اسمعني صوتك

البارت 32

البارت الثاني  والثلاثون...
#اسمعني صوتك
# للكاتبه روزايه...

گتله شلونه وضعك ؟
دمعت عينه !
بچة وگال اليفگدك
الله الي يعينه !
گتله الله يسلمك عوفنا من الراح ،
حطب صارت الشجرة البيها اسامينا....

....

مروه... اني لازم احجي وكلكم تسمعوني مسك بريئه ولا مدت ايدهه ....

هشام... بنت عمي شتحجين انتي ويباوعلهه بخزر وكانما يكولهه اسكتي ....

مروه... هاي الحقيقه مسك مامدت ايدهه فطيمه وساره وسهى
هددني اذا ما اسوي هيج يذبني بتهمه وكالن حته نوصلهه لابوج...

هشام... ماكو هيج حجي هاي هسه خفتي من زيد وذبيتهه براسهن ...

مروه... لا ماذبيته براسهن هاي الحقيقه من زمان كالن حته سحر نسويلهه...

فطيمه... ترى هاي مهزله وماصايره شنو هالحجي زيد متكدر لنسوانك يمعود وحده تبوك ووحده تجذب...

مروه... خافي ربج فطيمه شكم مره كتيلي لازم يطلك مسك ليش تنكرين وتمشريهه براسي...

فطيمه... والله يامروه هسه اروح لابوج واريد اشوفه شلون مايوكفج عند حدج ..

مروه... روحي لابوي لاخر الدنيا المهم انتي وساره وبنتج سويتن هيج ولاتنكرين...

هشام... لهنا وبس زيد اذا ماوكفت مروه عد حدهه اني ابن عمهه اوكفهه تجيب بلواهه وتشمرهه على اختي ومرتي وين صايره هاي شنو مصلحتهه فطيمه....

مسك... صار صوت عالي هذا يحجي وذاك يصيح محمد من جهه وهشام وساره من جهه وكلهه التفت على مروه ومحد صدكهه ...

بهالاثناء كام هشام رفع ايده على مروه يريد يضربهه علت صوتهه بس زيد وكف كدامه ولزم ايده اتلاوى هو ويا شلون تمد ايدك على مرتي ....

الحجيه تصيح وصوت العركه يفشل شتكول علينه العالم اباوعلهم مثل الذئاب واحد ينهش بلاخر دخيلك ربي....

صاحت الحجيه بس ولكم بس عمر ابوكم ما اكل حرام ولا تهمله واحد رجال صايم مصلي مايوم كعد وكال فلان هيج من خلفتكم امداكم وطاح حظ شواربكم الي تكودهه النسوان...

من شافوا امهم هيج سكتوا شفتهه تباوع لزيد ومستهظمه لان هيج اخوته سوو بي صاحت الكل يكعد ويسمعني....

كومي مسك احجيلي ودافعي عن نفسج...

مسك... خاله اني صح يتيمه بس ابوي جان ينحلف براسه مايوم مديت ايدي ولا عيني طمحت بخير غيري انتي نفسج جربتيني صار سنه مااسوي شي اذا ما استاذن منج...

الحجيه... الصبر يارب كومي انتي البلوه مريوه احجي وين دليلج يالعوبه ...

مروه.. اني مسجله تسجيل لكولشي وهاكم اسمعوا .