بقلمي#بنت الاجاويد👑
" رأيتها وتوقف كل شيء
توقف الوقت والهواء والطيور
بدأت الاصوات تتعالى
اصوات غريبة لم اسمعها سابقا قط
لقد بدى علي القلق ويتزايد شيئا فشيء
لم اعلم مصدره
بدأت بالبحث عن الصوت الذي يدوي في مسمعي
يميناً، شمالاً، خلفي وامامي لا يوجد مصدره
تعبت وتهالكت
جلست لأخذ نفساً وعلمت ان الصوت قريب مني
قريب من روحي وجسدي
الصوت صادر من يسار صدري
صوت ذلك الشيء الذي يدعى قلب
ومنذُ لحظتها علمت انني مُلك لغيري
رفعت رأسي لابحث عن مالكه فوجدتها
هي نعم انها هي وحدها من ملكتني " *
ليان: وصلت يم هذ الأمن وجان اعثر عثرة ياويلتاه مااتمناهة لعدوي انلوت رجلي وردت اوكع اتمسكت بأيد نورهان وانجرت وياي رادت توكع فوكاي بس أداركت الموقف ولزمت ايدي عتتهة حيل حسيتهة أنملخت أذتني بس سكتت ماكدرت اصيح وايدي الثانية بالكاع اتكأت عليهة كومتني ع كيف ونكتت ملابسي من التراب والرايح والجاي يصيح الله الله الحرارة صعدت الراسي من الفشلة صرت بنص هدومي وعيوني غوركت بس ارمش تنزل دموعي كمت واني اعرج من رجلي وماحاسة بيهة بكد ماحسيت بالفشلة وتمنيت الكاع تنشك وتبلعني ماعرف ليش عيوني اخذتني لابو عيون حلوه وردت اشوف ردة فعلة اكيد هسة دايضحك عليه طبعا بنية ووكعت كدامة شترجة منة صرت مسخرة هسة التفتت وشفت العكس جان مركز ع مشيتي و نظراتة عبارة عن خوف وقلق وحيره ووكفتة بتوتر كأنو يسئلني خوما تأذيتي . ماعرف ليش تولد بداخلي شعور الفرح مجرد شفتة هيج ابتسمت لااراديا ثواني ووعيت ع نفسي عزززاا اني شسويت وليش التفتلة اصلا وشنو يهمني اذا ضحك او لا وليش تولد هذ الشعور وفوكاهة شلون ابتسمله رجعت عيوني ع الطريق ومسحت دمعتي بطارف اصبعي اوووف يا بلوة حياتي خليتني بدوامة ومشاعر متخربطه .
نورهان: ليان تأذيتي رجلج داتوجعج ليش البجي حبيبي خلينة نرجع لعد .
ليان: لا دابجي من الفشلة مو من الوجع.
نورهان : صدك عقلج صغير يمعودة قابل اول حدة توكعين كولي ياالله.
ليان: اي صيري بمكاني وكتهة تعرفيت العقل الصغير ع اصولة.
نورهان:انتي لعد مو ردتي توكعيني فوكاج الله لو واكعين اثنينة شيصير قابل التحالف حلو ويجي الحلو مالتي يشيلني والبلوة مالتج يشيلج وهيج نرتفع بالهوة
ليان: صدك ضحكتني سالفتهة ههههههه مال اللطم خيالج واسع كولش غير نصير فرجة بعدين تعالي شلون ملختي ايدي والله لسة توجعني عبالك شوف شنو مو ايد اليشوفج بهل الانوثة ميكول عدهة هيج قوة .
نورهان: عوذه منج قل اعوذ برب الفلق وضليت امسح ع ايدي فوك مانقذتج يالفاهية .
ليان: ديلة عيني خفي علينة مسويه عمل بطولي .
أنت تقرأ
دگ گلبي الهة❤
Romanceقصة حب عراقيه لشاب ثلاثيني عسكري يقع في حب طالبة جامعية يا ترى هل ستبادله الشعور؟؟ تابعو... مااحلل لاي شخص نشر القصه بدون حقوقي او ينسبهة الة(ذمه) القصة خيالية مع بعض المواقف الحقيقية
