مازن اطلع بره قال لي رهف اسمعيني قلت ليهو اطلعع برههه قلت ليك طلع طوالي... دخلت وراهو تاله حضنتي و بقيت ببكي شديد بهظار كده قالت لي دي كلها فرحه قشي دموعك دي عشان الناس ما تقول ما صدقت البوره فكتها ضحكت في نص دموعي قالت لي تعالي اصلح ليك وشك عشان تطلعي لناس بره مستننك قلت ليها ما دايره ياخ قالت لي ما علي كيفك صلحت لي المكياج قالت لي افردي وشك دا لي صاره كده ابتسمته ابتسامه خفيفه قالت لي يلا ارح ساقتني و طلعت بره اول ما ناس شافوني قعدو ازغرتو حسيت روحي حبكي تاني دموعي دي مسكتها بالعافيه المهم قالو لي البس عبايه عشان اعمامي و كده دايرين اسلمو علي جابو لي العبايه دخلو الرجال سلمت عليهم مازن عينو ما زحاها مني جا حاتم قال لي رايك شنو في المفاجاه دي قلت لهو رهيبه:) الضيوف كلهم طلعو فضلو ناس الببت و مازن و تاله حاتم قال طبعا من الصباح كلو شويه تناديني مازن جا, مازن لي اتاخر حمرت لي حاتم مازن قعد اضحك تاله قال لهو اي انا زاتي عزبتني قلت لها اضربي لهو قالت لالا ما بزعجو امكن ما داير اجي قلت لها اي كزبي كويس حاتم قال لي تاله ارح نحن نطلع نخليهم علي راحتهم كرهته حاتم في اللحظه دي شديد مرقو هو تاله و فضلنا انا و هو برانا قال لي ممكن اعرف مالك? ما رديت عليهو قال لي يوم ضربتا ليك و ابيتي تردي كنت حكلمك انو نعقد الليله لكن انتي لا رديتي لا رجعتي فاخته القرار براي قلت, لهو اااا تمام يلا مع السلامه قال لي انا ما خلصته كلامي قلت لهو انا تعبانه دايره انوم باي و مرقته خليتو دخلته غرفتي جات داخله وراي طوالي تاله, قالت لي اها احكي قال ليك شنو😉و كان شعورك شنو 😉قلت لها تاله حسه تعبانه بحكي ليك بكره قالت لي رهف انت كويسه? قلت لها اي قالت لي متاكده قلت لها اي بس تعبانه و عايزع ارتاح قالت لي تمام طلعت من الغرفه و انا بهدومي ديك زاتها رقته و من تعب نمته طوالي صحيت تاني يون الصباح بدري البيت كلو كان نايم مشيت عملت لي كباية شاي لانو الصداع كان حفرتق راصي,شلت كبايتي و مشيت فتحت التلفزيون بعد مسافه امي صحت جات و قعدت جنبي حسيت بيها زهجانه قلت لها مالك? قالت ليشنو بتقولي دايره تمشي بيت راجلك من غير زفاف لا حنه قلت لها نعم? قالت لي ما تعملي لي فيها غبيانه امبارح مازن قال دا الكلام الاتفقتو عليهو قلت لها هو قال كده? قالت لي بلعب معاك انا? قالت لي كان حزنانه علي ابوك الاتوفه امك الحيه دي ما ليها حق طفرح بيك? العبره خنقتني و هي بتكلم معاي قالت لي معليش ما مشكله لكن حسه اتفضلي البسي عشان نمشي الحنانه دخلت غرفتي من غير ما ارد عليها و بقيت ببكي بعد مسافه غسلت وشي و لبسه عبايتي و مرقته امي قالت لي امشي مع ريم انا بقعد اجهز ليك شنطك فعلا طلعنا انا و ريم وصلنا الكوفير حننوني و عملو لي شعري و انا دا كلو ما فاهمه دا شنو الحاصل دا رجعنا البيت امي قالت لي كان تقعدي في الدخان قلت لها امي دخان شنو عليك الله امي قالت لي معليش والله انا ما نسيت انت بتمشي الفي الراصك ريم قالت لها امي خلاص , ارح تعالي اعمل ليك ماسك في وشك عشان انورو ليك قلت لها ما ضروري قالت لي اسمعي الكلام يا بت ,جلبطت لها حاجات كتيييره ختته لي في وشي,الوقت جره سرعه من غير ما احس مع المغرب كده امي قالت لي اختك كوت ليك التوب قاعد فوق السرير امشي البسي مشيت لبسته ما عارفه ما كنت حاسه بذره بتاعت سعاده او فرح لاني اصلو ما اتخيلت البحصل اسه ده المهم جات ريم لبستني التوب حسيت روحي غريبه غريبه بعد المغرب مازن جا ناس امي اتونسو معاهو شويه بعداك نادوني قرو لينا يس بعداك مازن قال نمشي عشان ناس البيت مستنيننا امي جات حضنتي و بكت شديد لمن خلتني ابكي معاها قالت لي خلي بالك من نفسك❤ حاتم جا سلم علي و قال لي والله يا رهوفه كبرتي و اتزوجتي عبال نا نشوف عيالك خسام قال لي اخيرا الببت حفضه لي حاتم ضربو في راصو قال ليهو انا ما عاجبك ضحكنا لعدها مازن وقف علي حيلو و طلع هو حاتم اركبو الشنط و انا و امي و ريم كنا واقفين في الحوش ريم زغرت بصوت عالي لمن نسوان الحله اتلمو في بيتنا جو قالو في شنو و ما في شنو امي قالت لهن وهف ماشه بيتها خالتو سعاد قالت لها كيفن? بسرعه دي و حده ردت لها قالت لها كان ما فيها عيب ما بسوقوها كده امي قالت لي ما عاش القال في بتي عيب بتي كااامله و الكمال للالله و اتفضلو امروقو من بيتي الكلام المره بجد وجعني ووجعني شديد كمان ودعته ناس بيتنا و ركبته العربيه و اتحركنا الطريق كلو ساكتيين و ماف زول اتكلم طبعا بيت ناس مازن في امدرمان و نحن بيتنا في الطايف يعني مسافه طويله لحدي ما نصل مازن قال لي رهف? ما رديت عليهو و قف العربيه في نص الشارع و قبل علي قال لي رهف عليك الله وقفي قلت لهو اوقف شنو? قال لي الحركات دي ممكن اعرف انتي زعلانه لي? قلت لهو مازن انا ما دايره معاك كلام مسك يديني و باسهم قال لي حرام البتعمليهو فيني دا قلت لهو انت حرام العملتو فيني و سحبت يديني قال لي انت زعلانه عشان الطريقه الاتزوجنا بيها ? قلت لهو انت شايف شنو? قال لي والله بقيت ما قادر استحمل فبعدك عني وخفت المده تطول و اقع معاك في الحرام و بكره دي نعمل احلا زفاف المهم ما تزعلي باس يديني قال لي عشان خرطري افردي وشك دا ابتسمت لهو ابتسامه بسيطه قال لي شحادك انا? قلت لهو علي فكره لسه زعلانه قال لي رهف ياخ😪 عليك الله ما اشتقتي لي قلت لهو الصراحه اشتقته ليك شديد لكن لسه زعلانه قال انت مجنونه والله رجع اسوق تاني كان بسوق بيد و اليد التانيه ماسكني بيها قال لي الطريق دا مالو بقه تطوييل كده وضحك سكتنا شويه كده بعزاك قلت لهو انت ما قاعد تخكي لي عن اهلك علي فكره حسيت بيهو اتوتر قال لي لمن نصل بتعريفيهم قلت لهو اوكي لي لي ما جو معاك يوم الجمعه? قال لي قصه طويله كده قال لي بالمناسبه يوم الجمعه كنتي مزه شديد😍 قلت لهو طالعه لي حبيبي😍 قال لي عيدي عيدي😍 بقينا بنتونس لحدي ما وصلنا وقف العربيه قدام الباب شكلو بيت كبيير نزلنا دق الجرس فتحت لينا بت تقريبا في عمري سلمت علي شديييد قالت لي اهلااا بالعروس الجديده و سلامت برضو علي ابراهيم شديد لكن هو رده لها ببرود قالت لينا اتفضلو اتفضلو دخلنا قعدنا في الصاله و البت قالت عن اذنكم انادي خالتو سلوى و مرقت لمن طلعت قلت لي مازن دي منو? شكلها ظريفه ما رده علي جات داخله مره كبيره في العمر مشلخه سلمت علينا شدييد وقالت لينا البيت يا دوب نور بعدها جات داخله بت شكلها اصغر مني و بتشبه مازن شديد بس هي لونها حلبي و مازن اسمر سلمت علينا و قالت لي طبعا انا نهاد اخت مازن ما ارتحت لها ما عارفه لي قعدنا انا و نهاد و مازن و خالتو سلوى الي هي ام مازن و بت الما عرفتها دي من نهاد قالت ساره عرفتي العروسه بتفسك ساره قالت لها لا ما حابيت اصدمه مازن حمر لهم نهاد قالت لهو بتحمر لي مالك مصيرها تعرف طبعا دي يا عروسه ضرتك ;)
يتبع.....
