# البارت السابع...
#اسمعني صوتك
# للكاتبه روزايه...
أعذروني يعالم آنة مو عريان
وأنفضهن نفض وأنهض ولا چني
آنة ألتمن علية مشتتات البال
خذن ثلثين حيلي وحيل رَكَني
....
مسك.....
ماحسيت على نفسي غير مشموره بالكاع وملابسي كلهه تراب وبس التراب على راسي ماضربتني حيل بس عورتني برجلي اجه الرجال يركض عليه ويصيح سلامات عمي ....
رفعت راسي شفت السياره سوده مضلله عرفتهه من حمايه ابو سهى كوه حركت رجلي وعدلت ملابسي ساعدني ابو المحل وهو يسب ويحجي عليهم خطيه انطاني الرقم مال السياره بسرعه حفظه لان كلشي صار كدامه...
تشكرت منه ومشيت مثل مايكولون حدة صواب امشي بصعوبه بس الالم قليل ماعبالي مكسوره رجلي كلت يجوز بس التوت ....
بين ما وصلت للبيت بالف حيل وكعت بالحديقه كمت اموت من الالم احس نار واشتعلت برجلي وملابس كلهه تراب صدك بجيت وبحرقه ليش هيج حظي من دون البنات .....
رفعت راسي لسما ودموعي تجري فدواتك ربي كل هذا وصابره واكول الحمدلله خليني اشوف خيط سعاده ولو مره وحده بحياتي...
اجت منال شافتني كاعده بلحديقه وابجي ما اكدر احرك رجلي ابد اخذوني للمستشفى سوولي اشعه طلعت مكسوره جبرتهه ورجعت للبيت واني افكر بهاي الحقيره شمسويتلهه حته ادز اجلاب ابوهه يسوون هيج بيه....
جاسم رجع عليه غلط وفشار منو سوه هيج وشلون ماتعرفي حته ياخذ شكم فلس براس مسك يدور فصول واني اشكر ربي ماكتلوني بمكاني لو يخطفوني ..
بيومهه للصبح مانمت من الالم عبالك مخليهه بتنور ويلهب السعير يوصل لكلبي ومنا عندي امتحان والجو حار صدك وضعي كسيف ...
كعدت بجيت على حضي المشاكل طايره وراي ما اخلص منهه يوميه اوكع بوحده اكبر فكرت اروح اشتكي عليهم وساعه اكول اوصل خبر لبيت جدهه طكت روحي من التفكير ....
ثاني يوم ضغطت كوه على نفسي ورحت للامتحان اكو وحده ويايه بلخط ساعدتني بالمشي لان عكازات ماعندي....
خطيه البنات اخذني للقاعه وهن اصلا من غير قسم مستنده على اثنين وحده منا وحده منا بس اخلص امتحان اطلع لان ما اريد اضل دور ثاني اريد احافظ على التسلسل مالتي....
دخلت والطلاب صافنه عليه شلون شكول زفره بالجذب ما واحد كال الحمدلله ع سلامتج داقتهم مسك لان كل سنه الاولى....
كعدت على المصطبه واباوع بالوجوه بلكي اشوف صديقاتي اجت عيني بعين بيسان...
اول ماشافتني اجتي تركض ما اعرف هاي البنيه ليش احبهه رغم صارلي شكد اداوم بس ماعندي صديقه مقربه الكل اصدقائي الا هي اسولفلهه كولشي بدون تردد .....
بيسان... مسك شصاير سلامتج البارحه مابيج شي...
مسك... من نزلتوني اجت سياره ضربتني
... شنو هاي يوميه واكعه بمشكله ياقلبي
أنت تقرأ
اسمعني صوتك
Gizem / Gerilimلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
