البارت السابع والعشرون...
#اسمعني صوتك
# للكاتبه روزايه...
گلوله الليالي اطوال
والدنيا اشتهت ملگه....
وگلوله السعف مبخوت
تاليته على ديره نار مهما يطول بخلكه..
وگلوله الشتا بليا ماينجاس
يجوي وبي لسع حركه.....
حالي عليك جن عريس متبختر
خذاله بنيه بنت ابيوت ماتهواه...
واول مالمسهه احتار
حس بيهه اشتهت فرگه......
.....
بيسان... يارب احميني مستحيل الي داشوفه شنو الي جاي يصير ....
الخليفه نفسه بشير الطالب الي خطبني بالمرحله الاولى وبابا ماقبل هو نفسه الي حذرني من داعش وكالو اطلعوا الوضع موزين هسه صاير خليفتهم....
ضلت عيوني مفتوحه من الصدمه ما اعرف شحجي وشنو اكول ياربي شنو هاي المصايب الي توكع على راسي...
هو نفسه من شافني بلاول ماعرفني لان تعبانه حيل ومتغيره وصايره سمره من الشمس ضل مركز بوجهي يله عرفني...
اني واكفه واحس نفسي بدوامه مال صدمات كافي تعبت بعدماعندي حيل ولاطاقه الي تخليني اوكف وادافع...
نزل من مكانه وهو يتقرب باتجاهي واني ارجع ليورا حيل خفت منه وموذاك بشير الي اعرفه ...
ملابسه داعشيه ولحيته طويله وعيونه متروسات غل وحقد نظرته نظره واحد قاتل عايش بدم الابرياء....
هو يتقدم واني ارجع ليورا الخوف اخذني هسه ينتقم مني لان رفضته بوقتهه ....
راد واحد من الحراس يلزمني حته لا اشرد بس صاح بي هو كاله لاتلمسهه....
صار قريب عليه حيل وهو يفحصني بنظراته من فوك ليجوه ماخله شبر واحد بيه ماركز علي مثل قبل من جان يباوعلي....
بشير... انتي بيسان...
... ترددت احجي ضليت بس ساكته صاح بالحراس اطلعوا برا وكال تعالي اكعدي خلي نحجي...
رجع لمكانه واني امشي ورا بخطوات الخوف والمصير المجهول ما اعرف وين راح يصفى بيه الزمن...
كعدت وهو بالكرسي الي كدامي عينه ماشالهه لحظه حته كمت انزل بحجابي على صدري واغطي بجسمي شكد قذر...
بشير... شجابج هنا بيسان شلون وصلتي انتي موطلعتوا من الموصل...
... جابونه ارجالك الي مابكلوبهم رحمه ...
... لاتخافين احجيلي شصار ووكعتي بدينه...
... ترددت احجي خفت حيل خاف اجيب طاري مراد وهو عدهم ويقتلوا كتله اجينه لبيت خالي بكركوك وخطفوني...
... صار شكد انتي هنا...
... صار 3 اشهر تقريبا ...
... خوما احد اتعرضلج سوالج شي ...
... ضحكت على سؤاله خايف عليه وهو ياخذ البنات جواري...
... ليش تضحكين حجيتلج نكته..
... مو انتي الي تاخذ البنات سبايا وجواري حته يخدمنك ليش تسال يهمك مثلا ...
أنت تقرأ
اسمعني صوتك
Misterio / Suspensoلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
