# البارت الثامن..
#اسمعني صوتك
# للكاتبه روزايه...
اضيع اويه الحچي الگلناه !
وارد اتلمس اگليبي واشوفك بي
واصيح احااه ،
....
بيسان....
من كالوا اجت الزفه بسرعه لزمت ايد مسك انتابني شعور لايوصف اريد اضل بالغرفه ما اطلع اجت مريم بسرعه كوموني بس رجليه تمشي وين ماياخذوني تروح وياهم ماركزت زين بس لمحت امه ....
قليلات الجايات حيل بسرعه هي صفكه هي هلهوله لبسني كومه شغلات اختنكت ماطالع اي شي من عندي وبعدني اتسأل وينه العريس هم امه الي راح تصعد وياي بالزفه لو امه هو العريس ....
بس الاصوات اسمعهه غطني ببركع كوه اشوف منه وبعد فدشي فوكا من الهوسات والهلاهل عرفته دخل....
حسيت على وكفته بصفي بس اريد ارفع راسي ما اكدر يادوب رفعته شويه ماركزت زين بشكله لان طويل اطول مني بهوايه...
بس ركزت على ايده من لزم ايدي وطلعنه لابس ساعه ووالقاط اسود والقميص ابيض شفت بس الي طالع من الستره .....
حته ماشفت بابا ولاركزت زين جنت حيل مرتبكه وهو اصلا ماوكف مثل العرسان بسرعه صعدني بالسياره وهو بصفي ....
اريد ارفع راسي شويه بس اريد اشوفه مستحيه حيل غير هو يرفع راسي يحاجيني كلشي ماكو لا احم ولادستور... ..
بس اباوع على نص جسمه مبين طبيعي اصلا مرتب ونازك وجسمه رشيق بس ليش مايخليني اشوفه وليش مايريد يشوفني جانت هاي الاسئله الي ادور براسي ...
الزفه عباره عن 3 سيارات فقط وصدك حزنانين لان لابسين اسود لان عمتهم صار شهرين من ميته ....
وصلنه لبيتهم باوعت من الجامه بيت جبير حيل وبناء جديد نزلوني بالباب هستوني اريد افوت واحد كام يضرب طلقات فوك راسي ...
منا بيه خوفه من الاحداث الصارت بسرعه لزمت ايده مثل من اختل ورا بابا من اسمع الضرب حسيت على ايده لزمت ايدي جانت حيل حاره عبالك بتنور....
تلكني النسوان ودخلني للبيت وهو ما ادري وينه ضل برا كعدت بلاستقبال والدمعه بطرف رمشي ...
وحيده غريبه لا ام لا اخت احس نفسي جايه من القمر كلهه كعدت كبالي صغار وكبار ويباوعن عليه صافنات بوجهي واسمع الله شكد حلوه والله يستاهل مراد ....
واكو شكم وحده واكفات على جهه وماعاجبهن الوضع ويسون حركات بحلوكهن ....
الجهال الكاعده جوايه كومه لازمين الجكوليت ويتلمسون بالبدله....
شويه وبدت تنسحب الناس ماضل احد بس هم اهل البيت اجتي امه عليه كومتني والفرحه بعيونهه...
ام ايهاب... كومي حبيبه اصعدي لغرفتج ارتاحي اكيد تعبانه بعد ماكو احد
... خاله تعالي ويايه حبابه...
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
