اسمعني صوتك

البارت21

البارت الواحد والعشرون...
#اسمعني صوتك
# للكاتبه روزايه...

لااابطلي المعاتب يـ روحي
وتوبي من كلشي وتوضي
لا الدنيا ،
ولا الوادم ،
انه سالفتي ويـ حظي...

.....

مسك... ماحجيت شي عفت مروه يم الحجيه ورحت للمطبخ لكيت ام نجم واكفه من شافتني طبطبت على ضهري وكالت...

... لاتهتمين يابنتي ترى جذابه زيد مايدري بيهه اجت هذا مخطط ابوهه الرجال طلع من الصبح للدوام وكولشي ماكو صح الحارس راح بس كال ادز امي يمهه ...

بس ابوهه اجاهه وجابهه وكالهه اني احجي ويه زيد وهاي اجت بس حته تسلب راحتج انتي مالج علاقه بيهه...

... خاله اني شعليه بيهه لحدالان ماحجيت وياهه بحرف حته سلام مابيناتنه اذا زيد مايريدهه مامجبوره اتحمل لواكتهه وبعدين ماراحت يم اهلهه...

... منيلهه اهل اختهه اتزوجت بغير محافظه واخوهه بالخارج وابوهه رجال يوميه يم وحده يتزوج متعه حته بلبيت مايكعد...

... اعوذ بالله شنو هاي ...

... اسمعي بنيتي اعتبريني امج واسمعي كلامي وكولي رحمه الله  على والديهه ام نجم على النصيحه زيد من اجه للدنيا اني اشتغل عدهم ...

شخصيته تختلف عن اخوته من صغره بس الي سوته هي خلا هيج يكره النسوان وقاسي وياهن حته تعجبنه من كال اريد اتزوج وهي تخبلت اتوقعي كلشي من عدهه تهدم حياتج بلحظه وبدون ماتحسين...

الي اريد اكوله لاتحجين اي حرف واذا حجه زيد كولي الي تشوفه سوي المهم ما اريد مشاكل اني اريد اعيش حياتي بامان بدون مشاكل ...

... شكرا خاله الله يخليج ويحفظج... طلعت من المطبخ لكيت بس الحجي لازمه سبحتهه تسبح اشرتلي بيدهه تعالي اكعدي يمي رحت يمهه خلت ايدهه على رجلي وكالت...

... اعذريني يابنيتي كله مني هيج يصير تعبت اني وحامله خطيتهم اثنينهم واخاف اكله طلكهه وهو مايصدك وهاي خبله دكول والله احرك روحي ووين تكعد ابوهه يوميه بمكان. ...

... خاله اني من قبلت عادي ادري بي متزوج ولا عندي اعتراض يعدل بيناتنه بس انتو كلتوا هي ابيتهه وانتي ابيتج مامستعده اعيش مشاكل الضراير والغيره...

...والله ما اعرف شحجي اذا اجه زيد اكيد مايقبل تكعد هنا بس هم راح احط روحي واخليهه شكم يوم لان ابوهه رايح للبصره ...

رغم السوته بس كلبي ينكسر عليهه صار سنين تنتظر نظره منه اني ما ادافعلهه بس هي هم الهه حق عليهه ولازم ينطيهه حقهه الشرعي حتلو مايريد يخلف منهه بس موهيج عايفهه...

... هههه خاله تريدين اكله نام وياهه ترى ما اعرف شحجي لادخلوني بهاي الهوسه انتي بنفسج قنعتيني اقبلي وكلتي صار 9 سنوات مامتقربلهه هسه من اتزوجنه تريدين ينطيهه حقهه الشرعي......