الحلقة 105 :
حليت عينيا ... نحس فروحي مهدودوة عاللخر ... غزرت للبلاصة مظلمة عاللخر كان ضو متاع القمر ..اللي ضارب من تاقة صغيرة لفوق ... باردة عاللخر ...قمت من بلاصتي نفرك في يديا ...برد موش نورمال ... شكون خطفني و شنوة مصلحتوا من هاذ الشي الكل ..شوي و تحل الباب رجعت بخطوات للتالي ...نحب نعرف شكونو ... باقي نغزر ظلمة ياسر ..منجمتش نشوف وجهو ..باقي يقدم ... ملامحوا بدات تبان ...دوب ما ريتوا تفجعت ... آخر واحد توقعتوا يكون هو ...
اليف؛ م م مرااد !!!
مراد؛ شنوة آنجل آه نقصد اليف المالكي معجبتكش ضيافتنا
اليف؛ شتحب
مراد؛ امممم خسارة عليك تنسا اللي بيناتنا حساب طويل
اليف؛ حساب ؟
ماريا؛ حسابات
اليف؛ مماريااااا!!!!!!!!!
ماريا؛ بوووو تفآجأت حفيدتي الغالية
مراد؛ ههههه ماريا شبيها دغفة هكا
ماريا؛ هههه في بالها نحبها و مقتنعة بيها ...شنوة حطيت في بالك انو ترجع بالساهل و عادي ..،تي ماصدقت خطفك علي .. و ختك هبلت باش نتهنا منكم
اليف؛ تتهناي شعملنالك !
ماريا؛ شعملتوا !! واش ماعملتوش انتو السبب في أنو ولدي مات .. اصلا كان خذا رايي ميتزوجش ال**** متاع امكم شطاحة في بار جابها و تزوج بيها .. و فالتالي طلعتوا كيفها ..هاك بالكرش من واحد طيشك ... و تعمل في طرح متاع بوس مع أمير .. هاذا بلا أنو أوس بن مالك استغلك كيف وحدة **** ...تركح الرجال
مراد؛ خووووويا مات بسببببتك
قدم خبطني بكف ... من قوتي رجعت للتالي تخبط راسي فالحيط .. هزيت يدي ..حطيتها على الدم اللي قاعد يسيح .. غزرتلوا كيف يغلي .. تبسمت و عدلت وقفتي .. و غزرت لماريا
اليف؛ هههه شنوة ماريا من كثرة الرجال اللي تحت يدك اخترت مراد و رجالوا
ماريا؛ هههه موش دغفة راهو الرجال الكل يوصلوا لهدرة لأمير و سراج .. اما مراد لقيتوا و هدفنا واحد موتك .. و .. متخافش اختك موش مطولة..جرعة زايدة و هي ميتة ... ماهي مهبولة شنية فايدتها من المعيشة ...
اليف؛ هههه هذا اللي نجمت عليه انتي
قدمت بخطوات لين جا وجهها مع وجهي ..
ماريا؛ الموت هو أقل تصفية نعملها باش نرتاح ...اللي كيفكم بلاصتهم ديما للتحت مع الزبالة اللي كيفكم
اليف؛ هههههه شنوة عاملة فيها شريفة بنت المالك ...
ماريا؛ بلللع مرااد هاني باش نروح توا ...اعمل فيها للي تحب وريلها اللي يزيد الهدرة شباش يصير فيه...
مراد؛ من غير ما توصي و ال**** وش خدمتهم الشياخة وراها الموت
ضحكت بالصوت و تلفتت ليا هزتني و حطتني ... رجفت بالوقت خايفة على ولدي كان يصير عليه شي .. نعرف توا شي ماهو باش يسلكني من بين يديه ... غمضت عينيا تمنيت كان مجيتش للهوني أصلا ... كلش هو السبب فيه ..كان موش هو راني عايشة حياتي... كبشت في كرشي كثر ... غزرتلوا كيف ينحي فالسبتة متاع سروالوا ... غمضت عينيا و حليتهم ..دوب ماراني واقفة ...الجرح اللي فراسي مزال ينزف ... و مفعول البنج مزال فيا ... احساس خايب حسيتوا ...حسيت اللي انا بالحق باش نفقد ولدي ..حسيت بيه كي قرب ليا ... و هاز السبتة ... بدا يضرب فيا ... وجيعة موش نورمال ... حاولت نخبي ولدي قد ما نقدر ..كلشي جا في ضهري ...الروب تقطعت من اللورة ... حسيت بدوخة ...رما السبتة و خطفني من ذراعي خبطني فالحيط
مراد؛ خوووويا اللي مات بسبتكم انتي اللي دخلت فركست كلش ...لازم تتعذب قبل ...لازم خويا يرتاح في قبرو ..باش تتمنى الموت اليف المالكي ..وصلت تخليه يطلب الزواج منك أه ...انطططططططق حل *** فمك توا ....و رحمة خويا باش نخليك تتمنى الموت كا ثانية ... جبدني جا ورا ظهري قطع الروب ... حكمتوا بيديا جبدني من يدي يجرجر فيا ...طلعنا دروج ...تبان دار حل باب متاع بيت ورماني فيها ...طحت دموعي سبقوني ... غزرتلوا كيف شعل الڨارو ..جبد منو جبدة و غزرلي ...
مراد؛ شنوة عاملة فصل متاع قوة هاك مترجيتنيش ...ماكش خايفة على ولدك ..هه أصلا ولد حرام هو ...موتو كيف حياتو ..
وقف وليت للتالي تلكمت على روحي ...جبدني من شعري ...خبطني على حرف السرير ...دخت خلاص... سمع حس البرا ...
مراد؛ تو نجيك
خرج و قفل الباب وراه ..حاولت ناقف ... نشوف فالدنيا ضباب .. تو يرجع يغتصبني محال نسمحلوا ...كان نموت .. جيت باش نعمل خطوة .. طحت وجيعة كرشي تمشي و تقوا .حسيت بحاجة سخونة كي نزلت بين رجليا ...دمعتي سبقتني ...خسرت ولدي ...ريت موس تحت السرير .. زحفت بالشوي .. نحاول نجبد فيه ...لين جا بين يدي ... تقعدت شوي حطيتوا بين يديا ..دوب ما سمعت الحس يقرب ... عديتوا على مرفق يدي اليسرى ...تبسمت بوجيعة ...و الظلام غطا كلشي
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Actionاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
