البارت الثاني والعشرون...
#اسمعني صوتك
# للكاتبه روزايه...
حرت ما ادري دفنوك لو دفنو زماني !
ولا مشتاگة للعيد مشتاگتلك آني.. .
....
مسك... صوت مروه حيل عالي وهي تصيح الحكولي خلانه اثنينه انريد انلحك نلبس ملابسنه ماكو...
زيد بسرعه لبس وطلع قبلي بين ما اني ركضت اخذت دشداشتي من الكاع ولبستهه وطلعت ورا...
نزلت على الدرج واشوفهه شامره نفسهه بحضن زيد وراسهه على صدره وهو مخلي ايده على كتفهه...
ام نجم جابت التليفون انطته لزيد شفته يخابر بس بعيده عليهم ماسمعت شكو بعدني انزل على الدرج وصوت الطلقات حرك الجو الصوت يطلع من بيتنه ....
بسرعه نزلت ليجوه لزمت ايدي الحجيه وهي تنفخ بوجهي حته لا انهبط عود بعدني عروس ومروه حلالهه الجو بحضن زيد بس تبجي....
رحت كعدت يم زيد من الجهه الثانيه لزم ايدي يطمني سألته شكو شصاير...
... ما ادري مروه دكول بعدني مانايمه وطالعه للحمام وشايفه اثنين يريدون يطبون من باب المطبخ ومن صاحت انهزموا....
... وين الحارس الي بالباب وانت اليوم بالبيت يعني سياره الحمايه هنا شنو ماشافوهم...
... ما ادري هسه راح اطلع واشوفهم لان ركضوا وراهم وانهزموا ...
... عافنه زيد وطلع خفت حيل شنو هاي الحجيه دكول اول مره هيج يصير وام نجم تشهد ويه مروه شافتهم لان من صاحت جايه تركض وشايفتهم عابرين السياج....
مبينه الشغله صدك موجذب لان مروه حيل مهبوطه حته وجهه اصفر وترجف كلت خلي اسألهه بس كون ماتعيط بيه تقربت يمهه...
.... اهدي على كيفج اكيد حراميه لاتخافين هسه زيد يشوف شكو...
... مسك بعيني شفتهم حته واحد اشر عليه وجانوا مصرين يفوتون وبيدهم سلاح الا صحت زيد يله انهزموا....
... يله ميخالف شوفي حالج شلونه كومي غسلي هسه يجي زيد ونفتهم منه....
كامت مروه تغسل لابسه دشداشه اتجيب اكبر واحد قصيره للركبه وبيهه فتحات منا ومنا وربع ردن الي معجبني زيد كل هذا الجمال كدامه ومامهتملهه....
شفت الحجيه تباوعلي بابتسامه وكالت الله يوفقج بحياتج على طيبه كلبج هاي....
اجت مروه مثل الدايخه وبعدهه الهبطه بيهه ضلينه كاعدين ننتظر زيد شويه واجه بيده اسلاح خلا على المعرض وكعد...
اشر لمروه تكعد يمه هي ماصدكت نست الخوف بسرعه ركضت حشكت نفسهه بصفه وعيونهه هايمه بي بهاي اللحظه صدك انقهرت عليهه شكد تحبه لعد وشكد رخصت نفسهه وذالتهه علمودهه ....
كاعده ودشداشتهه طولهه شبر والافخاذ مبينه كلت هسه زيد تموع روحه بس هلكد صلب وما اهتم ابد ماشفت واحد مثله.....
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
