# البارت الرابع عشر....
#اسمعني صوتك
# للكاتبه روزايه...
حين أشتاق اليگ تتغير ملامحي
ويتعب قلبي ثم آقسو ع الجميع
دون ذنب لهم.....
مسك ... اني الي تجرعت مراره الالم والخذلان اني الس اصبحت مهشمه كقطعه زجاج بعدما كنت قشره ارض صلبه صلبه لاتكسر....
حاولت اخلي عيوني جافه ماتنزل دمعتهه وحاولت ارفع رايه التحدي والقوه والاصرار في وجه الحياه جنت مخليه فكره ابالي بان الدنيا حقيره فانيه حرامات انضيع ايام وليالي بالحزن ....
جنت اعتقد لازم يخلص الليل وتشرق الشمس وتزين حياتي هواايه جنت متفائله هوايه امل بداخلي بس للاسف هسه ماعادت مسك المتفائله ما تنتظر شروق الشمس لان حياتهه صارت كلهه ظلام دامس....
بعد ماصاح القاضي الكل يستعد للقرار انتفض كلبي قبلي ووكف يشوف مصيره جانت نظرات القاضي كلهه اسف اترقبه شوكت ينطق واني ضامه اديه اثنينهم لصدري....
القاضي... بناءآ على اعترافات المتهمه والشهود قررت المحكمه تأجيل الجلسه الى 12/26 ...
يعني بعد شهر ونص للموعد افترت بيه الدنيا سندت نفسي بقوه ما اريد اوكع مااريد انذل اكثر من هذا فززني صوت زيد...
زيد... حضره القاضي ياتاريخ تحجي عنه خلال هذا الاسبوع القضيه تخلص لاوحق القران اشوفكم شي ماتعجبوا شنو هالمزله ....
الطرفين متهمين ليش معتقلين طرف واحد وليش صار مده القضيه مشموره وواحد يذبهه براس الثاني...
القاضي... ياحضره العقيد تعرف مدى خطوره كلامك وانت جاي تهدد بوسط المحكمه ....
... اي اهدد وانفذ اياكم تماطلون بالقضيه يومين الكم بس غيرهه ماكو وتعرفني كلش زين انت اذا كلت كلمه انفذهه بنفس اللحظه ....
هسه تصدر كتاب بامر اعتقال منال ونوري لحدما يتم جمع الادله واني راح اسحب القضيه من الضابط علي احولهه لغير واحد غير هالكلام ماعندي ....
مسك... سحب ايدي زيد وطلعني بعصبيه والقاضي تخبل شلون يحاجي هيج لاول مره اشوف زيد هلكد عصبي ماتوقعته...
مسك... سيدي لا تصير عصبي والامور تصير موبصالحي...
زيد .. لا مالج علاقه لايغرج كعدته بهذا الكرسي هذا القاضي واحد من جنودي قبل اسنين مبين جاي يستر على القضيه وحته ماحاول يطلب الادله ...
.... هسه شلون هم راح ارجع للسجن ...
.... اني وصديقي مراد جان واحد من الضباط مال تحقيق الجرائم هو عنده طرق لاكتشاف الادله راح احول لقضيه لغير شخص حته نبحث وراهه لان هذا الضابط الي مستلمهه هسه عنده سوابق مال فساد....
هسه انتي والله مايهون عليه اكول ترجعين للسجن بس اتحملي علما انشوف حل ...
... انت كتلي اسبوع راح اتحمل اسبوع واحد انت وعدتني ...
... وعد اسبوع مو اكثر يله خلي ارجعج وخلي اروح اشوف شغلي...
أنت تقرأ
اسمعني صوتك
Misterio / Suspensoلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
