البارت السابع عشر....
#اسمعني صوتك
# للكاتبه روزايه...
يبنيآت بديرتنة آلعشـگ جذآب لتسـمـعن آغآنيهم......
....
بيسان.... من شفت عمي وكع ولاول مره اسمع صوت صياح ويبو اخذ التليفون ايهاب وطلع يخابر برا والكل مجتمع فوك راس عمي الا اني واكفه بالزاويه واحس نفسي بكابوس ....
صارت هوسه وكلهه تبجي اخذوا عمي للمستشفى وما اعرف مراد شبي اخذتني رجليه على ايهاب وهو يريد يطلع ...
... ايهاب وين مراد لادكول بي شي..
... ماندري يابيسان طاكه عليهم عبوه ومالاكيلهم اثر...
... صوت ايهاب صار ذبذبات باذني وبي ومايختفي ماكدرت انطق حرف واحد بسرعه وكعت....
فزيت واني بحضن ام ايهاب وهي تبجي وتصيح ابني شمعه البيت ياابو طول الحلو ....
مااكدر اعبر عن الي بداخلي بالكلام مثلهن واحجي بس ابجي واحس النار تطلع من صدري شويه واتجمعت الناس علينه ....
كل الي اطب تصيح يبوو واني اسد اذاني لا مراد مامات مايعوفني هيج ويروح ....
ماطلعت يمهن ضليت بغرفتي وقفلت الباب عليه افتر بالغرفه واحاجي بي افتح الكنتور واحضن بملابسه واشم عطره ...
ساعته بمكانهه من الليله الي صرت مرته نزعهه وخلاهه على الجربايه ماشلتهه ابد دفنت راسي بالمخده واني اشهك واصيح اريد مراد وينك لاتعوفني....
ايام عصيبه حيل مرت عليه لا اكل ولا انام مراد بين عيوني صاير كلساع اتذكره من يلمني باحضانه ويدغدغني بلحيته واني اضحك ....
اااخ يامراد تعلقت بيك صار 6 اشهر اني وياك احس روح وحده اني وياك ليش ياربي ماتهنيت بي صار اسبوع بس من شفت الراحه بعيونه.....
ام ايهاب ماقبلت تسوي فاتحه حالتهه تبجي العدو صارت مثل المريضه ليل نهار تصيح راح يجي مراد راح يجي....
اني تركت الدوام مااكدر حته اطلع من الغرفه دموعي ماتوكف ابد ولا كلبي يهدء احس نار ومشتعله بيه .....
وحيده غرييه ماعندي احد حته الي يجي مايسال عليه اسمعهم يكولون شعليهه ترجع لاهلهه بس ياحسافه شبابه الي راح انوبه تزيد النار بيه ...
اكعد املخ شعري اجره بيدي اهلسه تهلس اريد شي يرتاح كلبي بي اريد اعبر عن حزني بس مومثلهم اكدر اسوي....
مر على فراك مراد 25 يوم واي خبر ماكو لا عدل ولاميت يوميه اعاتبه بليل واكله اني زعلانه عليك شلون عفتني موكلت احبج وتعلقت بيج لعد بسهوله رحت ....
يوم منهن كاعده فوك واسمع هوسه جوه وصوت بجي وصوت ام ايهاب وهي تصيح ولكم ابني عمت عيني عليك يامراد....
نزلت اركض حته بدون حجاب امشي واتعثر بخطواتي اشوفهه كلهه مجتمعه اجت عيني على امال واكفه تبجي اريد احجي واكول شصار الساني انعكد ....
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
