازن ما رده برضو قلت لها مازن على قولك شكلو راصو ما تمام امبارح عامل لي فيها مجنون قالت لي مالو??? قلت لها اتشاكلنا ,انا مش رسلت لهو قلت لهو تعالي سوقني و هو قال مشغول?? يلا المهم شاكلني انو لي جيت براي و طلع من البيت لحدي حسه ما شفتو قالت لي اجييي قلت لها لكن حيحس بغلطو اجي اعتذر لي براهو قالت لي انشاءالله قالت لي حتجي متين عشان نعمل الفال قلت لها ما عارفه والله لكن ما اليله لانو ماشه الاقي رانيا قالت لي رانيا منو قلت لها هي انا ما حكيت ليك حاتم خطب و رانيا دي خطيبتو قالت لي الف مبرووك قلت لها الله ابارك فيك سمعت صوت خالتو ليلى بتناديها و بعدها قالت لي دي حبوبه جات برجع ليك بعدين و قفلت ختيت التلافون و مشيت قلت اختار هدومي من حسه طلعته فستان سماوي و فيهو ورد بلابيض و جكت ابيض و طرحه سماويه كويتهم و ختيتهم و مشيت الصاله شلت التلافون ضرب لي مازن لكن تلافونو مغلق قلت امكن المشكله في الشبكه حاولت كاتير بس بديني مغلق رسلت لهو رساله"حاتم جايني و طالعه معاهو عشان بعدين ما تجي تشاكلني" رسلتها بس الرساله ما وصلتو لبسته توبي و قلت امكن اكون قاعد تحت نزلت لقيت خالتو سعاد في المطبخ سلمت علها و قلت لها مازن في? قالت لي لالا طلع الشغل الصباح و لسه ما جا قلت لها لمن اجي قولي لهو اجيني فوق حسيت بها استغربت قلت لها ما اليله يوم ساره عشان كده قالت لي اا تمام تمام طلعت فوق عملت لي شعري استشوار و لمن خلصته كانت الساعه 5 قلت احسن البس بعد دا دخلته استحميت و لبسته شلت تلافوني و ضربته في تلافون البيت ردت لي انجيلينا قلت لها مازن جا قالت لي لسه قلت لها دقيقه عندي مكالمه تانيه رديت كان حاتم قال لي عشره دقايق و بكون عندك قلت لهو طيب شلت شنطتي و اتريحت و نزلت تحت مشيت لخالتو سعاد في غرفته دقيت الباب و خشيت قلت لها انا مارقه حاولت اضرب لمازن بس تلافونو مغلق لمن اجي كلميهو عشان ما اقلق قالت لي حاضر طلعت بره لقيت حاتم واقف ركبته معاهو العربيه قال لي مالك اليله سمحه كده ولا دايره تقشري قدام رانيا لكن مهما عملتي هي اسمح قلت لهو اكيد في عيونك بس ضحك قال لي زي ما انتي في عيون ناس سمحه و ما شايفين غيرك سماحه سكت كده بعدها قال لي انترجضمك دا مالو وارم ختيت يدي في جضمي و اتزكرت الكف قلت لها بكون نمت علهو ولا كده قال لي اممم و صلنا نزلنا و قعدنا في طربيزه ل 3 انفار رانيا لسه ما كانت جات بعد نص ساعه من ما جينا حتين جات و ماشاءالله تبارك الله البت بجد مزه شدييد صاروووخ عديل😻😻قلت لها حاتم قاعد اقول انت مزه شديد ما قايله كلام صاح قدر دا😻😻 المهم قعدنا نتونس هي ظريفه شدييد و شخصيتها جايه مع حاتم شدييد عسوله و بتخش القلب سرعه بعد زي الساعه 10 كده قمنا حاتم وصلها اول بعد نزلت قال لي اها رايك فها شنو قلت لهو مشاءالله والله😻 خلقه و اخلاق و ما فيها كلمه قال لي اختياري حيكون شنو مثلا😍 بعدها وصلني البيت نزلت البيت تحت كان صاني اساسا عادتهم كده بنومو بدري طلعته فوق فتحت الباب و دخلتا مازن كان قاعد في الصاله لمن شافني دخلته وقف علي حيلو قال لي اخيرا شرفتي? عاينت ليهو بستغراب قلت لهو ما بترد علي تلافوناتي لي?? على صوتو شديد و قال لي انا مش قلت ليك ما تعتبي عتبت الباب دا??? مشيتي وين قولي قلت لهو مازن مالك هايج اصبر خلييي و قبل اتم كلامي قال لي انا فعلا مالي هايج و حارق دمي? انت طالق يا رهف
يتبع......
