صحيت تاني يوم الصباح بحركت يحى ولد احمد شكلو كان بردان غطيتو و نزلت من السرير امي و رشا لسه كانو نايمين دخلت الحمام و طلعت لقيت حبوبه و معاها اسماء و لين بشربو في الشاي قعته معاهم لين قالت لي ما عوايدك صاحيه بدري مالك قلت ليها قلت الاقيكم قبل تطلعو اسماء قالت لي عشان تشمتفي فينا يا كلبه ضحكته قلته ليها لا والله اتونسنه شويه و قامو هم طلعو عشان ما اتاخرو حبوبه قالت لي انت يا بتي عيانه وشك دا مالو قلت ليها تعب ساي لكن مافي حاجه والله قاعدين خالتي فوزيه جات سلمت علي ببياخه كده و قالت لي امك صحت دايراها في موضوع مهم قلت ليها لا و شلت عدت الشاي و ديتهم المضبخ قمته عشان ما احتكه مع خالتي شديد غسلتهم و طوالي مشيت علي غرفتنا لقيت امي صحت و بتصلي بعد خلصت قلت ليها خالتي فوزيه قالت دايراك قلت لي طيب و قامت طلعت انا رقته في السرير بسمع في اغاني لحدي ما نمته... صحيت وو انا سامعه اصوات لين و اسماء نزلت من السرير قلت ليهم الساعه كم لين قالت لي تلاته و نص ; و شوشهم ما كانت عاجباني زي الحاصله حاجه قلت ليهم في شنو? عاينو لبعض و سكتو قلت ليهم في شنو و نزلت من السرير مخلوعه قلت ليهم حبوبه و جدو كويسين قالو لي اهدي اهدي الناس كلها كويسه بس قلت ليها اتكلمي سرعه في شنو? قالت لي معتز اتدقدم ليك و شكلو ناس بيتكم موافقين قلت ليها نعععمممم قلت ليها معتز منوو?? معتز ولد خالتي? اسماء قالت لي اهدي و امك قالت يعملو العرس هنا عشان جدو احضرو عارفاهو ما بقدر علي السفر بقيت شايفه طشاش طشاش نزلت من السريرر و طلعته الصاله لقيت امي و خالتي قاعدين قلت لي امي بضاعه انا???? بضاااعه ??? قالت لي وطي صوتك دا مالك خالتي فوزيه قالت لي يا بت بسم الله قلت ليها انت اسكتي ما تكلمي امي قالت لي رهففف احترمي روحك باصواتنا حبوبه جات مخلوعه قالت لينا في شنو قلت ليها حبوبه تعالي شوفي امي قالت شنو 😭 لين قالت كلمناها حبوبه عاينت لي قالت لي يا بتي دا نصيبك عاينت ليها باستغراب قلت ليها حبوبه? خالتي فوزيه قالت بختك انت كان معتز قال دايرك.معتز واحد مافي زيو اتنين دموعي طوالي جرت قلت ليهم انا بتكلم مع اخواني بس طلعت الحوش و بقيت اقول يااا احممدد يااا حااااااتمم بكون الحله كلها سمعت صوتي حاتم جا طالع قال لي مالك? قلت ليهو دا كلام شنو جا طالع معتز قال لي مالكم و عاين لي ناس امي بعدها باتجاهي قال لي تعالي نتكلم بقيت ببكي شدييد قلت ليهو ما ددايره اتكلم انا تتقدم لي دي شنو قال لي اهدي و تعالي قلت ليهو اجي وين ما بجي حته بقيت سامعه صوت لين بتقول لي رهفف رههف الصوت كان بعيييد ; صحيت مخلوعه شديد لين قالت لي بسم الله مالك? قالت لي و عرقانه كده مالك قلت ليها الساعه كم? قالت لي خمسه قلت ليها الحاصل شنو? قالت لي حاصل شنو في شنو قلت ليها خلاص...كنت يادوب بديت اجمع انو دا كان حلم بقيت بهبش حوليني لين قالت تلافونك هنداك وراك شلتو من وراي قالت لي بعدين في عرس في الحله تمشي? قلت ليها طوالي قالت لي خلاص طيب اخليك تغسلي وشك و كده انا ماشه اقعد مع حبوبه قلت ليها طيب قامت طلعت انا اساسا ما مركزه مع كلامها شلت تلافوني و بقيت بفتش بين الارقام في رقمو اول ما لقيتو عملت الغااء حظر و رسلت ليهو "مازن.. ممكن نتكلم" تاني مسحت الرساله قلت دا شنو الانا بعممل فيهو ختيت التلافون و طلعت اول ما فتحت باب الغرفه لقيت معتز في وشي قال لي دا كلو نوم صريت ليهو وشي عقد حواحبو باستغراب قال لي مالك? انا الحلم لسه كان مؤثر علي او امكن بس ما كنت عايزه اديهو اي مجال اعمل حركه زي دي يعني ينتصار اقطع العلاقه قبل تبده من غير ما ارد مشيت خليتو غسلت وشي و اتوضيت صليت بعدها مشيت لي لين لقيتها بتحضر في التلفزيون قلت ليها اسماء وين قالت لي مشت بيت العرس تساعد قلت ليها و انت ما مشيتي مالك? قالت لي ما بحب اتعب روحي الصراحه 😂 قلت ليها انت غايتو عرسك دا بعدين بتقيفي فيهو براك قعته جنبها و هي مندمجه مع التلفزيون و انا سرحانه نفسي نتكلم انا و مازن و نحل مشاكلنا و نرجع لبعض فجاءه تلافوني ضرب لقيتو معتز المره الاوله ما رديت لكن لمن فضل اضرب قمت رديت قال لي بعيده من التلافون ولا شنو? قلت ليهو قاعده جنبو و ابيت ارد.. انا بجد.ما كنت عارفه بتساغل معاهو لي قال لي انت مالك? في حاجه مزعلاك قلت ليهو انت مالك? قال اي انا اسف يا زوله و غلطان انا البضرب و بسال و قفل الخط لين قال لي بسم الله مالك مع الولد دا? قلت ليها مافي شي و قمت طلعت من غرفتهم دخلت الغرفتنا قعته في السرير و بقيت ببكي; بكيت لمن حسيت روحي ارتحته لكن انا استاهل دي كلها غلطتي علاقتي انا و مازن من اولها بدت غلط و الغلط عمرو ما بتصلح ...لين قالت لي البسي عشان نمشي سكتت شويه كده قالت لي مالك انت اليله ما طبيعيه ? قلت ليها بس مصدعه قالت لي اجيب ليك بندول قلت ليها لالا ما مشكله انت ناس البيت وين? قالت لي كلهم في بيت العرس قلت ليها انت امشي انا ما نفسي قالت لي انت متاكده انك كويسه? قلت ليها ما عندي حاجه بس تعبانه و جسمي مكسر قالت لي خلاص بقعد معاك ما بخليك براك في بيت قلت ليها انت يا بت عويره ولا شنو? امشي ما بتجيني حاجه قلت ليها و مش الليله حنت العروس? الاولاد بكونو قاعدين امشي البسي يا بت قالت لي خلاص لكن ما بتاخر بجي قبل ناسس امي قلت ليها طيب طلعت من الغرفه انا بقيت بستعمل في تلافوني بعد مسافه جات تاني قالت لي اعملي لي مكياج ممكن? قلت ليها طوالي تعالي اقعدي زبطه ليها وشها و كده قالت لي يلا سلام انا ما بتاخر قلت ليها طيب طلعت و انا رجعته رقته في السرير اخته لي غفوه كده و صحيت بصوت التلافون لقيتو معتز رديت قال لي انت في البيت? قلت ليهو اي قال لي نايمه ولا شنو? قلت ليهو عايز حاجه? قال لي لا تعالي الحوش عايز اتكلم معاك لمن قال كده خفته اكون الحلم حقيقه قلت ليهو في شنو? و نحن اساسا بيناتنا في كلام شنو? قال لي رهف بسم الله انت الليله مالك? اتنهته كده قلت ليهو عاين خلاص جايه قفلت الخط و لبسته توب و طلعته لقيتو قاعد في الحوش قلت لي نعم? قال لي اقعدي قلت ليهو سرعه اتكلم? قال لي انت الليله مالك? في زول زعلك? انا عملت ليك حركه من غير ما انتبه زعلتك? قلت ليهو لا قال لي خلاص مالك? اتنهت دا شنو الاهتمام الفجاه دا عاين لي بستغراب سكت مسافه بعزها حكيت ليهو انا حلمت بشنو و اثناء ما بتكلم العبره خنقتني و ما قدرته اتم الكلام سكت مسافه و قال لي لكن دا ما كان حلم عاينت ليهو بستغراب و دموعي جرت ? سكت مسافه بعدها بقه اضحك شديييد قال لي يا عويره بهظر معاك قلت ليهو ما هظار بايخ يا كريه و ضربتو في كتفو و انت من الصباح بتصرصري لي و كده عشان تنهي الموضوع قبل ما ابده? قلت ليهو ما كده لكن قال لي انا عارف انو امي ناقه في الموضوع دا لكن حاجه من غير رضانا ما بتحصل سكت مسافه قال لي و مازن دا شكلو لسه مجننك و ضحك قال لي صح? مستنيه منو اي حركه سكت مسافه قلت اكذب و اقول لا? قال لي انتو الصراحه استعجلتو كان تخلو الحاجات تمشي برواقه قلت ليهو هو براهو عمل كده مع اني ما كنت راضيه قال لي عارف دي حاجات بتخصكم بس سبب طلاقكم شنو? قلت ليهو مرتو التانيه عاين ليي بستغراب قال لي مرتو التانيه? قلت ليهو او يعني الاولى حكيت ليهو عن ساره و العملتو قال لي حسبيه الله طيب هو ما عارف? قلت ليهو مفروض اكون عرف قال لي كان مفروض?? المفروض انو تقعدو و تتفاهمو قلت ليهو انا مستنيه هو الاعمل الخطوه دي قال لي الله اصلح الحال قلت ليهو امين حسيت روحي ارتحته شدييد لمن اتكامته معاهو فجاءه تلافوني ضرب عاينت للرقم و عاينت ل معتز قلت ليهو يا ربي بكون سمع كلامنا و شبه مبتسمه قال لي دا مازن??????? و ضحككك قلت ليهو اتخيل قال لي ردي جيت ارد قام قطع قلت ليهو يااا الله قال لي حسه برجع استني😂 فعلا ضرب تاني رديت معتز اشر لي بيدو و طلع مازن قال لي السلام عليكم رهف? قلت ليهو و عليكم السلام سكت شويه و قال لي ممكن نتكلم? قبل ما ارد قال لي انا تححت تعالي قلت ليهو تحت وين ?انا مافي الخرطوم قال لي وين قلت ليهو سافرت القضارف قال لي حترجعو متين طيب? قلت ليهو ما عارفه والله امكن اسبوع امكن اكتر قال لي طيب لمن ترجعي اضربي لي قلت ليهو انشاءالله مع انو ما افتكر في كلام بينا تاني سكت مسافه و شكبو زعل من كلامي بعدها قال لي كيف انشاءالله كويسه قلت ليهو الحمدالله و قفلت علي كده كنت مبسوووطه شدييد حسييت زي الدنيا بدت تبتسم لي مع اني اتساغلته معاهو و اتكلمت ببرود عكس الشعور الكان جواي دخلت الصاله لقيت منذر قال لي اها? قلت ليهو ما قال شي بس قال داير اتكلم معاي و كده و طبعا بتبسم منذر ضحك قال لي الله لا ورانا الزي دا😂 و حسه بكره بتلقيهو ركب عربتو و جاك هنا و قولي منذر ما قال قلت ليهو هيي ما قدر دا كمان قعدنا نتونس شويه كده ناس حبوبه و امي جو لين و اسماء ما خلو حاجه في العرس ما حكوها و ما خلو بت ما علقو عليها زي الساعه 2 مشينا رقدنا و كنت تعبانه مع اني نايمه اليوم كلو... صحيت تاني يوم زي الساعه 9 بصوت تلافوني لقيتو مازن استغربته عملت التلافون صامت و مشيت غسلت وشي و اتوضيت صليت حتين شلته التلافون و رجعته ليهو رده علي طوالي قال لي سلام كيفيك قلت ليهو تمام و انت قال لي الحمدالله قبيل كنت جنب بيتكم جييت عشان اتكلم معاك لكن لمن ما رديتي قلت حتكوني نايمه فرجعته ضحكت و قلت ليهو يا ولد انا قلت ليك انا ما في الخرطوم قال لي عارف انا جيت هنا القضارف قلت ليهووو شنوووووو قال لي اي والله لكن حسه مشيت بيت واحد صحبي سكت شويه و قال لي انفع نتلاقه بعد ساعه? قلت ليهو ما عارفه استاذن من ناس البيت و بوريك قال لي طيب خير و على كده قفلنا الخط بقيت بنطط زي المجنونه في الاوضه و اضحك شلت تلافوني و ضربت لي حاتم في الاول ما رده تاني بعد مسافه رده و شكلو كان نايم قلت ليهو معليش ازعجتك لكن دايره اتكلم معاك في موضوع مهم قال لي طيب مسافه اعمل حاجاتي جيبي لي كباية شاي و تعالي الصالون قلت ليهو طيب مشيت المطبخ لقيت خالتي قالت لي بركه الليه فاره لينا وشك الباسطك شنو يختي من الصباح قلت ليها ساي بس شلت كباية شاي لي و لحاتم و مشيت الصالون لقيتو قاعد قال لي اها خير?? قلت ليهو مازن ضرب و قال داير اتكلم معاي صره لي وشو و قال لي نحن الصفحه دي مش قلنا قلبناها? قلت ليهو لكن يا حاتم قاطعني قال لي كان عندو كلام اجي اتكلمو معانه نحن الرجال قلت ليهو طيب ممكن تسمعني? قال لي رهف العندي قلتو زعلته شدييد من كلام حاتم دخلت غرفتي رقته في السرير و بقيت ببكي قلت يعني دا حاتم الدايم بقيف معاي قال كده امي و احمد ردت فعلهم حتكون شنو رسلت لي معتز قلت ليهو صحيت? الرساله ما وصلتو قلت بكون لسه نايم... طلعت بره الغرفه قلت امشي اشوف البنات صحو بس طلعته كده تلافوني ضرب عاينت لقيتو ماذن ما عرفت ارد ولا اعمل شنو عملتو صامت و مشيت البرنده لقيت حبوبه و معاها لين و منذر قلت ليهو صباح الخير قالو لي صباح النور قعته جنب حبوبه قالت لي خلي لين تكب ليك الشاي قلت ليها لالا انا شربته مع حاتم قبيل منذر قال لي تعالي دقيقه قلت ليهو طيب لين عاينت لي بتستغراب و حركت لي راصه بمعنى في شنو قلت ليها ما عارفه مشيت طلعت حوش قال لي ما قلت ليك? قلت ليهو قلت شنو? قال رهف بطلي عواره و ضحك ضحك قلت ليهوو ااا عرففت كيف? قال لي شفتو الصباح واقف قدام الباب و سالني اذا دا بيت جدي حسن شكلو ما عرفني و انا ما وريتو انا منو ضحكت قلت ليهو ضرب لي و قال لي نتكلم و كده و لمن حكيت لحاتم ما رضه و قال لي لو عندو كلام اجي اتكلم معانه نحن قال لي ردت فعل طبعيه بعد الحصل بناتكم و الحالة الدخلتي فيها ,ناس بيتكم خايفين عليك قلت ليهو المشكله ما عارفه اقول ليهو شنو? و هو من قبيل بضرب, منذر قال لي قولي ليهو معليش تعال اتكلم مع ناس البيت قلت ليهو لكن امكن هو ما داير ااقول لي نرجع امكن داير اعتذر بس قال لي انت والله غبيه زحي من قدامي قبل ما اديك ضربه بحاجه😂 قلت ليهو منذر انا جاده قال لي انا زاتي هو لو كان داير اعتذر كان رسل رساله مش قطع المسافه دي كلها قلت ليهو ما عارفه ملخبطه كده قال لي رسلي ليهو حسه ; قولي ليهو معليش بس لو في اي كلام تعال اتكلم مع ناس البيت طوالي قلت ليهو لا مستحيل ما بقول كده; حقول ما صدقته قال لي وانت فعلا ما صدقتي😂 قلت ليهو يا سخيف انا ماشه و ما دايره معاك كلام و مشيت دخلت جوه خليتو بضحك لاقيت لين اول ما دخلت قالت لي منذر مالو? قلت ليها هايجه مالك براحه و مافي حاجه سالني من حاجه بس قالت لي امممم و مشت خلتي في سري قلت دي ماله يا ربي مشيت قعته جنب حبوبه و امي رسلت ل مازن "معليش بس لو في حاجه تعال البيت عديل" رسلتها و طوالي قفلت التلافون حبوبه قالت لي بعدين ماشه لجارتي عواطف عرس بت بتها بسوقك معاي شوفهن كان دايرين مساعده ولا حاجه تساعدي قلت طيب انشاءالله قالت لي صلي المغرب و انت لابسه عشان ما نتاخر قلت لها سمح امي قالت لي نحن زاتو بعد دا بنرجع الخرطوم حبوبه قالت ليها لي تمو الاجازه معانه امي قالت ليها نمشي نشوف موضوع جامعة حسام و غير كده ريم سفرها قرب امشي اقعد معاها كم يوم قبل تسافر حبوبه قالت ليها والله اتعودنا عليكم و ما دايرنكم تمشو قلت ليها حبوبه انتو حسه بجتو هناك لعرس حاتم خالتي فوزيه قالت صحي ما حدتتو حاجه يا فرحه امي قالت ليها بري والله حاتم قال منتظر اهلها اجو من السفر ...... عدينا اليوم كلو ونسه و كده قبل المغرب لبسه لي اسكيرت و بلوزه ظراف كده صليت المغرب و مرقته مع حبوبه و نحن.في الطريق حبوبه قالت لي طبعا عواطف دي عندها 9 بنات و ولد واحد البنات كلهن معرسات و الولد الله ما قسم ليهو مع انو ولد محترم والله فهمت حبوبه كانت مصره امشي معاها لي قلت ليها الله اقسم ليهو الفيو الخير...
يتبع....
