البارت الواحد والثلاثون...
#اسمعني صوتك
# للكاتبه روزايه...
.... عيد سعيد عساكم من عواده بارت طويل عيديه الكم ........
حيل وياي ،، ناس هواي
اشوفنهم ورد
واندار ،،
الكاهم ،،
مناجل تحصد بروحي ..
....
بيسان .... لازمه ايد مراد واحمد يباوعله ويرجع يباوعلي دموعه تجري كلساع يحضن مراد على الصوت طلعوا كلهم...
شفت خالتي تعبانه حيل كوه تمشي تكود بيهه صبا ترك ايدي مراد وركضلهه هي بس شافته وكعت بحضنه...
تحضن وتبوس بي مثل الطفل وهسه جاي ادور بملابسه بايده تريد تشوف جروحه صوتهه هزني هز وهي تصيح مراد يمه انعمت عيني عليك...
اخذهه جوه ايده وكام على ابو عمي متغير وصاير ضعيف ايده ترجف ويمسح دموعه بيده شكد ضلوا متحاضنين انتبهت على مراد مادمعت عينه ولابجه...
عرفت مدى الجرح والكسر الي بكلب مراد اكثر من هيج فرح ولقاء بعد غياب ومابجه بس دمعته نزلت من سمع الي صار بيه ...
طلعوا اخوته وصبا كلهه تبوس بي واني بنت البطه السوده واكفه بمكاني هذا الماعنده اهل لو عندي ام جان تلكتني هيج ملكه حلوو....
التفتت عليه مراد اشرلي بيده اجي بعدهه كلهه سلمت عليه وخالتي وصبا ضلوا حاضنيني....
طبينه للصاله خالتي ماقبلت حته نكعد ونحجي وهم يسالون وين جنتوا وشصار....
كالت اصعدوا ارتاحوا تعبانين وبعدين تحجولنه كوم وليدي مرتك تعبانه وبطنهه لخشمهه ...
مراد ماصدك بسرعه كام صعدنه دخلت لغرفتنه ااااافيش شكد مشتاقتلهه على نفس وضعهه ومرتبه اكيد صبا مهتمه بيهه...
حسيت على ايد مراد وهو يخليهه على كتفي ونزل نفسه لرگبتي وهمس...تحسين بالم ....
... التفتت علي كلت بكلبي الالم بكلبي يامراد ..
... تعالي نسبح يله انام وباجر من الصبح صادفت جمعه اخذت لدكتوره نطمئن على الاطفال...
مثل الرجل الالي شيكول اهز راسي بقبول اخذني من ايدي للحمام بعد ماجاب المنشفه وملابسه ...
همل نفسه بس عليه سبحني على كيف مثل ايد الام الحنونه على جروحي ....
يتلمس جروحي واحد واحد ويصفن عليهه اثار الضرب الاخيره واضحه بجسمي دنك راسه باسني من ركبتي...
المي ينزل علينه اثنينه واني مغمضه عيوني ايده تتحرك على ضهري بلمساته الي غابت عني اشهر ماعندي طاقه ذبيت نفسي بحضنه....
دفنت راسي بصدره حسيت بايده تتغلغل بشعري الرطب وايده تصول وتجول على جروحي واثاري واحد واحد...
همسلي بصوت مخنوك حيل بيسان شسوولج....
... ماكدرت احجي صدك اختنكت واني بحضنه ضغطت ايدي حيل على ضهره وبجيت بصوت مسموع ...
أنت تقرأ
اسمعني صوتك
Misteri / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
