عانقني بلهفة حب وحنين واشتياق
لعلي اجد في الغياب طعم المرار
تبسم وتهامس بضيق الفراق
خذني واسرقني في وضح النهار
اهديني نجما،اهديك قمرا براق
كون لي طربا يعزف بين الاوتار
كون لي قلم يكتبني بمعجم من الأوراق
كون لي وعدا يرتل بيوت من الاسرار
فاليوم الذي يمر من دونك لا يطاق
أحبك دوما يا من أحسنت بك الاختيار❤❤
┏━━━💞💞━━━┓
بقلمي #بنت الاجاويد
┗━━━💞💞━━━┛
ليان: دگ فوني رقم غريب عفتة ماجاوبت ضل يلح استغربت فتحت خط،بس ماحجيت اله اسمع الصوت يلة اذا ولد اسدة
تبارك: الوو سلام عليكم
ليان: همزين بنية وعليكم السلام تفضلي منو
تبارك: اني تبارك بنت خالتة لجلال
ليان: اها تبارك اهلا وسهلا حبيبتي شلونج
تبارك: بخير كلبي انتي شلونج اخبارج
ليان: حمدلله عمري احم شعجب مذكرتني
تبارك: حقج علية والله واسفة ماحاجية وياج بس هسة جايتج وماعرف شلون ابدي الموضوع حيل فشلانة منج والله
ليان: لا كلبي احجي بدون تردد اسمعج
تبارك: ليان سمعيني للاخير لتقاطعيني
ليان: تمام
تبارك: تعرفين من حجت وياج زينب اني جنت امنعهة لان ادري تغثج بالكلام جنت اكلهة عوفيهم ليش تخربين بيناتهم بس هية جانت متسمعني طايشة وتعاند الة تسوي بالراسهة وماعرف من شوكت عدهة مشاعر تجاه جلال لان جنة دائما مشاكل اني وياهة بحكم اكبر منهة وامنعهة عن الغلط ف هية ابتعدت عني وعبالهة اكرهة من احجي هيج متاخذهة بنصيحة ف هسة ليان هية مسويتلكم سحر بس والله ماعدنة علم بيهة يشهد الله سمعتهة بالصدفة تحجي واهلي جوي كسروهة واعترفت ضامتة بالخشب مال الجرباية دوريهة زين ومنعرف شلون راح نواجهكم حيل خجلانين منكم بعد عملتهة هاي ونعتذر بدلا عنهة
ليان: بعد كل السمعتة بجيت ماعرف لان طلع صدك موجود وجلال متأذي منة ماعرف فرح لان راح نخلص من هل العذاب ونرجع مثل اول ماعرف قهر لان اكو عالم تخرب بيوت من وره طيشهم وانانيتهم مدعين باسم الحب بس اني اعتبرة مرض نفسي الي يخرب حياة غيرة وفرحان لان سوة هيج خذت نفس ومسحت دموعي اني اشكرج لان جيتي حجيتي لو غيرج مسويهة وتنطي باختهة بس انتي اصيلة وع نياتج تحبين الخير لغيرج مثل متحبينة لنفسج يكفي وكفتو بوجهة وحجيتو اني يم اهلي هسة اخابر جلال يجي ياخذني ونطلعة ليضل بالج
تبارك: سديتة خجلانة منهة ابوية مخلي ايدة ع راسة وكاعد وامي بس صافنة زينب محبوسة بالغرفة واني حايرة بيناتهم
كولشي توقعت منهة الة السحر لا ع البال ولا ع الخاطر
أنت تقرأ
دگ گلبي الهة❤
Romanceقصة حب عراقيه لشاب ثلاثيني عسكري يقع في حب طالبة جامعية يا ترى هل ستبادله الشعور؟؟ تابعو... مااحلل لاي شخص نشر القصه بدون حقوقي او ينسبهة الة(ذمه) القصة خيالية مع بعض المواقف الحقيقية
