طبعا دي يا عروسه ضرتك.. خالتو سلوى قال لها نهاد بنبره حاده كده قلت لها عادي خليها بتهظر ساره قالت لي لا ما بتهظر و ابتسمة حسيت الدنيا وقفت ضحكته و قلت ل مازن قول لهم ما اهظرو ما اتكلم بس فضل اعاين لي قلت لهو مازن مالك اتكلم و عيوني اتملت دموع قلت لهو مازن يعني الكلام دا صاح?الكلام دا صاح انا بتكلم معاك قال لي حشرحك ليك اي حاجه قلت لهو تشرح شنو يا مازن? تشرح لي انو دي مرتك? اناك تشرح لي انك غشيتني? و انك عيشتني في وهم? و قفته علي حيلي و دموعي دي عشره عشره قلت لهو طلقني خالتو سعاد قالت لي يا بت استهدي بالله طلاق شنو? قلت لها يا اطلقني يا بمشي المحكمه لسه بتكلم جا خاشي راجل كبير و معاهو ولد قدر احمد اخوي تقربا الراجل الكبير قال السلام عليكم الولد قال في شنو يا جماعه الحته صنت كده قامت نهاد قالت العروسه زعلانه ابو مازن(الراجل الكبير) قبل علي قال لي ماشاء الله ماشاءالله مسحت دموعي قال لي اقعدي يا بتي حسيت بهو راجل طيب قال لي خير انشاءالله تاني رجعت ابكي قال لي في شنو يا بتي و عاين لي خالتو سلوى و اداني مناديل من الطربيزه هو كان قاعد في كرسي القصادي و جنبو في خالتو سلوى نهاد قالت لهو عرفت عن ساره يا ابوي عشان كده زعلت ابوي قال طيب يا جماعه اطلعو خلو معاي مازن و العروسه اخو مازن ساق امو و طلع و وراهم طلعو نهاد و ساره عمو عثمان(ابو مازن) قال لي يا بتي انا دا معرس اتنين لكن عندي ام مازن دي لو ادوني حلال الدنيا كلو ما ببدلها اي المره الاولى بديها حقها و ما بقصر منها لكن برضو عندي سعاد الاوله و انا عارف بل متامد انو انت عند مازن زي سلوى عندي مازن مسك يدي و ضغت عليها عمو عثمان قال لي حسه امشو شقتكم فوق ارتاحو و الصباح رباح, والله ما كنت ناويه ابيت في البيت دا او اقعد فهو ثانيه واحده لكن احتراما لعمو عثمان قلت لها حاضر مازن وقف علي حلو فكيت يدي منو و وقفته عمو عثمان قال لي ونحن بنعتذر يوم العقد ما كنه في حصلت لينا وفاة و اضرينا نمشي قلت لهو حصل خير المهم دخلنا الشقه فتح الانوار و قفل الباب الحته كانت صانه بس في صوت شهقاتي مازن كان واقف و مدي الباب ضهرو و انا واقفه قدامو جا علي و حضني طوالي قعته ابكي قلت لهو مازن لي بتعمل معاي كده? شداني لهو اكتر قلت لهو مازن انت كده بتعزبني اكتر زح مني زح مني مسح لي دموعي و قال ساره دي وصيت خالتي قلت لهو ما تبرر و ما تشرح قال لي انت بس اسمعيني خالتي الله ارحمها و صيتها كانت اني اتزوج بتهها وما كنت عايز لكن ناس البيت ضغتو علي و قالو لي في اي وقت حبيت تزوج وحده من اختيارك نحن ما بنحميك بس بت خالتك دي اتزوجها جطه و هجته شديد لكن امي قالت لي لو ما عرستها ما عافيه ليك ل يوم الدين ولا انت ولدي لا انا امك هو بحكي لي و انا ببكي قلت لهو لي ما كلمتني من زمان? قال لي عشان كنت متاكد انك حتقول نخلي يعض وانا لو ختو لي رصاصه في راصي ما بخليك باس لي يديني قال لي عليك الله كفايه دموع و حضني قلت ليهو انا ما دايره وحده تشاركني فيك قال لي ساره دي زواج ورق بس; ما عارفه اذا كلامو دا حقيقه ولا لا كنت مشوشه.. فضل حاضني مسافه بعدها قال لي تعالي افرج بيتنا ساقني من يدي قال لي دي طبعا الصاله كانت مفروشه فرش راقيي شدييد بعدها ساقني وداني المطبخ كان كبيير و حلو و داني غرفه كده قال لي دي غرفه اولادنا بعيدن كانت فاضيه ما فيها اي شي بعدها فال لي و اخر حته, وداني غرفة النوم كلمه رائعه بسيطه عليها كانت خرااافيه عديل كاانت كبيييره فيها كنبه و قصادها السرير و في شبااك كبييير بطول الحيطه و علي الاخر باب بودي البلكونه كانت مضروبه سماويو الاثاث الفيها كل درجات الازرق قال لي عجبتك قلت لهو شدييد😍 قال لي حنزل اجيب الشنط و اجي دقيقه بس قلت لهو تمام
في البيت تحت
خالتو سلوى قالت ل نهاد حسه ما عيب عليك? نهاد قالت لها يا امي ساسا كده كده كان حتعرف خالتو سلوىدك قالت لها تعرف اكلمه مازن ما انت ساره قالت لها يا خالتو كيف عمو عثمان اقول لها انت عند مازن زي سعاد عندي في اللحظه دي مازن جا نازل و سمع كلامها قال ليها و انت بتسمعي لي? مش قالو ليكم اطلعو بره? ساره قالت لهو ما اسمعته لكن عمو كان صوتو عالي زي الداير اسمعني الكلام مازن قال لها ساره امورك دي خليها و انا حسه ما فاضي اتناقش معاك خالتو سعاد قالت لهو ماشي وين يا ولدي قال لها داير اجيب لي رهف شنطه خالتو سعاد قالت لهو خلي مصطفى بنزلها انت اني نادي رهف و تعالو اتعشو...
بجد بقيت بحس افاكري ملخبطه مرات بحس مازن دا بحبني و شاريني ومرات بحس العكس كنت قاعده في غرفة النوم مازن جا داخل قال ارح ننزل العشاء جاهز قلت لهو طيب مع اني ما كنت عايزه انزل عاينت لي روحي في المرايه عيوني كانت مورمه شدييد شنطتي بتاعت اليد كان في باودر ختيت في وشي عشان اقلل الاثر شويه مازن كان واقف بعاين لي قال لي حته بعيونك المورمه حلوه...
المهم نزلنا تحت لقناهم كلهم قاعدين في الصفره قعدنا انا و مازن جنب بعض حسيت الجو مكهرب شديد قلت لهم انا بعتذر عن الحصل قبيل خالتو سلوى قالت لي ما تعتذري يا بتي ردت فعلك كانت عاديه و اي زول في محلك كان حعمل اكتر من كده ابتسمته لها بقينا بناكل و ماف زول بتكلم الا ساره و نهاد بوسيسو لبعض في كلام, كل ما ارفع عيني بلقه مازن بعاين لي هزيت لهو راصي بمعنا في شنو قال لي بصوت واطي ماف شي عمو عثمان قال الحمدالله وقف علي حيلو و قال بكره الفطور الساعه 9:30 عشان عندي اجتماع مهم و طلع مشه باتجاه باب كده بعدها مازن وقف وقفت وراهو طوالي خالتو سلوى قالت لي يا بت ما اكلتي شي قلت لها شبعته والله قالت لي وانا اقول انت ضعيفه مالك اتاريك ما بتاكلي ضحكت لها بعدها انا و مازن طلعنا فوق مازن قال لي اخخخخ نسيت اجيب الشنط دقيقه طلع بعد 10 دقايق جا دخلهم قلت لهو بكره حمشي الجامعه قال لي بكره طوالي كده? قلت لهو اي قال لي تمام براحتك فتحت الشنط و.بقيت برتب في الحاجات اما مازن دخل الحمام دخلت حجاتي كلها ورتبته ارياحي و حاجاتي و طلعته بجامه بنبيه اكمامها طويله,لسه ما كنت مستعده انو انا و مازن اكون بينا في شي اول ما طلع من الحمام انا دخلت استحميت طالعه لقيتو ما جوه الغرفه طلعته بره لقيتو ماف قلت اكيد حيكون مشه للمتخلفه ديك زعلت شدييد قعته قدام المرايه لفيت شعري كعكه و اتمسحت و اتريحت و طفيت النور و مشيت رقته في السرير ما قدرت انوم فضلته اتقلب بعد مسافه سمعت صوت باب الشقه بتقفل عملت فيها نايمه,جا داخل الغرفه براحه و نادني بسوط واطي لكن ما رديت عليهو قرب مني و بقه بمسح في شعري باس خدي و جا رقد ب وراي حاوط خصري بيدو لمن عمل كدا شعر جسمي كلو وقف بسوط مبحوح قلت لهو مازن منكن تزح مني شويه قال لي انت صاحيه ما رديت عليهو زح من و قبل علي الجه تانيه شكلو زعل مني قلت لهو مازن بسوط واطي لكن ما رده علي سكت مسافه لكن بعدها نزلت من السرير و قفت بجيهتو كان مغمد عيونو و اعاقد حواجبو قلت لهو مازن رخه حواجبو بعدها فتح عينو قلت لهو انت زعلت قال لي لا امشي نومي عشان بكره عندك جامعه و رجع غمض عيونو عيونو فضلت واقفه مسافه بعدها قعته في الواضه و ختيت راصي جنبو في السرير يعني راصي كان مقابل صدرو بعد مسافه نمت و انا ما حاسه...
صحيت تاني يوم لقيت نفسي في ماكني زاتو و مازن ماف..دخلت الحمام غسلت وشي و كده و طلعت الصاله ما كان في مشيت عاينت لساعه كان 10 استغربته انو ما صحاني للجامعه و حسه الوقت اتاخر و ما حلحق المحاضره لانها بدت, شلت تلافوني و ضربته لهو ما رده اتصلت اكتر من مره لكن برضو ما رده لبسه توب و نزلت تحت المكان كان صاني بس البت الشغاله بتنضف قلت لها مافي زول في البيت? قالت لي اي قلت لها مشو وين قالت لي ما عارف كلو زول مشه شغلو قلت لها اا تمام حته خالتو سلوى? قالت لي خالتو سلوى مرقت الصباح بدري ما عارفه مشت وين قلت لها كويس في شاي جاهز? قالت لي اي في شاي في قهوه قلت لها تمام قالت لي تشربي ياتو? قلت لها قهوه و جيبيها لي فوق لو سمحتي قالت لي تمام طلعته فوق بقيت لافه في الصاله زي المجنونه سمعته تلافوني بضرب في الوضه جريت لهو لقيتها تاله قلت اففف ياخ لاني كنت قايلاهو مازن. رديت عليها قالت لي يا كلببه يوم العقد تتبكي و تقولي ما دايره و تاني يوم تمشي معاهو قلت لها تاله ما حتقدري تتخيلي و نبرت صوتي اتغيرت قالت لي في شنو? خير? قلت لها مازن يا تاله قالت لي مالوو?? قلت لها معرس وحده تانيه😭 قالت لي بتهظري قلت لها والله ما بهظر قالت لي و انت وين اسه? قلت لها في بيتهم قالت لي نعم??? و البقعدك شنو? قلت لها انا زاتي ما عارفه و حكيت لها كل الحصل لحدي الليله الصباح قالت لي الكلام دا ما بنفع بتلافون لازم القايك قالت لي تعالي لي في بيت قلت لها صعبه والله انت التعالي قالت لي ما بقدر اخلي ماما براها تعالي لي انت قلت لها مازن مافيش لكن قالت لي اضربي لهو ولا رسلي لهو قلت لها عايني لحدي الساعه 5 لو ما جه او رده علي بجيك قالت لي تمام و قفلت خط سمعته الباب بدق مشيت فتحت لقيتها البت الشغاله شايله لي صينيه فيها كيك و كباية قهوه قلت لها شكرا قالت لي عفوا انا انجيلينا اي شي دايرهو اتصلي علي في تلافون الثابت التحت الرقم مكتوب هناك و اشرت لي علي تلافون حنبو في زي ورقه كده قال لي انا شايفه الببت نضيف ما محتاج نضافه لكن لو دايراني انضفو اتصلي علي قلت لها تمام قلت لها شكرا قالت لي علي شنو و ما تخافي انا ما بمروق من البيت و سلوى حسه بتجي قلت لها هههه شكرا قفلت الباب وقعته في الصاله فتحت التلفزيون و بالي ما مع الحاجه البحضرها الساعه بقت زي 12 كده مشيت دخلت الحمام غسلت شعري و جيت مارقه بنشف فهو مازن ضرب استنيتو ادق مسافه حتين رديت قلت لهو الو قال لي كنتي نايمه ولا شنو قلت لهو لا التلافون بعيد مني قال لي كيف اصبحتي قلت لهو رقبتي واجعاني بس قال لي عشان امبارح رقتي غلط قلت لهو الصباح لي ما صحتني قال لي طلعته مستعجل ساره نفسها كتم و وديتها المستشفى قلت لهو اااا سلامتها قال لي الله اسلمك حسه حنزلها في البيت و ماشي الطوالي الشغل عندي موضوع مهم قلت لهو تمام انا دايره امشي لي تاله قال لي خليها هي تجيك قلت لهو ما بتقدر قال لي كدي طيب لمن اجي بنشوف قلت لهو تمام قفل الخط قلت اكيد ساره دي قعد تعمل الحركات دي عشان دايراهو اهتمه بها ياخ مالي و مالهم انا الصراحه زعلت شديد😭, نشفت شعري و لفيتو كعكتين لبيسته سكيرت مورد لحدي تحت الركبه و معاهو بودي نص كم اسود بقيت لس بلعب بتلافوني زي الساعه 2 تلافون البيت ضرب مشيت رديت لقيتها انجيلينا قالت لي بابا عثمان قال الغده الساعه 3 تعالي نازله قلت لها طيب مشيت فكيت شعري و رجعت كعكه لي وره و لبسته عبايه سوداء فيها ورود بالابيض اتريحته و لفيت طرحتي زي الساعه 3 الا عشره نزلت لقيت خالتو سلوى بترص في الاكل مع انجيلينا قالت لي بتي السمحه كيف اصبحت قلت لها تمام الحمدالله قالت لي لو ما فيها تعب نادي ساره و نهاد من الغرفه ديك و اشرت لي علي باب كده مشيت باتجاه الباب و دقيتو فتحت لي ساره قالت لي العروسه بزات نفسها ابتسمته لها مجامله قلت لها خالتو سلوى قالت ليكم تعالو الغده جاهز قالت لي انا تعبانه ما بقدر اجي لكن بكلم نهاد قلت لها راحتك اووه نسيت سلامتك مازن قال لي اليله الصباح تعبتي تعابير وشها اتغيرت قالت لي مازن اتكلم معاك اليله ما رديت عليها قلت لها نادي نهاد و اديتها ضهري و مشيت لقيت خالتو سلوى و عمو عثمان قعدو قعد معاهم خالتو سلوى قالت لي نحن طبعا يا بتي مواعيد الاكل عندنا اهمه من اي شي و اي زول لازم اكون حاضر قلت لها معليش الصباح نمت عشان كده ما جيت قالت لي ولا اهمك بس خليك حريصه علي المرات الجايه جات نهاد قعدت و ماف اي زول مده يدو علي الاكل خالتو سعاد قالت الاولاد ديل مالهم اتاخرو ما تمت جملتها زي الناس جو مصطفى و مازن دخلين قالو السلام عليكم و طوالي قعدو ممازن قعد جنبي عمو عثمان قال لهم انا قلت الغده 3 و حسه 3:10 مصطفى قال لهو والله يا ابوي الشوارع زحمه بدينا ناكل مازن قال ساره وين? نهاد قالت لهو قالت تعبانه ما بتقدر تجي طوالي وقف علي حيلو و قال دقيقه اشوفها و ارجع انا اللقمه تاني ابت تبلع لي قلت الحمدالله خالتو سلوى قالت لي انت اكلتي شنو حسه حسيت روحي حبكي خلاص عمو عثمان قال لها خليها تمشي اول ما قال كده طوالي مشيت طلعته فوق...
عند مازن و ساره
مازن قال لها مالك حاسه بشنو? قالت لهو بس مصدعه و ما قادره انوم قعد جنبها في السرير و بقه امسح في الشعرها رقدت في رجلينو قالت لهو خليك لحدي ما انوم مسكت يدو و غمضت عيونها بعد زي ربع ساعه حتين نامت مازن رقدها كويس و غطها و طلع..
فتح الباب و جا خاشي كنت بحضر في التلفزيون قعد جنب بقه بقلع في جزمتو قال لي يومك كان كيف قلت لهو كويس قال لي مالك عاينت لهو قلت لهو مالي? قال لي بتردي كده لي? قلت لهو مافي حاجه حتوديني لي تاله? قال لي والله تعبان خليها هي تجيك قلت لهو ما مشكله بمشي براي قال لي لا قلت لهو ولي يعني? قال لي رهف قلت ليك تعبان ما بقدر اتناقش معاك قلت لهو اي بتكمل طاقتك مع ساره و بتجي تزهج فيني انا قال لي بس اي و قام دخل الاوضه و قفل الباب, قلت لهو جاي هنا لي ما كان تنوم معاها بصوت عالي متاكده انو سمعني, شلته تلافوني و ضربت لي تاله قلت لي مازن جا? قلت لها اي لكن ما مقدر اجيك مازن قال تعبان قلت لها تعالي لي انت عليك الله قالت اي البجيبني منو لكن? قلت لها خلي فارس اجيبك و بالمره اتونس مع مازن قالت لي كدي بشوفو و برجع ليك بعد مسافه رسلت تسجيل صوتي في الواتس قالت لي فارس قال هو مازن ماشين الجم بعد المغرب قلته لها الجم بتاعهم دا مش في الخرطوم? قالت لي اي قلت لها اكيد ما بغلب مازن كان اجيبني ليك قالت لي امكن عشان بطلعو متاخر او كده قلت لها خلاص يا زوله ارح نكسر الحنك بلاقيك بكره في الجامعه قالت لي تمام فتحت الفيسبوك لقيت عندي كمية من النوتيفيكيشنز و المسجات كميه من الناس باركت لي رديت عليهم كلهم عندي وحده من صحباتي بتاعين الثانوي مرسله لي رساله كاتبه فيها: الف مبروك حبيبتي والاه بجد فرحته ليك و مازن راجل ما هين اكيد حتقولي بعرفو من وين هههه مازن دا كان مديري زمان في الشغل و تعاملو معانا كان بجد تعامل راقي انا حابه اتواصل معاك اكتر فلو سمحتي رسلي لي رقمك بتاع الواتس قلت لها الله ابارك فيك و اتفضلي كتبته لها رقمي و رسلت لها المهم نع المغرب كده تلافون البيت ضرب لقيتها خالتو سلوى قالت لي تعالو اشربو شاي المغرب قلت لها طيب مشيت دخلته الغرفه لقيت مازن لسه نايم اتردته اصحيو او لا في نهايه قلت احسن ما اصحيهو لانو قال تعبان ,فتحت الدولاب طلعته العبايه لمن جيت اقفل الباب عمل صوت عالي لمن مازن صحه قلت لهو معليش قال لي الساعه كم قلت لهو 6:30 قام علي حليو قال لي و انت ماشه وين قلت لهو نازله تحت خالتو سلوى قالت لي اجي اشرب الشاي قال لي طيب و انا نازله تلافوني ضرب كان رقم غريب رديت قلت الو جاني صوت بقول الو انا دينا عرفتيني? قلت لها اييي دينا كيفك قالت لي تمام وانت قلت لها الحمدالله (دينا دي صحبتي بتعات الثانوي البت الرسلت لي الرساله) قالت لي يلا ما ازعجك قلت اضرب ليك عشان تسجلي رقمي قلت لها ماف اي ازعاج و قفلت الخط مازن قال لي دا منو قلت لهو ضروري تعرف? بقه بقرب مني قال لي اي ضروي بقه قريب مني شديد قلت لهو مازن زح ياخ قال لي ولو ما زحيت قلت لهو زح و لزيتو لمن كان حقع قبل ما اتكلم الباب دقه جريت فتحتو لقيتها نهاد قالت لي امي قالت ليكم ما نازلين? قلت لها لا نازله بس دقيقه شلت طرحت من فوق السرير و نزلت معاها مشيت لقيتهم كلهم قاعدين حته ساره قعدته جنب خالتو سلوى عمو عثمان قال مازن وين قلت لهو حجي نازل حسه ساره قالت لكن ما حشرب شاي لانو ماشي الجم و عاينت لي و رفعت حاجبه مازن جا نازل قال السلام عليكم و مشه جمب ساره هبش راصها و قعد جنبها قال لها بقيتي كيف? قالت لهو كويسه الحمدالله قال لها الحمدالله يلا انا طالع عايزه حاجه?قالت لهو بس سلامتك بعدها قامو اتنين قدمتو لحد الباب قالت لهو كلام كده ابتسم لها عاين لي و رجع تاني اضحك معاها طلع و ساره جات راجعه في سري قلت دا حالتو علي الورق? قعدنا شربنا الشاي و شنو بعد خلصنا انا طوالي طلعت شقتي غيرته هدومي وظبط المنبه و نمت
صحيت تاني يوم الساعه سته مازن كان مافيش قلت اكيد حيكون نايم مع ساره, دخلت الحمام و طلعته, لبسته سكيرت اسود و تيشيت اكمام طويه مسطر اسود و ابيض و طرحه كبديه شلت شنطه كبديه خططته حواجبيني و كحلت عيوني و عملت لب قلوس كانت الساعه 7:30 طلبته ترحال و ضربته لي انجيلينا تحت قلت لها تعمل لي عصير و تجيبو لي فوق بعد دقتين و كانت جابتو لي لسه بشرب فيهو فيهو بتاع ترحال ضرب لي قال وصل طوالي ختيت الكبايه و نزلت البيت كان صاني بس كان عمو عثمان قاعد في الصاله بشرب في قهوه و بقره في الجريده سلمت عليهو قال لي علي وين قلت لهو ماشه الجامعه قال لي مازن واديك? قلت لهو لا ماشه براي قلت ما ازعجو قال لي طيب امشي عشان ما تتاخري طلعته ركبته ضربته لي تاله قلت لها انا قربته من الجامعه قالت لي انا يادوب وصلت قلت لها تمام ربع ساعه و كنت وصلت دخلت لقيت تاله قاعده في الكفتريا قعت سلمت علها و كده قال لي اها احكي قلت لها ماف شي احكيهو عير انو مازن بحاول استفزني باي طريقه قلت لها يعني مثلا الليه مشه بات مع ساره قالت لي شنو? قالت لي و خلاك تقعدي في البيت براك? قلت لها اي اتخيلي قالت لي هو بحاول اخليك تغيري قلت لها و دايرو وصل لهو قالت لي رهف فتحي عيونك و امسكي مازن دا بيدينك و ورجلينك ساره دي شكلها مفتحه قلت لها اااه بس المهم عدينا اليوم محاضرات و شنو علي نهاية اليون مازن ضرب لي رديت عليهو قال لي الصباح ما صحيتيني اوديك ليه? قلت لهو ما كانت فاضي لي عشان كده و قلت ما ازعجكم عمل فيها ما سمعني قال لي خلصتي قلت لهو اي قال لي انتظريني بجي اسوقك قلت ا ما تعب نفسك بجي بترحال قال لي طيب و قفل الخط تاله قالت لي قال ليك سنو قلت لها قال لي طيب قالت لي بالبساطه دي قلت لها ما عامل فيها زعلان خلي بطريقتو المهم فعلا طلبتا ترحال و مع المغرب جيت خاشه البيت لقيتهم بشربو في الشاي سلمت و كده و نهاد قالت لي اقعدي اجيب ليك كبايه قلت لها لالا انا تعبانه حطلع فوق طوالي مازن ما كان قاعد معهم قلت لهم مازن في? خالتو سلوى قالت لي حسه جا خاشي قلت لها تمام طلعته فوق قبل ما افتح الباب استحميت بالريحه فتحت الباب و خشيت ما كان قاعد في الصاله خشيت الغرفه لقيتو راقد في الكنبه و بستعمل في التلافون رفع عينو عاين لي و رجع اعاين للتلافون تاني جيت ماره جنبو مسكني من يدي شديد قال لي ركبتي المواصلات كده? فلت لهو كده كيف? قال لي برحتك دي قلت لهو لي رحتي كعبه وقف الي حيلو و ضغط علي يدي شديد لمن حسيت بها حتتفكه قال لي رهف ما تردي السوال بسوال قلت لهو طيب فك يدي لانها واجعاني قال لي رهف سالتك جاوبي قلت لهو زي ما مشيت زي ما جيت فك يدي من الالم ما قدرته احركها قال لي الجامعه دي يا وديتك انا و جبتك يا خليها و طلع من غرفه بعد مرق قعته اضحححك عايت لي يدي لقيتها محمره طلعته لقيتو قاعد في الصالون مشيت باتجاه المطبخ شلت تلج دايره اطلع لقيتو واقف في باب المطبخ قال لي جيبي يدك قلت اهو عشان تكسره و ختيت يدي وره ضهري قال لي رهف و شال يدي من بالقوه عاين لها بعدها حركه قلت لهو ايييي ما كانت واجعني لكن قلت اعمل لي درامات قال لي وجعتك??? قلت لهو شدييد فكها قال لي تعالي ساقني لي جوه المطبخ دفه مويه و خته فيها ملخ و مسحها لي قال لي دقيقه طلع و جا راجع شايل في يدو شاش لفهو لي قال لي كده حتبقه كويسه و طلع قعد في الصاله و انا دخلت الغرفه استحميت و غيرت هدومي لبسته بنطلون بجامه و تشيرت و فكيت شعري و رقته من التعب نمته طوالي صحيت تاني يوم لقيت مازن راقد جنبي و دي اول مره من ما دخلت البيت دا ارقد جنب بعض شكلو كان رهيب شديد😭😍 فضلت بعاين لهو مساافه قربت منو بستو في خدو و نزلت من السرير دخلت الحمام
مهم عدت الايام كده مازن بقه كلو يوم بوديني الجامعه و برجعني ببيت معاي خميس و جمعه و سبت و احد و باقي الاسبوع مع ساره,كرهي لساره كلو يوم بزيد و اصلو ما قادره اتقبله انا و مارن علاقتنا شويه اتصلحت خطوبت تاله حددوها الجمعه الجايه و انا و دينا علاقتنا قوة شدييد بقيت ما بمر يوم الا و اتكلم معاها...
يتبع......
