البارت العشرون...
#اسمعني صوتك
# للكاتبه روزايه...
بيسان.... مايكدر يفتحه عيونه بس صوته العذب الي اول مره اسمعه وهو يصيح باسمي بيسان بيسان....
الكل اتجمع يم راسه ودموع الفرح تنزل الا اني واكفه بعيد ورجليه احسهه صارت خيوط اثر الصدمه من حجه ونادى باسمي ...
التفت عليه عمي ومدلي ايده تعالي عمي تعالي خلي يشوفج ترك روحه بيج...
تقربت يم راسه كوه يفتح عيونه مثل النعسان ساكت ماحجه شي بس لزمت ايده وبسته من راسه حته دمعتي وكعت على كصته ....
خابروا الطبيب يجي يشوفه وضلوا بس هم يمه واحنه كلنه نزلنه جوه جسمي يرجف من الفرحه شمرت نفسي بحضن خالتي وهي تبجي واني ابجي اريد اصرخ اريد اعبر عن شعور الفرح الي بداخلي ....
نزل احمد كال راح ناخذه للمستشفى يفحصون كلبه ويسووله مفراس وان شاء الله ماكو شي....
بس طلعوا ركضت للغرفه فتحت الشبابيك وشلت الفرشه والمخده وكولشي غيرت عطرتهه سويتهه غرفه عروس لحبيبي....
مناك وخابروا كالوا راح ندخله يومين يله خاف تصير مضاعفات عنده حيل قلقت لحيت على عمي كال والله مابي شي بس للامان ...
بيوم الي طلعوا منتظره شوكت يجون تاخروا هواي يله اجو واكفه على الدرج واباوعله يمشي بطوله الحلو بس بتثاقل وكانما دايخ ونعسان ردت انزل وبطلت لان صبا اشرتلي لاتنزلين هو راح يصعد...
رجعت للغرفه افتر بيهه طول وعرض سمعت صوت احمد وهو يصعده ويكله على كيفك امشي فتح الباب تلكيته ما اكدر احجي العبره خانكتني...
نومه على الجربايه وطلع وكال اني اجي كل 6 ساعات انطي علاجه لان احمد يشتغل بالصحه ...
بس طلع احمد شمرت نفسي بحضنه وبجيت اريد اكله الحمدلله ع سلامتك بس ماجاي تطلع الكلمه حسيت ايده وهي تتغلغل بشعري وحجه بنبره هادئه ....
... كافي دموعج تأذيني
... مراد اشتاقيتلج مراد احبك اجيت اموت وانت هيج حالتك...
... كافي بيسان موهسه نحجي تعالي نامي بحضني العلاج مدوخني ....
... خليت راسي على صدره والهدوء مسيطر احسه ماعنده قابليه للحجي وبعد يريد ينام جسمه نحلان ....
ماكدرت انام من الفرحه بس هو اثر العلاج غفه وغط بالنوم واني اباوعله ساعات...
رفعت ايده الي مخليهه على كتفي ورحت للحمام حضرتله ملابسه حته يسبح ....
باوعت للساعه صار 5 ساعات نايم واسمع الهوسه جوه والناس جايه خطار بس عمي مايقبل واحد يصعدله ...
رحت كعدت يم راسه العب بشعره وابوس بي حته يكعد حرك راسه يمنى ويسرى بس اني لزكت الا كعدت...
أنت تقرأ
اسمعني صوتك
Misterio / Suspensoلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
