دگ گلبي الهة❤

بارت1

هلاووو حبايب گلبي هاي اول قصه الي اريد دعمكم وان شاء الله تنال اعجابكم بقلمي#بنت الاجاويد مااحلل النشر بدون حقوقي

يله نبدي نتعرف ع البطل

السلام عليكم اني جلال عمري34 سنه من ديالى منتسب بالجيش وحاليا حارس أمني بجامعة ديالى. مواصفاتي طولي186 اتمرن كلش هواي لذالك جسمي ضخم وملامحي حاده حواجب ثخان وعيون لونهه عسلي شوارب مرتبات ولحيه خفيفه وسماري خفيف .عايش بس اني وامي والدي متوفي الله يرحمه واختي مزوجه والحمدلله مستقرين .

-⏰دك المنبه الساعه 8 اله ربع

جلال: صحيت ع صوت المنبه باوعت لا ياالله كمزت لبست الزي ونزلت ع السريع لكيت امي داتحضر بالريوك .صباح الخير يمه

ااام جلال: هلا يمه صباح النور تعال اكل الريوك جاهز

جلال: لا يمه اليوم حيل متأخر يادوب الحك هاي المصرف ودير بالج ع نفسج خابري طيبه تجي يمج وبست راسهه وطلعت

أام جلال : الله وياك يمه يحفظك الباري

جلال: سقت بسرعه وصلت الجامعة رحت ركنت السياره بالگراج ونزلت اتمشه
صباح الخير احمد شلونك

احمد (صديق جلال): صباح النور ياهلا شعجب متأخر اليوم

جلال: اي والله خذتني النومه همزين لحكت

احمد: حمدلله المهم بخير .يله تعال نتريك لعد

جلال : يله امشي
------------------------------------------

نورهان: لچ ليان لخاطر الله وين صرتي فضيهة الخط دينتظر

ليان: شبيچ كضه عمرچ مستعجله وجه الطسة خليني اكمل ع راحتي والله شدهتيني

نورهان : ديله يابة هيه مال اتكملين ع راحتچ مو زين باقي يجينة ابو الخط ع هذا تأخرچ شگد فاهيه ياالله .

ليان : دولي عباس المستعجل كام يخطب يله امشي كملت.. طلعنه وصعدنه بالخط .وصار الوقت حته اعرفكم ع نفسي

--اني ليان من بغداد عمري 19 سنه طالبه جامعيه مرحله اولى .مواصفاتي طولي158 عيوني كبار برموش كثيفه
ملامحي متناسقه عندي غمازه بخدي الايسر بشره حنطيه وجهي مدور شعري طويل اسود وجسمي مخصر .عائلتي متكونه من ابويه وامي احنه 3 خوات اثنين مزوجات وبقيت اني ادرس و2 اخوان اصغر مني . اني حاليا عايشه يم بيت خالي بديالى من بدت الدراسه لان همه اقرب للجامعه من اهلي وماعدهم احد بس نورهان العوبه واخوهه اصغر من عدنه ف ارتاح يمهم .وماحس اله كفخه ع راسي ااخ شبيچ

نورهان: حته متكولين عوبه بعد .معليكم بيهه هاي مأثره عليهه كعدت الصبح خل اعرفكم ع نفسي .

اني نورهان بنت خال ليان من ديالى اني وليان نفس العمر ومواصفاتي طولي 160 عيوني كبار وملامحي حلوه😻 شعري همات طويل اسود تقريبا بيناتنه شبه اني وليان لان وين منمشي يكولون انتن خوات وعائلتي صغيره مثل ماحجتلكم ليان

وهسه كافي تعريف صار لازم ندخل محاضره يله ليان

ليان: اي اي داامشي شبيچ شكد شاطره ع الاساس.. . دخلت كل وحده لقسمهه وخلص الدوام لا شيء جديد هسه انتظر نورهان تطلع حته نرجع للبيت .

نورهان: ااخ يمه شهل التعب هذا امشي امشي تره متت حر .

ليان: لعد شداسوي مو دامشي شگد ثوله اكيد ماراح ابقه هنا.

نورهان: اذا ع هذا مشييچ ماراح نوصل لليل اسرعي جنچ حلزون.

ليان: شسوي اشد محرك تره مابيه امشي اسرع من هيج مو تعرفين هذا مشيي ... رحنه نتمشه للخط وهاي كلساع اترزلني اوووف .

-يالفاهية😻
-حلوه الفهاوه البيج 💋
-هيه العذبت روحي وگلبي🙈

بارت قصير تعريفي انتظروني ببارت اطول اذا شفت تفاعل حبايب گلبي اريد دعم هاي اول قصه الي بقلمي#بنت الاجاويد😻