بعد مره شهر حته رجعته بيتنا مع مازن حتى ما عملنا الحفله الكنا مخططتين ليها.. في يوم كنت قاعده براي في البيت مازن كان في الشغل تاله ضربت لي قالت لي انت في البيت? قلت ليها ايي قالت لي انا قريبه منكم جاياكم قلت ليها طيب لمن تصلي اضربي لي.. الصاله كانت جايطه شويه رتبها اصلا الفتره الفاتت ما كنت بعمل اي حاجه الدنيا طلعت من نفسي لا بتطبخ لا بنضف ولا حتى يهتمه بروحي ما عارفه مازن كان مستحملني كيف... تاله ضربت لي قالت لي انا تحت قلت ليها طيب جايه صلحت كعكتي ة لبسته توب و نزلت تحت فتحته ليها الباب كانت مبسوطه شديد سلمت علي قالت لي ما حتتخيليي ما جتتخيلي قلت ليها اها? قالت لي بتقولي ليها لي ببرود كده لي?😏 قلت ليها تاله قالت لي يلا تاله بلا هناي اطلعي السلم دا قدامي فعلا طلعنا و دخلنا البيت قلعت توبي قالت لي رهففف سجميي داا شنووو دااا قلت ليها في شنو? قالت لي ضعفتي شدييد كملتي من لحم الدنيااا عدييل يا بتي دا شنو الانت عاملاهو في روحك دا اول شي وشك بقه شاحب سكتت كده قالت لي انت حامل ولا شنو عاينت ليها بستغراب حامل شنو يا بت? قالت لي خلاص دا شنو البشتنه دي رهف سكتت شويه قالت لي اخوك لو كان عايش و شايف عامله في روحك كده كان حزعل منك و الله عيوني طوالي اتملو دموع قلت ليها والله اشتقته ليهو😭 قالت لي و لمن تعملي في روحك كده شوقك بروح? رهف الدنيا دي اصلا كده ما فيها زول دايم مسحت لي دموعي قالت لي الله اجازك جيت اشاركك فرحتي نكتي علي يشكلك دا... قالت لي كدي قومي استحمي و غسلي شعرك دا و انا بطلع ليك هدوم بدل جلباب النساوين الانت لابساهو دا يا بت انت قايله روحك عمرك كم سنه? بعد اصرار شدييد منها دخلت الحمام و فعلا غسلت شعري و كده...جيت طالعه لقيتها مطلعه لي سكيرت لحدي الركبه و معاهو بلوره صفراء من غير اكمام...قلت ليها مستحيل البس كده قالت لي رهفففف قلت ليها تاله والله ما بقدر قالت لي اي خلاص البسي جلباباتك ديك و و ارجعي لي تفتك و استني مازن اعرس فيك و انا البمشي بختار ليهو العروس قلت ليها تاللله قالت لي ما اسمي تاله الانت بتعملي فيهو دا حرام و الله بسالك منو يوم القيامه قلت ليها خلاص خلاص بس ما بلبس الصفراء ديي قالت لي خلاص هاك دي طلعت لي تيشيرت رمادي فيهو ورود بالبنبي طلعت لي بره انا غيرته هدومي و تاني دخلت استشورت لي شعري عشان انشف ضفرت لي جمايكتين قالت لي اخيرا بقه شلكل مقبول قالت لي اتريحي و اتمسحي فعلا عملت كده قالت ليي اخييرااا بقه شكلك زي الخلق😘 ابتسمت ليها قالت لي يلا جيبي لي عصيير عشان احكي ليك كان عندنا باقي منقه كبيت ليها ولي قلت ليها اها?? قالت لي بابا نازل السودان😍 قلت ليهااا اخييراااا طولتت منووو شدييد يحليلووو قالت لي و حقعد شهر انشاءالله قلت ليها كويس😍😍 جاي متين بظيط قالت لي يوم الجمعه يعني بعد بكره انشاءالله قلت ليها و بنزل عند خالتو ليلى مش قالت لي ايي قلت ليها خلتص يوم الجمعه جنجيكم انشاءالله بعد تتاكدي من المواعيد الحجي فيها كلميني قالت لي انشاءالله لكنن دا ما الخبر الجيت قاطعه المسافه دي كلها عشان اقولو قلت ليها اهاا طيب?? قالت لي اتخيلييي قلت ليها يا بت ما تحرقي لي روحييي اهاااا? قالت لي انا حامله بقيت بنطط قلت ليها تاله ما بصدق حضنتها و قلت ايها الفف مبروكك حبيبتيي😭❤❤ قالت لي الله ابارك فيك قلت ليها في الشهر الكم و كده? قالت لي في الشهر التاني يادوب😂 انا عرفته امبارح و طوالي جيت اكلمك قلت ليها الفه ميروك يخ بجد فرحته شدييييد قالت لي يلا بعد دا شدو حيلكم😉 قلت ليها لسسه يااخ... مازن جا داخل و شتيل معاهو بيبي تاله قالت عموري😍 طبعا انا اول مره اشوفو مازن ما حصل جابو البيت و حتى لو جابو بقعد معاهو تحت تاله سلمت عليهو و شالت منو عمر جا سلم علي و باسني في راصي قال لي كيفك قلت ليهو كويسه قال لي اليله حلوه كده لي? ولا عشان تاله في قلت ليهو لالا والله...بعد مزاجي و نفسياتي بدو اتصلحو تاني اتعكر..ما كنت قادره اتقبل عمر و تعلق مازن بيهو كلو كلو..مع انو كوويييت شديد لكن برضو تاله تلافونها ضرب لقيتو فارس قالت لي فرووسيي جاا هاك امسكي ولدكم قلت ليها خليهو اخش قالت لي لالا عشان يادوب راجع من الشغل يلا نتلاقى انشاء الله قلت ليها دقيقه اقدمك ختيت عمر في الكنبه و لبسته توبي سرعه و نزلنا هي ركبت العربيه و انا اشرت لفارس بيدي.من بعييد قام نزل جا سلم علي قلت ليهو الف مبروك شكلو كان مبسوط شديد قال لي الله ابارك فييك و بعدها مشو طلعت فوق و من انا في السلم سامعه عمر ببكي خفته اكون وقع طلعت سرعه لقيت مازن شايلو و بسكت فيهو قلت ليهو مالو?? كان ببكي شديييد عاين لي قال لي مالو?? يا ربي وقع لانك خلتهو في كرسي براهو? قلت ليهو معليش والله ما كنت قاصده حسه جيبو و انت البس.... كان لابس البشكير و شكلو طلع من حمام يادوب عشان كده... قال لي عشان اقع تاني و شالو دهل بيهو جوه ...زعلت شديييد منو لمن قرببته ابكي بقيت بمضر في التلفزيون و هم ما جو مارقيين ولا سمعت ليهم صوت دخلته جوه لقيتهم نايميين كان شكلهم كيوت مع بعض جيت رقته وره مازن مع انو الحته كان ضيققه و الجه التانيه اوسع بعد مسافه قبل علي كنت حقع من السرير قام سبتني قال لي الجه التانيه واسعه قلت ليهو عجبني هنا بس قال لي طيب زحي دقيقه نزلت من السرير و هو قام شال عمر قلت ليهو ماشين وين خلاص ما دايره,و حاقوم من غير ما ارد علي نزل تحت عيوني طوالي اتملو بدموع...موضوع تافه و ما ببكي بس ما كنت عارفه مالي...بعد شويه مازن جا داخل وقفت قلت ليهو مشيت وين و عمر وين قال لي نزلتو تحت عشان انت تاخدي راحتك قربت منو و حضنتو قلت ليهو مازن انا اسفه قال لي مامشكله بس ما تخلي غيرتك تاثر في عمر هو ما لييهو ذنب و علي فكره امبارح كانت خطوبة ساره قلت سكت شويه و في سري قلت الحمدالله.. تاني قلت ليهو مازن انا اسفه علي كل الايام الفاتت دي انا بسس.. قال لي هششش ما تعتذري و انا اصلا ما زعلان غمز لي قال لي عارفك حتعوضيني و شالني قلت ليهو لالالاالا بس كان لسه مواصل قلت ليهو مازن انا جادهه ما انفع بس الغبيي ما فهم قلت ليهو مازنننن اليله ماف طريقة زحه مني قال لي لا يااخ قلت ليهو معليش حظ اوفر المره الجايه قال لي و انا كمان تعبته و نزلت عمر لكن ما مشكله الايام في😉 قلت ليهو مازن بطل حركات...قال لي انا حنوم بعد ساعه صحيني اول ما رقد الباب دقه قلت ليهو انا بشوف دا منو فتحت الباب لقيتها نهاد و شايله عمر قالت لي امسكو ولدكم دا جننا جن ادتني ليهو و نزلت طوالي حاولت اسكتو لكن ابه اسكت ما كنت عايزاهو ازعج مازن...مازن جا طالع قال لي مالو قلت ليهو ما عارفه شالو مني و بقه بهز فيهو كده قام سكت ساقو معاهو الغرفه رقد و رقدو فوقو و بقه بلعب معاهو و عمر بضحكك شكلهم كان حلو شدييد كنت واقفه جنب الباب قورتهم من غير ما احسو و فضلت اعاين فيهم مازن قال لي تعالي جيت قعته جنبهم مازن قال لي عمر رايك شنو في مزتي دي عمر قعد اضحك لمن ضحكني معاهو قربو مني قال ليهو اديها بوسه عاين لي مسافه و قعد اضحك مازن قال لي الولد دا مالو معاك😂😂 فضلنا نلعب معاهو لحدي ما نام قلت لي مازن عسل شدييد ياخ ما كنت عايزاهو انوم قال لي قلت ليك لمن تعرفيهو حتحبيهو قلت ليهو اليله اول مره تطلعو فوق قال لي اي عشان اغير مودك شويه قلت ليهو فعلا غيرو فضلنا نتونس لحدي ما نمنا و عمر كان في نصنا...بليل فجاه عمر قعد ابكي صحيت مخلوعه شلت و طلعته بيهو بره و بقيت بحاول اسكت فيهو لمن ابه فتحت التلفزيون و قعتو فوقي هده شويه و بعداك نام و انا زاتي نمت من غير ما احس...الصباح حسيت بمازن لمن جا شالو من جنبي قلت ليهو الساعه كم? قال لي 8 الوقت بدري ارجعي نومي قلت ليهو حتسوق عمر?😢 قال لالا اليله خطوبة امو عاملنها تحت و ما عايزو اقعد في نص الجوطه دخلو جوه و جا راجع قال لي ما تونمي هنا جسمك حوجعك مديت ليهو يديني و قلت ليهو شيلني خلاص فعلا شالني ورقدني في السرير جنب عمر مسكتو قلت ايهو ما تمشي الشغل اليله😢 قال لي حبيبي لازم امشيي لكن بجي بدري باسني في راصي قلت ليهو طيب منتظرنك عمل اجراتو و طلع و انا نمت صحيت تاني زي الساعه 11 كده بعمر كان بلعب لي في وشي قلت ليهو انت صحيت حبيبي بستو و شلت مشينا المضبخ عملته روحي شاي و عملت ليهو لبن شربتو لبسته توبي و نزلنا تحت لقيتهم شغاليين في المضبخ خالتو سعاد قالت لي رهفف و جات سلمت علي قالت لي كيفك وين انت الايامت الفاتت ما بنشوفك قلت ليها كنت تعبانه شويه قالت لي سلامتك مازن خله ليك المزعج دا و مشا قلت ليها بالعكس مونسني شديد والله ساره جات قلعتو من قالت دا الاداهو ليها منو كان عاجبك قدر دا امشي جيبي زيو كلامها زعلني طوالي طلعت فوق و قعته ابكي😭 الايامات دي بجد قاعده علي الهبشه اي كلام بزعلني و ببكيني دخلت استحميت و لبسه فستان اسود كمو نص و في نص الساق تقريبا ضفرته شعري كان طويل شويه من ما قصيتو ضربته لريم اشوفها كيف بس ما ردة ضربته تاني لكن برضو ما ردت مازن جا داخل و شكلو كان زهجان قال لي كيفك? قلت ليهو كويسه لكن انت ما شكلك كويس مالك? قال لي زهجان بس قلت ليهو عشان خطوبة ساره ? سكت شويه كده قلت ليهو مش هي ما فارقه معاك و مش مت بتهمك? قال لي هي ما بتهمني لكن عمر💔 ساره ما مسؤله و لو كممان بقت معرسه عمر دا ما حتشتغل بيهو كلو كلو قلت ليهو جيبو قعدو معاك قال لي لكن برضو هو محتاج امو سكت شويه و قرب مني قال لي انت مالك شكلك زي الباكيه كده? مالك? قبل ما ارد الباب دقه و زول بدق شديد و ما رفع يدو من الجرس مازن جره فتح الباب لقيناها نهاد مخلوعه كده قالت ليهو مازن الحق عمرر عمرر قال ليها مالو?? بنهره كده قال ليها اتكلمي مالووو قالت ليهو وقع ضرب راصو و بكب دم الحقو يا مازنن مازن دا بقه جاري في السلم انط عتبه و امشي البعده انا لبسته توبي سرعه و لحقتو خالتو سعاد مخلوعه شديد و ساره كانت بتبكي وهو يحليهو ببكي زي الما بكه ليهو سنه مازن شالو سرعه و قال حوديهو الدكتور قلت ليهو انا حمشي معاك ساره مسكتني من يدي قالت لي تمشي وين انا امو انا البمشي و طلعو هي و مازن سرعه...خالتو سعاد قالت اي يت بتي هم بس خايفيين عشان كده ما تشيلي في خاطرك قلت ليها ما مشكله.. طلعت فوق لقيت امي بتضرب لي رديت عليها قالت لي ريم ولدة جابت بت قلت ليها الف مبروكك انتو في المستشفى? قالت لي ايي قلت ليها ياتو وحده وصفت لي قلت ليها بجي حسه انا فعلا غيرته هدومي بسكيرت و بلوزه كم طويل لبسته طرحه و طلعت نزلت بالسلم الجوه قلت لي خالتو سعاد قلت ريم اختي ولدة بمشي و بجي❤ طمنوني علي عمر قالت لي الله مبروك ليها و عمر انشاءالله ما بتجيهو عوجه هم ساي اتجرسو... وصلت المستشفى لقيت امي و حاتم و علي راجلها سلمت عليهم و باركة ليهم امي كانت مبسوطه ما شفتها كده من يوم احمد الله ارحمو مات دخلونا لي ريم سلمنا عليها و نحن قاعدين سماح اخت علي جات سلمت عليها و باركة لينا و كده...تلافوني ضرب طلعت رديت بره كان مازن قال لي عمر كويس قلت ليهو الحمدالله قال لي نحن حسه في الطريق علي البيت قلت ليهو انا طلعته ريم ولدة و جيت ليها المستشفى قال لي اللف مبروك بنزل ديل و بجيكم ياتو مستشفى? وريتو قال لي خلاص مسافة السكه رجعت تاني لقيت ريم شايلاه بتها و حلاة الدنيا عليها مازن جا حمد لريم السلامه و قال لي نمشي طوالي احسن قلت ليهو طيب قلت لي ريم ما اوصيك سميها رهف عشان تطلع لي مازن قال ليها و انا باييدك ريم قالت لينا هيي امشو من هنا انت وهي😂 علي قال حنسميها نداء قلت ليهو حلوو❤..... و نحن في العربيه مازن قال لي الناس العرسو بعدنا باولادهم قلت ليهو ديل منو قال لي ناس فارس و تالا قلت ليهو و حسه ديل باولادهم?😂😂 قال لي خلاص يعني في السكة قلت ليهو نحن زاتنا نبقه في السكة😉 مازن ضحك قال لي انا بحبك قلت ليهو علي فكرههه نسييت اقولل ليككك قال لي كدي اول قولي انا اكتر😒 قلت ليهو ما اكيييد انا اكتر عشان كده ما قلته😂 قلت ليهو ابو تاله جتي بكره قال لي فارس كلمنيي قلت ليهو حنمشي ليهم مش قال لي اكيييد وصلنا البيت و شايفه عربات كتييره قدام الباب اتذكرته الخطوبه قلت لي مازن ارح نطلع بببالسلم البره قال لي حركه ما حلوه مننا قلت ليهو علي الاقل اصلح شكلي قال لي انت ما محتاجه❤ طلعنا فوق سرعه سرعه غيرته هدومي لبسته اسكيرت مكسر بالبصلي و بلوزه سوداء عملت مكياج و سرحت شعري لبسته الطرحه بس ما لفيتها,, طلعت الصاله قلت ليهو رايكك شنوووو مازن صفر و قالل ليي وااااي قلت ليهو ما تقول واي دي قرب مني و خته يدو في راصي قلت ليهو بتعمل في شنو بعد مسافه حنيين رده لي قال لي بحصن فيك ختيت يديني حولين رقبتو ليهو انا بحبك للابد قال لي خلاص ما ضرووري تنزلي تحت فكيتو قلت ليهو خلاص معليش ضحك و حضني قلت ليهو انت ما نازل? قال لي لا قلت ليهو لي?? قال لي حيكون برانمج عاضي قلت ليهو يعني ما عشان بتغير علي ساره😢 مسكني من نصي قال لي رهف انا ما بشوف غيرك انا بهمني غيرك ساره دي قصه و انتهت باسني قال لي ما تتاخري انا مستنيك😉 قلت ليهو كان جيت راجعه تاني اسمي ما ببقه رهف و جري نزلت😂.......بعد مره اربعه شهور من الكلام دا ساره كانت عرست وخلاص مشت بيت راجلها و ساقت معاها عمر طبعا و مرات كان مازن بجيبو ابيت معانا يوم قاعده في البيت براي و مازن في الشغل نزلت عشان بنفطر انا و خالتو سعاد مع بعض اول ما شمييت ريحت الاكل بطني قلبة مشيت الحمام سرعه واستفرغته خالتو سعاد قالت لي يا بتي انت اصلو ما عاجباني الايامات دي لمن مازن اجي كلميهو امشي افحصو امكن حامل قلت ليها حامل شنو يا خالتو سعاد😂 دا تعب ساي قالت لي تعب شنو? بعدين مازن لمن اجي انا بكلمو فجاه جا و قال مازن مالو? قلت ليهو مازننن جيت اليله بدري و مشيت سلمت عليهو باسني في راصي قال لي استقته ليك عشان كده خالتو سعاد قالت لينا هيي احترمو وجودي😂 مازن قال ليها انت و مزتي قطعتو فيني قلتو شنو قال ليهو مرتك دي شكلها حامل و هي مصره بتقول لي لا ما غارفه لكن خجلته قلت ليهو ما افتكر قال لي حسه ارح نمشي كان متحمس شديد يحليلو جره فوق جاب لي علبايتي قال لي البس ارح ركبنا العربيه و انا شغاله اقول ليهو يا مازن ما تفرح ساي ما افتكر في حاجه بس انا عشان تعبانه و كده خالتو سعاد ساي كبرت الموضوعع قالل لي حسه بنمشي و نشوف فعلا وصلنا المستشفى و طلعت حامل مازن شالني لفه بي في نص المتشفى و الناس كلها بتاعين لينا قلت ليهو ماززننن الناس كلها بتعاين لينا نزلني و حضنيي و قعد اقول لي الحمدالله الحمدالله...رجعنا البيت و كلمنا خالتو سعاد قعزت تزغرت ضربته لي امي كلمتها فرحةة شديييددد..كنت يادوبب في الشهر التانيي و تعبته شدييد يوم كن نايميين صحيتو نص اليل قلت ليهو مازنن قوومممم قال لي مالك? قلت ليهو نفسي في كستر اعملو لي قال لي رهف الصباح رباح قلت لبهو لالا بس حسه و بقيت انق ليهو لمن قام عملو لي قال لي متين تولدي و نرتاح😒 قلت ليهو ما تقول لي كده😭 قال لي خلاص خلاص اسفف باسنيي في بطني و شالني رجعني السرير..... عدت الايام و جا يوم ولادت تاله جابت تحلا ولد و سمتهو عبدالعزييز❤يوم كنت قاعده في البيت براي و مازن كان في شغل بطني وجعتني شدييد و حسييت خلااص حولد بقيت بس قاعزه ابكيي ضربته لي مازن و ما رد علي بقيت بكورك يااا زفتتت رددد ردددد😭 و بقيت اضرب و هو مصر ما ارددد في النهايه رده علي قال لي رهف انا في اجتماع لمن اخلصص برجع ليك قلت ليهو ترجع لي شنووو انا حولدد ليككك هنااا قال لي شنووو بقييت ببكيي قال لي جاااي جاااي خلييكك معااي في الخططط قلت ليهو لحدي ماا تجيي انا بكون مته😭 قال لي رتف انا قربته قلت ليهو ما تقوللل ليي قربتههه تعااال هناااا قدااامييي يسسس فعلا وصل و انا حالتي حاله شالني شرعه نزل بي السلم قلت ليهوو انا ماا عافيه ليك ما عافييههه ليكك واللهه😭😭😭 خالتو سعاد قالت سجمي في شنووو? قال ليها امي حتولدد و ركبنا العربيه و انا القعاد غلبني😭 قلت ليهو تاني لا تقول لي شفع لاولده😭😭 بقه اضحك فينيي قلت ليهووو ماااازننننننن و عضيتووو في يدووو قال لي خلااصص وصلنااا وصلنااا فعلا وصلنا و قعزوني في كرسي و طوالي ساقوني غرفة العمليات و مارن ما زحه من جنبي لا ثانيه❤❤ و جبنا احلا بنوته و سميناها مريم❤مارن كان بقول انها بتشبهني شدييدرشا اتعدت المحنه و رجعت لي حياتها الطبيعيه سكنت مع ناس امها و من فتره و فتره بتجي لناس امي....حاتم و 😩راينا عرسهم شهر 12 ...و لين خطبها اسامه😂 و كسرت حنك معتز بدات لمن عرفت انو ما ببادلها نفس الشعور😂 و كلو يوم تضرب لي تقول لي وااي.من اسامه و اسامه واسامه بت خفيفه خفه😂 معتز اشتغل في الامارات و استقره هناك❤ مهند ما عارفه الحصل عليهو شنو بذات انو شاميني شدييد من حركتي😢الههم مازن الى الابد❤اول مره اكتب روايه و انشاءالله ما حتكون الاخيره و عشان استمر و اصلح الغلطات و استفيد منها وروني رايكم بصراحه❤#متيمه_به❤
