البارت الثامن والعشرون...
#اسمعني صوتك
# للكاتبه روزايه...
گلولها ابين الفشك يمشي ويدور اوصافج...
گلولها الماينجرع ضگته وجرعته اخلافج...
ومابينج وبين الوطن ...
گلبي انثلم...
نص منه على الساتر بقى والباقي يركض طافج...
واخر وصيه بهالقلم
لمن يلفوني بعلم
شيليني فوك اجاتفچ....
...
بيسان... كل جوارحي تنتفض عيوني ادور بكل مكانه كلبي صار شكم يوم دكاته غريبه حركات طفلي سريعه شنو الي جاي يصير...
وكانما متحضره لاعصار راح يجتاحني ماادري هذا الاعصار امل لو خذلان....
ضليت انتظر مروان يجي تأخر هوايه والحرس تفتر وعيونهم قذره احاول استر نفسي وما اخلي شي واضح من عندي حته وجهي انزل الحجاب حيل على كصتي ....
شفت مروان اجه ركضت اتلكيته يمشي ويتلفت بخوف كال امشي مو هين نحجي...
وصلنه لباب غرفتي واني اباوع لحلكه شوكت يحجي سألته ها مروان شكو احجي...
... بيسان انتي تعرفينه هذا الضابط...
... لا وين اعرفه بس ردت اعرف عادي مومشكله ...
... الضابط فار من السجن ورا ماجتل الحارس بس متصوب وهسه كلهه اتخم علي مايكدر يبتعد لان متصوب وانتبع اثر دمه...
... منين هذا وليش ماكدرتلوا...
... حسب الاخباريه هو ضابط استخبارات ويعرف شلون يطلع نفسه مايجتلوا لان معتبره الخليفه ورقه رابحه يكدر يستفاد منه...
... ماعرفت اسمه شنو...
... اسمه مراد علي.....
.... هنا توقف الزمن وماعدت اشوف شي مروان صار عباره عن خيال كدامي وذبذبات صوته تخترق مسامعي وهو يكول مراد علي....
بدت الاصوات تتلاشى عندي وعيوني غوشت كولشي وكف بهاي اللحظه حته احس كلبي بدت نبضاته تقل ....
اريد اصدك الي سمعته اريد اوكف على رجليه لا احد ينتبه عليه ماكدرت جان الخبر والاسم بمثابه صدمه كهربائيه...
ماحسيت على نفسي غير واكعه بالكاع وداير مدايره شكم وحده من العاملات ومروان واكف بعيد عني ويسأل شبيهه ....
اضغط على ايدي بقوه اريد الزم نفسي لا انهار لايبين عليه ويشك بيه مروان سحبت نفسي من يمهن وامشي واتعثر صارت الغرفه شكد بعيده عليه ....
فتحتهه وطبيت بسرعه سجدت بالكاع دموعي تنزل جمر والساني ماينطق اي حرف بس كلبي الي يحجي شكرا يالله شكرا يارب شكرا يامريم شكرا يايسوع...
احس نفسي جبل وانهد ما اكدر اتحرك رجليه ماتساعدني حته اكوم الساني ماجاي يعبر عن فرحته دموعي تكفلت التعبير....
ضليت بالغرفه ماطلعت لحدما قويت نفسي شويه وكمت لازم نطلع منا لازم اشوف مراد بس مااتسرع خاف يشكون بيه....
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
